ಮಂಗಳೂರು: ಹಾಂಗಾಚೆ ಕೊಂಕಣಿ ಸಾಂಸ್ಕೃತೀಕ ಸಂಘ (ರಿ) ಹಾಂಗೆಲೆ ಆಶ್ರಯಾರಿ ಸೊಯ್ರೆ ಕಲಾವಿದ ಆನಿ ಸಂಘಾಚೆ ಸದಸ್ಯಾನ ನಟನ ಕರನು ಖೇಳಚೆ ಕೊಂಕಣಿ ನಾಟಕ "ಸಂತ ಜ್ಞಾನೇಶ್ವರ" (ಸಂಜೀವನ ಸಮಾಧಿ) ಹಾಜೆ° ಪ್ರದರ್ಶನ ಜೂ. 17ಕ ಸಾಂಜವೇಳಾ 5.00 ಘಂಟ್ಯಾಕ ಕುದ್ಮುಲ್ ರಂಗ ರಾವ್ ಪುರಭವನಾಂತು° ಪ್ರದರ್ಶನ ಜಾವಚೆಂ ಆಸಾ. ನಾವಾದಿಕ ರಂಗಕರ್ಮಿ ಗುಲ್ವಾಡಿ ರಾಮದಾಸ್ ಹಾಂನಿ° ಬರೊವನು ನಿರ್ದೇಶನ ಕೆಲೆಲೆ ಹ್ಯಾ ನಾಟಕಾಕ ವೈವಿದ್ಯಮಯ ವೇದಿಕಾ ಆನಿ ಚಮತ್ಕಾರಿ ದೃಶ್ಯ ಸಂಯೋಜನಾ ಆಸತಲೆ ಮ್ಹಣು ಸಂಘಾಚೊ ಅಧ್ಯಕ್ಷ ಮಣೇಲ್ ಗಜಾನನ್ ಶೆಣೈನ ಕಳಯಲಾ°. ನಾಟಕಾಕ ಪ್ರವೇಶ ಫುಕಟ ಆಸಾ.

ಮಂಗಳೂರು: ಹಾಂಗಾಚೆ ಮಣ್ಣಗುಡ್ಡೆಂತು° ಆರ್ಥಿಕ ನದರೇನ ಬರೆ°, ಉಂಛ ದರ್ಜೆಚೆ° ಗೋಕುಲ್‌ಧಾಮ್ ವಸತಿ ಸಮುಚ್ಚಯ ಹಾಜೆ° ಉಗ್ತಾವಣ ಜೂ. 04ಕ ಚಲೆ°. ಮ್ಹಾಲ್ಗಡೆ ಜಾವನು ಆಸಚೆ ಶ್ರೀನಿವಾಸ ಪೈ ಆನಿ ಸದಾಶಿವ್ ಹೆಗ್ಡೆ ಹಾಂನಿ° ರಿಬ್ಬನ್ ಖಾತೊರನು ಉಗ್ತಾವಣ ಕೆಲೆ°. "ಗೋಕುಲ್‌ಧಾಮ್ ವಸತಿ ಸಮುಚ್ಚಯ ಮಣ್ಣಗುಡ್ಡ ಪರಿಸರಾಂತು° ಲೆಕಿಲೆ ಪಶಿ ಚಾಂಗ ದರ್ಜೆಚೆ° ಬಾಂದಪ ಆಸೂನ ಸುಂದರ ನಿರ್ಮಾಣ ಜಾಲಾ°. ಹಾಂಗೆಲೆ° ಇಮಾರತ° ಸಾಂಗಿಲೆ ಪಶಿ ಪಯಲೆಂಚಿ ತಯಾರ ಜಾತಾತಿ. ಸಂಸ್ಥೆಚಿ° ಉಕಾವಯಲೆ ಯೋಜನಾಕಯೀ ಬರೆ° ಜಾವೊ" ಮ್ಹಣು ಶುಭ ಮಾಘಲೆ°. ವಕೀಲ ಗೋಪಾಲ್ ಮಣಿಯಾಣಿ ಹಾಂನಿ° ಮಿನಿ ಥಿಯೇಟರ್ ಆನಿ ಜಿಮ್ನಾಷಿಯಮ್ ಹಾಜೆ° ಉಗ್ತಾವಣ ಕೆಲೆ°. ಪ್ರಮೋಟರ್ ರಾಮ್‌ಮೋಹನ್ ಹೆಗ್ಡೆ, ಕೆ. ವಿಕ್ರಮ್ ಪೈ, ಸುದಿನ್ ಕುಮಾರ್, ಯೋಜನೆಚೆ ಮುಖ್ಯಸ್ಥ ಗುರುದತ್ತ ಶೆಣೈ, ಮಂಗಲ್‌ದೀಪ್, ಮಹೇಶ್ ಶೆಟ್ಟಿ ಆನಿ ಹೇರ ಉಪಸ್ಥಿತ ಆಶಿಲೆ.

ಮಂಗಳೂರು: ಜಿ.ಎಸ್.ಬಿ.ಮಹಿಳಾ ವೃಂದ (ರಿ), ಮಂಗಳೂರು, ಹಾಜಿ 2023-24 ವರಸಾಚಿ ಮಹಾ ಸಭಾ ಗೋಕರ್ಣ ಮಠಾಚೆ ಸಭಾಗೃಹಾಂತು ಮ್ಹಾಲ್ಗಡಿ ಸದಸ್ಯಾ ಮರೋಳಿ ಸಬಿತಾ ಕಾಮತ್ ಹಾಂಗೆಲೆ ಮುಖೇಲಪಣಾರಿ ಚಲಿ. ನಿಕಟಪೂರ್ವ ಅಧ್ಯಕ್ಷಾ ರಾಧಿಕಾ ಕಾಮತ್ ಹಾಂನಿ ನೂತನ ಅಧ್ಯಕ್ಷಾ ನಯನಾ ರಾವ್ ಹಾಂಕಾ ಅಧಿಕಾರು ಹಾತಾಂತಾರ ಕೆಲೊ. ನೂತನ ಅಧ್ಯಕ್ಷಾನ ರಾಧಿಕಾ ಕಾಮತಿಕ ಫಲ, ಯಾದಸ್ತಿಕಾ ದೀವನು ಸಮ್ಮಾನು ಕೆಲೊ.

ಉಪಾಧ್ಯಕ್ಷಾ ಜಾವನು ಪೂರ್ಣಿಮಾ ಭಂಡಾರ್ಕಾರ್, ಕಾರ್ಯದರ್ಶಿ ವಿಜಯಲಕ್ಷ್ಮಿ ಕಾಮತ್, ಸಹ ಕಾರ್ಯದರ್ಶಿ ಮಮತಾ ಕಾಮತ್, ಕೋಶಾಧಿಕಾರಿ ವಸುಧಾ ಬಾಳಿಗಾ ಆನಿ ಸಹ ಕೋಶಾಧಿಕಾರಿ ಜಾವನು ಮೀನಾಕ್ಷಿ ಎನ್. ಪೈ ವಿಂಚೂನ ಆಯಿಲಿಂತಿ. ಮರೋಳಿ ಸಬಿತಾ ಕಾಮತ್, ಎ. ಗೀತಾ ಕಾಮತ್, ಚಂದ್ರಿಕಾ ಮಲ್ಯ, ಪ್ರಭಾ ಪೈ ಆನಿ ಗೀತಾ ಸಿ. ಕಿಣಿ ಸಲಹಾ ಸಮಿತಿಚೆ ಸಾಂದೆ ಜಾವನು ನೇಮಕ ಜಾಲಿಂತಿ. ತಶೀಂಚಿ ರಾಧಿಕಾ ಕಾಮತ್, ಪ್ರತಿಮಾ ಪ್ರಭು ಆನಿಕ ಗಾಯತ್ರಿ ಪ್ರಭು ಹಾಂನಿ ಕಾರ್ಯಕಾರಿ ಸಮಿತಿಚೆ ಇತರ ಸಾಂದೆ ಜಾವನು ನೇಮಕ ಜಾಲಿಂತಿ. ಕೋಶಾಧಿಕಾರಿ ವಸುಧಾ ಬಾಳಿಗಾ ಹಾಂನಿ 2022-23 ವರಸಾಚೆ ಲೇಕ ಪೋಕ ಮಂಡನ ಕೆಲೆ. 2023-24 ವರಸಾಚೆ ಲೆಕ್ಕ ಪರಿಷೋಧಕ ಜಾವನು ನಕುಲ್ ಪೈ ಹಾಂನಿ ನಿಯೋಜಿತ ಜಾಲಿಂತಿ. ನೂತನ ಅಧ್ಯಕ್ಷಾನ ಸಗಟ ಸಾಂದೆಲಾಗಿ ಸಹಕಾರು ಮಾಗಲೊ. ತಿಗೆಲೆ ಅಧ್ಯಕ್ಷಾವಧಿಂತು° ಖೂಬ ಸಮಾಜ ಸೇವಾ ಕರಚೊ ವಿಶ್ವಾಸ ಆಸಾ ಮ್ಹಣು ತಿಣೆ ಸಾಂಗಲೆ°. ನಿರ್ಗಮನ ಅಧ್ಯಕ್ಷಾ ರಾಧಿಕಾ ಕಾಮತಿನ ತಿಗೆಲೆ ಅಧಿಕಾರಾಚೆ ಅವಧಿಂತು ತಿಕಾ ಸಹಾಯ ಕೆಲೆಲೆ ಸಗಟ ಸಾಂದೆοಕ ಧನ್ಯವಾದು ದಿಲೊ. ಪೂರ್ಣಿಮಾ ಭಂಡಾರ್ಕರ್ ಹಾಂನಿ ವಾರ್ಷಿಕ ವರದಿ ವಾಚನ ಕೋರನು, ಆಭಾರು ವ್ಯಕ್ತ ಕೆಲೊ. ಸಬಿತಾ ಕಾಮತಿನ ಹೇರ ಪ್ರಕಟಣಾ ಕೆಲೆ°. ಶಾಂತಿ ಪಾಠು ಜಾತರಿ ಸಭಾ ಸಂಪಲಿ. ವೀರ ವಿಠಲ ದೇವಾಕ ಪೂಜಾ ಜಾತರಿ ಪ್ರಸಾದ ರೂಪಾರಿ ಭೋಜನ ವ್ಯವಸ್ಥಾ ಆಶಿಲಿ. ಸಾಬಾರ 120 ಸಾಂದೆ ಹಾಜರ ಆಶಿಲಿಂತಿ.

ಮಂಗಳೂರು: ನಾವಾದಿಕ ದಂತ ವೈದ್ಯ, ಎ. ಬಿ. ಶೆಟ್ಟಿ ಮೆಮೋರಿಯಲ್ ಡೆಮಟಲ್ ಸಾಯನ್ಸಸ್ ಹಾಜೊ ಪ್ರಾಂಶುಪಾಲ ಡಾ| ಯು. ಎಸ್. ಕೃಷ್ಣ ನಾಯಕ ಹಾಂಕಾ° ಎಷಿಯಾ ಪೆಸಿಫಿಕ್ ಡೆಂಟಲ್ ಎಕ್ಸಲೆನ್ಸ್ ಕಮಿಟಿ ಹಾಂನಿ° ದಂತ ವೈದ್ಯಕೀಯ ಕ್ಷೇತ್ರಾಂತು° ಜೀವಮಾನ ಸಿದ್ಧಿ ಪುರಸ್ಕಾರ ಫಾವೊ ಕೆಲಾ. ದಂತ ವೈದ್ಯಕೀಯ ಕ್ಷೇತ್ರಾಂತು° ತಾಂತೂಯಿ ಆರ್ಥೊಡಾಂಟಿಕ್ ವ್ಯವಸಾಯ ಆನಿ ಶಿಕ್ಷಣ ಕ್ಷೇತ್ರಾಂತು° ತಾಂನಿ° ದಿಲೆಲಿ ಸೇವಾ ಮಾನೂನ ಘೆವನು ಹೀ ಪ್ರಶಸ್ತಿ ತಾಂಕಾ° ಫಾವೊ ಜಾಲ್ಯಾ.

ಮοಗಳೂರು: 2005 ವರಸ ದಾಕೂನ ಕರ್ನಾಟಕಾಚೆ ತಟವರ್ತಿ ಜಿಲ್ಲಾ ದಕ್ಷಿಣ ಕನ್ನಡ, ಉಡುಪಿ ಆನಿ ಉತ್ತರ ಕನ್ನಡ ಹಾಂಗಾಚೆ ಶಾಳೆಂತು° ಕೊಂಕಣಿ ಎಕ ತಿಸ್ರಿ ಭಾಸ ಜಾವನು ಶಿಖಚಾಕ ಅವಕಾಶ ಮೆಳೆಲೊ. ಹ್ಯಾ ಆಟ್ರ ವರಸಾಂತ ಪಯಲೆ ಪಾವಟಿ ಎಕ ವಿದ್ಯಾರ್ಥಿನ ಶಂಬರ ಅಂಕ ಜೋಡೂನ ದಾಖಲೊ ಕೆಲಾ. ಮಂಗಳೂರಚೆ ನಲಂದಾ ಆಂಗ್ಲ ಮಾಧ್ಯಮ ಶಾಳೆಚಿ ಪೂರ್ಣಿಮಾ ಪ್ರಭು ಹೀಣೆ ಎಸ್. ಎಸ್. ಎಲ್. ಸಿ, ಪರೀಕ್ಷೆಂತು° ಹೊ ದಾಖಲೊ ಕೆಲಾ.

ಮಂಗಳೂರು: ಹಾಂಗಾಚೆ ಶ್ರೀ ಶ್ರೀನಿವಾಸ ಪಾಠಶಾಳೆಚೆ ನಿವೃತ್ತ ಸಂಸ್ಕೃತ ಪ್ರಾಧ್ಯಾಪಕ ದೇವಾದಿನ ವಿದ್ವಾನ್ ಹೊಸ್ಮಠ್ ಮಾಧವ ಭಟ್ ಹಾಂಗೆಲೆ ಜನ್ಮ ಶತಮಾನೋತ್ಸವಾಕ ಲಾಗೂನ (ಜನನ 27-01-1923) ತಾಂಗೆಲೊ ಪೂತು ಪಟ್ಟಾಭಿರಾಮ ಭಟ್ ಹೊಸ್ಮಠ್ ಹಾಂನಿ° ಸಂಗ್ರಹ ಕರನು ರಚನ ಕೆಲೆಲೆ° "ಮಾಧವ ಸೇವಾ" ಋಗ್ವೇದಿ ಸಂಧ್ಯಾವοದನಾ ಆನಿ ತಂತ್ರಸಾರೋಕ್ತ ದೇವಪೂಜಾ ಪದ್ಧತಿ ಮ್ಹಳೆಲೆ° ಗ್ರಂಥಾಚೆ ಮೋಕಳಿಕ ಬೆಳ್ತಂಗಡಿ ಲೈಲಾ ಶ್ರೀ ವೆಂಕಟರಮಣ ದೇವಳಾಂತು° ವಸಂತೋತ್ಸವ ಮೊಕ್ಕಾಂ ಸಂದರ್ಭಾರಿ ಕಾಶೀಮಠಾಧಿಪತಿ ಶ್ರೀ ಸಂಯಮೀοದ್ರತೀರ್ಥ ಸ್ವಾಮೀಜಿ ಹಾಂನಿ° ಕೆಲೆ°. ದೇವಳಾಚೆ ಮೋಕ್ತೆಸರ ಆನಿ ಹೊಸ್ಮಠ್ ಭಟ್ ಕುಟುಂಬೆಚೆ ಸಾಂದೆ ಉಪಸ್ಥಿತ ಆಶಿಲೆ.

THE ART FORMS OF KONKAN 2:

Vaishakhi – The last day of Buddha’s life

Gautham Buddha lived for 80 years 480 BCE to 400 BCE – I have brought this work Vaishakhi under the Art Forms of Konkan for three very special reasons. Firstly literature is an art form. Secondly this book Vaishakhi was originally authored in Kannad language by a Konkani personality Manjeshwar Govind Pai who lived for 80 years like Buddha (1883-1963) and third very important reason is that this book was superbly translated in to Konkani by another ‘Buddha’ Mandarke Madhav Pai who lived for 90 years (1931-2021) and was an authority on origin of Konkani language and its relationship with Samskrit and Praakrit. The ancestors of both these Pais lived in the heart land of Konkan Gomanthak or Goa and migrated to the coastal Karnataka as seen in the forenames of both Manjeshwar and Mandarke. All the three were apostles of peace and tranquility as their Dharma.

Buddha was born on the full moon day of the month of Vaishakh (Vaishakh Poornima) and died on the full moon day of month of Vaishakh (Vaishakh Poornima) 80 years later. In 2023 Vaishakh Poornima is on May 5^th. The book is on the conversation between Buddha and his students and what he taught them on the last day of his life. The Konkani translation by Mandarke Madhav Pai is a proof of the potency of Konkani language and authority of the translator on Konkani. A sample is given here:

वैशाखी – भगवान बुद्धचो अंतिम दिवस – मंदर्के माधव पै – विश्व कोंकणी केंद्र 2013

  तेंच उत्तम मंगळ, योग्य देशांत वास करन                     180 (page 8)

     उरल्यार जोडिल्लें पुण्य तें जवळ आसल्यार मन

  सन्मार्गाचेर रावल्यार तें पळय उत्तम मंगळ

       विध्या, शील, विनय शिकल्यार चल्यार बरें

  चाल चलणूकान, केल्यार समयोचित भाशण

       तें उत्तम मंगळ, सेवा आवय - बापयची

दे. कस्तुरी देवदास नागेश पै हांका जल्मशतमानाचो नमन

वैशाख शुद्ध पंचमीक 35वे पुण्यतिथीक भावपूर्ण श्रद्धांजली

Centenary tributes Late Kasturi Devdas Nagesh Pai

1922 – 2023

 Founder General Manager of Hotel Moti Mahal 1966-78

Managing Director of New Taj Mahal café Pvt Ltd. 1980 - 88

Grandson of Kasturi Subraya Pai – Founder director of Canara Bank and savior of great plague victims from 1900 to 1910

Son of Director of Canara banking Corporation (Now Union Bank) 1930-34 and Philanthropist late Kasturi Nagesh Pai

कोडियाळचे प्रसिद्ध कस्तुरीकार घराणेचो क्रियाशील व्यक्ती ‘दास माम’ आनी ‘दास अण्णा’ म्हणु व्हळखललो दे. श्री कस्तुरी देवदास पै हांनी New Taj Mahal café Pvt Ltd याने ‘ताजमहाल’ कीर्ती महल आनी मोती महल होटेलाचे आडळित मंडळींत 1948 – 88 मेरेन 40 वरसां सेवा दिल्ली. सामान्य मेनेजर स्थाना दकून Managing Director स्थान मेरेन संस्थेचे उदरगतीक वावर केलो. ‘मोती महल’ म्हळ्ळे त्रीतार होटेल रचवुंक तांनी दिल्ली सेवा आनी त्या कालाचेर नंवें औद्योगिक विचार होटेल क्षेत्रांत सर्व प्रथम Corporate Entrepreneurship म्हणुन नांव पावलें. संस्थेचो स्थापक आपण्यालो मांव कुड्पी श्रीनिवास शेणय हांगेले साथ दिवुन तांगेले उप्रांत संस्थेचो Managing Director स्थान मेरेन पावले. 150 वरसां काल कोडियाळचे रथ बीदींत आशिले तांगेले पूर्वजाले घरांत गौड सारस्वत परंपरेचे श्री कृष्ण जल्माष्टमी, श्री गौरी तय, गणेश चौती, महालयांत पितृ तर्पण, नवरात्रींत सरस्वती पूजा, कुटुंबाचे आनी भायले साबार लोकाले घरांचे चेरडुवांलें शुभकार्यांक आपण्याले घर उदार जावुन दिल्ली सेवा, ग्राम देव वीर वेंकटेशाले आनी गोंयचे पूर्वजाली कुड्तर महामाया देलीलो वरसभर चलचे वेगवेगळे उत्सवांत वांटो घेवुन लोकप्रिय आशिलो दे. कस्तुरी देवदास नागेश पै हांका शतमानचो शत शत प्रणाम आनी वैशाख पंचमीक तांगेले पुण्य तिथीक काळजा सावुन श्रद्धांजली.    

मंगळूर: मणिपालाचो ब्रह्म मळ्ळे कीर्ती फ़ाविलो सिंडीकेट ब्यांक्, कस्तुर्बा वैजकीय कालेज, मणिपाल इंजिनीरिंग आनी देंटल कालेज, मणिपाल हास्पिटल, मणिपाल पवर छापखानो, मणिपाल संगीत आनी कला कालेज, अकाडॆमी आफ़ जनरल एजुकेशन अशें अर्थिक, शैक्षणीक आनी सांस्कृतिक संस्थो, १९७६तुं मणिपालांत अखिल भारतीय कोंकणी परिशदेच्या सम्मेलन, उत्कृष्ट कोंकणी पुस्तक पुरस्कार, अखिल भारतीय कोंकणी नाटक सर्त अशें खूब घडोवुन हाडिल्लो महा चैतन्य पद्मश्री डा. टी.एम.एपै हांची १२५ जयंती मंगळूरच्या सुजीर सि.वि.नायक सभागृहांत घडली.

कठीण परिश्रमान यश जोडता म्हळ्ळें सत्य डा. टी.एम.ए पै हांच्या जीण आनी साधनेचो संदेश अशें घडोवपी समितीव्या अध्यक्ष प्रो.डा. कस्तुरी मोहन पै हांनी तांच्या स्वागत भाषणांत म्हळ्ळें. मणिपाल डा. टी.एम.एपै प्रतिष्टानाचो अध्यक्ष श्री अशोक पै हांनी डा. टी.एम.ए पै हांचे लोकांचे अर्थिक बरेपणाक आनी शिक्षणाक ६० वरसांचे निरंतर श्रमांचे उगडास काडलो. सोयरे आसिले भारतीय रिसर्व ब्यांकाचो आद्लो उप राज्यपाल श्री वी.लीलाधर, डा. रवींद्रनाथ शानबाग, माहे विद्यापीठाचो नियोजित वी.सी. डा. दिलीप नायक, भारत बीडी संस्थेचो आनंद जी पै आनी डा. विंध्या पै हानी उत्रांची नमन केलें. शाळेंत कोंकणी शिकपी छात्रांक शिश्य वेतन वांटलें. वेंकटेश बाळिगा आनी विद्या बाळिगा हांनी कोंकणी आनी इतर भाशेंत भाशण आनी निबंध सर्त चलयलो, उषा मोहन पै हांनीं बोमान वांटप केलो. एम.आर. कामत, गोविंदराय प्रभु हांनी रसप्रश्नो आयोजन केलो.  सुचित्रा शेणय हांनी सूत्र संचालन केलें. एम.आर.कामत हांनीं देव बरे करूं म्हळ्ळें.  खजांची विश्वनाथ भट्ट, माल्घड सदस्य पंडित एम.सुरेंद्र आचार्य, बि.आर.शेणय, विजयचंद्र कामत, माधवराय प्रभु, कुंब्ळे नरसिंह प्रभु, सिंडिकेट ब्यांक माजी जनरल मेनेजर प्रवीण भट्ट, एम.आइ.टी माजी प्राध्यापक जी.डी.रै, केनरा चेंबराचो अध्यक्ष गणेश कामत, के.एम.सी उप प्रांशुपाल श्रीकला बाळिगा, विश्व कोंखणी केंद्राचो अध्यक्ष नण्दगोपाल शेणय, मणिपाल संगीत शाळेचो टी. रंग पै, श्रीमती गीता किणी, मिनाक्षी पै, विद्या पै, प्रतिमा प्रभु, अशें सगळेय सोयऱ्य़ान डा. टी.एम.ए पै हांका पुष्प नमन केलें.

ನಾವಾದಿಕ ಸಿತಾರ್ ವಾದಕ “ಸಿತಾರ್ ರತ್ನ ಶ್ರೀ ಕೊಚ್ಚಿಕಾರ್ ದೇವದಾಸ್ ಪೈ” ಹಾಂನಿ° ಹರ ವರಸಾ ಮ್ಹಣಕೆ ಹ್ಯಾ ಪಾವಟಿ ಸುತಾ ಸಂಸಾರ ಪಾಡ್ವೆ ದೀವಸು ಶ್ರೀ ಮಂಜುನಾಥ ದೇವರು, ಅಣ್ಣಪ್ಪ ದೇವಾಲೆ ಸನ್ನಿಧಿಂತು° ಸಿತಾರ್ ವಾದನ ಕೆಲೆ°. ಹಾಂಕಾ° ವಿರೇಂದ್ರ ಹೆಗ್ಗಡೆ ಹಾಂನಿ° ಶಾಲ ಪಾಂಗರೂನ ಸನ್ಮಾನ ಕೆಲೊ.