Displaying items by tag: Mangalore
ವ್ಹಕಲೆಲೊ ಮೇಕಪ್ ಸ್ಪರ್ಧೊ
ಆಲ್ ಇಂಡಿಯಾ ಹೇರ್ ಅಂಡ್ ಬ್ಯೂಟಿ ಅಸೋಸಿಯೇಶನ್ ಮಂಗಳೂರು ಆರ್ಸಿಒ ಪ್ರೊಫೆಷನಲ್, ಒಲಿವಿಯಾ ಆನೀ ಸಿವಿ ಪ್ರೊಫೆಷನಲ್ ಹಾಂಗೆಲೆ ಜೋಡ ಆಶ್ರಯಾರಿ ವ್ಹಕಲೆಲೊ ಮೇಕಪ್ ಸ್ಪರ್ಧೊ ಚಲೊ. ಹಾಂಗಾಚೆ ಮಾಯಾ ಇಂಟರ್ ನ್ಯಾಷನಲ್ ಹೋಟೆಲಾಂತು° ಘಡಲೆಲೆ ಹ್ಯಾ ಸ್ಪರ್ಧೇಂತು° ಮಂಗಳೂರು, ಕಾಸರಗೋಡು, ಉಡುಪಿ, ಮಡಿಕೇರಿ, ಕಾರವಾರಾಚೆ 45ಕಯೀ ಚಡ ಮೇಕಪ್ ಕಲಾವಿದಾನಿ ವಾಂಟೊ ಘೆತಲೊ. ಯುವ ಪ್ರತಿಭಾ ಪ್ರಥಮ ಬಹುಮಾನ ವಿಜೇತಾ ಸ್ವಾತಿ ಗಡಿಯಾರ್ ಹಾಂನಿ° ಮಂಗಳೂರಚೆ ಮರ್ಸಿ ಅಕಾಡೆಮಿಂತು° ಕಲ್ಚರ್, ಸ್ಕಿನ್, ಹೇರ್ ವಿಷಯಾಂತು° ಡಿಪ್ಲೊಮಾ ಕೆಲಾ ಆನಿ ಬೆಂಗಳೂರಚೆ ಝೋರೇನ್ ಸ್ಟುಡಿಯೋಚೆ ಪ್ರಮಾಣೀಕೃತ ಮೇಕಪ್ ಕಲಾವಿದಾ ಜಾವನು ಆಸಾತಿ. ಹಾಂನಿ° ಮಂಗಳೂರ ಕಾರಸ್ಟ್ರೀಟಾಚೆ "ಫೈನ್ ಟಚ್ ಗ್ಲಾಮ್ ಸ್ಟುಡಿಯೋ" ಹಾಜೆ ಮಾಲಕಿನ ಜಾವನು ಆಸಾತಿ.
ನಾಗರಿಕ ಸೇವಾ ಟ್ರಸ್ಟ್ ಹಾಜೊ ಅಧ್ಯಕ್ಷ ಕೆ. ಸೋಮನಾಥ ನಾಯಕ ಹಾಂಕಾ° ಸ್ವಾಗತ
ಸತ್ಯ, ನ್ಯಾಯಪರ ಝುಜ ಕರತ, ಕೋರ್ಟಾಚೊ ನಿವಾಡೊ ಉಲ್ಲಂಘನ ಕರನು ಅವಿಧೇಯತಾ ದಾಕಯಲಾ ಮ್ಹಳೆಲೆ ತಾಂತ್ರಿಕ ಕಾರಣಾಕ ಲಾಗೂನ ತೀನ ಮ್ಹಯನೊ ಜೈಲಾಂತ ಆಸೂನ ಜ. 30ಕ ಖುಲಾಸೊ ಜಾವನು ಭಾಯರ ಆಯಿಲೊ ನಾಗರಿಕ ಸೇವಾ ಟ್ರಸ್ಟ್ ಹಾಜೊ ಅಧ್ಯಕ್ಷ ಕೆ. ಸೋಮನಾಥ ನಾಯಕ ಹಾಂನಿ° ಜೈಲಾ ದಾಕೂನ ಭಾಯರ ಯೆತನಾ ದ.ಕ. ಜಿಲ್ಲೆಚೆ ಪರಿಸರ ಸಂಘಟನೆಚೆ ಮುಖ್ಯಸ್ಥ, ಕಾರ್ಮಿಕ ಮುಖಂಡು, ದಲಿತ ಸಂಘಟನೆಚೆ ಮುಖಂಡ, ಮೀನುಗಾರರ ಸಂಘಟನೆಚೆ ಮುಖ್ಯಸ್ಥ, ಸಾಮರಸ್ಯ ವೇದಿಕಾ, ಹಿಂದು ಹಿತಚಿಂತನ ವೇದಿಕಾ, ಕರಾವಳಿ ಮಹಿಳಾ ಜಾಗೃತಿ ವೇದಿಕಾ, ಪ್ರಜಾಪ್ರಭುತ್ವ ವೇದಿಕಾ, ದ.ಕ. ಪರಿಸರಾಸಕ್ತರ ಒಕ್ಕೂಟ, ಕೃಷಿಕರ ವೇದಿಕೆ-ಕರ್ನಾಟಕ, ವಿಚಾರವಾದಿ ಸಂಘಟನೆಗಳ ರಾಷ್ಟ್ರೀಯ ಒಕ್ಕೂಟ, ಎನ್ಎಸ್ಟಿ ಪದಾಧಿಕಾರಿ, ಹಿಂದ್ ಮಜ್ದೂರ್ ಸಭಾ, ಸ್ವರದಾ ಸಂಸ್ಥೆ, ಭಾರತೀಯ ಮಜ್ದೂರ್ ಸಂಘ, ಆದಿವಾಸಿಗಳ ಸಂಘಟನೆ ಆನಿ ಸರ್ವಧರ್ಮೀಯ ಲೋಕಾನಿ ಹಾರಾರ್ಪಣ ಕರನು, ಜೈಕಾರ ಘಾಲನು ಗೊಡ್ಶೆ° ವಾಂಟೂನ ಸ್ವಾಗತ ಕೆಲೆ°. 'ನಿಮ್ಮ ಬಿಡುಗಡೆಯೇ ನಮ್ಮ ಬಿಡುಗಡೆ', 'ಅಂಬೇಡ್ಕರ್ ಚಿಂತನೆ ಸಾಕಾರಗೊಳಿಸುತ್ತಿರುವ ನಾಯಕರಿಗೆ ಜಯವಾಗಲಿ' 'ಶೋಷಿತರ ಧ್ವನಿ ನಾಗರಿಕ ಸೇವಾ ಟ್ರಸ್ಟ್ಗೆ ಜಯವಾಗಲಿ' ಅಸಲೆ ಘೊಷಣಾ ಆಯಕೂಂಕ ಮೆಳೆ°. ವಿಚಾರವಾದಿ ಒಕ್ಕೂಟಾಚೊ ರಾಷ್ಟ್ರೀಯ ಸಂಚಾಲಕ ಪ್ರೊ| ನರೇಂದ್ರ ನಾಯಕ್, ಕರ್ನಾಟಕ ಮೀನುಗಾರರ ಪರಿಷತ್ ಹಾಜೊ ರಾಜ್ಯ ಪ್ರಧಾನ ಕಾರ್ಯದರ್ಶಿ ವಾಸುದೇವ ಬೋಳೂರು, ಭಾರತೀಯ ಮಜ್ದೂರ್ ಸಂಘ ಹಾಜೊ ಆದಲೊ ಅಧ್ಯಕ್ಷ, ರಾಜ್ಯ ಕಾರ್ಯಕಾರಿ ಸದಸ್ಯ ಕೆ. ವಿಶ್ವನಾಥ ಶೆಟ್ಟಿ, ಪ್ರಗತಿಪರ ಚಿಂತಕ ವಾಸುದೇವ ಉಚ್ಚಿಲ, ಪ್ರೆಸ್ಕ್ಲಬ್ ಕೌನಿಲ್ಸ್ ಹಾಜೊ ಅಧ್ಯಕ್ಷ ರಾಘವೇಂದ್ರಾಚಾರ್, ನೇಮಿರಾಜ್ ಕೆ., ಜೋಗಯ್ಯ ಮಲೆಕುಡಿಯ ಹಾಂನಿ° ಶುಭಶಂಸನಾ ದಿಲೆ. ಪಾಳೆಗಾರಿಕಾ, ಭೂಕಬಳಿಕಾ, ದಲಿತರ ಶೋಷಣಾ ವಿರುದ್ಧ ಸಾಮಾಜಿಕ ನ್ಯಾಯಾ ಖಾತಿರ ಕರತ ಆಸಚೆ ಝುಜಾಕ ಪಾಟಿಂಬೊ ಪ್ರಕಟ ಕೆಲೊ. ಮಂಗಳೂರು ಜೈಲಾ ಭಾಯರಚೆ ರಸ್ತೆರಿ ಉತ್ಸವಾಚೊ ಮಾಹೊಲ ಆಶಿಲೊ.
ಬೆಳ್ತಂಗಡಿοತು ವಿಶೇಷ ಸ್ವಾಗತ: ಜೈಲಾ ದಾಕೂನ ಭಾಯರ ಆಯಿಲೆ ಕೆ. ಸೋಮನಾಥ ನಾಯಕ ಹಾಂಕಾ° ಬೆಳ್ತಂಗಡಿοತು° ಸತ್ಯಮೇವ ಜಯತೇ ಸಂಘಟನೆಚೆ ಒಕ್ಕೂಟಾಚೆ ತರಪೇನ ಲಕ್ಷ್ಮೀಶ್ ತೋಳ್ಪಾಡಿ ಹಾಂನಿ° ಹಾರಾರ್ಪಣ ಕರನು, ಕಾರ್ಯರ್ಕತಾನಿ ಜೈಕಾರ ಘಾಲನು ಸ್ವಾಗತ ಕರನು ವೇದಿಕೆಕ ಆಪೋಣ ಹಾಡಲೆ. ಆದಲೊ ಶಾಸಕ ಕೆ. ವಸಂತ ಬಂಗೇರಾ ಹಾಂನಿ° ಅಭಿನಂದನಾ ಗೌರವಾರ್ಪಣಾ ಸಮಾರಂಭಾಚೆ ಅಧ್ಯಕ್ಷ "ಮೆಗೆಲೆ ರಾಜಕೀಯ ಜೀವನ ಚುನಾವರಹಿತ ಜಾವನು ಅವಿರೋಧ ಪಂಚಾಯತ್ ಸಾಂದ್ಯಾοಕ ವಿಂಚೂನ ಕಾಡೂನ ಮಾಕಾ ಅಧ್ಯಕ್ಷ ಕೆಲೆಲಿ ಕೀರ್ತಿ ಎನ್ಎಸ್ಟಿಚಿ ಆನಿ ತ್ಯಾ ದಿವಸ ದಾಕೂನ ಹಾಂವ° ಹ್ಯಾ ಸಂಸ್ಥೆ ಸಾಂಗತ ಆಸಾ" ಮ್ಹಣು ತಾಣೆ ಸಾಂಗಲೆ°. ಸೋಮನಾಥ ನಾಯಕ ಹಾಂನಿ° ಕಸಲೆಯಿ ಅಕ್ರಮ ಯಾ ಅನಾಚಾರ ಕರನು ಜೈಲಾಕ ಗೆಲೆಲೆ ನ್ಹಹಿ°. ಬೃಹತ್ ಸಾಮ್ರಾಜ್ಯಾಚೆ ಅಕ್ರಮ, ಜಮೀನ ಹಡಪಚೆ°, ಸರಕಾರಿ ದಾಖಲೊ ಸಹಿತ ಸತ್ಯ ಭಾಯರ ಹಾಡಚೆ ವಾಟೇರಿ ಕೋರ್ಟಾಚೆ ಆಜ್ಞಾ ಉಲ್ಲಂಘನ ಕೆಲೆಲೆ ಕಾರಣಾಕ ಬಂಧಖಾನೆοತು° ಆಸಚೆ° ಜಾಲೆ°. ಕೋರ್ಟಾನ ಸರಕಾರಿ ದಾಖಲೆ ಸಮ ನಾ ಮ್ಹಳಾವೆಂ ? ಹ್ಯಾ ದಾಖಲೊ ದಿಲೆಲೆ ಅಧಿಕಾರಿಂಕ ಶೀಕ್ಷಾ ಜಾಲ್ಯಾವೆ ? ಸೋಮನಾಥ ನಾಯಕ ನಿರ್ಭೀತಿಚೊ ವೀರ ಮ್ಹಣು ಹಾಂವ° ತಾಕಾ ಗೌರವಾರ್ಪಣ ಕರತಾ ಆನಿ ಸದಾ ತಾಂಗೆಲೆ ಸಾಂಗತ ಆಸತಾ° ಮ್ಹಣು ಸಾಂಗಲೆ°, ಖ್ಯಾತ ಸಾಹಿತಿ, ಚಿಂತಕ ಲಕ್ಷ್ಮೀಶ್ ತೋಳ್ಪಾಡಿ ಉಲಯತಾ 'ರುಗೆಲೆ ಸುಟಕಾ ಮ್ಹಳ್ಯಾರ ಆಮಗೆಲೆ ಸುಟಕಾ' ಮ್ಹಣು ಶೋಷಿತ ವರ್ಗಾನ ಅಭಿಮಾನಪೂರ್ವಕ ಸ್ವಾಗತ ಕೆಲಾ° ಮ್ಹಳ್ಯಾರಿ ಸೊಮನಾಥ ನಾಯಕ ಹಾಂನಿ° ಕೆಲೆಲೆ ನಿಸ್ವಾರ್ಥ, ಸಾಮಾಜಿಕ, ನ್ಯಾಯಪರ ಝುಜಾ ಬದಲ ತಾಗೆಲೆ ವಚನ ಬದ್ಧತಾ ದಾಕಯತಾ. ತ್ಯಾ ದೆಕೂನ ತೊ ಆಮಗೆಲೆ 'ಹೀರೊ'. ಆಜಿ ಪ್ರಜಾಪ್ರಭುತ್ವ ನಾಶ ಜಾತಾ ಆಸಾ. ಮಾಹಿತಿ ಹಕ್ಕು ವಾಪರೂನ ಸರಕಾರಿ ದಾಖಲೊ ಸಹಿತ ಗಿರೆಸ್ತಾಂಚೊ ಅಕ್ರಮ ಲೋಕಾ ಮುಕಾರ ದವರಲಾ. ನ್ಯಾಯ-ಧರ್ಮಸಮ್ಮತ ನಾ ಆಶಿಲೆ ಪ್ರಕರಣ° ಲೋಕಾ ಮುಕಾರ ದವರನು ಸೋಮನಾಥ ನಾಯಕ ಬಂಧಿಖಾನೆಕ ಗೆಲೆ. ತಶಿ° ಜಾಲ್ಯಾರ ದಾಖಲೊ ದಿಲೆಲೆ ಆದೇಶ ದಿಲೆಲೆ ಸರಕಾರಿ ಅಧಿಕಾರಿಂಕ ಕಸಲೆ ಶಿಕ್ಕಾ ಆಸಾ ? ನಾಯಕ ಹಾಂಗೆಲಿ ನಿಸ್ವಾರ್ಥತಾ, ಭಯಮುಕ್ತ ಸಮಾಜ ನಿರ್ಮಾಣ, ಪಾರದರ್ಶಕತಾ ಸಮಾಜಾಚಿ ಆತ್ಮಸಾಕ್ಷಿ ಕಿಡಾಯನಾ ವೆ? ಧೈರ್ಯಾನ ಮುಕಾರ ವಚೂಯಾಂ ಮ್ಹಣು ತಾಣೆ ಸಾಂಗಲೆ°. ಪ್ರೆಸ್ ಕ್ಲಬ್ ಕೌನ್ಸಿಲ್, ಬೆಂಗಳೂರು ಹಾಜೊ ಸ್ಥಾಪಕ ರಾಜ್ಯಾಧ್ಯಕ್ಷ, ಪೊಲೀಸ್ ವಾಣಿ ಮಾಸಿಕಾಚೊ ಸಂಪಾದಕ ರಾಘವೇಂದ್ರಚಾರ್ ಉಲಯತಾ, ಕೆ. ಸೋಮನಾಥ ನಾಯಕ ಆನಿ ರಂಜನ್ ರಾವ್ ಯರ್ಡೂರ್ ಹಾಂನಿ° ಮಾಹಿತಿ ಹಕ್ಕಾನ ಫಾವೊ ಕೆಲೆಲೆ ಸರ್ವ ಸರಕಾರಿ ದಾಖಲೊ ಹಾಂವೆ° ಸ್ವತ: ಪರಿಶೀಲನ ಕರನು ಸ್ಥಳಿಯ ಲೋಕಾಂಕ ಮೇಳನು ಅಕ್ರಮ ಭೂಂಯ ಪಳೊವನು ಖರಿ ವರದಿ 2020 ದಾಕೂನ ವರದಿ ಪ್ರಕಟ ಕರನು ಪತ್ರಿಕಾ ಧರ್ಮ ಪಾಲನ ಕೆಲಾ. ನಾಯಕ ಹಾಂನಿ° ಜೈಲಾಖ ಗೆಲೆಲೆ° ತೀರ್ಪು ಆಘಾತಕಾರಿ. ಕೋರ್ಟಾ ವಯರಿ ಸಮಾನ್ಯ ಲೋಕಾಂಕ ಆಸಚೊ ವಿಶ್ವಾಸ ಹೊಡಗಾನ ಘೆವಚೆ° ತಶಿ° ಜಾಲಾ°. ತ್ಯಾ ದೆಕೂನ ನಾಗರಿಕ ಸೇವಾ ಟ್ರಸ್ಟಾಚೆ ಸೇವಾ ಚಟುವಟಿಕಾ, ಝುಜಾಚೆ ಸಮಗ್ರ ಚಿತ್ರಣ ರಾಜ್ಯಾಚೆ ಲೋಕಾಂಕ, ಜನತಾ ನ್ಯಾಯಾಲಯಾಂತು° ಫಾಯಸ ಕರಚೆ ನದರೇನ ಸ್ಮರಣ ಸಂಚಿಕಾ ಪ್ರಕಟ ಕೆಲೆಲೆ ಆಸಾ. ಹ್ಯಾ ನ್ಯಾಯಪರ ಝುಜಾಂತು° ಆಮಿ ಸದಾಕಾಳ ಆಸಾತಿ ಮಹಣು ತಾಣೆ ಸಾಂಗಲೆ°. ಮಾಜಿ ಶಾಸಕ ಅಣ್ಣಾ ವಿನಯಚಂದ್ರ ಹಾಂನಿ° ರಾಷ್ಟ್ರೀಯ ಸ್ವಯಂಸೇವಕ ಸಂಘ ವಿದ್ಯಾಲಯಾಂತ ಸೋಮನಾಥ ನಾಯಕ ಹಾಂಗೆಲೊ ಸಹಪಾಟಿ ಜಾವನು ಉಡಗಾಸ ಕಾಳೊ. ಶೋಷಿತ ದಲಿತಪರ, ಪರಿಸರ ಝುಜಾಕ ಖದರ ಕರತ, ಸಮಾಜಾಚೆ ದೈತ್ಯ ಪ್ರಭಾವಿ ವ್ಯಕ್ತಿಕ ಸವಾಲ ಘಾಲನು ಸಮಾಜಾಕ ತುವೆಂ ದೈರ್ಯ ದಿಲಾ° ಮ್ಹಣು ಸಾಂಗಲೆ°. ತುಕಾ ತ್ರಾಸ ದಿಲೆಲೆ ಲೋಕಾನ ಮಾಕಾಯಿ ಭೂಮಸೂದೆ ಜಾರಿ ಸಂದರ್ಭಾರಿ ಆಮಿಷ ದಾಕೋವನು, ಆಯಕನಾ ಮ್ಹಣತಾನ 107 ಸೆಕ್ಷನ್ ಘಾಲನು ಭಿವಯಿಲೆ ಆಸಾ. ಹಾಂವೆ° ತಾಕಾ ತೋಂಡ ದಿಲಾ°. ತುಗೆಲೆ ಝುಜಾಕ ಮೆಗೆಲೊ ಫಾಟಿಂಬೊ ಆಸಾ ಮ್ಹಣು ತಾಣೆ ಸಾಂಗಲೆ°. ಹಿಂದ್ ಮಜ್ದೂರ್ ಸಭಾ ಹಾಜೊ ರಾಜ್ಯ ಉಪಾಧ್ಯಕ್ಷ ಎಸ್. ಕುಮಾರ್ ಉಲಯತಾ ಹೊ ಝೂಜ ರಾಜ್ಯವ್ಯಾಪಿ ಕರಚೆ ಯೋಜನಾ ಕರತಾತಿ. ರಾಜ್ಯಸ್ಥರಾಚೆ ಸತ್ಯಮೇವ ಜಯತೇ ಸಮಾವೇಶಾಚೆ ರಚಣಯಾ ವಗೀಚ ಠರಯತಾತಿ ಮ್ಹಣು ಸಾಂಗಲೆ°. ದಲಿತ ಸಂಘರ್ಷ ಸಮಿತಿ (ಅಂಬೇಡ್ಕರ್ ವಾದ), ದಲಿತ ಸಂಘರ್ಷ ಸಮಿತಿ (ಪ್ರೊ| ಕೃಷ್ಣಪ್ಪ ಸ್ಥಾಪಿತ), ಆದಿವಾಸಿ ಹಕ್ಕುಗಳ ಸಮಿತಿ, ಸತ್ಯಮೇವ ಜಯತೇ ಸಂಘಟನೆಗಳ ಒಕ್ಕೂಟ, ಸ್ವರದಾ ಸಂಸ್ಥೆ, ದಲಿತ ಅಭಿವೃದ್ಧಿ ಸಮಿತಿ, ದಲಿತರ ಭೂಹಕ್ಕೊತ್ತಾಯ ಸಮಿತಿ, ಎಡ ಕಾರ್ಮಿಕ ಸಂಘಟನೆ, ಹಿಂದು ಹಿತಚಿಂತನ ವೇದಿಕೆ, ನಾಗರಿಕ ಸೇವಾ ಸಮಿತಿ, ಪಾಂಡುರοಗ ಸೇವಾ ಪ್ರತಿಷ್ಠಾನ, ಕರಾವಳಿ ಮಹಿಳಾ ಜಾಗೃತಿ ವೇದಿಕೆ, ದ.ಕ. ಪರಿಸರಾಸಕ್ತರ ಒಕ್ಕೂಟ, ಕೃಷಿಕರ ವೇದಿಕೆ -ಕರ್ನಾಟಕ, ದಲಿತ ಅಭಿವೃದ್ಧಿ ಸಮಿತಿ, ಸಾಹಿತಿ ಲೋಕ, ವಿವಿಧ ಸಂಘಟನೆಚೆ ಪದಾಧಿಕಾರಿಗಳು, ಅಭಿಮಾನಿ ಲ;ಓಕಾನ ಹಾರಾರ್ಪಣ ಕೆಲೆ°. ಸೋಮನಾಥ ನಾಯಕ್ ಹಾಂನಿ° ಹೋ ಗೌರವ ನಾಗರಿಕ ಸೇವಾ ಟ್ರಸ್ಟಾಕ, ಜಂಟಿ ಕ್ರಿಯಾ ಸಮಿತಿಕ ಅರ್ಪಣ ಕೆಲೆ. ಹ್ಯಾ ಸಂದರ್ಭಾರ ಮೆಗೆಲೆ ಸಾಂಗತ ದೈರ್ಯಾನ ಆಶಿಲೆ ಮೆಗೆಲೆ ಕುಟುಂಬಚೆ ಸಾಂದೆ, ಸಂಘಟನೆಚೆ ಪದಾಧಿಕಾರಿ, ವಕೀಲ ಆನಿ ಸಗಟಾಂಕ ಆಬಾರ ಪ್ರಕಟ ಕೆಲೊ. ಪ್ರೊ| ಬಿ. ಕೃಷ್ಣಪ್ಪ ಹಾಂಗೆಲೆ “ದಲಿತಾಂಚೆ ಜೋಪಡಿಂತು° ಝುಜಾಚೊ ದೀವೊ ಲಾಯಲಾ, ತೊ ಸಂತವನಾಶಿ° ಪಳಯಾ" ಮ್ಹಳೆಲೆ ಆಶಯಾಚೆ ಪ್ರಮಾಣೆ ಆಮಿ ಚಲತ ಆಸಾತಿ ಮ್ಹಣು ತಾಣೆ ಸಾಂಗಲೆ°. ಎಡ ಕಾರ್ಮಿಕ ಮುಖಂಡ ಬಿ. ಎಮ್. ಭಟ್, ಆದಿವಾಸಿ ಝುಜಾಡಿ ಶೇಖರ್ ಎಲ್., ಮಹಿಳಾ ಕಾರ್ಯಕರ್ತಾ ಆರ್. ಕಸ್ತೂರಿ, ಮಾಜಿ ಜಿ.ಪಂ. ಸದಸ್ಯಾ ಸಿ.ಕೆ. ಚಂದ್ರಕಲಾ ಹಾಂನಿ ಶೂಭಾಷಯ ಪಾಟಯಲೊ. ವೇದಿಕೆರಿ ಮ್ಹಾಲ್ಗಡೆ ಪತ್ರಕರ್ತ ವಿ.ಕೆ. ವಾಲ್ಪಾಡಿ, ಮುಮ್ತಾಜ್, ಕುಸುಮಾವತಿ ಪಾಂಗಾಳ, ಎಂ.ಬಿ.ಕರಿಯ, ಎಲ್ಯಣ್ಣ ಮಲೆಕುಡಿಯ, ಆರ್. ರಮೇಶ್, ಸದಾಶಿವ ಹೆಗ್ಡೆ ಉಪಸ್ಥಿತ ಆಶಿಲೆ. ಕೆ. ನೇಮಿರಾಜ್, ಪ್ರಧಾನ ಸಂಚಾಲಕರು ದಲಿತ ಸಂಘರ್ಷ ಸಮಿತಿ (ಅಂಬೇಡ್ಕರ್ ವಾದ) ಬೆಳ್ತಂಗಡಿ ಹಾಂನಿ° ಸ್ವಾಗತಾಚೆ ಉತ್ರ° ಸಾಂಗಲಿ°. ಹಿಂದು ಹಿತಚಿಂತನ ವೇದಿಕೆಚೊ ಪ್ರಧಾನ ಸಂಚಾಲಕ ಸೋಮಶೇಖರ ದೇವಸ್ಯ ಹಾಂನಿ° ಆಬಾರ ಮಾನಲೊ. ವಂದಿಸಿದರು. ದಲಿತ ಸಂಘರ್ಷ ಸಮಿತಿ (ಪ್ರೊ| ಕೃಷ್ಣಪ್ಪ ಸ್ಥಾಪಿತ) ಸಂಚಾಲಕ ಸುಖೇಶ್ ಮಾಲಾಡಿ ಆನಿ ಬಾಬಿ ಹಾಂನಿ° ಸೂತ್ರ ಸಂಚಾಲಕ ಆಶಿಲೆ.
मंगळूरांत कोंकणी उलोप-वाचप शिक्षण आनी बरपाचें व्हडलें कार्य जालां
मंगळूरांत कोंकणी उलोप-वाचप शिक्षण आनी बरपाचें व्हडलें कार्य जालां - गोंयं मुखैल मंत्री डा. प्रमोदबाब सावंत:
कोडियाळ: मंगळूर केंद्रिकृत कर्नाटकाच्य तीन थटवर्ती जिल्यांक ३-४ शत्मानांचे फ़ाटी थळांतर जाल्या कोंकणी समाजान तांची आवय भास कोंकणी बरें करून सांबाळून दवरिली आसा. आयज हांगा कोंकणी उलोप, वाचप, बरप, शिक्षण आनी साहित्य रचवप हीं पांचय कार्यां चालतींत आसा. विश्व कोंकणी केंद्रान हाचें मुखैलपण घेवुन इतलीं व्हडलें भाषा मंदिर उबो केलां म्हणुच कर्नाटकाच्या सगळेय कोंकणी लोकांक हांव गोंयचो मुखैल मंत्री आसुन पर्बी पाटैतां आनी हीं सगळीं कार्यांक गोंय सरकाराचो तेंको दितां” अशें गोंयं मुखैल मंत्री डा. प्रमोदबाब सावंत हांनी म्हळ्ळें. ते विश्व कोंकणी केंद्राचे स्थापक अध्यक्ष दे. बस्ती वामन शेणै हांचो तांब्याचो पुथळो उग्तावण करून उलैत आशिले. “बस्ती मामान शेणै हांनीं सगळेय विश्वाचे कोंकणी लोकांक एकटायेन बांदुवुन हाडलां आनी आमी तें फ़ुडे वरपाक जाय” अशें तांनीं म्हळ्ळें आनी विश्व कोंकणी केंद्राचे कोंकणी शिक्षिकां सांगात अभिमानान फ़ोटो घेतलो.
“शतमानांच्या फ़ाटी तुम्ही गोंय सोडुन आयलेय तरी तुमचें कुळार गोंयंच आसा. तुमका सगळ्यांक हांवं गोंयांक फ़रतून एक फ़ावटी येवकार दितां. तुम्ही गोंयंच्या अर्थिक आनी व्यापरी उदरगतिक, कोंकणी भास आनी संस्कृ्तायेच्या दबाजेंत मेळुंक जाय. गोंय कोंकणी अकाडेमिक एक नवें इमारत आमच्या सरकार बांदता. विश्व कोंकणी केंद्राचे मुखैलपणार आमी गोंयांत आनी एक फ़ावटी विश्व कोंकणी सम्मेळन घडून हाडयां” म्ह्णु तानी उलो दिलो.
ವಿಶ್ವವಿದ್ಯಾನಿಲಯ ಸಂಧ್ಯಾಕಾಲೇಜಾοತು° 74ವೆ° ಗಣರಾಜ್ಯೋತ್ಸವ ಆಚರಣಾ
ಮಂಗಳೂರು: ವಿಶ್ವವಿದ್ಯಾನಿಲಯ ಸಂಧ್ಯಾ ಕಾಲೇಜಾಚೆ ಮಂಗಳೂರು ಶಿವರಾಮ ಕಾರಂತ ಭವನಾಂತು° ಜ. 26 ಕ 74ವೊಂ ಗಣರಾಜ್ಯೋತ್ಸವ ಆಚರಣ ಜಾಲೊ. ಮಂಗಳೂರು ವಿಶ್ವವಿದ್ಯಾನಿಲಯಾಚೊ ರಾಜ್ಯಶಾಸ್ತ್ರ ವಿಭಾಗಾಚೊ ಸಹಾಯಕ ಪ್ರಾಧ್ಯಾಪಕ ಡಾ. ದಯಾನಂದ ನಾಯ್ಕ್ ಮುಖೇಲ ಸೊಯರೊ ಆಶಿಲೊ. ಸದ್ಯಾಚಿ ಘಡಣೂಕಾ ವಿಶಿ° ಆನಿ ಲೋಕಶಾಯೆಚಾ ಮಹತ್ವಾಚೆರ ತೊ ಉಲಯಲೊ. ಆದಲೆ ಕಾಳಾಂತು° ದೇಶಾ ಬದಲ ಖೂಬ ಮೋಗು ಆನಿ ತ್ಯಾಗ ಜಾತಲೊ. ರಾಜಕಾರಣಾಂತು° ಮಿತ್ರಯಿ ನಾ ಶತ್ರುಯಿ ನಾ. ತುಮಿ ಸ್ವತಾಚೊ ಆನಿ ಘರಾಂತುಲೆ ಲೋಕಾಲೊ ಮೋಗು ಕೆಲ್ಯಾರಿ ತುಮಚಾ ರಾಷ್ಟಾçಚೊ ಮೋಗು ಕರಚಾಕ ಜಾತಾ. ಎಂಕಾ° ಆನಿ ಎಂಬಿಎ(ಐಬಿ) ಸಂಯೋಜಕ ಡಾ. ಜಗದೀಶ್ ಬಿ ಹಾಂನಿ° ಉಲಯತಾ, ಮಾತನಾಡಿ, ದೇಶಾ ಖಾತಿರ ಆಪಲೊ ಜೀವು ದಿಲ್ಯಾ ಆಮಚಾ ಸ್ವಾತಂತ್ರö್ಯ ಝುಜಾತ್ಯಾಂಚೊ ಆನಿ ಸೈಇನಾಕಾಂಚಿ ಯಾದ ಆಮಿ ಕರೂಂಕ ಜಾಯ ಮ್ಹಣು ಸಾಂಗಲೆ°. ಯ ಸಂಧ್ಯಾ ಕಾಲೇಝಾಚಿ ಪ್ರಾಂಶುಪಾಲಾ ಡಾ. ಲಕ್ಷ್ಮೀದೇವಿ ಎಲ್ ಸುವಾಳ್ಯಾಚಿ ಅಧ್ಯಕ್ಷಾ ಮಾನವೀಯತಾ ಆಮಗೆಲೊ ಧರ್ಮ ಜಾವಕಾ ಆನಿ ಆಮಗೆಲೊ ಹಕ್ಕು ಆಮಿ ವರೊಕಾ ಮ್ಹಣು ತಿಣೆ ಸಾಂಗಲೆ°. ಎಂಎ ತುಳು ಸಂಯೋಜಕ ಡಾ. ಮಾಧವ ಎಂ ಕೆ ಉಪಸ್ಥಿತ ಆಶಿಲೊ. ವಾಣಿಜ್ಯ ಶಾಸ್ತ್ರ ಉಪನ್ಯಾಸಕಿ ವರ್ಷಾ ವಿ. ಕಾರ್ಯಕ್ರಮಾಚಿ ಸಂಯೋಜಕಿ ಆಶಿಲಿ. ಪತ್ರಿಕೋದ್ಯಮ ಉಪನ್ಯಾಸಕಿ ಶ್ವೇತಾ ಹಾಂನಿ° ಸ್ವಾಗತಾಚೆ ಉತ್ರ° ಸಾಂಗಲಿ°. ಯವೇಜ್ ಆನಿ ಪಂಗಡಾನ ಪ್ರಾರ್ಥನಾ ಸಾಂಗಲಿ°. ವಾಣಿಜ್ಯ ಶಾಸ್ತ್ರ ಉಪನ್ಯಾಸಕ ಸಂತೋಷ ಹಾಂನಿ° ಸೊಯರೆಲೊ ವಳಕ ಕರನು ದಿಲೆ°. ವಾಣಿಜ್ಯಶಾಸ್ತ್ರ ಉಪನ್ಯಾಸಕ ಮೊಹಮ್ಮದ್ ರಿಜ್ವಾನಾನ ಆಬಾರ ಮಾನಲೊ.
ಕವಳೆ ಮಠ ಮಂಗಳೂರು ಶಾಖಾ ಮಠ - ಮಾಹಿತಿ ಕೇಂದ್ರ
ಶ್ರೀ ಗೌಡಪಾದಾಚಾರ್ಯ ಕವಳೆ ಮಠ ಹಾಜೆ ಮಂಗಳೂರು ಶಾಖಾ ಮಠ ಮಂಗಳೂರಚೆ ಕೊಡಿಕಲ್ ಪ್ರದೇಶಾಂತು° ಸ್ಥಾಪನ ಜಾವಚೆ° ಆಸಾ ಆನಿ ನವೆಂಬರ ಮ್ಹಯನ್ಯಾಂತು° ಕವಳೆ ಮಠಾಧೀಶ ಶ್ರೀಮದ್ ಶಿವಾನಂದ ಸರಸ್ವತಿ ಮಹಾರಾಜ ಸ್ವಾಮಿಜಿ ಹಾಂನಿ° ಹ್ಯಾ ಸ್ಥಳಾರಿ ಭೂಮಿ ಪೂಜನ್ ಕೆಲೆಲೆ° ಆಸಾ. ಹ್ಯಾ ಬದಲ ಶಿಷ್ಯ ವರ್ಗಾಕ ಆನಿ ಭಜಕ ಲೋಕಾಂಕ ಮಾಹಿತಿ ದಿವಚೆ ನದರೆನ ಜ.24 ದಾಕೂನ ಚಲಚೆ ಕೊಡಿಯಾಲ ತೇರಾ ವೇಳಾರಿ ಮಂಗಳೂರು ರಥಬೀದಿಚೆ ಶ್ರೀ ವೆಂಕಟರಮಣ ದೇವಳಾಚೆ ಮುಕಾರಿ ಮಾಹಿತಿ ಕೇಂದ್ರ ಉಗ್ತೆ° ಕರಚೆ° ಆಜಿ (ಜ.24) ಸಕಾಳಿ ಸಮಾಜಾಚೊ ಮ್ಹಾಲ್ಗಡೊ ಎ. ಕೆ. ಮಂಜುನಾಥ ಶೆಣೈ ಹಾಂನಿ° ದಿವೊ ಲಾವನು ಕೆಲೆ°.
ಹ್ಯಾ ವೇಳಾರಿ ಶ್ರೀ ವೆಂಕಟರಮಣ ದೇವಳಾಚೆ ಟ್ರಸ್ಟಿ ಸತೀಷ ಪ್ರಭು, ಅರ್ಚಕ ಹರೀಷ್ ಭಟ್, ಮಠ ಕಮಿಟಿಚೆ ನರೇಶ ಆರ್ ಕಿಣಿ, ಮಹೇಶ ರಾವ್ ಗಾಯತೊಂಡೆ, ಸ್ವಯಂ ಸೇವಕ ರಮೇಶ ಪ್ರಭು, ಸುರೇಶ ಪಂಡಿತ್, ಗುರುಪುರ ಕೇಶವ ಪ್ರಭು ಆನಿ ಹರೀಷ್ ಕಾಮತ ಉಪಸ್ಥಿತ ಆಶಿಲೆ.
ಪೊಯೆಟಿಕಾ ಕವಿಗೊಷ್ಟಿ
ಮಂಗಳೂರು: ಸಂತ ಅಲೋಶಿಯಸ್ ಕಾಲೇಜಾಚೆ ಸಭಾಂಗಣಾοತು° ಜ. 14ಕ ಸಾಂಜವೇಳಾ 4 ಗಂಟ್ಯಾಕ ವೀಜ್ ಪತ್ರಿಕೆಚೆ ಪ್ರಾಯೋಜಕತ್ವಾರಿ ಪೋಯೆಟಿಕಾ ಕಾರ್ಯಕ್ರಮ ಚಲೊ. ವೀಜ್ ಇ ಮ್ಯಾಗಝೀನ್ ಸಂಪಾದಕ ಡೊ. ಆಸ್ಟಿನ್ ಡಿಸೋಜಾ ಪ್ರಭು ಹಾಂನಿ° ಕಾರ್ಯಕ್ರಮಾಚೆ ಉಗ್ತಾವಣ ಕೆಲೆ°. "ಪೊಯೆಟಿಕಾ ಕವಿಯಾಂಚೆ ತೇರಾವೊ ಕವಿಗೊಷ್ಟಿ ಚಲತ ಆಸಾ. ಸಮಾಜಾಕ ತಾಂಗೆಲೆ ಕವಿತೆ ಜಾವೊ. ಕವಿ ಲೋಕಾನ ಕವಿತೆಂಚೆ ಅಧ್ಯಯನ ಕರನು ಉತ್ತಮ ಕವಿತಾ ರಚನ ಕರಚೆ° ಜಾವೊ. ವೀಜ್ ಪತ್ರಿಕಾ ಕವಿತೆಂಕ ವಿಶೇಷ ಸ್ಥಾನಮಾನ ದಿವನು ಆಯಲಾ" ಮ್ಹಣು ತಾಂನಿ° ಸಾಂಗಲೆ°. ಮುಖೇಲ ಸೊಯ್ರೆ ಜಾವನು ಕೊಂಕಣಿ ಲೇಖಕ ಸಂಘ ಹಾಝೊ ಅಧ್ಯಕ್ಷ ರಿಚಾರ್ಡ್ ಮೊರಾಸ್, ಎಂ.ಸಿ.ಸಿ. ಬ್ಯಾಂಕ್ ಚೆಯರ್ಮೆನ್ ಅನಿಲ್ ಫೆರ್ಮಾಯ್, ದಾಯ್ಜಿ ವರ್ಲ್ಡ್ ಹಾಜೊ ಹೇಮಾಚಾರ್ಯ, ಅಲ್ವಿನ್ ಪಿಂಟೊ, ನವೀನ್ ಕುಲ್ಶೆಕರ್, ಅನಿಲ್ ಪೆರ್ನಾಲ್, ಪಿಂಗಾರ ಪತ್ರಿಕೆಚೊ ರೇಮಂಡ್ ಡಿಕುನ್ಹಾ, ಮಾಚ್ಚಾ ಮೀಲಾರ್ ಆನಿ ಹೇರ ಉಪಸ್ಥಿತ ಆಶಿಲೆ.
ನಾವಾದೀಕ ಕವಿ ಲವಿ ಗಂಜಿಮಠ ಆನಿ ಲೊಯ್ಡ್ ರೇಗೊ ತಾಕೊಡೆ ಹಾಂನಿ° ಕವಿ ಗೋಷ್ಠಿಚೆ ಸೂತ್ರ ಸಂಚಾಲಕ ಆಶಿಲೆ. 36 ಕವಿಯಾನಿ ಕವಿತಾ ವಾಚನ ಕೆಲೆ°. ಕವಿಗೋಷ್ಟಿಚೆ ಲೋಕಾ ಮೋಗಾಳ ಕವಿತೆಕ ಕವಿ ಸಿ.ವಿ. ಲೊರೆಟ್ಟೊ ಹಾಂಗೆಲಿ "ಯಾಕೆ ಬೇಕು ಒಂದು ರಸ್ತೆಗೆ ಕಾಲೇಜು ಹೆಸರು, ವಿಧ್ಯಾರ್ಥಿಗಳ ಬದುಕಲ್ಲಿ ಆ ಕಾಲೇಜು ಭವಿಷ್ಯ ದ ಹೆದ್ದಾರಿಗಳನ್ನೆ ನಿರ್ಮಿಸಿರುವಾಗ" ಮ್ಹಳೆಲಿ ಕವಿತಾ ವಿಂಚೂನ ಆಯಲಿ. ಕವಯತ್ರಿ ಡೊ. ಪ್ಲಾವಿಯಾ ಕ್ಯಾಸ್ತೆಲಿನೊನ ರಚನ ಕೆಲೆಲೆ° "ಚಿನ್ನದ ಉಯ್ಯಾಲೆ" ಗೀತೆಚೆ ವೀಡಿಯೊ ಸಂತ ಅಲೋಶಿಯಸ್ ಕಾಲೇಜಾಚೊ ಪ್ರಾಂಶುಪಾಲ ಡೊ. ಪ್ರವೀಣ್ ಮಾರ್ಟಿಸ್ ಹಾಂನಿ° ಲೋಕಾರ್ಪಣ ಕೆಲೆ°. ಹೇಮಾಚಾರ್ಯರ ಹಾಂನಿ° ಕನ್ನಡ ಭಾಶೆ ದಾಕೂನ ಕೊಂಕಣಿ ಭಾಶೆಕ ಅಣಕಾರ ಕೆಲೆಲೆ° ರಾಘವೇಂದ್ರ ಪ್ರಭು ಹಾಂಗೆಲೆ "ಅಸಂಗ" ಸಾನ ಕಾಣಿಯೆ ಸಂಗ್ರಹ ದಾಯ್ಜಿ ಪ್ರಕಾಶನ ಹಾಂನಿ° ಪ್ರಕಟ ಕೆಲೆಲೆ° "ಎಕ್ಲೊ ಎಕ್ಸುರೊ" ಪುಸ್ತಕಾಚೆ ಉಗ್ತಾವಣ ಡೊ. ಆಸ್ಟಿನ್ ಡಿಸೋಜಾ ಪ್ರಭು ಹಾಂನಿ° ಕೆಲೆ°. ಡೊ. ಆಸ್ಟಿನ್ ಡಿಸೋಜಾ ಪ್ರಭು ಹಾಂಕಾ° ಸನ್ಮಾನ ಚಲೊ. ಜೆನೆಟ್ ವಾಸ್ ಬೆಂಗಳೂರು ಹಾಂನಿ° ಕಾರ್ಯಕ್ರಮಾಚೆ ಸೂತ್ರ ಸಂಚಾಲಕ ಆಶಿಲೆ. ನವೀನ್ ಪಿರೇರಾ, ಸುರತ್ಕಲ್ ಹಾಂನಿ° ಆಬಾರ ಮಾನಲೊ.
ಗೃಹ ನಿರ್ಮಾಣ, ಮಲ್ಟಿ ಫ್ಲೋರ್ ಇಮಾರತ ಬಾಂದಿತಾನ ಯೆವಚೆ ದುಬಾವಾಂಕ ಸಿಂಗಲ್ ವಿಂಡೊ ಪರಿಹಾರ - ಡಾ| ಭರತ್ ಶೆಟ್ಟಿ
ಮಂಗಳೂರು: ಹಾಂಗಾಚೆ ನಾವಾದೀಕ ಇಮಾರತ್ ಬಾಂದಸοಸ್ಥೊ ನಿಧಿಲ್ಯಾಂಡ್ ಹಾಂಗೆಲೆ ನವೀನ ದಫ್ತರ್ ಬಿಜೈ, ಕುಂಟಿಕಾನ ಲಾಗಿಚೆ ನ್ಯೂ ಬೆರ್ರಿ ಎನ್ಕ್ಲೇವ್ ಹಾಜೆ ಪಾಂಚವೆ ಮ್ಹಾಳಿಯೆರಿ ಉಗ್ತಾವಣ ಜಾಲೆ°. ಮಂಗಳೂರು ಉತ್ತರ ವಿಧಾನಸಭಾ ಕ್ಷೇತ್ರಾಚೊ ವೈ. ಭರತ್ ಶೆಟ್ಟಿ ಹಾಂನಿ° ದಿವೊ ಲಾವನು ಕಾರ್ಯಕ್ರಮಾಕ ಚಾಲನ ದಿಲೆ°. ನಗರ ಪ್ರದೇಶಾಂತು ಗೃಹ ನಿರ್ಮಾಣ, ಮಲ್ಟಿ ಫ್ಲೋರ್ ಇಮಾರತ ಬಾಂದಿತಾನ ಥೊಡೆ ದುಬಾವ ಯೆತಾತಿ. ತಾಕಾ ಪರಿಹಾರ ದಿವಚೆ ನದರೇನ ಸರಕಾರಾನ ಎದೋಳೂಚಿ ಸಿಂಗಲ್ ವಿಂಡೋ ಸಿಸ್ಟಮ್ ಚಾಲಿಕ ಹಾಳೆಲೆ° ಆಸಾ ಆನಿ ಹೇರ ನಿರ್ಧಾರ ಘೆತಿಲೆ ಆಸಾ ಮ್ಹಣು ತಾಣೆ ಸಾಂಗಲೆ°.
ನಿಧಿ ಲ್ಯಾಂಡ್ ಸಂಸ್ಥೆಚೊ ವ್ಯವಸ್ಥಾಪಕ ನಿರ್ದೇಶಕ ಪ್ರಶಾಂತ್. ಕೆ. ಸನಿಲ್ ಹಾಂನಿ° ಸ್ವಾಗತಾಚೆ ಉತ್ರ° ಸಾಗಲಿ°. ಮಾಕ್ಷಿಚೆ ದ್ಹಾ ವರಸಾಂತು° ನಿಧಿಲ್ಯಾಂಡ್ ಸಂಸ್ಥೆನ 10 ಮಲ್ಟಿ ಫ್ಲೋರ್ ಇಮಾರತ ಬಾಂದಲಾ°. ಹಾಂತು° ಮೆಗೆಲೆ ಪಶಿ ಚಡ ಮೆಗೆಲೆ ಮೆಗೆಲೆ ಸಹೋದ್ಯೋಗಿಯಾಲೊ ವಾಂಟೊ ಆಸಾ. ತಾಂಗೆಲೆ ಪರಿಶ್ರಮಾನ ಸಂಸ್ಥೊ ವಾಡಲಾ ಮ್ಹಣು ತಾಣೆ ಸಾಂಗಲೆ°. ಮಂಗಳೂರು ಬ್ರಹ್ಮ ಕುಮಾರಿ ಸಂಸ್ಥೆಚಿ ಮುಖ್ಯಸ್ಥಾ ರಾಜಯೋಗಿನಿ ಬಿ.ಕೆ. ವಿಶ್ವೇಶ್ವರಿ ಜಿ ಹಾಂಗೆಲೆ° ದಿವ್ಯ ಸಾನಿಧ್ಯ ಆಶಿಲೆ°. ದ. ಕ. ಜಿಲ್ಲಾ ಉಸ್ತುವಾರಿ ಮಂತ್ರಿ ಸುನಿಲ್ ಕುಮಾರ್, ಮಂಗಳೂರು ಲೋಕಸಭಾ ಸಾಂಸದ ಆನಿ ಬಿಜೆಪಿ ರಾಜ್ಯಾಧ್ಯಕ್ಷ ನಳಿನ್ ಕುಮಾರ್ ಕಟೀಲ್ಹಾಂ, ಆದಲೊ ಶಾಸಕ ಜೆ. ಆರ್. ಲೋಬೋ, ಆದಲೊ ಮೇಯರ್ ಪ್ರೇಮಾನಂದ ಶೆಟ್ಟಿ, ಮುಡಾ ಅಧ್ಯಕ್ಷ ರವಿಶಂಕರ್ ಮಿಜಾರ್, ಕಾರ್ಪೊರೇಟರ್ ಲ್ಯಾನ್ಸ್ಲಾಟ್ ಪಿಂಟೊ, ಸಿ. ಎ. ಶಾಂತಾರಾಮ ಶೆಟ್ಟಿ, ಸಿಇಒ ಹೊಸದಿಗಂತ ಪ್ರಕಾಶ್ ಇಲಂತಿಲ, ಕ್ರೆಡೈ ಅಧ್ಯಕ್ಷ ಪುಷ್ಪರಾಜ ಜೈನ್ ಉಪಸ್ಥಿತ ಆಶಿಲೆ. ಸೌಜನ್ಯ ಹೆಗ್ಡೆನ ಸೂತ್ರ ಸಂಚಾಲನ ಕೆಲೆ°.
ಜ. 23 ನಿಧಿಲ್ಯಾಂಡ್ ಸಂಸ್ಥೆಚೆ ನೂತನ ದಫ್ತರ್ ಉಗ್ತಾವಣ
ಮಂಗಳೂರು: ಹಾಂಗಾಚೆ ನಾವಾದೀಕ ಇಮಾರತ ನಿರ್ಮಾಣ ಸಂಸ್ಥೊ ನಿಧಿಲ್ಯಾಂಡ್ ಹಾಂಗೆಲಿ ನೂತನ ಕಚೇರಿ ಮಂಗಳೂರಚೆ ಬಿಜೈ, ಕುಂಟಿಕಾನ ಲಾಗಿ ಆಸಚೆ ನ್ಯೂ ಬೆರ್ರಿ ಎನ್ಕ್ಲೇವಾಂತು° ಜ. 23ಕ ಚಲಚೆ ಆಸಾ ಮ್ಹಣು ಕಳವಣಿಂತು° ಸಾಂಗಲಾ°. ಸಕಾಳಿ 10 ಗಂಟ್ಯಾಕ ಕರ್ನಾಟಕ ಸರಕಾರಾಚೊ ಕನ್ನಡ ಮತ್ತು ಸಂಸ್ಕೃತಿ ಇಲಾಖೆ ಆನಿ ಇಂಧನ ಇಲಾಖೆ ಮಂತ್ರಿ, ದ. ಕ. ಜಿಲ್ಲಾ ಉಸ್ತುವಾರಿ ಮಂತ್ರಿ ಸುನಿಲ್ ಕುಮಾರ್ ಹಾಂನಿ° ಉಗ್ತಾವಣ ಕರತಾತಿ. ಮಂಗಳೂರು ಲೋಕಸಭಾ ಸಾಂಸದ ಆನಿ ಬಿಜೆಪಿ ರಾಜ್ಯಾಧ್ಯಕ್ಷ ನಳಿನ್ ಕುಮಾರ್ ಕಟೀಲ್ ಹಾಂನಿ° ದೀವೊ ಲಾಯತಾತಿ. ಮಂಗಳೂರು ಬ್ರಹ್ಮ ಕುಮಾರಿ ಸಂಸ್ಥೆಚೆ ಮುಖ್ಯಸ್ಥ ರಾಜಯೋಗಿನಿ ಬಿ.ಕೆ. ವಿಶ್ವೇಶ್ವರಿ ಜಿ ಹಾಂಗೆಲೆ ದಿವ್ಯ ಉಪಸ್ಥಿತಿ ಆಸತಲಿ. ಮುಖೇಲ ಸೊಯರೆ ಜಾವನು ಮಂಗಳೂರು ಶಾಸಕ ಡಿ. ವೇದವ್ಯಾಸ ಕಾಮತ್, ಮಾನಾಚೆ ಸೊಯರೆ ಜಾವನು ಶಾಸಕ ಭರತ್ ಶೆಟ್ಟಿ, ವೈ, ಮಂಗಳೂರು ಉತ್ತರ, ಉಮಾನಾಥ ಕೋಟ್ಯಾನ್, ಮೂಡಬಿದ್ರೆ, ಜಯಾನಂದ ಅಂಚನ್, ಮೇಯರ್, ಮಂಗಳೂರು ನಗರ ಪಾಲಿಕೆ, ರವಿಶಂಕರ್ ಮಿಜಾರ್, ಅದ್ಯಕ್ಷ, ಮೂಡ, ಬಿ. ರಮಾನಾಥ ರೈ, ಆದಲೆ ಮಂತ್ರಿ, ಜೆ. ಆರ್. ಲೋಬೋ, ಆದಲೆ ಶಾಸಕ ಆನಿ ಕಾರ್ಪೊರೇಟರ್ ಲ್ಯಾನ್ಸ್ ಲಾಟ್ ಪಿಂಟೊ ಉಪಸ್ಥಿತ ಆಸತಲೆ. ಸಗಟಾನ ಉದ್ಗಾಟನಾ ಸುವಾಳ್ಯಾಂತು° ಭಾಗಿದಾರ ಜಾವಕಾ ಮ್ಹಣು ನಿಧಿ ಲ್ಯಾಂಡ್ ಸಂಸ್ಥೆ ತರಪೇನ ವ್ಯವಸ್ಥಾಪಕ ನಿರ್ದೇಶಕ ಪ್ರಶಾಂತ್. ಕೆ. ಸನಿಲ್ ಆನಿ ಟೀಮ್ ನಿಧಿಲ್ಯಾಂಡ್ ಹಾಂನಿ° ಕಳವಣಿಂತು° ಸಾಂಗಲಾ°.
ಉಕ್ಕಿನಡ್ಕ ಬಳ್ಳಂಬೆಟ್ಟು - ಪುನ: ಪ್ರತಿಷ್ಠಾ ಅಷ್ಟಬಂಧ ಬ್ರಹ್ಮಕಲಶೋತ್ಸವ
ಕಾಸರಗೋಡು: ಹಾಂಗಾಚೆ ಉಕ್ಕಿನಡ್ಕಾಚೆ ಬಳ್ಳಂಬೆಟ್ಟು ಶ್ರೀ ಪರಿವಾರ ಸಹಿತ ಶಾಸ್ತಾರ ಸ್ವಾಮಿ ದೇವಸ್ಥಾನಾಚೆ ಪುನ: ಪ್ರತಿಷ್ಠಾ ಅಷ್ಟಬಂಧ ಬ್ರಹ್ಮ ಕಲಶೋತ್ಸವು ಜ. 24 ದಾಕೂನ 26 ತಾಂಯ ಬ್ರಹ್ಮಶ್ರೀ ವೇದಮೂರ್ತಿ ಗಣೇಶ ತಂತ್ರಿ ಹಾಂಗೆಲೆ ಮಾರ್ಗದರ್ಶನಾರಿ ವಿವಿಧ ಧಾರ್ಮಿಕ, ವೈದಿಕ ಆನಿ ಸಾಂಸ್ಕೃತಿಕ ಕಾರ್ಯಕ್ರಮ ಸಹಿತ ಚಲಚೆ ಆಸಾ ಮ್ಹಣು ದೇವಳಾಚೆ ಆಡಳಿತ ಮಂಡಳಿಚೊ ಅಧ್ಯಕ್ಷ ಶ್ರೀಧರ ಪೈನ ಕಳಯಲಾ°.
ವ್ಯಕ್ತಿಕ ಜೀವಶಿ ಮಾರಯೆತ, ತಾಗೆಲೆ ಸಿದ್ಧಾಂತ ನ್ಹಹಿ° - ಸುಧೀಂದ್ರ ಕುಲಕರ್ಣಿ
ಮಂಗಳೂರು: "ದಕ್ಷಿಣ ಕನ್ನಡ, ಮಹಾಸಾಧಕಾನಿ ಜಲ್ಮ ಘೆತಿಲೊ ಪ್ರದೇಶ ಆಸಾ. ಸ್ವಾತಂತ್ರ್ಯ ಯೋಧ. ಸಮಾಜ ಸುಧಾರಕ, ಮಹಾನ ಸಾಹಿತಿ ಲೋಕಾನಿ ಜಲ್ಮಾಕ ಆಯಿಲೊ ಪ್ರದೇಶ. ಆಜೀ ದೇಶಭರ ಮಹಾತ್ಮಾ ಗಾಂಧೀಜಿ ಬದಲ ಅಪಪ್ರಚಾರ ಜಾತಾ ಆಸತಾನಾ ಹ್ಯಾ ಜಿಲ್ಲೆಚೆ ಲೋಕಾನ ಮೌನ ಆಸಚಾಕ ಜಾಯನಾ. ಅಪಪ್ರಚಾರ ಕರತಲೆ ಲೋಕಾ ಸಾಂಗತ ಸಂವಾದ ಕರಚೆ° ಗರಜೆಚೆ° ಆಸಾ. ತಾಂನಿ° ಗಾಂಧೀಜಿ ಬದಲ ಸಂಶೋಧನ ಯಾ ವಾಚಿನಾಶಿ° ಅಪಪ್ರಚಾರ ಕರಚೆ° ಜಾತಾ ಆಸಾ. ತಾಂಗೆಲೆ ಮುಕಾರಿ ಗಾಂಧೀಜಿ ಬದಲ ಸತ್ಯ ದವರಚೆಂ ಜಾವಕಾ. ಸವಾಲ ಘಾಲಚೆ ಲೋಕಾಂಕ ಟೀಕಾ ಕರನಾಶಿ° ಅಧ್ಯಯನಶೀಲ ಸತ್ಯ ಪೂರ್ಣ ಜವಾಬ ದಿವಚೆಂ ಜಾವಕಾ. ದ್ವೇಷಪೂರ್ಣ ಜಬಾಬ ನಾಕಾ" ಮ್ಹಣು ಅಟಲಬಿಹಾರಿ ವಾಜಪೇಯಿ ಹಾಂಗೆಲೊ ನಿಕಟವ್ಯಕ್ತಿ ಜಾವನು ಆಶಿಲೊ ಸುಧೀಂದ್ರ ಕುಲಕರ್ಣಿ ಹಾಂನಿ° ಸಾಂಗಲಾ°.
ಗಾಂಧಿ ವಿಚಾರ ವೇದಿಕೆನ ಆಯೋಜನ ಕೆಲೆಲೆ ಸಂವಾದ ಕಾರ್ಯಕ್ರಮಾಂತು° ಸಾಮಾಜಿಕ ಕಾರ್ಯಕರ್ತ ಎಂ. ಜಿ. ಹೆಗಡೆ ಹಾಂನಿ° ಬರಯಿಲೆ "ಮಿನುಗು ನೋಟ - ಗಾಂಧಿ ಕುರಿತ ಪ್ರಶ್ನೆ ಉತ್ತರ" ಪುಸ್ತಕಾಚೆ ಉಗ್ತಾವಣ ಕರನು ತಾಂನಿ° ಅಶೆ° ಸಾಂಗಲೆ°.
"ಗಾಂಧಿ ವಿಚಾರಾಂತು° ಆಜಿಕಯಿ ಶಕ್ತಿ ಆಸಾ. ಸತ್ಯ ಆನಿ ಅಹಿಂಸಾ ತಾಗೆಲೆ ಪ್ರಮುಖ ವಿಚಾರ ಆಶಿಲೆ. ಸತ್ಯಚಿ ದೇವು ಮ್ಹಣು ತಾಣೆ ಸಾಂಗಿಲೆ°. ದೇವಾಕ ನಂಬಗನಾತಿಲೆ ಲೋಕ ಸುತಾ ಸತ್ಯ ವಿಷಯಾಂಕ ನಂಬಗತಾತಿ. ಎಕ ಮನಶಾಕ ಜಿವಶಿ ಮಾರಯೆತ. ಜಾಲ್ಯಾರ ತಾಗೆಲೆ ಸಿದ್ಧಾಂತ ಯಾ ವಿಚಾರಾಂಕ ಜಿವಶಿ ಮಾರಚಾಕ ಜಾಯನಾ. ಸ್ವಾತಂತ್ರö್ಯ ಝುಜಾ ವೇಳಾರ ಖೂಬ ಲೋಕಾನ ಝುಜ ಕೆಲೆಲೆ° ಆಸಾ. ಜಾಲ್ಯಾರ ಮಹಾತ್ಮಾ ಗಾಂಧೀಜಿನ ಸೌತ್ ಆಫ್ರಿಕಾಂತ ಆಸತ ದಾಕೂನ ಝೂಜ ಕರನು ಆಸೂನ ಅಂತರಾಷ್ಟ್ರೀಯ ಸ್ಥರಾರ ಮಾಹಾತ್ಮಾ ಜಾಲೊ. ಭಾರತಾಂತು° ಸರ್ವೊದಯ, ಅಂತ್ಯೊದಯ, ಅಸ್ಪರ್ಷತಾ, ಸ್ತ್ರೀ ಸಬಲಿಕರಣ ಅಶೆ° ಹರ ಎಕ ವಿಷಯಾರಿ ತಾಣೆ ಝಜ ಕೆಲೆಲೆ° ಆಸಾ.
ಸತ್ಯಾಗ್ರಹ ಮ್ಹಳೆಲೊ ವಿಷಯ ಮಹಾತ್ಮಾ ಗಾಂಧಿನ ಸೌತ್ ಆಫ್ರಿಕಾಂತು ಆಶಿಲೆ ವೇಳಾರ ಜಿಹಾದ್ ಮ್ಹಳೆಲೆ ಮುಸಲ್ಮಾನ ವಿಷಯಾ ದಾಕೂನ ಪ್ರೇರಣಾ ಘೆತಿಲೆ°. ಸತ್ಯಾಗ್ರಹ ಮ್ಹಳ್ಯಾರಿ ಚೂಕಿಚೆ ಬದಲ ಝುಜ. ವ್ಹಿಂಗಡಾಲೆ ಚೂಕಿಚೆ ವಿರುದ್ಧ ಸತ್ಯಾಗ್ರಹ ಕರಚೆ° ಪಯಲೆ° ಆಮಗೆಲೆ ಭಿತರಿ ಆಸಚೆ ಚೂಕಿಚೆ ವಿರುದ್ಧ ಸತ್ಯಾಗ್ರಹ ಗರಜೆಚೆ° ಮ್ಹಣು ಗಾಂಧೀಜಿ ಸಾಂಗತಲೊ. ಮಹಾತ್ಮಾ ಗಾಂಧಿ ಎಕ ಹೋಡ ರಾಮ ಭಕ್ತ ಆಶಿಲೊ ಮ್ಹಣಚಾಕ ಪ್ರಮುಖ ನಿದರ್ಶನ ಮ್ಹಳ್ಯಾರಿ ತಾಣೆ ಆಖೇರಿಚೆ ಶ್ವಾಸ ಆಸತನಯಿ ಹೇ ರಾಮ್ ಮ್ಹಳೆಲೆ° ಆಸಾ" ಮ್ಹಣು ಸುಧೀಂದ್ರ ಕುಲಕರ್ಣಿ ಹಾಂನಿ° ಮಹಾತ್ಮಾ ಗಾಂಧಿಜಿ ಬದಲ ವ್ಯಾಕ್ಯಾನ ಕೆಲೆ°.
ಎಂ. ಜಿ. ಹೆಗಡೆನ ತಾಗೆಲೆ ಕೃತಿ ಬದಲ ಮಾಹಿತಿ ದಿಲಿ. ಹ್ಯಾ ಪುಸ್ತಕಾಂತು° ಮಹಾತ್ಮಾ ಗಾಂಧಿ ಬದಲ ಚಲತ ಆಸಚೆ ಅಪಪ್ರಚಾರಾಕ ಜಬಾಬ ದಿವಚೆ° ಪ್ರಯತ್ನ ಕೆಲಾ°. ಕೊಣಾಕಯಿ ವಿರೋಧ ಕರಚೆ° ಯಾ ವಿಮರ್ಸೊ ಕರತಾನ ತ್ಯಾ ವ್ಯಕ್ತಿಲೆ ಬದಲ ಸಂಶೋಧನ ಯಾ ವಾಚೂಚೆ° ಕರಕಾ. ಆಜಿ ವಾಟ್ಸಪ್ ಆನಿ ಫೆಸಬುಕ್ಕ ಮ್ಹಣು ಆಮಕಾ ಮೆಳಚಿ ಮಾಹಿತಿ ಪ್ರದೂಷಿತ ಜಾಲ್ಯಾ. ತ್ಯಾ ದೆಕೂನ ಸ್ವಅಧ್ಯಯನ ಗರಜೆಚೆ° ಆಸಾ ಮ್ಹಣು ತಾಣೆ ಸಾಂಗಲೆ°. ಗಾಂಧಿ ವಿಚಾರ ವೇದಿಕೆ ಹಾಜೊ ಅಧ್ಯಕ್ಷ ಶ್ರೀಧರ ಭಿಡೆ ಹಾಂನಿ° ಅಧ್ಯಕ್ಷಿಯ ಭಾಷಣ ದಿಲೆ°. ಅರವಿಂದ ಚೊಕ್ಕಾಡಿ ಹಾಂನಿ° ಸೂತ್ರ ಸಂಚಾಲನ ಕೆಲೆ°. ಗಾಂಧಿ ವಿಚಾರ ವೇದಿಕೆ ಹಾಜಿ ಮಂಗಳೂರು ಘಟಕಾಚಿ ಅಧ್ಯಕ್ಷಾ ಬಿ. ಎಂ. ರೋಹಿಣಿನ ಆಬಾರ ಮಾನಲೊ. ಉಪಾಧ್ಯಕ್ಷ ಅಣ್ಣಾ ವಿನಯಚಂದ್ರ ವೇದಿಕೆರಿ ಉಪಸ್ಥಿತ ಆಶಿಲೆ.
ಉಡುಪಿ ಶ್ರೀ ಲಕ್ಷ್ಮೀ ವೆಂಕಟೇಶ ದೇವಸ್ಥಾನ
ಉಡುಪಿ ಶ್ರೀ ಲಕ್ಷ್ಮೀ ವೆಂಕಟೇಶ ದೇವಳಾಂತು°
ಮುοಡ್ಕೂರು: ಹಾಂಗಾಚೆ ಶ್ರೀ ವಿಠೋಭ ದೇವಳಾಂತು°
ಉದ್ಯೋಗ ಆನೀ ನಿರುದ್ಯೋಗ ಡಾ| ಅರವಿಂದ
18:53:41 ವಿಶ್ವ ಕೊಂಕಣಿ ಕೇಂದ್ರ ‘ಕ್ಷಮತಾ
This application is only for the poor
कोंकणिंतल्या अस्तुरी साहित्याचेर
ಮಂಗಳೂರು: ವಿಶಂತಿ ಸಂಭ್ರಮಾοತು ಆಸಚೆ
ಬೆಂಗಳೂರು: ಹಾಂಗಾಚೆ ಮಲ್ಲೇಶ್ವರಂಚೆ ಗೌಡ
Editorial
ಡಾಕ್ಟರಾಲೆ ಆತ್ಮ ಪರಮಾತ್ಮಾಲೆ ಸಾಂಗತ ವಿಲೀನ ಜಾಲೆ°,,,
ಡಾ. ಜಿ. ಜಿ. ಲಕ್ಷ್ಮಣ್ ಪ್ರಭು ಎಕ ನಾವಾದೀಕ ಡಾಕ್ಟರು ಆಶಿಲೊ. ಯುರಾಲಾಜಿ ತಾಗೆಲಿ ಸ್ಪೇಷಾಲಿಟಿ. ತೊ ಎಕ ಫಾಮಾದ ಡಾಕ್ಟರ್ ನಂತಾ° ಎಕ ಬರೊ ಭಾಷಣಗಾರುಯೀ ಜಾವನು ಆಶಿಲೊ. ಸಾನ ಪ್ರಾಯೆರಿ ತೊ ಜನಾ ಮೋಗಾಳ ಜಾಲೆಲೊ. ತೊ ಅನೀರಿಕ್ಷಿತ ಜಾವನು ಅಂತರಲೊ ಮ್ಹಳೆಲಿ ಖಬರ ಆಯಕತನಾ ಸಾಬಾರ ಲೋಕಾಂಕ ತೆಂ ನಂಬಗೂಚಾಕ ಜಾಯನಿ. ಬ್ಯುಸಿ ಡಾಕ್ಟರ್ ಆಶಿಲೊ ತೊ ಕೆದನಾಯಿ ಕೊಡಿಯಾಲಚೆ ಕೆ. ಎಂ. ಸಿ ಹಾಸ್ಪಿಟಲಾಂತ ಪಳೊವಚಾಕ ಮೆಳತಲೊ. ಸಕಾಳಿ ದಾಕೂನ ಸಾಂಜವೇಳಾ ತಾಂಯ ಆಪರೇಶನ್ ಥಿಯೇಟರಾಚೆ ಸಮವಸ್ತ್ರಾಂತು ತೊ ದಿಸತಲೊ ಮ್ಹಣು ಆಸ್ಪತ್ರೆಕ ಗೆಲೆಲೆ ಸಾಂಗತಲೆ. ತಿತಲೊ ಬ್ಯುಸಿ ಡಾಕ್ಟರ್ ತೊ. ತಾಣೆ ತಾಗೆಲೆ ಪೆಶೆಂಟಾoಕ ಪಳೊವಚಾಕ ಆಸ್ಪತ್ರೆಚೆ ರೌಂಡ್ಸಾರ ವತನಾ ತಾಗೆಲೊ ಹೋಡು ತಾಳೊ ಆಯಕೂನು ತ್ಯಾ ಮ್ಹಾಳ್ಯೆರಿ ಆಸಚೆ ಸಗಟ ರೂಮಾಂತುಲೆ° ಪೇಶೆಂಟಾoಕ ತೊ ಆಯಲೊ ಮ್ಹಣು ಕಳತಲೆ° ಖಂಯ. ಕುಶಾಲ ಉಲೊವನು ಪೇಶೆಂಟಾoಲಿ ಮನೋಸ್ಥಿತಿ ಸಂತೋಸಮಯ ಕರಚೆಂ ತಾಗೆಲಿ ಸವಯ್ ಆಶಿಲಿ.
ನ. 9ಕ ಎಕ ಆಪರೇಶನ ಪೂರ್ಣ ಕರನು ಭಾಯರ ಆಯಿಲೆ ಡಾಕ್ಟರಾಕ ಕಠಿಣ ಹೃದಯಘಾತ ಜಾಲೆ°. ತ್ಯಾ ನಿಮಿತ ತಾಕಾ ತುರ್ತಾನ ಶುಶ್ರುತಾ ಮೇಳಚಾಕ ಸಾಧ್ಯ ಜಾಲೆ°. ತೊ ಐ.ಸಿ.ಯುಂತ 8 ದೀವಸ ಆಶಿಲೊ. ತಾಕಾ ಊಂಛ ಸ್ಥರಾಚೆ ಟ್ರಿಟಮೆಂಟ್ ಮೆಳೆ°. ಜಾಲ್ಯಾರ ದೈವಿಚ್ಛಾ ವ್ಹಿಂಗಡ ಆಶಿಲಿ. ನ.17 ಕ ತಾಗೆಲೆ ದೇಹಾಂತ್ಯ ಜಾಲೆ°.
ಡಾಕ್ಟರಾಕ ಫಕತ 60 ವರಸ°. ಸಾಬಾರ 30 ವರಸಾಚೊ ವೈದ್ಯಕೀಯ ಅಣಭವ. ಡಾಕ್ಟರ ಮ್ಹಣು ನ್ಹಹಿ°, ಆರತಾ° ತರನಾಟೆ ಲೋಕಾನ ಹೃದಯಘಾತ ಜಾವನು ಮರಣ ಪಾವಚಿ ಖಬರ ಆಯಕೂಚೆ° ಚಡ ಜಾಲಾ°. ಸ್ವತ: ಡಾಕ್ಟರ ಆಶಿಲೆ ತಾಕಾ ಖಾಂಯ ಮುನ್ಸೂಚನಾ ಮೇಳನಿ ವೆ ? ತಾಣೆ ತಾತಾವಳಿ ತಾಗೆಲಿ ಆರೋಗ್ಯಾಚಿ ತಪಾಸಣಾ ಕರನು ಆಸಚೆ° ಸಾಧ್ಯತಾ ಆಸಾ. ಎಕ ಫಾಮಾದ ಡಾಕ್ಟರಾಕಚೀ ಅಶಿ° ಜಾಲೆ ಮ್ಹಣತಾನ ಸಾಮಾನ್ಯ ಮನಶಾನ ತಾಗೆಲೆ ಆರೋಗ್ಯಾ ಬದಲ ಕಿತಲಿ ಜಾಗೃತಿ ಘೆವಕಾ ? ಮನಶಾನ ತಾಗೆಲೆ ಆಹಾರ ಪದ್ಧತಿ ಆನಿ ಜೀವನ ಶೈಲಿ ಕಶಿ° ದವರಕಾ ? ವಿಜ್ಞಾನ ಇತಲೆ° ವಾಡಲಾ° ಕೀ, ವಿಜ್ಞಾನಿ ಲೋಕಾ° ಮಧೆಂತೂಚಿ ಆಮಿ ಘೆವಚೆ ವಕದ ಆನಿ ಹೇರ ವಿಷಯಾಚೆರಿ ಚರ್ಚಾ ಜಾವಚೆ° ಆಮಿ ಸೋಶಿಯಲ್ ಮೀಡಿಯಾರಿ ವಾಚತಾತಿ ಆನಿ ಆಯಕತಾತಿ. ಆಮಿ ಘೆತಿಲೆ ಕೋವಿಡ್ ವ್ಯಾಕ್ಸಿನಾ ಬದಲಯಿ ಸಂದೇಹ ಉಲಯತಲೆ ಆಸಾತಿ. ಆಶೆ° ಸಾಬಾರ ಸವಾಲಾ° ಆಮಗೆಲೆ ಮುಕಾರ ಆಸಾತಿ.
ಆಹಾರ ಪದ್ಧತಿ ಬದಲ ಖೂಬ ಚರ್ಚಾ ಜಾತಾ ಆಸಾ. ಆರತಾ° ಕ್ರಿಕೇಟರ್ ಕೊಹ್ಲಿನ ತಾಗೆಲೆ ಆಹಾರ ಪದ್ಧತಿ ಬದಲ ಸಾಂಗಿಲೊ ಎಕ ವಿಡೀಯೊ ಪಳೊವಚಾಕ ಮೆಳೊ. ತಾಂತು° ತೊ ಕಾರ್ಬ್ಸ ಊಣೆ ಕರಚೆ°, ಪ್ರೊಟಿನ್ ಚಡ ಕರಚೆ°, ಗೀನ್ ವೇಜಿಟೆಬಲ್ಸ್ ಖಾವಚೆ°, ಲೋಣಿ - ತುಪ ಖಾವಚೆ° ಸಾಂಗತಾ. ತಾಗೆಲೆ ಉತ್ರ° ಆಯಕತನಾ ಆಮಗೆಲೆ ಥೊಡೆ ಇಷ್ಟ ಲೋಕಾನ ಆಶೆ° ಕರಚೆ° ಚೂಕಿ ನ್ಹಹಿ° ಮ್ಹಣು ದಿಸತಾ. ಆಮಿ ಪ್ರಯತ್ನ ಕರನು ಪಳೊವಯೆತ ಮ್ಹಣು ಭೊಗತಾ. ದೀವಸಾಕ ಉಣೆನಾ 30 ಮಿನೀಟ್ ಚಮಕಲೆರಿ ಬರೆ° ಮ್ಹಣು ಹರ ಎಕಲೊ ಡಾಕ್ಟರು ಸಾಂಗತಾ. ಆಮಗೆಲೆ ತರನಾಟೆನಿ ಸುತಾ ಸಾನ ಪ್ರಾಯೇರಿಚಿ ಆಹಾರ ಪದ್ಧತಿ ಸಮ ಕರನು ಜೀವನ ಶೈಲಿ ಸಮ ಕರಚಾಕ ಪ್ರಯತ್ನ ಕರಕಾ.
ಡಾಕ್ಟರ್ ಜಿ. ಜಿ. ಲಕ್ಷ್ಮಣ್ ಪ್ರಭು ಬರೊ ಡಾಕ್ಟರು ಆನಿ ಭಾಷಣಗಾರ ನಂತಾ° ಎಕ ಕವಿ ಸುತಾ ಆಶಿಲೊ. ತಾಣೆ ಕನ್ನಡ ಭಾಶೆನ ಖೂಬ ಕವಿತಾಂ ರಚನ ಕೆಲಾಂ ಮ್ಹಣು ತಾಣೆ ದೇವಾದಿನ ಜಾತರಿಚಿ ಲೋಕಾಂಕ ಕಳೆ°. ತಾಣೆ ಆರತಾ° ಎಕ ಸಮಾರಂಭಾoತ ಪ್ರಸ್ತುತ ಕೆಲೆಲೆ ಭಾಷಣ ಖೂಬ ವೈರಲ್ ಜಾಲಾ°. ತಾಂತು° ತೊ ಆತ್ಮ ಆನಿ ಪರಮಾತ್ಮಾ ವಿಷಯಾರಿ ಉಲಯತಾ.
"ಕ್ರಷ್ಣಾನ ಸಾಂಗಲ್ಯಾ ಮ್ಹಣಕೆ ಪರಮಾತ್ಮಾಲೆ ಮ್ಹಣಕೆ ಆತ್ಮಾಕಯೀ ಆದಿ ನಾ ಯಾ ಅಂತ್ಯ ನಾ, ಮ್ಹಳ್ಯಾರಿ ಮರಣ ನಾ" ಮ್ಹಣು ತ್ಯಾ ಭಾಷಣಾಚೆ ಶುರುವಾತಾರಿ ಡಾಕ್ಟರು ಸಾಂಗತಾ. ಆಮಿ ಜೀವನಾಂತು° ಆಮಗೆಲೆ ಕರ್ತವ್ಯ ಕರಕಾ, ಕರತನಾ ಆಮಕಾ ಜಯ ಮೇಳತಾ ಯಾ ಸೋಲು ಮೇಳತಾ. ಆಮಗೆಲೆ ವಿಷಯಾರಿ ಕೋಣ ಕಸಲೆ° ಚಿಂತಾ ಕರತಾ ಮ್ಹಣು ಆಮಿ ಮನಾಂತ ದವರನು ಕರ್ತವ್ಯ ಕರಚೆ° ಕಷ್ಟ ಜಾತಾ. ತಸಲೆ ಮನೋಸ್ಥಿತಿರಿ ತುಮಿ ಕರ್ತವ್ಯ ಕರಚೆ° ಸುಲಭ ಜಾಯನಾ ಆನಿ ಕರಚೆ ಕರ್ತವ್ಯಾಕ ನ್ಯಾಯ ದಿವಚಾಕ ಜಾಯನಾ ಮ್ಹಣು ತೊ ಸಾಂಗತಾ.
ಮುಕಾರ ತೊ ಅಶೆ° ಸಾಗತಾ ಕೀ, ಎಕ ಪಾವಟಿ ತಾಗೆಲೆ ಪ್ರೋಫೆಸರಾನ ಸಾಂಗಿಲೆ° ಖಂಯ, ತುವ° ತುಗೆಲೆ ವೃತ್ತಿಂತು° ಪ್ರಚಾರ ಘೆವಚಾಕ ಯಾ ನಾವಾದೀಕ ಜಾವಚಾಕ ಆಯಿಲೊ ನ್ಹಹಿ°. ತುಗೆಲೆ ಮನಾಕ ಖಂಚೆ ಸಮ ಮ್ಹಣ ದಿಸತಾ ತ್ಯಾ ಪ್ರಮಾಣೆ ಮಾನವಿಯತಾ ದೃಷ್ಠಿ ದವರನು ಕರ್ತವ್ಯಪಾಲನ ಕರಿ. ಕೋಣಾಕ ಅಭಿಮಾನ ಆಸಾಕೀ ತಾಗೆ ಲಾಗಿ ಮಾನವೀಯತಾ ಆಸತಾ. ಕೋಣಾಕಯಿ ಖುಷಿ ಕರಚಾಕ ಕರ್ತವ್ಯ ಕರಚಾಕ ಜಾಯನಾ. ಅಹಂ ಸೋಡಕಾ, ಶರೀರ ಆನಿ ಪ್ರಾಪಂಚಿಕ ವಸ್ತು ಸೋಡಚೆ° ಕರಕಾ. ಶರೀರ ಆನಿ ಹೇರ ವಸ್ತು ಆಮಗೆಲೊ ನ್ಹಹಿ° ಮ್ಹಣು ಚಿಂತಲ್ಯಾರಿ ಸಹಜ ಜಾವನು ಆಮಿ ಸ್ವತಂತ್ರ ಜಾತಾತಿ. ಆತ್ಮ ವ್ಹಂವಚಾಕ ಶರೀರ ಶಿವಾಯ, ಶರೀರ ವ್ಹವಂಚಾಕ ಆತ್ಮ ನ್ಹಹಿ° ಮ್ಹಳೆಲೆ ಉಡಗಾಸ ದವರಕಾ. ಆತ್ಮಾನ ಶರೀರ ವ್ಹಂವಚಿ ಪರಿಸ್ಥಿತಿ ಆಯಲ್ಯಾರಿ ಶರೀರ ಸೋಡಕಾ ಮ್ಹಣು ತೊ ಸಾಂಗತಾ.
ಆರೋಗ್ಯ ಸಾಂಬಾಳಚಾಕ ಕಸಲೆ° ಕರಕಾ ಮ್ಹಣೂಯಿ ಡಾಕ್ಟರಾನ ತಾಗೆಲೆ ಭಾಷಣಾಂತು° ಸಾಂಗಲಾ°. ಜೀವನಾಂತು° ಚಲನ, ಭೋಜನ, ಶಯನ ಆನಿ ಪ್ರಕೃತಿ ವೀಲಿನಾಚೆ ಬದಲ ಜ್ಞಾನ ಆಸೂಕಾ ಮ್ಹಣು ತೊ ಸಾಂಗತಾ.
ಆಮಿ ಕೆದನಾಯಿ ಚಲನಶೀಲ ಆಸೂಕಾ. ಚಲಚನಶೀಲತಾ ಮ್ಹಳ್ಯಾರಿ ಜೀವಂತ ಆಸಾತಿ ಮ್ಹಣಚೆ ಸೂಚನಾ. ತ್ಯಾ ನಿಮಿತ ಪ್ರಾಯ ಜಾಲೆಲ್ಯಾನಿ ಜಾಲೆ ತಿತಲೆ ಚಮ್ಕೂಚೆ° ಕರಕಾ. 60 ವರಸ° ಜಾತರಿ ಎಕ ವಾಕಿಂಗ್ ಸ್ಟಿಕ್ ದ್ಹರನು ಚಮಕೂಚೆ° ಬರೆ° ಮ್ಹಣು ತೊ ಡಾ. ಟಿ. ಎ. ಎ. ಪೈಲೆ ಉದಾಹರಣ ದಿತಾ.
ದುಸ್ರೆಂ, ಭೋಜನ. ತರನಾಟೆ ಆಸತನಾ ಫಾತೋರ ಖಾವನು ಜೀರ್ಣ ಕರಚಿ ಶಕ್ತಿ ಆಸತಾ. ಪ್ರಾಯ ಜಾತಾನ ತೀ ಶಕ್ತಿ ಊಣೆ ಜಾತಾ. ತಶಿಂ ಮ್ಹಣು ಕಸಲೆಂಯಿ ಸೊಡಚೆಂ ನ್ಹಹಿಂ. ನ್ಯೂಟ್ರಿಶಿಯನ್ ಮ್ಹಳ್ಯಾರಿ ಹೈ ಫೈಬರ್ ಆಸೂಕಾ, ಉದಾಕ ಪಿವಕಾ, ಲಾಯಕ ಕರನು ನಿದೋಕಾ. ಎಕ ಲೇಖಾ ಪ್ರಮಾಣೆ 8 ಗಂಟೊ ಕಾಮ ಕರಕಾ, 8 ಗಂಟೊ ಕುಟುಂಬಾಕ ದೀವಕಾ ಆನಿ 8 ಗಂಟೊ ನಿದೋಕಾ. ವಗೀ ನಿದೊಚೆಂ ಆನಿ ವಗೀ ಉಟಾಚೆ° ಕರಕಾ. ಪ್ರಕೃತಿ ಸಾಂಗತ ಮೆಳಚೆ° ಕರಕಾ. ಅನೈಸರ್ಗಿಕ ವಸ್ತು ದೂರ ದವರಕಾ. ಮೊಬೈಲ್ ಆನಿ ತಸಲೆ ಹೇರ ವಸ್ತು ದೂರ ಕರಚೆ°, ಖಂಚೆಯ ಗಾರ್ಡನಾಕ ವಚೆ° ಹಾಕಾ ಉದಾಹರಣ ಜಾತಾತಿ. ಪ್ರಕೃತಿ ಮಾತೆಲೆ ಸಾಂಗತ ಮೇಳನು ಆಸಚೆಂ ಅತ್ಯಂತ ಪ್ರಮುಖ ಜಾತಾ.
ಆಯಚೆ ದೀಸಾಂತ ಸಂಭoದ ಚೂಕುನ ವಚೆ° ಸಾಮಾನ್ಯ ಜಾಲಾ°. ಸಂಭoದ ವರೊನ ಹಾಡಚೆ° ಕರಕಾ. ದೋಸ್ತ ಮ್ಹಳಯಾರಿ ಕಾನ್ನಡಿ ಶೆಂ ಆಸತಾತಿ. ಮುಖಸ್ತುತಿ ಕರತಲೆ ನ್ಹಹಿ°. ಕೇದನಾಯಿ ಸಂಭoದ ಉದಾಕಶೆ° ಆಸೂಕಾ. ಉದಾಕ ಪಾರದರ್ಶಕ ಆಸತಾ. ತಾನಿ ನಿವಯತಾ. ಆಮಿ ತಶೀಂಚಿ ಜಾವಕಾ. ತ್ಯಾ ನಿಮಿತ ಜೀವನಾಂತು° ಚಲನ, ಭೋಜನ, ಶಯನ ಆನಿ ಪ್ರಕೃತಿ ವೀಲಿನಾಚೆ ಬದಲ ಚಡ ಮಹತ್ವ ದೀವಕಾ. ತ್ಯಾಚ ವೇಳಾರ ಸ್ನೇಹ ಪರಿಪಾಲನ ಕರಚೆ° ಕರಕಾ ಮ್ಹಣು ಸಾಂಗೂನು ತಾಣೆ ತಾಗೆಲೆ ಭಾಷಣ ಆಖೇರಿ ಕೆಲೆಲೆಂ ಆಸಾ.
ತಾಣೆ ಭಾಷಣಾಂತು° ಕಸಲೆ° ಸಾಂಗಲಾ° ತೆ° ತಾಣೆ ಜೀವನಾಂತು° ಪರಿಪಾಲನ ಕೆಲಾ° ಮ್ಹಣಯೆತ. ತಾಗೆಲೆ ಬದಲ ತಾಗೆಲೆ ದೋಸ್ತಾನಿ, ಪೇಶೆಂಟಾನಿ ಆನೆ ಹೇರಾನಿ ಸೋಶಿಯಲ್ ಮೀಡಿಯಾರಿ ಫಾಯಸ ಕೆಲೆಲೆ ಸಂದೇಶ ಪಳೊವನು ಆಶೆಂ ಸಾಂಗಚಾಕ ಜಾತಾ.
ಡಾಕ್ಟಾçಲೊ ಮ್ಹಾಂತು ಜಿ. ಜಿ. ವಾಸುದೇವ ಪ್ರಭು ಹಾಂನಿ° ಮಂಗಳೂರಾoತು° ಕೊಂಕಣಿ ಭಾಶೆ ಖಾತೀರ ಸೇವಾ ದಿವಚೆ ನದರೇನ 1981ತು° ಶುರು ಕೆಲೆಲೊ ಸಂಸ್ಥೊ ಕೊಂಕಣಿ ಸಾಂಸ್ಕೃತೀಕ ಸಂಘ ಆಜಿಕಯೀ ತೀ ಸೇವಾ ದಿವೂನ ಆಸಾ. ಸಂಘಾನ ಆಪಯಿಲೆ ತೇದನಾ ಜಿ. ಜಿ. ಲಕ್ಷ್ಮಣ್ ಪ್ರಭು ಯೆವನು ತಾಂಕಾ° ಮಾರ್ಗದರ್ಶನ ದಿತಲೊ. ಉತ್ತಮ ವೈದ್ಯ, ವಾಘ್ಮಿ, ಸಂಘಟಕ, ಸಾಹಿತಿ ಆನಿ ಬರೊ ಮನಿಸ್ ಆಶಿಲೆ ತಾಂಗೆಲೆ ಆತ್ಮಾಕ ಶಾಂತಿ ಮಾಘೂಯಾ°.
Shabdvihar
ಬತ್ತೀಸ
ಪ್ರಾಕಾಂತ ಜೂಜಾಂತ ಬತ್ತೀಸ ಆಯುಧ ವಾಪರಲೀಂತೀ ಖ್ಹಂಯ. ಹೇ ಬತ್ತೀಸ ಮೋತ್ಯಾಂಚೀ ಕಂಠೀ ಸುಂದರ ಆಸಾ. ಹೇ ಉದ್ದೃತ ವಾಕ್ಯಾಂತ ಬತ್ತೀಸ ಮ್ಹಣಚೋ ಜೋ ಏಕ ಶಬ್ದ ವಾಪರಲಾ ತಾಜೋ ಅರ್ಥ ಅನೀ ನಿಷ್ಪತಿ ಅಶಿಂ ಆಸಾ. ಬತ್ತೀಸ ಮ್ಹಣಚೊ ಸಂಖ್ಯಾಸೂಚಕ ಜಾವನ ಆಸೂನ ದೋನಿ ಆನೀ ತೀಸ ಮ್ಹಣ ಅಥರ್ು. ಅಶಿಂ ಅಥರ್ಾಚೋ ಹೋ ಶಬ್ದ ಬತ್ತೀಸ ಕಶ್ಶಿ ಜಾಲೋ ಪಳೊವಯಾಂ.
ದೋನಿ ಆನೀ ತೀಸ ಮ್ಹಣಚ್ಯಾಕ ಪ್ರಾಕೃತ ಭಾಶೆಂತು ಬತ್ತೀಸ ಮ್ಹಣಚೋ ಹೋ ಪ್ರಾಕೃತ ಭಾಶೆಚೋ ಶಬ್ದು ಸಂಸ್ಕೃತ ಭಾಶೆಚೋ ದ್ವಾತ್ರಿಂಶತ್ ಮ್ಹಣಚೇ ಪ್ರಾಕೃತ ಭಾಶಾರೂಪ ಜಾವನ ಆಸಾ. ದ್ವಾ ತ್ರಿಂಶತ್ ಮ್ಹಣಚೇ ಹ್ಯಾ ಶಬ್ದಾಂತೂಲೆ ಪಯಲೇ ಸಾಂಗಲ್ಯಾವರಿ ದ್ವಾ ಮ್ಹಣಚೇ ಬಾ ಮ್ಹಣು ಜಾತಾ, ತ್ರಿಂಶತ್ ಮ್ಹಣಚೇ ತೀಸ ಮ್ಹಣ ಜಾತಾ. ಆಶ್ಶಿಂ ಜಾವನು ಬಾತೀಸ ಜಾತ್ತಾ. ಹೆ ಶಬ್ದಾಂತೂಲೆ ದೋನೀಂಚೆ ಅಕ್ಷರ ದೊಟ್ಟಿ ಅಕ್ಷರ ಜಾವನ ಉಚ್ಚಾರಣ ಕರಚ್ಯಾನ ಶಬ್ದಾಂತೂಲೆ ಪಯಲೇ ಅಕ್ಷರ ದೀರ್ಘ ಆಶಿಲೇ ಹೃಸ್ವ ಜಾತಾ ಆಶ್ಶಿಂ ದ್ವಾ ತ್ರಿಂಶತ್ > ಬಾತೀಸ > ಬತ್ತೀಸ ಮ್ಹಣು ಚಾಲ್ತಿಂತು ಆಯಲಾಂ.
ಅಠಡಿಡಿಜಛಿಣಠಟಿ ಕಜಟಿಜಟಿರ
An Appeal to the members of the GSB Community
जेसन पींत, SDB, उद्यावर, उडुपी (MA कोंकणी)
ಕೊಡಿಯಾಲ ಖಬರ ಸಾನ ಕಾಣಿಯೊ ಬರೊವಚೆ ಸ್ಪರ್ಧೆಂತು°
ಪರಬೆಕ ತಿಸ್ರೆ ಲ್ಹಾರಾಚೆ ಭಯ ವಿಶ್ವಾಕಚ ಕರೋನಾಚೆ ಭಯ
ನವೆಂಬರ ಮ್ಹಯನೊ ಸರನು ದಶಂಬರ ಪಾವಚೆ ಸಂದರ್ಭಾರ ಲೋಕಾಂಕ
ಅಮ್ಚಿಗೆಲೆ ಪರ್ಬೆ ರಾಂದಪ ಅಮ್ಚಿ ರಾಂದಪ ಭಾರಿ ಸುಲಭಗೊ
ಪ್ರಾಕ ದಕೂನು ಪ್ರಸ್ತೂತಾಕ ಎತ್ತಾನ ಅಮ್ಗೆಲೆ ಖಾಣಜವಣ,
ಶ್ರಾವಣ ಮಾಸು ಆನಿ ಚೂಡಿ ಪೂಜಾ ಅಶ್ಶಿ ತಶ್ಶಿ ಪೊಳೊಚೆ
ಮನು ಕುಲ ಕಳನು ಕೀ ಕಳನಾಶಿ° ಚೂಕಿ ಕೆಲ್ಲಾರಿ ಆವಸು
कोरोना महामारी भारताक येवनु ६ महिने जाले.
ಗುಜರಾತ ರಾಜ್ಯಂತು ಸಾಬಾರ ಸಂಖ್ಯೆರಿ ಜೈನ ಸಮುದಾಯ ಭೊ
Well Wishers
Most Read
- “ದಕ್ಷಿಣದ ಸಾರಸ್ವತರು”
- ಆಧುನಿಕ ಮಹಾಭಾರತ
- कन्याकुमारिच्या स्वामी विवेकानंद स्मारकाक ५० वरसां
- ರಚನಾ...
- ಕುದ್ಮುಲ ರಂಗರಾವ್
- ಸತ್ಯನಾರಾಯಣ ಪೂಜಾ
- ಘರ ಏಕ್ ದೇವುಳ
- कोरोनान शिकयिलो पाठ
- तुळशी काट्टो
- ವಾಯು ದಳಾಂತು ಕೊಂಕಣಿ ಮಹಿಳಾ ರಶ್ಮಿ ಭಟ್
- ಜುನಾಗಢ್
- GSB Scholarship League Application
- ವಿಧಿ ಲಿಖಿತ
- ಮಸೀಂಗ
- ಘರ ಏಕ್ ದೇವುಳ -2
- ಹುಂಬರು (ಉಂಬರು)
- 'ಮಹಾ ಸರಕಾರ"
- ತಾಕೀತ (ತಾಕೀದ)
- भारताचे अमृत स्वातंत्र महोत्सवाचे पांच अमृत घडियो
- स्वावलंबन आनी आत्मविश्वास
- ಗುಜರಾತ - ಪಾಲಿಟಾನಾ
- ಶಿಕ್ಷಣ ಕ್ಷೇತ್ರಾಕ ಗ್ರಹಣ
- ಉದ್ಯೋಗ ಆನೀ ನಿರುದ್ಯೋಗ
- ಗಾಂಧೀಜಿ ಆನಿ ಆತ್ಮನಿರ್ಭರತಾ
- अस्तंगत जाल्यो कोंकणीचे मळबांतलीं दोन जगमगी नकेत्रां
- ಅಂತರಾಷ್ಟ್ರೀಯ ವನಿತಾ ದಿವಸು
- ಅಕಾಲಿಕ ಪಾವಸಾ ಮಧೆ ಮಾಲಿನ್ಯ ! - ಅರವಿಂದ ಶಾನಭಾಗ, ಬಾಳೆರಿ
- ವಿಶ್ವ ಕೊಂಕಣಿ ಕೇಂದ್ರ ‘ಕ್ಷಮತಾ ಅಕಾಡೆಮಿ’ 2021
- SUKRTINDRA ORIENTAL RESEARCH INSTITUTE
- ಲಾಕ್ಡೌನ್
Homage
Who is Online?
We have 53 guests and no members online