ಮಂಗಳೂರು: “ಶಿಕ್ಷಣ ವ್ಯಕ್ತಿಲೆ ಪರಿಪೂರ್ಣತಾ ಆನೀ ಸರ್ವತೋಮುಖ ಅಭಿವೃದ್ಧಿಕ ಪ್ರಮುಖ ಅಂಗ ಆಸಾ, ವಿದ್ಯಾರ್ಥಿಯಾನಿ ಶಾಲಾ ಕಾಲೇಜಾಂತು° ಗುರುಂಗೆಲೆ ಮುಖಾಂತರ ಏಕಾಗೃತಾ ಆನೀ ಕಠಿಣ ಪರಿಶ್ರಮಾನ ಅಧ್ಯಯನ ಕೆಲ್ಯಾರಿ ಮುಕಾವಯಲೆ ಜೀವನಾಂತು° ಯೆವಚೆ ಖಂಚೇಯ ಅಡಚಣ ಪಾರ ಕರನು ಸಮಾಜಾಂತು° ಆದರ್ಶ ಮಾದರಿ ವ್ಯಕ್ತಿ ಜಾವಚಾಕ ಸಾಧ್ಯ” ಮ್ಹಣು ‘ವಾಟಿಕ ಇಂಟರ್‌ನ್ಯಾಷನಲ್’ ಟ್ರಾವೆಲ್ಸ್ ಹಾಜಿ ಮಾಲಕಿ ವಾಟಿಕಾ ಪೈ ಹಾಂನಿ° ಸಾಂಗಲೆ°. ಬೆಸೆಂಟ್ ರಾಷ್ಟೀಯ ಪದವಿ ಪೂರ್ವ ಕಾಲೇಜಾಚೆ ವಾರ್ಷಿಕೋತ್ಸವಾಂತು° ಮುಖೇಲ ಸಯ್ರಿಣಿ ಜಾವನು ತಾಂನಿ° ಅಶೆ° ಸಾಂಗಲೆ°. ಕಾಲೇಜಚೊ ಸಂಚಾಲಕ ಬಿ. ಗಣೇಶ್ ಕೃಷ್ಣ ಭಟ್ ಹಾಂನಿ° ಸ್ವಾಗತಾಚೆ° ಉತ್ರ° ಸಾಂಗೂನ ಸೊಯ್ರೆಲೊ ವಳಕ ಕರನು ದಿಲೊ.
ಪ್ರಾಂಶುಪಾಲ ಡಾ| ನಾಯಕ್ ರೂಪ ಸಿಂಗ್ ಜಿ. ಹಾಂನಿ° ವರದಿ ವಾಚಲಿ. ವಿದ್ಯಾರ್ಥಿ ಸಂಘಾಚೊ ಮುಖೇಲಿ ನವನೀತ್ ಎಸ್. ಸನಿಲ್ ಹಾಣೆ ವಿದ್ಯಾರ್ಥಿ ಸಂಘಾಚಿ ವರದಿ ವಾಚಲಿ. ವಿಮೆನ್ಸ್ ನ್ಯಾಷನಲ್ ಎಜುಕೇಶನ್ ಸೊಸೈಟಿ ಹಾಜೊ ಅಧ್ಯಕ್ಷ ಕುಡ್ಪಿ ಜಗದೀಶ್ ಶೆಣೈ ಸಾಭೆಚೆ ಅಧ್ಯಕ್ಷ ಆಶಿಲೆ. ಕಾರ್ತಿಕ್ ಶೆಣೈ ಆನೀ ಲಕ್ಷ್ಮಿ ಜಿ. ಹೆಗ್ಡೆ ಹಾಂನಿ° ಸೂತ್ರ ಸಂಚಾಲನ ಕೆಲೆ°. ಉಪರಾಂತ ವಿದ್ಯಾರ್ಥಿಯಾಲೆ° ಸಾಂಸ್ಕೃತಿಕ ಮನೋರಂಜನ ಕಾರ್ಯಕ್ರಮ ಚಲೊ. ಕಾಲೇಜಾಚೆ ಆಡಳಿತ ಮಂಡಳಿಚೆ ಕಾರ್ಯದರ್ಶಿ ಕೆ. ದೇವಾನಂದ ಪೈ, ಬೆಸೆಂಟ್ ಆಂಗ್ಲ ಶಾಲೆಚೆ ಸಂಚಾಲಕ ನಗರ್ ನಾರಾಯಣ ಶೆಣೈ, ಸಂಧ್ಯಾ ಕಾಲೇಜಾಚೆ ಸಂಚಾಲಕ ಸತೀಶ್ ಕುಮಾರ್ ಭಟ್, ಶೈಕ್ಷಣಿಕ ಸಲ್ಲಾಗಾರ್ತಿ ಲಲಿತಾ ಜಿ. ಮಲ್ಯ, ಆಂಗ್ಲ ಶಾಲಾ ಮುಖ್ಯೋಪಾಧ್ಯಾಯಿನಿ ಶಾಂತಿ ಲೋಬೊ, ಬೆಸೆಂಟ್ ಕನ್ನಡ ಮಾಧ್ಯಮ ಪ್ರೌಢಶಾಲಾ ಮುಖ್ಯ ಶಿಕ್ಷಕಿ ಚಂದ್ರಿಕಾ ಕೆ. ಎ., ಬೆಸೆಂಟ್ ಹಿರಿಯ ಪ್ರಾಥಮಿಕ ಶಾಲೆಚೊ ಮುಖ್ಯ ಶಿಕ್ಷಕ ಪವಾರ್, ಬೆಸೆಂಟ್ ಸಂಧ್ಯಾ ಕಾಲೇಜಾಚೊ ಪ್ರಾಂಶುಪಾಲ ಡಾ| ಲಕ್ಷ್ಮಿ ನಾರಾಯಣ ಭಟ್, ಎಂ. ಎಸ್. ಎನ್. ಎಂ. ಬೆಸೆಂಟ್ ಇನ್ಸ್ಟಿಟ್ಯೂಟ್ ಆಫ್ ಪೋಸ್ಟ್ ಗ್ರಾöಜ್ಯುವೇಟ್ ಸ್ಟಡೀಸ್ ಹಾಜೊ ನಿರ್ದೇಶಕ ಡಾ| ಮೋಲಿ ಚೌಧರಿ ಆನೀ ಹೇರ ಉಪಸ್ಥಿತ ಆಶಿಲೆ.
