Displaying items by tag: Mangalore
ಗೃಹ ಆನಿ ಕಾರ್ ರೀಣ - ಎಸ್ಬಿಐ ಬೃಹತ್ ಪರಬೆಕ ಚಾಲನ
ಮಂಗಳೂರು: ಘರ ಬಾಂದಪಾಕ ಹೋಡ ಸ್ಥರಾರ ರೀಣ ದಿವಚೆ ಬ್ಯಾಂಕ ಮ್ಹಣು ನಾವದೀಕ ಎಸ್ಬಿಐ ಬ್ಯಾಂಕಾನ ಮಂಗಳೂರಾοತು° ಅಕ್ಟೋಬರ್ 29 ಆನಿ 30ಕ ಟಿ.ಎಂ.ಎ. ಪೈ ಕನ್ವ್ವೆನ್ಶನ್ ಸೆಂಟರಾοತು° ರೀಣಾಚೊ ಉತ್ಸವ ಆಯೊಜನ ಕೆಲಾ. ಆಜಿ ಸಕಾಳಿ 10.30ಕ ಶಾಸಕ ಡಿ. ವೇದವ್ಯಾಸ ಕಾಮತ್ ಹಾಂನಿ° ದಿವೊ ಲಾವನು ಚಾಲನ ದಿಲೆ°. “ಸ್ಟೇಟ್ ಬ್ಯಾಂಕ್ ಅಫ್ ಇಂಡಿಯಾ ಬ್ಯಾಂಕಿοಗ್ ಕ್ಷೇತ್ರಾಂತು° ಭಾರತ ದೇಶಾಚೆ ಅಗ್ರಮಾನ್ಯ ಬ್ಯಾಂಕ ಜಾವನು ಆಸಾ. ಪ್ರಧಾನ ಮಂತ್ರಿ ಆನಿ ಮುಖ್ಯಮಂತ್ರಿಲೆ ಸರ್ವ ಯೋಜನಾ ಜನಾ ಲಾಗಿ ಪಾವೊಚೆ° ಏಕೈಕ ಬ್ಯಾಂಕ್ ಎಸ್ಬಿಐ ಜಾವನು ಆಸಾ” ಮ್ಹಣು ತಾಂನಿ° ಸಾಂಗಲೆ°. ಕ್ರೆಡೈಚೊ ಅಧ್ಯಕ್ಷ ಪುಷ್ಪರಾಜ್ ಜೈನ್ ಮಾನಾಚೊ ಸೊಯ್ರೊ ಆಶಿಲೊ. “ಪಟ್ಟಣ° ವಾಡಚಾಂತು ಬ್ಯಾಂಕಾοಚೆ° ದೇಣೆ ಖೂಬ ಆಸಾ. ಖಂಚೆಯ ಉದ್ಯಮಾಚೆ ಯಶಾಂತು° ಬ್ಯಾಂಕಾಚಿ ಭೂಮಿಕಾ ಸಾಬಾರ ಆಸಾ” ಮ್ಹಣು ತಾಂನಿ° ಸಾಂಗಲೆ°. ಎಸ್.ಬಿ.ಐ ಡೆಪ್ಯುಟಿ ಜನರಲ್ ಮ್ಯಾನೇಜರ್ ಜೋಬಿ ಜೊಸ್ ಸುವಾಳ್ಯಾಚೊ ಅಧ್ಯಕ್ಷ ಆಶಿಲೊ. ಅಸಿಸ್ಟೆಂಟ್ ಜನರಲ್ ಮ್ಯಾನೇಜರ್ ಡೈಸಿ ಕುಜೂರ್ ಉಪಸ್ಥಿತ ಆಶಿಲೆ. ಸೀನಿಯರ್ ಅಸೋಸಿಯೇಟ್ ಮಮತಾ ಜಿ. ಹಾಂನಿ° ಸೂತ್ರ ಸಂಚಾಲನ ಕೆಲೆ°.
ಗೌಡ ಸಾರಸ್ವತ ಬ್ರಾಹ್ಮಣ ಸೇವಾ ಸಂಘ ಸಂಸ್ಥಾಪನ ದಿವಸ ಆಚರಣ
ಮಂಗಳೂರು: ಗೌಡ ಸಾರಸ್ವತ ಬ್ರಾಹ್ಮಣ ಸೇವಾ ಸಂಘ ಮಂಗಳೂರು ಹಾಂನಿ ಅ. 16ಕ ಮಂಗಳೂರಚೆ ಸುಜೀರ್ ಸಿ. ವಿ. ನಾಯಕ್ ಹಾಲಾಂತು° 83ವೊ° ಸಂಸ್ಥಾಪನಾ ದಿವಸ ಆಚರಣ ಕೆಲೊ. ಮಣಿಪಾಲ ವಿ.ವಿ.ಚೆ ಪ್ರೊ. ವೈಸ್ ಚಾನ್ಸಲರ್ ಪ್ರೋ. ಡಾ. ಎಮ್. ವೆಂಕಟರಾಯ ಪ್ರಭು ಮುಖೇಲ ಸೊಯ್ರೆ ಆಶಿಲೆ. “ಗೌಡ ಸಾರಸ್ವತ ಬ್ರಾಹ್ಮಣ ಸಮಾಜ ಅಚಲ ದೈವೀ ಶೃದ್ಧಾ, ಆತ್ಮ ವಿಶ್ವಾಸ ಆನಿ ಕಠಿಣ ಪರಿಶ್ರಮಾನ ಆಧ್ಯಾತ್ಮಿಕ ಶಕ್ತಿ, ಆರ್ಥಿಕ ಆನಿ ಶೈಕ್ಷಣಿಕ ಉದರಗತಿ ಫಾವೊ ಕೆಲೆಲೊ ಸಮಾಜ ಜಾವನು ಆಸಾ. ಜಿ. ಎಸ್. ಬಿ. ಸೇವಾ ಸಂಘಾ ತಸಲೆ ಸೇವಾ ಸಂಸ್ಥೆ ಸಮಾಜಾಚೆ ಅಶಕ್ತ ಲೋಕಾಲಿ ಸೇವಾ ಕರನು ಆಯಲಾ. ಆಜಿ 125 ವಿದ್ಯಾರ್ಥಿಯಾಂಕ ಶೈಕ್ಷಣಿಕ ಕ್ಷಮತಾ ಪುರಸ್ಕಾರ ದೀವನು ಸನ್ಮಾನ ಕೆಲೆಲೆ° ಸಂತೋಸಾಚೊ ವಿಷಯ ಜಾವನು ಆಸಾ” ಮ್ಹಣು ತಾಂನಿ° ಸಾಂಗಲೆ°. ಕೆನರಾ ಚೇಂಬರ್ ಹಾಜೆ ನವೀನ ಅಧ್ಯಕ್ಷ ಗಣೇಶ ಕಾಮತ ಮಾನಾಚೆ ಸೊಯ್ರೆ ಆಶಿಲೆ. “ಸಂಸ್ಥಾಪನಾ ದಿವಸ ಆಚರಣ ಕರತ ಆಸಚೆ ಜಿ. ಎಸ್. ಬಿ. ಸೇವಾ ಸಂಘಾಚೆ ಸ್ಥಾಪಕ ಸದಸ್ಯಾ° ಪಯಕೆ ಸಾಬಾರ ಲೋಕ ಕೇನರಾ ಚೇಂಬರ ಎಂಡ್ ಕಾಮರ್ಸ ಹಾಜೆ ಸ್ಥಾಪಕ ಅಧ್ಯಕ್ಷ ಆನಿ ಸಾಂದೆ ಆಶಿಲೆ. ತಾಂನಿ° ಹ್ಯಾ ಪ್ರದೇಶಾಚೆ ಪ್ರಮುಖ ಮುಖೇಲಿ ಸುತಾ ಜಾವನು ಮಾರ್ಗದರ್ಶನ ದಿಲಾ°.” ಮ್ಹಣು ತಾಂನಿ° ಸಾಂಗಲೆ°. ವಿದ್ಯಾರ್ಥಿಯಾ° ಖಾತೀರ ದೀಪಾವಳಿ ಚಿತ್ರಕಲಾ ಸ್ಪರ್ಧೊ ಆನಿ ಮಂದರ್ಕೆ ಮಾಧವ ಪೈ ಸ್ಮರಣಾರ್ಥ ಕೊಂಕಣಿ ಕಥಾ ಸ್ಪರ್ದೋ ಚಲೊ. ಮ್ಹಾಲ್ಗಡೊ ಲೇಖ ಪರಿಶೋಧಕ ಎಸ್. ಎಸ್. ನಾಯಕ ಹಾಂನಿ° ಇನಾಂ ವಾಂಟಿಲೆ°. ಜಿ. ಎಸ್. ಬಿ. ಸೇವಾ ಸಂಘಾಚೊ ಅಧ್ಯಕ್ಷ ಪ್ರೊ. ಡಾ. ಕಸ್ತೂರಿ ಮೋಹನ ಪೈ ಹಾಂನಿ° ಸ್ವಾಗತಾಚೆ ಉತ್ರ° ಸಾಂಗಲಿ°. 20ವೆ° ಶತಮಾನಾಚೆ ಆದಿಂತು° ಆಶಿಲೆ ಭಾರತಾಚೆ ಸಾಬಾರ ಚಿಂತಕಾοಚೆ° ಪ್ರೇರಣೆನ ಜಿ. ಎಸ್. ಬಿ. ಸೇವಾ ಸಂಘಾಚೆ ಸ್ಥಾಪನ ಜಾಲೆ°.” ಮ್ಹಣು ತಾಂನಿ° ಸಾಂಗಲೆ°. ಹ್ಯಾ ಆಟ ದಶಕಾಂತು° ಸಂಘಾನ ಕೆಲೆಲಿ ಪ್ರಗತಿ ಕಳಯಿಲೆ ತಾಂನಿ° ಶಾಳೆಂತು° ಕೊಂಕಣಿ ಶಿಖಚೆ ವಿದ್ಯಾರ್ಥಿಯಾಂಕ ಎಕ ಲಾಖ ರುಪಯೊ ವಿದ್ಯಾರ್ಥಿ ವೇತನ ವಾಂತಿಲೆ°. ಗೌರವ ಖಜಾಂಚಿ ವಿಶ್ವನಾಥ ಭಟ್ಟ ಸದಸ್ಯ ಪಂಡಿತ್ ಸುರೇಂದ್ರ ಆಚಾರ್ಯಾ, ಬಿ. ಆರ್. ಶೆಣೈ, ವಿಜಯಚಂದ್ರ ಕಾಮತ್, ಮಾಧವ್ರಾಯ ಪ್ರಭು, ಕೊಡಿಯಾಲ್ ಖಬರ ಪತ್ರಿಕೆಚೊ ಸಂಪಾದಕ ವೆಂಕಟೇಶ ಬಾಳಿಗಾ, ಎಮ್. ಆರ್. ಕಾಮತ್, ಅರವಿಂದ ಆಚಾರ್ಯ, ಗೀತಾ ಕಿಣಿ, ಮಿನಾಕ್ಷೀ ಪೈ, ವಿದ್ಯಾ ಪೈ, ಪ್ರತಿಮಾ ಪ್ರಭು ಉಪಸ್ಥಿತ ಆಶಿಲೆ. ಕಾರ್ಯದರ್ಶಿ ಡಾ. ರಮೇಶ ಪೈನ ಆಭಾರ ಮಾನಲೊ. ಸುಚಿತ್ರಾ ಶೆಣೈನ ಸೂತ್ರ ಸಂಚಾಲನ ಕೆಲೆ°.
ಅ.15 ಶ್ರೀ ಕಾಶೀ ಮಠಾಧೀಶ ಹಾಂಗೆಲೊ ದಿಗ್ವಿಜಯ ಮಹೋತ್ಸವ
ಮಂಗಳೂರು: ಮಂಗಳೂರಚೆ ಶ್ರೀ ವೆಂಕಟ್ರಮಣ ದೇವಳಾಂತು° ಶುಭಕೃತ ಸಂವತ್ಸರಾಚೆ ಚಾತುರ್ಮಾಸ ವ್ರತ ಆಚರಣ ಕರತ ಆಸಚೆ ಶ್ರೀ ಕಾಶೀ ಮಠ ಸಂಸ್ಥಾನಾಧೀಶ ಶ್ರೀಮದ್ ಸಂಯಮೀοದ್ರ ತೀರ್ಥ ಸ್ವಾಮೀಜಿ ಹಾಂಗೆಲೊ ದಿಗ್ವಿಜಯ ಮಹೋತ್ಸವ ಕಾರ್ಯಕ್ರಮ ಅ.15ಕ ಶನಿವಾರ ಸಾಂಜವೇಳಾ 5 ಗಂಟ್ಯಾಕ ರಥಬೀದಿಚೆ ಶ್ರೀ ವೆಂಕಟ್ರಮಣ ದೇವಳಾ ದಾಕೂನ ಭಾಯರ ಸರನು ಶ್ರೀ ಮಹಾಮಾಯ ದೇವಸ್ಥಾನ ರಸ್ತೊ, ಗದ್ದೆಕೇರಿ, ಮಂಜೇಶ್ವರ ಗೋವಿಂದ ಪೈ ವೃತ್ತ (ನವಭಾರತ ವೃತ್ತ), ಅಮ್ಮೆಂಬಳ ಸುಬ್ಬರಾವ್ ಪೈ ರಸ್ತೊ, ಡೊಂಗರಕೇರಿ, ನ್ಯೂಚಿತ್ರ ಜಂಕ್ಷನ್, ಬಸವನಗುಡಿ ರಸ್ತೊ, ಚಮ್ಮಾರಗಲ್ಲಿ, ಸಕಳಚಿ ರಥಬೀದಿ, ರಥಬೀದಿ ಜಾವನು ಶ್ರೀ ವೆಂಕಟ್ರಮಣ ದೇವಳಾ ಲಾಗಿ ಸಂಪನ್ನ ಜಾತಾ ದೇವಳಾಚೆ ಕಳವಣಿಂತು° ಸಾಂಗಲಾ°. ಹ್ಯಾ ದಿಗ್ವಿಜಯ ಮಹೋತ್ಸವಾಂತು° ಗಜಪಡೆ, ಅಶ್ವಪಡೆ, ವಿಶೇಷ ಸ್ಯಾಕ್ಸೋಪೋನ್ ಪಂಗಡ, ಪಂಚವಾದ್ಯ, ಚಂಡೆವಾದನ, ಆಕರ್ಷಕ ನಾಸಿಕ್ ಬ್ಯಾಂಡ್ ಪಂಗಡ, ಉಜೆ ಖೇಳು, ವಾಘಾವೇಸಾಂಚೆ ಪಂಗಡ°,29 ಸ್ತಬ್ಧಚಿತ್ರ° ಆನಿ ಹೇರ ಸಾಂಸ್ಕೃತಿಕ ಕಲಾಪಂಗಡ°, ರಂಗರοಗಾಳ ಛತ್ರಿಯೊ ಆಸತಾತಿ. ಡೊಂಗರಕೇರಿ ಕಟ್ಟೆ ಲಾಗಿ “ಗಾನಸುಧಾ" ಭಕ್ತಿಗೀತಾ ಕಾರ್ಯಕ್ರಮ ಆಯೋಜನ ಕೆಲೆಲೊ ಆಸಾ. ಗಾಂವ° ಪರಗಾಂವಾ ದಾಕೂನ ಯೆವಚೆ ಸಮಾಜ ಬಾಂಧವಾοಕ ಕೆನರಾ ಪ್ರೌಢಶಾಳಾಚೆ ಆಂಗಣಾοತು° ಆನಿ ಶ್ರೀ ವೆಂಕಟ್ರಮಣ ದೇವಳಾಚೆ ಮುಕಾರಿ ಖಾಣ ಜೇವಣಾಚಿ ವ್ಯವಸ್ಥಾ ಕರತಾತಿ. ಪರಗಾಂವಾ° ದಾಕೂನ ಆಯಿಲ್ಯಾಂಕ ಮಂಜೇಶ್ವರ ಗೋವಿಂದ ಪೈ ವೃತ್ತ (ನವಭಾರತ ವೃತ್ತ) ಲಾಗಿ ಆನಿ ಮಂಗಳೂರಚೆ ಲೋಕಾಂಕ ಡೊಂಗರಕೇರಿ ಶ್ರೀ ವೆಂಕಟ್ರಮಣ ದೇವಳ, ನ್ಯೂಚಿತ್ರ ಜಂಕ್ಷನ್ ಆನಿ ಶ್ರೀ ವೆಂಕಟರಮಣ ದೇವಳಾ ಲಾಗಿ ಗುರುವರ್ಯ ಫಲಮಂತ್ರಾಕ್ಷತ ದಿತಾತಿ .
ಶಾರದಾ ವಿದ್ಯಾಲಯ ಗ್ರೌಂಡ್, ಬಿ.ಇ.ಎಂ. ಹೈಸ್ಕೂಲ್, ರಥಬೀದಿ ಸರ್ಕಾರಿ ಪ್ರೌಢಶಾಳಾ, ಟ್ಯಾಂಕ್ ಕಾಲನಿ, ಚೇತನಾ ಶಾಳಾ, ಬಾಳಂಭಟ್ ಹಾಲ್ ಅಲಸೆ ಕಡೆನ ಪಾರ್ಕಿಂಗ್ ವ್ಯವಸ್ಥಾ ಆಸಾ ಮ್ಹಣೂಯೀ ಕಳವಣಿಂತು° ಸಾಂಗಲಾ°.
ಜಿ. ಎಸ್. ಬಿ ಸೇವಾ ಸಂಘ - ಅ. 16, 83ವೊ ಸಂಸ್ಥಾಪನ ದಿವಸ
ಮಂಗಳೂರು: ಹಾಂಗಾಚೆ ಜಿ. ಎಸ್. ಬಿ ಸೇವಾ ಸಂಘ ಹಾಂಗೆಲೊ 83ವೊ ಸಂಸ್ಥಾಪನ ದಿವಸ ಕದ್ರಿಚೆ ಸುಜೀರ ಸಿ. ವಿ. ನಾಯಕ ಸಭಾಗೃಹಾಂತು° ಆಯತಾರಾ ಅಕ್ಟೋಬರ 16ಕ ಸಕಾಳಿ 9 ದಾಕೂನ ದೋನಪಾರಾ 2 ತಾಂಯ ಚಲಚೊ ಆಸಾ ಮ್ಹಣು ಸೇವಾ ಸಂಘಾಚೊ ಕಾರ್ಯದರ್ಶಿ ಡಾ| ಎ. ರಮೇಶ ಪೈ ಹಾಂನಿ° ಪತ್ರಿಕಾ ಗೋಷ್ಠಿಂತು° ಸಾಂಗಲಾ°.
ತೇ ದೀವಸು ದ್ಹಾಂಚೆ ಕಕ್ಷಾ ದಾಕೂನ ಸ್ನಾತಕೋತ್ತರ ಪದವಿ ತಾಂಯ ವಿಶೇಷ ಸಾಧನಾ ಕೆಲೆಲೆ ಸಮಾಜಾಚೆ ವಿದ್ಯಾರ್ಥಿಯಾಂಕ ‘ಶೈಕ್ಷಣಿಕ ಉತ್ಕ್ರಷ್ಟತಾ ಸಾಧನಾ’ ಪುರಸ್ಕಾರ ದೀವನು ಸನ್ಮಾನ ಚಲತಲೊ. ಸಾನ ಚೆರಡುವ° ದಾಕೂನ ಮ್ಹಾಲ್ಗಡೆ ನಾಗರಿಕಾಂಕ ಕೊಂಕಣಿ ಕಾಣಿಯೆಚೆ ಕನ್ನಡ/ಇಂಗ್ಲಿಷ ಅಣಕಾರ ಸ್ಪರ್ಧೊ ಆನೀ ದೀಪಾವಳಿ ಪ್ರಯುಕ್ತ ವಿದ್ಯಾರ್ಥಿಯಾಂಕ ‘ದೀಪಾವಳಿ ಸಂದೇಶ’ ಚಿತ್ರ ಸೊಡವಾಚೊ ಸ್ಪರ್ಧೊ ಚಲಚೊ ಆಸಾ. ವಿದ್ಯಾರ್ಥಿಯಾನಿ ಶಾಳೆಚೆ ಶಾಲಾ ಐ ಕಾರ್ಡು ದಾಕೋವನು ವಾಂಟೊ ಘೆವಯೆತ ಮ್ಹಣು ಕಾರ್ಯಕ್ರಮ ಸಂಯೋಜಕ ಎಂ. ಆರ್. ಕಾಮತ ಹಾಂನಿ° ಸಾಂಗಲೆ°.
ಮಣಿಪಾಲ ವಿಶ್ವ ವಿದ್ಯಾಲಯಾಚೆ ಉಪ ಕುಲಪತಿ, ಆರೋಗ್ಯ ವಿಜ್ಞಾನ ವಿಭಾಗ ಪ್ರೊ. ಡಾ. ಎಮ್. ವೆಂಕಟರಾಯ ಪ್ರಭು ಸಂಸ್ಥಾಪನಾ ದಿವಸಾಚೊ ಸಂದೇಶ ದಿತಲೆ. ಕೆನರಾ ಚೇಂಬರ ಆಫ್ ಕಾಮರ್ಸ ಎಂಡ್ ಇಂಡಸ್ಟ್ರೀಸ್, ಮಂಗಳೂರು ಹಾಜೊ ಅಧ್ಯಕ್ಷ ಗಣೇಶ ಕಾಮತ್ ಮಾನಾಚೆ ಸೊಯ್ರೆ ಆಸತಲೆ. ಸೇವಾ ಸಂಘಾಚೆ ಅಧ್ಯಕ್ಷ ಪ್ರೊ. ಡಾ, ಕಸ್ತೂರಿ ಮೋಹನ ಪೈ ಸುವಾಳ್ಯಾಚೆ ಅಧ್ಯಕ್ಷ ಆಸತಲೆ.
ಜಿ. ಎಸ್. ಬಿ ಸೇವಾ ಸಂಘ, ಮಂಗಳೂರು 1938ತು° ಸ್ಥಾಪನ ಜಾಲೆಲೊ ಸಂಸ್ಥೊ ಜಾವನು ಆಸಾ. ಆರ್ಥಿಕ ಜಾವನು ಅಶಕ್ತ ಆಸಚೆ ಜಿ. ಎಸ್. ಬಿ ಕುಟುಂಬೆοಕ ಊಣೆ ಮ್ಹೋಲಾರಿ 120 ಅಪಾರ್ಟಮೆಂಟ ಘರ° ಬಾಂದೂನ ದಿಲೆಲೆ ಹ್ಯಾ ಸಂಸ್ಥೆನ ಅಸಲೆ ಖೂಬ ಸೇವಾ ದಿಲೆಲಿ ಆಸಾ. “ಆಮಿ ಜಿ.ಎಸ್.ಬಿ” ತಸಲೆ ಟಿ. ವಿ. ಶೃಂಖಲಾ ವಿ.4 ಚ್ಯಾನಲಾರಿ ಫಾಯಸ ಕೆಲೆಲೆ ಆಸಾ. ಕೊಂಕಣಿ ಭಾಷೆಚೆ ವೆಗವೆಗಳೆ ಮೌಖಿಕ ಆನಿ ಲಿಖಿತ ಸ್ಪರ್ಧೆ ಕರನು ಇನಾಂ ದಿವಚೆ°, ಶೈಕ್ಷಣಿಕ ಆನಿ ಔದ್ಯೋಗಿಕ ಕ್ಷೇತ್ರಾಂತು° ಕ್ಷಮತಾ ದಾಕಯಿಲೆಂಕ ಸನ್ಮಾನ, ಮ್ಹಾಲ್ಗಡೆ ನಾಗರಿಕಾಂಕ ವೈದ್ಯಕೀಯ ಸಹಾಯ, ಆರ್ಥಿಕ ಜಾವನು ಅಶಕ್ತ ಆಸಚೆ ವಿದ್ಯಾರ್ಥಿಯಾಂಕ ಪುಸ್ತಕ, ಶಾಳಾ ಸಮವಸ್ತ್ರ, ಆನಿ ಕೊಂಕಣಿ ಶಿಖಚೆ ವಿದ್ಯಾರ್ಥಿಯಾಂಕ ವಿದ್ಯಾರ್ಥಿ ವೇತನ ದಿವಚೆ ಹ್ಯಾ ಸಂಸ್ಥೆನ ಕೆಲಾ°. “ಘರ ಘರಾಂತ ಕೊಂಕಣಿ” ಘರಾಂತ ಕೊಂಕಣಿ ಬರೊವಚೆ ಪುಸ್ತಕಾಚೆ ದುಸ್ರಿ ಆವೃತ್ತಿ ಮೊಕಳಿಕ ಸುತಾ ಜಾವಚೆ° ಆಸಾ.
ಚಡತೆ ಮಾಹಿತಿಕ ಎಮ್.ಆರ್.ಕಾಮತ 9448251660, ಡಾ. ಎ. ರಮೇಶ ಪೈಯವರನ್ನು ಮೊ. 9449630107, ಕೆ. ಮಾಧವ ಪೈ 8277125396 ಹಾಂಕಾ° ಸಂಪರ್ಕ ಕರಯೆತ. ಪತ್ರಿಕಾ ಗೋಷ್ಠಿಂತು° ಸಂಘಾಚೊ ಗೌ. ಖಜಾಂಚಿ ಜಿ. ವಿಶ್ವನಾಥ ಭಟ್ಟ ಆನಿ ವೆಂಕಟೇಶ ಎನ್ ಬಾಳಿಗಾ ಉಪಸ್ಥಿತ ಆಶಿಲೆ.
ಕಾರಂತ ನುಡಿನಮನ - ಅಂತರ ಕಾಲೇಜು ಭಾಷಣ ಸ್ಪರ್ಧೊ
ಮಂಗಳೂರು: ಡಾ. ಕೆ ಶಿವರಾಮ ಕಾರಂತ ಅಧ್ಯಯನ ಪೀಠ, ಮಂಗಳೂರು ವಿಶ್ವವಿದ್ಯಾನಿಲಯ ಆನಿ ಕನ್ನಡ ವಿಭಾಗ, ವಿಶ್ವ ವಿದ್ಯಾನಿಲಯ ಸಂಧ್ಯಾ ಕಾಲೇಜು, ಮಂಗಳೂರು ಹಾಂನಿ°. ಶಿವರಾಮ ಕಾರಂತ ಹಾಂಗೆಲೆ ಜನ್ಮ ದೀವಸಾಕ “ಡಾ. ಶಿವರಾಮ ಕಾರಂತ-ನುಡಿ ನಮನ” ಕಾರ್ಯಕ್ರಮ ಅ.10ಕ ಶಿವರಾಮ ಕಾರಂತ ಭವನಾಂತು° ಆಯೊಜನ ಕೆಲೊ. ನಿವೃತ್ತ ಕನ್ನಡ ಪ್ರಾಧ್ಯಾಪಕ ಡಾ. ನರಸಿಂಹ ಮೂರ್ತಿ ಆರ್. ಮುಖೇಲ ಸೊಯ್ರೆ ಆಶಿಲೆ. ಡಾ. ಶಿವರಾಮ ಕಾರಂತ ಹಾಂಗೆಲೆ ಬದಲ ತಾಂನಿ° ವಿಶೇಷ ಉಪನ್ಯಾಸ ದಿಲೆ°. ಸಮರ್ಪಣಾ, ನಿಷ್ಠಾ, ವೈಶಾಲ್ಯತಾ ಆಶಿಲೆ ಕಾರಂತ ಹಾಂನಿ° ಅಸಾಧ್ಯ ಆಶಿಲೆ° ಸಾಧನ ಕರನು ದಾಕಯಲಾ° ಮ್ಹಣು ತಾಂನಿ° ಸಾಂಗಲೆ°. ಹಿ° ಮೌಲ್ಯ ಸಗಟಾನಿ ಆಪಣಾವಕಾ ಮ್ಹಣು ಉಲೊ ದಿಲೊ. ಮಂಗಳೂರು ವಿಶ್ವವಿದ್ಯಾನಿಲಯಾಚೆ ಡಾ. ಕೆ ಶಿವರಾಮ ಕಾರಂತ ಅಧ್ಯಯನ ಪೀಠಾಚೆ ಸಂಯೋಜನಾಧಿಕಾರಿ ಡಾ. ಸುಭಾಷಿಣಿ ಶ್ರೀವತ್ಸ ಹಾಂನಿ° ಸಭೆಚೆ ಅಧ್ಯಕ್ಷ ಆಶಿಲೆ. ಹ್ಯಾಚ ವೇಳಾರಿ “ಡಾ. ಕೆ ಶಿವರಾಮ ಕಾರಂತರ ಬರಹಗಳಲ್ಲಿ ಪ್ರಾದೇಶಿಕ ಸಂಸ್ಕೃತಿ” ಮ್ಹಳೆಲೆ ವಿಷಯಾರಿ ಅಂತರ ಕಾಲೇಜು ಭಾಷಣ ಸ್ಪರ್ಧೊ ಚಲೊ. 14 ವೆಗವೆಗಳೆ ಕಾಲೇಜ ಸಾವನ 26 ಸ್ಪರ್ಧಿಕ ಆಯಿಲೆ. ಪಯಲೆ° ಇನಾ° ಸುರತ್ಕಲ್ ಗೋವಿಂದಾಸ ಕಾಲೇಜಾಚೆ ಸ್ಮಿತಾ ಸಿ, ದುಸ್ರೆ° ಇನಾ° ಮಂಗಳೂರಚೆ ವಿಶ್ವವಿದ್ಯಾನಿಲಯ ಕಾಲೇಜಾಚೆ ಲತೇಶ್ ಆನಿ ತಿಸ್ರೆ° ಇನಾ° ಸುರತ್ಕಲ್ ಗೋವಿಂದಾಸ ಕಾಲೇಜಾಚೆ ಧನುಶ್ರೀ ಹಾಂಕಾ° ಫಾವೊ ಜಾಲೆ°. ಕನ್ನಡ ಉಪನ್ಯಾಸಕಿ ಆಶಾಲತಾ ಹಾಂನಿ° ಸ್ವಾಗತಾಚೆ ಉತ್ರ° ಸಾಂಗಲಿ°. ಪವಿತ್ರಾನ ಪ್ರಾರ್ಥನಾ ಗಾಯಲಿ. ದುರ್ಗಾ ಮೆನನ್ ಹಾಂನಿ° ಸೂತ್ರ ಸಂಚಾಲನ ಕೆಲೆ°. ವಾಣಿಜ್ಯ ಶಾಸ್ತ್ರ ಉಪನ್ಯಾಸಕ ಸಂತೋಷ ಹಾಂನಿ° ಆಭಾರ ಮಾನಲೊ.
ಶಾರದಾ ಶತಮಾನೋತ್ಸವ ಸಂಪನ್ನ
ಮοಗಳೂರು: ಹಾಂಗಾಚೆ ರಥಬೀದಿಚೆ ಶ್ರೀ ವೆಂಕಟರಮಣ ದೇವಳಾಚೆ ವಠಾರಾಂತ ಶಂಬರ ವರಸ ದಾಕೂನ ಪೂಜೂನ ಆಯಿಲೆ ಶ್ರೀ ಶಾರದಾ ಮಹೋತ್ಸವ ಅ. 6ಕ ಶಾರದಾ ಗುರುವಾರ ರಾತಿ 10 ಗಂಟ್ಯಾಕ ಶುರು ಜಾಲೆಲಿ ಶಾರಾಧ ಮಾತೆಲಿ ಶೋಭಾಯಾತ್ರಾ ಶುಕ್ರಾರ ಸಕಾಳಿ 10ಕ ಮಹಾಮಾಯಾ ದೇವಳಾಚೆ ತಳೆಂತು° ಶಾರದಾ ವಿಗ್ರಹ ವಿಸರ್ಜನ ಕರನು ಸಂಪನ್ನ ಜಾಲಿ. ಅ.6 ಕ ಸಕಾಳಿ ದಾಕೂನ ವೆಗವೆಗಳೆ ವಾಘಾ ವೇಸಾಂಚೆ° ಪಂಗಡಾನಿ ಸರಸ್ವತಿ ಕಲಾ ಮಂಟಪಾοತು° ಸೇವಾ ರೂಪಾರಿ ನಾಂಚೆ° ಕೆಲೆ°. ರಾತಿ ಮಂಗಳಾರತಿ ಜಾತರಿ ಶ್ರೀ ವೆಂಕಟರಮಣ ದೇವಾಲೆ ಪ್ರದಕ್ಷಿಣಾ ಜಾವನು ಶಾರದಾ ದೇವಿಲಿ ಮೆರವಣಿಗಾ ಶುರು ಜಾಲಿ.
ಶ್ರೀ ಮಹಾಮಾಯಾ ದೇವಳ, ಕೆನರಾ ಹೈಸ್ಕೂಲಾ ಮಾಕ್ಷಿ ರಸ್ತೊ, ಮಂಜೇಶ್ವರ ಗೋವಿಂದ ಪೈ ವೃತ್ತ, ಅಮ್ಮೆಂಬಳ ಸುಬ್ಬರಾವ್ ಪೈ ರಸ್ತೊ, ಡೊಂಗರಕೇರಿ, ನ್ಯೂಚಿತ್ರಾ ಟಾಕೀಸ್, ಬಸವನಗುಡಿ, ಚಾಮರಗಲ್ಲಿ, ರಥಬೀದಿ ಜಾವನು ಶೋಭಾಯಾತ್ರಾ ಮಹಾಮಾಯಾ ತಳೆಕ ಪಾವಲಿ.
ಖೂಬ ವಾಘಾವೇಸಾಮಚೆ ಪಂಗಡ, ಅನಾರ್ಕಲಿ, ರಾಕ್ಷಸ ವೇಸ, ವ್ಹಿಂಗವ್ಹಿοಗಡ ಸ್ಥಬ್ದ ಚಿತ್ರ° ಆಸೂನ ಚಲೆಲೆ ಶೋಭಾಯಾತ್ರಾ ಪಳೊವಚಾಕ ಗಾಂವ° ಪರಗಾಂವಚೆ ಲೋಕ ಆಯಿಲ್ಯಾನ ರಸ್ತೆ ಭರ ಲೋಕ ಆಶಿಲೆ.
ಮಂಗಳೂರು ಶ್ರೀ ವೆಂಕಟರಮಣ ದೇವಳಾಚೆ ವಠಾರಾಂತ ಆಸಚೆ ಆಚಾರ್ಯಾ ಮಠಾಚೆ ವಸಂತ ಮಂಟಪಾοತು° ಶಂಬರ ವರಸ ದಾಕೂನ ಪೂಜೂನ ಆಯಿಲೆ ಶಾರದಾ ಮಾತೇಕ ಹ್ಯಾ ವರಸ ಶತಮಾನೋತ್ಸವಾಚೊ ಸಂಭ್ರಮು. ಭಾಂಗರಾ ಕಾಪಡ, ಭಾಂಗರಾ ಮೋರು ಅಸಲೆ ವಿಶೇಷ ಸೇವಾ ಮಾತೆಕ ಹ್ಯಾ ವರಸ ಮೇಳೆಲಿ ಆಸಾ. ತ್ಯಾ ನಂತಾ° ಮುಕಾವಯಲೆ ವರಸ ಶಾರದೆಕ ಭಾಂಗರ ಪೀಠ ಜಾವಕಾ ಮ್ಹಳೆಲೆ ನದರೇನ ಬೆಂಗಳೂರಚೆ ಉದ್ಯಮಿ ಪಿ. ದಯಾನಮದ ಪೈ ಆನೀ ಪಿ. ಸತೀಶ ಪೈ ಹಾಂನಿ° ಎಕ ಕಿಲೊ ಭಾಂಗರ ದಿವಚೆಂ ವಾಗ್ದಾನ ಸುತಾ ಕೆಲೆಲೆ° ಆಸಾ. 10 ದೀವಸ ದೇವಿಕ ವೆಗವೆಗಳೆ ಪೂಜಾ, ಸಹಸ್ರ ಚಂಡಿಕಾ ಮಹಾಯಾಗ, ಚೆರಡುವಾಂಕ ವಿದ್ಯಾರಂಭ ಇತ್ಯಾದಿ ಕಾರ್ಯಕ್ರಮ ಚಲೊ. ಶೋಭಾ ಯಾತ್ರೆಚೆ ಆಖೇರಿಕ ಪ್ರಸಾದ ವಿತರಣ ಜಾಲೆ°. ಮುಖ್ಯ ಜಾವನು ವಾಘಾವೇಸಾಂಚೆ° ಪಂಗಡ ಆನಿ ಹೇರ ಸ್ಥಬ್ದಚಿತ್ರಾಂಚೆ ಮುಖೆಲಿಂಕ ಆಪೊವನು ಪ್ರಸಾದ ದಿವಚೆ° ಜಾಲೆ°.
ಕುದ್ರೋಳಿ ಶ್ರೀ ಕ್ಷೇತ್ರ - ಮಂಗಳೂರು ದಸರಾ ಸಂಪನ್ನ
ಮಂಗಳೂರು: ಕುದ್ರೋಳಿ ಶ್ರೀ ಗೋಕರ್ಣನಾಥ ಕ್ಷೇತ್ರಾಚೆ ವತೀನ ಚಲೆಲೆ ಮಂಗಳೂರು ದಸರಾ-2022 ಹಾಜೆ ಉದ್ಘಾಟನಾ ಸೆ.26ಕ ಆದಲೊ ಸಹಾಯಕ ವಿತ್ತ ಸಚಿವ, ಕ್ಷೇತ್ರಾಚೆ ಅಭಿವೃದ್ಧಿಚೊ ರೂವಾರಿ ಬಿ. ಜನಾರ್ದನ ಪೂಜಾರಿ ಹಾಂನಿ ದಿವೊ ಲಾವನು ಕೆಲೆಲೆ°.
ಕುದ್ರೋಳಿ ಶ್ರೀ ಗೋಕರ್ಣನಾಥ ಅ.5 ತಾಂಯ ಚಲೆಲೆ ಸಾಬಾರ ಧಾರ್ಮಿಕ, ಸಾಂಸ್ಕೃತಿಕ ಕಾರ್ಯಕ್ರಮ ಸಹಿತ ಚಲೆಲೆ ಹ್ಯಾ ದಸರಾ ಮಹೋತ್ಸವಾಚಿ ಭವ್ಯ ಶೋಭಾಯಾತ್ರಾ ಚಲಿ. ಸಕಾಳಿ 10.00 ಗಂಟ್ಯಾಕ ವಾಗೀಶ್ವರಿ ದುರ್ಗಾಹೋಮ, 12.30ಕ ಶಿವಪೂಜಾ, ಸಾಂಜವೇಳಾ 4.00 ದಾಕೂನ ಶ್ರೀ ಶಾರದ ಮಾತೆಲಿ ಶೋಭಾಯಾತ್ರಾ ಶುರು ಜಾಲಿ. ಹ್ಯಾ ಮೆರವಣಗೆಂತು° ರಾಜ್ಯಾಚೆ ವೆಗವೆಗಳೆ ಕಲಾಪಂಗಡ, ವಾಘಾವೇಸು, ಹೇರ ಟ್ಯಾಬ್ಲೋ, ವೇಸ, ಚಂಡೆ ಆನಿ ಹೇರ ವಾದ್ಯ ಆಶಿಲಿ°.
ಬಿ. ಜನಾರ್ದನ ಪೂಜಾರಿ ಹಾಂಗೆಲೆ ಮುಖೇಲಪಣಾರಿ ಶುರು ಜಾಲೆಲೆ ಶೋಭಾಯಾತ್ರೆಂತು° ಶ್ರೀ ಕ್ಷೇತ್ರಾಚೆ ಅಧ್ಯಕ್ಷ ಎಚ್. ಎಸ್. ಸಾಯಿರಾಂ, ಉಪಾಧ್ಯಕ್ಷಾ ಊರ್ಮಿಳ ರಮೇಶ್, ಕಾರ್ಯದರ್ಶಿ ಮಾಧವ ಸುವರ್ಣ, ಕೋಶಾಧಿಕಾರಿ ಪದ್ಮರಾಜ್ ಆರ್. (ಅಡ್ವಕೇಟ್), ಅಭಿವೃದ್ಧಿ ಸಮಿತಿಚೆ ಉಪಾಧ್ಯಕ್ಷ ಬಿ. ಜಿ. ಸುವರ್ಣ, ಟ್ರಸ್ಟಿ ರವಿಶಂಕರ್ ಮಿಜಾರ್, ಕೆ. ಮಹೇಶ್ಚಂದ್ರ, ಎಂ. ಶೇಖರ್ ಪೂಜಾರಿ ಆನೀ ಹೇರ ಉಪಸ್ಥಿತ ಆಶಿಲೆ. ಅ.6ಕ ಸಕಾಳಿ 4.00 ದಾಕೂನ ಬಲಿಪೂಜಾ, ಮಂಟಪ ಬಲಿ, ಪ್ರಾತಃಕಾಲ ಮಂಟಪ ಪೂಜಾ ಜಾತರಿ ಶ್ರೀ ಶಾರದ ವಿಸರ್ಜನ, ಅವಭೃತ ಸ್ನಾನ ಜಾಲೆ°. ರಾತ್ರಿ 7.00 ದಾಕೂನ ಸಕಾಳಿ 8.00 ತಾಂಯ ಭಜನಾ ಕಾರ್ಯಕ್ರಮ ಚಲೊ.
ಖಬರಿ ಆನಿ ತಸ್ವೀರ: ಸತೀಶ್ ಕಾಪಿಕಾಡ್
ಸಹಸ್ರ ಚಂಡಿಕಾ ಯಾಗಾಚಿ ಪೂರ್ಣಾಹುತಿ
ಮಂಗಳೂರು: ರಥಬೀದಿ ಸಾರ್ವಜನಿಕ ಶ್ರೀ ಶಾರದಾ ಮಹೋತ್ಸವ ಶತಮಾನೋತ್ಸವ ವೇಳಾರಿ ಸೆ.27ಕ ಶುರು ಜಾಲೆಲೆ ಸಹಸ್ರ ಚಂಡಿಕಾ ಯಾಗಾಚಿ ಪೂರ್ಣಾಯುತಿಯು ಅ. 2ಕ ಸಕಾಳಿ ಗುರು ಗಣಪತಿ ಪೂಜನ, ಆವಾಹಿತ ದೇವತಾ ಪೂಜನ, ಮಹಾಪೂಜಾ, ಗೋಪೂಜಾ, ಕುಮಾರಿ ಪೂಜಾ, ದಂಪತಿ ಪೂಜಾ, ಬ್ರಾಹ್ಮಣ ಸುವಾಸಿನಿ ಪೂಜಾ, ವೈದಿಕ ಸಂಭಾವನಾ, ಆನಿ ಹೇರ ವೈದಿಕ ಕಾರ್ಯಾಚೆ ಸಾಂಗತ ಸಂಪನ್ನ ಜಾಲಿ. ಸಾಬಾರ ವೈದಿಕ ಲೋಕಾಲೆ ಉಪಸ್ಥಿತಿರಿ ಚಲೆಲೆ ಹ್ಯಾ ಯಾಗಾಂತು° ಶತಮಾನೋತ್ಸವ ಸಮಿತಿಚೊ ಅಧ್ಯಕ್ಷ ಪಂಡಿತ ಎಂ. ನರಸಿಂಹ ಆಚಾರ್ಯ, ಪ್ರಧಾನ ಅರ್ಚಕ ಜೆ. ಭಾಸ್ಕರ ಭಟ್, ಕಾಶೀನಾಥ ಆಚಾರ್ಯ, ಶಾರದಾ ಮಹೋತ್ಸವ ಸಮಿತಿಚೊ ಅಧ್ಯಕ್ಷ ಡಾ. ಉಮಾನಂದ ಮಲ್ಯ, ಕಾರ್ಯದರ್ಶಿ ಅಡಿಗೆ ಬಾಲಕೃಷ್ಣ ಶೆಣೈ, ರಘುರಾಮ ಕಾಮತ್, ಶ್ರೀ ವೆಂಕಟರಮಣ ದೇವಸ್ಥಾನಾಚೆ ಮೋಕ್ತೆಸರ ಸಾಹುಕಾರ್ ಕಿರಣ್ ಪೈ, ಎಂ. ಗಣೇಶ್ ಕಾಮತ್, ಸತೀಶ್ ಪ್ರಭು ಆನಿ ಸಹಸ್ರ ಸಂಖೆರಿ ಭಕ್ತ ಲೋಕ ಉಪಸ್ಥಿತ ಆಶಿಲೆ. ಉಪರಾಂತ ದೇವಳಾಚೆ ಭಾಯರ ಘಾಲೆಲೆ ಮಾಂಟಪಾοತು° ಅನ್ನ ಸಂತರ್ಪಣ ಚಲೆ.
ಸೆ. 29ಕ ಚಲೆಲೆ ಸಭಾ ಕಾರ್ಯಕ್ರಮಾಂತು° ಮುಖೇಲ ಸೊಯ್ರೆ ಜಾವನು ಪೋಲೀಸ್ ಕಮೀಷನರ್ ಎನ್. ಶಶಿಕುಮಾರ್ ಆನಿ ಮುಲ್ಕಿ ಶ್ರೀ ವೆಂಕಟರಮಣ ದೇವಳಾಚೆ ಮೋಕ್ತೆಸರ್ ಅತುಲ್ ಕುಡ್ವ ಉಪಸ್ಥಿತ ಆಶಿಲೆ. ಎಸಿಪಿ (ಟ್ರಾಫಿಕ್) ಗೀತಾ ಕುಲಕರ್ಣಿ, ಪುತ್ತೂರು ಶ್ರೀ ವೆಂಕಟರಮಣ ದೇªಳಾಚೆ ಟ್ರಸ್ಟಿ ಡಾ. ಅಶೋಕ ಪ್ರಭು, ಮಾರೂರು ಗ್ರೂಪಾಚೆ ಎಂ. ಸುಧೀರ್ ಪೈ, ಕೆಎಂಸಿಚೆ ಹೃದ್ರೋಗ ತಜ್ಞ ಡಾ. ನರಸಿಂಹ ಪೈ, ಮಾಡರ್ನ್ ಸೇಲ್ಸ್ ಕಾರ್ಪೊರೇಶನ್ ವಾಂಟೆಲಿ ವೆಂಕಟ್ರಾಯ ಮಲ್ಯ, ಕೆಎಂಸಿ ಮಾರ್ಕೆಟಿಂಗ್ ಹೆಡ್ ರಾಕೇಶ್ ದರ್ಶನ್, ಮಚಲಿ ರೆಸ್ಟಾರೇಂಟಾಚೆ ಮಾಲಕ ನಾಗರಾಜ ಪೈ ಆನಿ ರಾಯಲ್ ಹಾರ್ಡ್ವರ್ಸ್ ವಾಸುದೇವ ಶೆಣೈ ಮಾನಾಚೆ ಸೊಯ್ರೆ ಆಶಿಲೆ. ಶತಮಾನೋತ್ಸವ ಸಮಿತಿಚೆ ಸಾಂದೆ ಎಂ. ಸುಬ್ರಹ್ಮಣ್ಯ ಭಟ್ ಆನಿ ಜಿ. ವಿನೋದ್ ಕಾಮತ್ ವೇದಿಕೆರಿ ಉಪಸ್ಥಿತ ಆಶಿಲೆ. ಡಾ. ಎ. ರಮೇಶ್ ಪೈ ಹಾಂನಿ° ದಿಗ್ಗಜ ಭಾರತ್ ಬೀಡೀಸ್ ಹಾಜೆ ದೇವಾದಿನ ಗಣಪತಿ ಪೈ ಹಾಂಗೆಲೆ ಬದಲ ಉಲಯಲೆ. ಜಿ. ವಿನೋದ್ ಕಾಮತ್ ಹಾಂನಿ° ಸ್ವಾಗತಾಚೆ ಉತ್ರ° ಸಾಂಗಲಿ°. ಡಾ. ಕಲ್ಪನಾ ಪ್ರಭು ಹಾಂನಿ ಸೂತ್ರ ಸಂಚಾಲನ ಕೆಲೆ°. ಸಾಂಸ್ಕೃತಿಕ ಕಾರ್ಯಕ್ರಮಾಂತು° ನಂದಿತಾ ಪೈ ಆನಿ ಅತುಲ್ ಕಾಂಡೇಕರ್ ಹಾಂಗೆಲಿ ಸಂತವಾಣಿ ಚಲಿ. ರಾಧಿಕಾ ಭಗತ್ ಆನಿ ವಿನೀತ್ ಶೆಣೈ ಹಾಂನಿ° ಸಂಗೀತ ಕಾರ್ಯಕ್ರಮ ಸಾಂಬಾಳನು ಹಾಡಲೊ.
ಅ.1ಕ ಚಲೆಲೆ ಸಭಾ ಸಾಂಸ್ಕೃತಿಕ ಕಾರ್ಯಕ್ರಮಾಂತು° ಮುಖೆಲ ಸೊಯ್ರೆ ಜಾವನು ಬಾಳಂಭಟ್ ಘರಾಣೆಚೆ ವಿದ್ವಾನ್ ಗಿರಿಧರ ಭಟ್, ಆರ್.ಎಸ್.ಎಸ್ ಪ್ರಾಂತ್ಯ ಸಹವಾಹ ಕಾರ್ಯದರ್ಶಿ ಪಿ. ಎಸ್. ಪ್ರಕಾಶ್ ಆನಿ ಮಂಗಳೂರ ಇನ್ಫೋಸಿಸ್ ಹಾಜೊ ಮುಖ್ಯಸ್ಥ ವಾಸುದೇವ ಕಾಮತ್ ಉಪಸ್ಥಿತ ಆಶಿಲೆ. ಮಾನಾಚೆ ಸೊಯ್ರೆ ಜಾವನು ಸಾಹುಕಾರ್ ಕಿರಣ್ ಪೈ, ನ್ಯಾಚುರಲ್ ಐಸ್ಕ್ರೀಮಾಚೆ ಆಡಳಿತ ನಿರ್ದೇಶಕ ರಘನಂದನ ಕಾಮತ್, ಮ್ಹಾಲ್ಗಡೊ ನ್ಯಾಯವಾದಿ ಕೆ. ಪಿ .ವಾಸುದೇವ ರಾವ್, ಧನಲಕ್ಷ್ಮೀ ಜ್ಯೂವೆಲ್ಲರ್ಸ್ಫ್ ಹಾಜೊ ರಮೇಶ್ ಕೆ. ಶೇಟ್, ದುರ್ಗಾ ಲ್ಯಾಬೋರೇಟರಿಚೊ ಸತೀಶ್ ಕಿಣಿ, ಆತ್ಮನಿರ್ಭರ್ ಟೂರ್ಸ್ ಸಂಸ್ಥೆಚೊ ವಿವೇಕಾನಂದ ಶೆಣೈ ಉಪಸ್ಥಿತ ಆಶಿಲೆ. ಶತಮಾನೋತ್ಸವ ಸಮಿತಿಚೆ ಅರುಣ್ ಪಡಿಯಾರ್ ಆನಿ ಸಿ. ರವೀಂದ್ರ ಮಲ್ಯ ವೇದಿಕೆರಿ ಉಪಸ್ಥಿತ ಆಶಿಲೆ. 99 ವರಸಾಂತು° ಶ್ರೀ ಶಾರದಾ ಮಾತೆಲಿ ಸೇವಾ ಕೆಲೆಲೆ ಸ್ವಯಂ ಸೇವಕಾಮಕ ಸನ್ಮಾನ ಚಲೊ. ಡಾ. ರಮೇಶ್ ಪೈ ಹಾಂನಿ° ರಾಷ್ಟ್ರಕವಿ ಮಂಜೇಶ್ವರ ಗೋವಿಂದ ಪೈ ಹಾಂಗೆಲೆ ಬದಲ ಉಲಯಲೆ. ಸುರೇಖಾ ಆರ್. ಭಟ್ ಹಾಂನಿ° ಸೂತ್ರ ಸಂಚಾಲನ ಕೆಲೆ°. ಸಭಾ ಕಾರ್ಯಕ್ರಮಾಚೆ ಉಪರಾಂತ ರಘುನಂದನ್ ಭಟ್ ಹಾಂಗೆಲಿ ಸಂತವಾಣಿ ಚಲಿ.
ಅ.2ಕ ಚಲೆಲೆ ಸಭಾ ಕಾರ್ಯಕ್ರಮಾಂತು° ಆರ್.ಎಸ್.ಎಸ್. ಮುಖೇಲಿ ಡಾ. ಕಲ್ಲಡ್ಕ ಪ್ರಭಾಕರ ಭಟ್ ಆನಿ ಯುಪಿಸಿಎಲ್ ಕಾರ್ಯಕಾರಿ ಅಧ್ಯಕ್ಷ ಕಿಶೋರ್ ಆಳ್ವ ಮುಖೇಲ ಸೊಯ್ರೆ ಆಶಿಲೆ.
ಸ್ಕೂಲ್ ಬುಕ್ ಕಂಪನಿಚೆ ವಾಂಟೆಲಿ ಪಿ. ಕೃಷ್ಣ ಭಂಡಾರಿ, ಲೇಖ ಪರಿಶೋಧಕ ಎಸ್. ಶ್ರೀನಿವಾಸ ಕಾಮತ್, ಮಾಯಾ ಟ್ರೇರ್ಸ್ ಕೆ. ಅನಂತ ಕಾಮತ್, ಭದ್ರಾ ಗ್ಯಾಸ್ ಏಜೆನ್ಸೀಸ್ ಮಂಜುನಾಥ ಆಚರ್ಯ, ಉಪೇಂದ್ರ ಟ್ರೇಡಿಂಗ್ ವರದರಾಯ ಶೆಣೈ, ರಾಹುಲ್ ಟ್ರೇರ್ಸ್ ಬಿ. ಅನಂತ ಶೆಣೈ, ಕೆನರಾ ಗೂಡ್ಸ್ ಟ್ರಾನ್ಸ್ಪೋರ್ಟ್ ಮಾಧವರಾಯ ಪೈ ಮಾನಾಚೆ ಸೊಯ್ರೆ ಆಶಿಲೆ. ಶತಮಾನೋತ್ಸವ ಸಮಿತಿಚೊ ಸಾಂದೊ ಲೇಖ ಪರಿಶೋಧಕ ದಾಮೋದರ ಶೆಣೈ ಉಪಸ್ಥಿತ ಆಶಿಲೆ. ಡಾ. ರಮೇಶ್ ಪೈ ಹಾಂನಿ° ಹೋಟೆಲ್ ಉದ್ಯಮಿ ಕುಡ್ಪಿ ಶ್ರೀನಿವಾಸ ಶೆಣೈ ಬದಲ ಉಲಯಲೆ. ದಾಮೋದರ ಶೆಣೈ ಹಾಂನಿ° ಆಭಾರ ಮಾನಲೊ. ದೇವದಾಸ ಕಿಣಿ ಹಾಂನಿ° ಸೂತ್ರ ಸಂಚಾಲನ ಕೆಲೆ°. ತ್ಯಾಚ ದೀವಸ ಸಕಾಳಿ ದಾಕೂನ ಕೊಂಕಣಿ ದೀವಸು ಆಚರಣ ಜಾಲೊ. ವೆಗವೆಗಳೆ ಸಾಂಸ್ಕೃತಿಕ ಕಾರ್ಯಕ್ರಮ ಜಾತರಿ ಸಾಂಜವೇಳಾ ರಘನಂದನ ಭಟ್ ಹಾಂಗೆಲಿ ಸಂತವಾಣಿ ಜಾಲಿ. ವೈಷ್ಣವಿ ಶೆಣೈನ ಸೂತ್ರ ಸಂಚಾಲನ ಕೆಲೆ°.
ಅ.3 ಕ ಚಲೆಲೆ ಸಭಾ ಕಾರ್ಯಕ್ರಮಾಂತು° ಶ್ರೀ ವೆಂಕಟರಮಣ ದೇವಳಾಚೆ ಆದಲೆ ಮೊಕ್ತೇಸರ ಎಂ. ಪದ್ಮನಾಭ ಪೈ, ಕಾರ್ಪೊರೇಟರ್ ಭಾಸ್ಕರಚಂದ್ರ ಶೆಟ್ಟಿ ಆನಿ ಲೇಖಪರಿಶೋಧಕ ಎಂ. ವಾಮನ್ ಕಾಮತ್ ಮುಖೇಲ ಸೊಯ್ರೆ ಆಶಿಲೆ. ಕಲ್ಕೂರಾ ಪ್ರತಿಷ್ಠಾನಾಚೆ ಪ್ರದೀಪ್ ಕುಮಾರ್ ಕಲ್ಕುರಾ, ಕೆನರಾ ಹೈಸ್ಕೂಲ್ ಅಸೋಸಿಯೇಸ್ ಹಾಜೆ ಕಾರ್ಯದರ್ಶಿ ಎಂ. ರಂಗನಾಥ ಭಟ್, ಉದ್ಯಮಿ ಆನಿ ದಾನಿ ಮುಂಡ್ಕೂರು ರಾಮದಾಸ ಕಾಮತ್, ಕೆಪಿಸಿಸಿ ಜನರಲ್ ಸೆಕ್ರೆಟರಿ ಮಿಥುನ್ ರೈ, ಉದ್ಯಮಿ ಸತೀಶ್ ಗಡಿಯಾರ್, ಹೆಚ್. ನರೇಂದ್ರ ನಾಯಕ್, ಮಂಜುನಾಥ ಕ್ರಾö್ಯರ್ಸ್ ಮಾಲಕ ಮುರಳೀಧರ ಪೈ, ಕಾಮತ್ ಟ್ರೇಡಿಂಗ್ ಪೆರಾರ್ ಪ್ರಶಾಂತ ಕಾಮತ್ ಮಾನಾಚೆ ಸೊಯ್ರೆ ಆಶಿಲೆ. ಶತಮಾನೋತ್ಸವ ಸಮಿತಿಚೊ ಕಾರ್ಯದರ್ಶಿ ಅರುಣ್ ಪಡಿಯಾರ್ ಉಪಸ್ಥಿತ ಆಶಿಲೆ. ಡಾ. ಎ. ರಮೇಶ್ ಪೈ ಹಾಂನಿ° ಎ. ಶಾಂತರಾಮ ಪೈ ಬದಲ ಉಲಯಲೆ.
ಸಭಾ ಕಾರ್ಯಕ್ರಮಾಚೆ ಉಪರಾಂತ ಕುಮಾರ ಋತ್ಜ ಲಾಡ್ ಆನಿ ಮ್ಹಾಲ್ಗಡೆ ಕಲಾವಿದ ಕೆ. ಉಪೇಂದ್ರ ಭಟ್ ಹಾಂಗೆಲಿ ಸಂತವಾಣಿ ಚಲಿ. ಮಹಿಮಾ ಕಿಣಿ ಆನಿ ಮೇಧಾ ಕಾಮತ್ ಹಾಂನಿ° ಸೂತ್ರ ಸಂಚಾಲನ ಕೆಲೆ°.
ಮಂಗಳೂರು ರಥಬೀದಿ ಶ್ರೀ ಶಾರದಾ ಮಹೋತ್ಸವ ಶತಮಾನೋತ್ಸವ
ಮಂಗಳೂರು: ಶ್ರೀ ಶಾರದಾ ಮಾತೆಲೆ ವಿಗ್ರಹ ಪ್ರತಿಷ್ಠಾಪನಾ
ಮಂಗಳೂರು ರಥಬೀದಿಚೆ ಸಾರ್ವಜನಿಕ ಶ್ರೀ ಶಾರದಾ ಮಹೋತ್ಸವಾಕ ಹ್ಯಾ ವರಸ ಶತಮಾನೋತ್ಸವಾಚೊ ಸಂಭ್ರಮು. ಸೆ.26ಕ ಮಂಗಳೂರಾοತು° ಮೊಕ್ಕಾಂ ಆಸಚೆ ಕಾಶೀಮಠಾಧಿಪತಿ ಶ್ರೀಮದ್ ಸಂಯಮೀοದ್ರ ತೀರ್ಥ ಸ್ವಾಮೀಜಿ ಹಾಂಗೆಲೆ ದಿವ್ಯ ಹಸ್ತಾನ ಶ್ರೀ ಶಾರದಾ ಮಾತೆಲೆ ವಿಗ್ರಹಾಚಿ ಪ್ರತಿಷ್ಠಾ ಜಾಲಿ. ಹ್ಯಾ ವಿಶೇಷ ಸಂದರ್ಭಾರಿ ಶ್ರೀ ಶಾರದಾ ಮಾತೆಕ ಸ್ವರ್ಣ ಮೋರು, ಸ್ವರ್ಣ ವೀಣಾ, ಸ್ವರ್ಣ ಕಾಂಕಣ ಆನಿ ಹೇರ ಸ್ವರ್ಣಾಭರಣಾನ ಅಲಂಕಾರ ಕರನು ಮಂಗಳಾರತಿ ಜಾಲಿ.
ಹ್ಯಾ ಸಂದರ್ಭಾರಿ ಪ್ರಧಾನ ಅರ್ಚಕ ಜೆ. ಭಾಸ್ಕರ ಭಟ್, ವೈದಿಕ ಪಂಡಿತ ಎಂ. ನರಸಿಂಹ ಆಚಾರ್ಯ, ಪಂಡಿತ ಕಾಶೀನಾಥ ಆಚಾರ್ಯ, ವೇದಮೂರ್ತಿ ವೈಕುಂಠ ಭಟ್, ಸಮಿತಿಚೊ ಅಧ್ಯಕ್ಷ ಡಾ. ಉಮಾನಂದ ಮಲ್ಯ, ಕಾರ್ಯದರ್ಶಿ ಅಡಿಗೆ ಬಾಲಕೃಷ್ಣ ಶೆಣೈ, ಕೋಶಾಧಿಕಾರಿ ವಿಠಲ ಆಚಾರ್ಯ, ಅಲಂಕಾರ ಪಂಗಡಾಚೊ ರಘುರಾಮ ಕಾಮತ್, ಸಮಿತಿಚೆ ವಾಂಗಡಿ ಆನಿ ಸರ್ವ ಸದಸ್ಯರು ತಶಿಂಚಿ ಭಕ್ತಾದಿ ಲೋಕ ಉಪಸ್ಥಿತ ಆಶಿಲೆ.
ಶತಮನೋತ್ಸವದ ಸಂಭ್ರಮ ಆಚರಣೆ ವೇಳಾರಿ ಹರ ಎಕ ದಿವಸು ರಥಬೀದಿಂತು ನಿರ್ಮಾಣ ಜಾಲೆಲೆ ಭೃಹತ ಸರಸ್ವತಿ ಕಲಾ ಮಂಟಪಾοತು° ವೆಗವಗೆಳೆ ಸಾಂಸ್ಕೃತಿಕ ಕಾರ್ಯಕ್ರಮ ಚಲಚತ ಆಸಾತಿ. ಸೆ. 27ಕ ಸಹಸ್ರ ಚಂಡಿಕಾ ಯಾಗ ಶುರು ಜಾಲಾ. ಅ.2ಕ ಸಕಾಳಿ ಶ್ರೀ ಕಾಶೀಮಠಾಧಿಪತಿ ಶ್ರೀಮದ್ ಸಂಯಮೀοದ್ರ ತೀರ್ಥ ಹಾಂಗೆಲೆ ಅಮೃತ ಹಸ್ತಾನ ಮಹಾ ಪೂರ್ಣಾಹುತಿ ಚಲನು ದೋನಪಾರಾ ಸಾರ್ವಜನಿಕ ಅನ್ನಸಂತರ್ಪಣ ಚಲಚೆ ಆಸಾ.
ಸರಸ್ವತಿ ಕಲಾಮಂಟಪದಲ್ಲಿ ಸಾಂಸ್ಕೃತಿಕ ಕರ್ಯಕ್ರಮ
ಸೆ.27ಕ ಸರಸ್ವತಿ ಕಲಾಮಂಟಪಾοತು° ವ್ಹಿಂಗವ್ಹಿಂಗಡ ಸಭಾ ಕರ್ಯಕ್ರಮ ಚಲೆ. ಕೆ. ಉಲ್ಲಾಸ್ ಕಾಮತ್ ಮುಖೇಲ ಸೊಯ್ರೆ ಆಶಿಲೆ. ಕುದ್ರೋಳಿ ಶ್ರೀ ಗೋಕರ್ಣನಾಥ ಕ್ಷೇತ್ರಾಚೊ ಕೋಶಾಧಿಕಾರಿ ಆರ್. ಪದ್ಮರಾಜ್, ಪ್ರೊಫೆಷನಲ್ ಕೊರಿರ್ಸ್ ಹಾಜೊ ಮಾಲಕ ಎಂ. ನರೇಂದ್ರ ನಾಯಕ್, ಸುರಭಿ ಎಂಟರಪ್ರೈಸೆಸ್ ಹಾಜೊ ಶಿವಪ್ರಸಾದ್ ಪ್ರಭು ಮಾನಾಚೆ ಸೊಯ್ರೆ ಆಶಿಲೆ. ಶತಮಾನೋತ್ಸವ ಸಮಿತಿಚೊ ಸಾಂದೊ ಸುರೇಶ್ ವಿ. ಕಾಮತ್ ಆನಿ ಬಿ. ಗಣೇಶ್ ಬಾಳಿಗಾ ಉಪಸ್ಥಿತ ಆಶಿಲೆ. ಡಾ. ರಮೇಶ್ ಪೈ ಹಾಂನಿ° ಸಾರಸ್ವತ ಲೋಕಾಚೆ ಮಹಾಮನಿಸಾ ಬದಲ ಉಲಯಲೆ. ಹ್ಯಾ ಸಂದರ್ಭಾರಿ ತೀನ ಯುವ ಸ್ವಯಂ ಸೇವಕ ಆನಿ 99 ವರಸಾಂತು° ಶ್ರೀ ಶಾರದಾ ಮಹೋತ್ಸವಾ ವೇಳಾರಿ ಸೇವಾ ದಿಲೆಲೆ 13 ಮ್ಹಾಲ್ಗಡೆ ಸ್ವಯಂಸೇವಕಾಕ ಗೌರವಾರ್ಪಣ ಜಾಲೆಂ. ಸಭಾ ಕರ್ಯಕ್ರಮಾಚೆ ಉಪರಾಂತ ಶಾಂತೇರಿ ಕಾಮತ್ ಪ್ರಭು ಆನಿ ನಾಗೇಶ್ ಅಡಗಾಂವ್ಕರ್ ಹಾಂಗೆಲಿ ಸಂತವಾಣಿ ಕಾರ್ಯಕ್ರಮ ಚಲೊ.
ಸೆ. 28ಚೆ ಸಭಾ ಕಾರ್ಯಕ್ರಮಾಂತು° ಬಾಳಂಭಟ್ ಘರಾನೆಚೆ ಡಾ. ಸತ್ಯಕೃಷ್ಣ ಭಟ್ ಉಪಸ್ಥಿತ ಮುಖೇಲ ಸೊಯ್ರೆ ಆಶಿಲೆ. ದರ್ಶನ ಪಾತ್ರಿ ಸತ್ಯ ನಾರಾಯಣ ನಾಯಕ್ ಆನಿ ಶ್ರೀ ನವದುರ್ಗಾ ದೇವಸ್ಥಾನಾಚೆ ಮೊಕ್ತೇಸರ ಮ್ಹಾಲ್ಗಡೆ ಸ್ವಯಂಸೇವಕ ಜಿ. ವಿಶ್ವನಾಥ ಭಟ್ ಮಾನಾಚೆ ಸೊಯ್ರೆ ಆಶಿಲೆ. ಸಭಾ ಕಾರ್ಯಕ್ರಮಾಚೆ ಉಪರಾಂತ ಡಾ. ವಿಶ್ವನಾಥ ಮಲ್ಯ ಹಾಂಗೆಲೆ ಬಾನ್ಸುರಿ ವಾದನ ಜಾಲೆ. ನಂತರ ಮುರಳೀಧರ ಶೆಣೈ ಆನಿ ಪುತ್ತೂರು ನರಸಿಂಹ ನಾಯಕ್ ಹಾಂಗೆಲಿ ಸಂತವಾಣಿ ಕಾರ್ಯಕ್ರಮ ಚಲೊ.
ಸಾರ್ವಜನಿಕ ಶ್ರೀ ಶಾರದಾ ಉತ್ಸವಾಕ ಹ್ಯಾ ವರಸ ಶಂಬರಿ ವರಸಾಚೊ ಸಂಭ್ರಮು.
ಮಂಗಳೂರು ರಥಬೀದಿಚೆ ಶ್ರೀ ವೆಂಕಟರಮಣ ದೇವಳಾಚೆ ವಠಾರಾಂತು ಚಲೂನ ಆಯಿಲೆ ಆಚಾರ್ಯ ಮಠ ಸಾರ್ವಜನಿಕ ಶ್ರೀ ಶಾರದಾ ಉತ್ಸವಾಕ ಹ್ಯಾ ವರಸ ಶಂಬರಿ ವರಸಾಚೊ ಸಂಭ್ರಮು. ಹಾಜೆ ಖಾತೀರ ಖೂಬ ಕಾರ್ಯಕ್ರಮ ಆಯೋಜನ ಕೆಲೆಲೆ ಸಂಘಟನಾ ಸಮಿತಿನ ಸೆಪ್ಟೆಂಬರ್ 26 ದಾಕೂನ ಅಕ್ಟೋಬರ್ 4 ಥಾಂಯ ಶಾಸ್ತ್ರೀಯ ಸಂಗೀತ ಕಾರ್ಯಕ್ರಮ ಆಯೋಜನ ಕೆಲೆಲೊ ಆಸಾ. ಮಂಗಳೂರು ರಥಬಿದೀಚೆ ಸರಸ್ವತಿ ಸಂಗೀತ ಆರಾಧನಾ ಮಂಟಪಾಂತು ಸಾಂಜವೇಳಾ 6 ದಾಕೂನ 8 ಆನಿ ರಾಥಿ 9 ದಾಕೂನ 11 ಥಾಂಯ ಚಲಚೆ ಹ್ಯಾ ಕಾರ್ಯಕ್ರಮಾಂತು° ನಾವಾದೀಕ ಸಂಗೀತಗಾರ ತಾಂಗೆಲೆ ಕಲಾ ಪ್ರದರ್ಶನ ಕರತಾತಿ. ಕಾರ್ಯಕ್ರಮಾಚೆ ವಿವರ ಅಶೆ° ಆಸಾ.
ಸಪ್ಟೇಂಬರ 26, ಸಾಂಜೇ 6 ತೇ 8 - ಭಾರತನಾಟ್ಯಮ್
ರಾತಿ 9 ತೇ 11 ಮೇರೇನ – ಕಲಾಕಾರ
ರಘುನಂದನ ಪಂಶೀಕಾರ (ಗಾಯನ)
ಭರತ ಕಾಮತ (ತಬಲಾ)
ಸುಧೀರ ನಾಯಕ (ಹಾರಮೋನಿಯಂ) ರಾಘವೇಂದ್ರ ಮಲ್ಯಾ (ಪಖವಾಜ)
ದೇವದಾಸ ನಾಗರಮಾಠ (ಮಂಜೀರಾ)
ಸಪ್ಟೇಂಬರ 27
ಸಾಂಜೇ 6 ತೇ 8
ಕಲಾಕಾರ - ಶಾಂತೇರೀ ಕಾಮತ - ಪ್ರಭು (ಗಾಯಕ)
ದೀಪಕ ನಾಯಕ (ತಬಲಾ)
ಶಂಕರ ಶೆಣೈ (ಹಾರಮೋನಿಯಂ)
ಧನಶ್ರೀ ಪ್ರಭು (ಮಂಜೀರಾ)
ರಾತಿ 9 ತೇ 11 ಮೇರೇನ – ಕಲಾಕಾರ - ನಾಗೇಶ ಆಡಗಾಂವಕಾರ (ಗಾಯನ)
ವಿಘ್ನೇಶ ಕಾಮತ (ತಬಲಾ)
ಗೋಪಾಳ ಪ್ರಭು (ಹಾರಮೋನಿಯಂ)
ಶ್ರೀದತ್ತ ಪ್ರಭು (ಪಖವಾಜ)
ನಾಗರಾಜ ಶೇಟ (ಮಂಜೀರಾ)
ಸಪ್ಟೇಂಬರ 28
ಸಾಂಜೇ 6 ತೇ 8
ಕಲಾಕಾರ -
ಪಯಲೇಂ- ವಿಶ್ವನಾಥ ಎಸ್, ಮಲ್ಯಾ (ಬಾಂಸುರೀ)
ಜ್ಞಾನೇಶ ಎಸ್.ಮಲ್ಯಾ (ತಬಲಾ)
ದುಸರೊ ಕಾರ್ಯಕ್ರಮ
ಜಿ. ಮುರಲೀಧರ ಶೆಣೈ (ಗಾಯನ)
ವಿಘ್ನೇಶ ಪ್ರಭು (ತಬಲಾ)
ಸಂಪಿತ ಶೆಣೈ (ಹಾರ್ಮೋನಿಯಂ) ರಾಮನಾಥ ಕಿಣಿ (ಮಂಜೀರಾ)
ರಾತಚ್ಯಾ 9 ತೇ 11 ಮೇರೇನ – ಕಲಾಕಾರ
ಪುತ್ತೂರ ನರಸಿಂಹ ನಾಯಕ (ಗಾಯಕ)
ರಾಜೇಶ ಭಾಗವತ (ತಬಲಾ)
ಹೇಮಂತ ಭಾಗವತ (ಹಾರ್ಮೋನಿಯಂ)
ರಾಘವೇಂದ್ರ ಮಾಲ್ಯ (ಪಖವಾಜ)
ದೇವದಾಸ ನಾಗರಮಠ (ಮಂಜೀರಾ)
ಸೆಪ್ಟೆಂಬರ್ 29
ಸಾಂಜೇ 6 ತೇ 8
ಕಲಾಕಾರ
ನಂದಿತಾ ಪೈ (ಗಾಯನ)
ರೋಹಿದಾಸ ಪರಬ (ತಬಲಾ)
ದತ್ತರಾಜ ಮ್ಹಾಲಶೀ (ಹಾರಮೋನಿಯಂ)
ರಾಘವೇAದ್ರ ಮಲ್ಯ (ಪಖವಾಜ)
ರಾಮನಾಥ ಕಿಣಿ (ಮಂಜೀರಾ)
ರಾತಿ 9 ತೇ 11 ಮೇರೇನ – ಕಲಾಕಾರ
ಅತುಲ ಖಾಂಡೇಕರ (ಗಾಯನ)
ರೋಹಿದಾಸ ಪರಬ (ತಬಲಾ)
ರಾಯಾ ಕೋರಗಾಂವಕರ್ (ಹಾರಮೋನಿಯಂ)
ಶ್ರೀದತ್ತ ಪ್ರಭು (ಪಖವಾಜ)
ನಾಗರಾಜ ಶೇಟ (ಮಂಜೀರಾ)
ಸಪ್ಟೇಂಬರ 30
ಸಾಂಜೇ 6 ತೇ 8
ಕಲಾಕಾರ
ದೇವರಾಯ ಕಿಣೀ (ಗಾಯನ)
ದೇವದತ್ತ ಪ್ರಭು (ತಬಲಾ)
ಶ್ರೀಲತಾ ಪ್ರಭು (ತಬಲಾ)
ದತ್ತರಾಜ ಮ್ಹಾಲಶೀ (ಹಾರಮೋನಿಯಂ)
ದೇವದಾಸ ನಾಗರಮಠ (ಮಂಜೀರಾ)
ರಾvತಿ 9 ತೇ 11 ಮೇರೇನ – ಕಲಾಕಾರ
ವಿನಾಯಕ ಪ್ರಭು (ಗಾಯನ)
ದೇವದತ್ತ ಪ್ರಭು (ತಬಲಾ)
ಸಂಪ್ರಿತ ಶೆಣೈ (ಹಾರ್ಮೋನಿಯಂ)
ರಾಘವೇಂದ್ರ ಮಲ್ಯಾ (ಪಖವಾಜ)
ದೇವದಾಸ ನಾಗರಮಠ (ಮಂಜೀರಾ)
ಅಕ್ಟೋಬರ 1
ಸಾಂಜೇ 6 ತೇ 8
ಕಲಾಕಾರ
ದೇವೀ ದಯಾನೀ ಶರಣಂ (ಕಾಲಾ ಕೋಸ್ಟ ಕಡಚ್ಯಾನ ವಿಶಯಾತ್ಮಕ ಸಾದರೀಕರಣ)
ಸೂತ್ರ ಸಂಚಾಲನ: ಶಕುಂತಲಾ ಕಿಣಿ
(ಗಾಯಕ) ವೀಣಾ ನಾಯಕ, ಮೈತ್ರೇಯೀ ನಾಯಕ, ಶ್ರವಣ ಪೈ, ಓಂಕಾರ ಶೆಣೈ
ವಿಘ್ನೇಶ ಕಾಮತ (ತಬಲಾ)
ಶ್ರೀದತ್ತ ಪ್ರಭು (ಪಖವಾಜ)
ಶ್ರೀಧರ ಭಟ (ಹಾರಮೋನಿಯಂ)
ಸುಧೀರ ಭಕ್ತ (ಬಾಂಸೂರಿ)
ಧನಶ್ರೀ ಪ್ರಭು (ಮಂಜೀರಾ)
ರಾತಿ 9 ತೇ 11 ಮೇರೇನ
ಕಲಾಕಾರ
ಶಾಲ್ಮಲೀ ಜೋಶಿ (ಗಾಯನ)
ತೇಜೋವೃಷ ಜೋಶಿ (ತಬಲಾ)
ಪ್ರಸಾದ ಕಾಮತ (ಹಾರಮೋನಿಯಂ)
ನಾಗರಾಜ ಶೇಟ (ಮಂಜೀರಾ)
ಅಕ್ಟೋಬರ 2
ರಾತಿ 9 ತೇ 11 ಮೇರೇನ
ಕಲಾಕಾರ
ರಘುನಂದನ ಭಟ (ಗಾಯಕ)
ಪ್ರಸಾದ ಕಾಮತ (ಹಾರಮೋನಿಯಂ)
ಶ್ರೀವತ್ಸ ಶರ್ಮಾ (ತಬಲಾ)
ದೀಪಕ ನಾಯಕ (ತಬಲಾ)
ನಾಗರಾಜ ಶೇಟ (ಮಂಜೀರಾ)
ಅಕ್ಟೋಬರ 3
ಸಾಂಜೇ 6 ತೇ 8- ಕಲಾಕಾರ
ರುತುಜಾ ಲಾಡ (ಗಾಯನ)
ವಿಘ್ನೇಶ ಕಾಮತ (ತಬಲಾ)
ಶ್ರೀಧರ ಭಟ (ಹಾರಮೋನಿಯಂ)
ರಾಮನಾಥ ಕಿಣಿ (ಮಂಜೀರಾ)
ರಾತಿ 9 ತೇ 11 ಮೇರೇನ – ಕಲಾಕಾರ
ಕೆ. ಉಪೇಂದ್ರ ಭಟ (ಗಾಯನ)
ವಿಘ್ನೇಶ ಪ್ರಭು (ತಬಲಾ)
ಗೋಪಾಳ ಪ್ರಭು (ಹಾರಮೋನಿಯಂ)
ಮAಗಳದಾಸ ಗುಲ್ವಾಡಿ (ಪಖವಾಜ)
ಟಿ. ರಂಗ ಪೈ (ವಾಯಲಿನ)
ದೇವದಾಸ ನಾಗರಮಠ (ಮಂಜೀರಾ)
ಅಕ್ಟೋಬರ 4
ಸಾಂಜೇ 6 ತೇ 8
ಕಲಾಕಾರ
ಬಸ್ತಿ ಕವಿತಾ ಶೆಣೈ (ಗಾಯನ)
ರಾಜೇಶ ಭಾಗವತ (ತಬಲಾ)
ಪ್ರಸಾದ ಕಾಮತ (ಹಾರಮೋನಿಯಂ)
ಉಪೇAದ್ರ ಮಲ್ಯಾ (ಪಖವಾಜ)
ದೇವದಾಸ ನಾಗರಮಠ (ಮಂಜೀರಾ)
ರಾತಿ 9 ತೇ 11 ಮೇರೇನ
ಕಲಾಕಾರ
ಎಂ. ವೆಂಕಟೇಶಕುಮಾರ (ಗಾಯನ)
ಓಂಕಾರನಾಥ ಗುಲ್ವಾಡಿ (ತಬಲಾ)
ಸುಧೀರ ನಾಯಕ (ಹಾರಮೋನಿಯಂ)
ದೇವದಾಸ ನಾಗರಮಠ (ಮಂಜೀರಾ)
ಉಡುಪಿ ಶ್ರೀ ಲಕ್ಷ್ಮೀ ವೆಂಕಟೇಶ ದೇವಸ್ಥಾನ
ಉಡುಪಿ ಶ್ರೀ ಲಕ್ಷ್ಮೀ ವೆಂಕಟೇಶ ದೇವಳಾಂತು°
ಮುοಡ್ಕೂರು: ಹಾಂಗಾಚೆ ಶ್ರೀ ವಿಠೋಭ ದೇವಳಾಂತು°
ಉದ್ಯೋಗ ಆನೀ ನಿರುದ್ಯೋಗ ಡಾ| ಅರವಿಂದ
18:53:41 ವಿಶ್ವ ಕೊಂಕಣಿ ಕೇಂದ್ರ ‘ಕ್ಷಮತಾ
This application is only for the poor
कोंकणिंतल्या अस्तुरी साहित्याचेर
ಮಂಗಳೂರು: ವಿಶಂತಿ ಸಂಭ್ರಮಾοತು ಆಸಚೆ
ಬೆಂಗಳೂರು: ಹಾಂಗಾಚೆ ಮಲ್ಲೇಶ್ವರಂಚೆ ಗೌಡ
Editorial
ಡಾಕ್ಟರಾಲೆ ಆತ್ಮ ಪರಮಾತ್ಮಾಲೆ ಸಾಂಗತ ವಿಲೀನ ಜಾಲೆ°,,,
ಡಾ. ಜಿ. ಜಿ. ಲಕ್ಷ್ಮಣ್ ಪ್ರಭು ಎಕ ನಾವಾದೀಕ ಡಾಕ್ಟರು ಆಶಿಲೊ. ಯುರಾಲಾಜಿ ತಾಗೆಲಿ ಸ್ಪೇಷಾಲಿಟಿ. ತೊ ಎಕ ಫಾಮಾದ ಡಾಕ್ಟರ್ ನಂತಾ° ಎಕ ಬರೊ ಭಾಷಣಗಾರುಯೀ ಜಾವನು ಆಶಿಲೊ. ಸಾನ ಪ್ರಾಯೆರಿ ತೊ ಜನಾ ಮೋಗಾಳ ಜಾಲೆಲೊ. ತೊ ಅನೀರಿಕ್ಷಿತ ಜಾವನು ಅಂತರಲೊ ಮ್ಹಳೆಲಿ ಖಬರ ಆಯಕತನಾ ಸಾಬಾರ ಲೋಕಾಂಕ ತೆಂ ನಂಬಗೂಚಾಕ ಜಾಯನಿ. ಬ್ಯುಸಿ ಡಾಕ್ಟರ್ ಆಶಿಲೊ ತೊ ಕೆದನಾಯಿ ಕೊಡಿಯಾಲಚೆ ಕೆ. ಎಂ. ಸಿ ಹಾಸ್ಪಿಟಲಾಂತ ಪಳೊವಚಾಕ ಮೆಳತಲೊ. ಸಕಾಳಿ ದಾಕೂನ ಸಾಂಜವೇಳಾ ತಾಂಯ ಆಪರೇಶನ್ ಥಿಯೇಟರಾಚೆ ಸಮವಸ್ತ್ರಾಂತು ತೊ ದಿಸತಲೊ ಮ್ಹಣು ಆಸ್ಪತ್ರೆಕ ಗೆಲೆಲೆ ಸಾಂಗತಲೆ. ತಿತಲೊ ಬ್ಯುಸಿ ಡಾಕ್ಟರ್ ತೊ. ತಾಣೆ ತಾಗೆಲೆ ಪೆಶೆಂಟಾoಕ ಪಳೊವಚಾಕ ಆಸ್ಪತ್ರೆಚೆ ರೌಂಡ್ಸಾರ ವತನಾ ತಾಗೆಲೊ ಹೋಡು ತಾಳೊ ಆಯಕೂನು ತ್ಯಾ ಮ್ಹಾಳ್ಯೆರಿ ಆಸಚೆ ಸಗಟ ರೂಮಾಂತುಲೆ° ಪೇಶೆಂಟಾoಕ ತೊ ಆಯಲೊ ಮ್ಹಣು ಕಳತಲೆ° ಖಂಯ. ಕುಶಾಲ ಉಲೊವನು ಪೇಶೆಂಟಾoಲಿ ಮನೋಸ್ಥಿತಿ ಸಂತೋಸಮಯ ಕರಚೆಂ ತಾಗೆಲಿ ಸವಯ್ ಆಶಿಲಿ.
ನ. 9ಕ ಎಕ ಆಪರೇಶನ ಪೂರ್ಣ ಕರನು ಭಾಯರ ಆಯಿಲೆ ಡಾಕ್ಟರಾಕ ಕಠಿಣ ಹೃದಯಘಾತ ಜಾಲೆ°. ತ್ಯಾ ನಿಮಿತ ತಾಕಾ ತುರ್ತಾನ ಶುಶ್ರುತಾ ಮೇಳಚಾಕ ಸಾಧ್ಯ ಜಾಲೆ°. ತೊ ಐ.ಸಿ.ಯುಂತ 8 ದೀವಸ ಆಶಿಲೊ. ತಾಕಾ ಊಂಛ ಸ್ಥರಾಚೆ ಟ್ರಿಟಮೆಂಟ್ ಮೆಳೆ°. ಜಾಲ್ಯಾರ ದೈವಿಚ್ಛಾ ವ್ಹಿಂಗಡ ಆಶಿಲಿ. ನ.17 ಕ ತಾಗೆಲೆ ದೇಹಾಂತ್ಯ ಜಾಲೆ°.
ಡಾಕ್ಟರಾಕ ಫಕತ 60 ವರಸ°. ಸಾಬಾರ 30 ವರಸಾಚೊ ವೈದ್ಯಕೀಯ ಅಣಭವ. ಡಾಕ್ಟರ ಮ್ಹಣು ನ್ಹಹಿ°, ಆರತಾ° ತರನಾಟೆ ಲೋಕಾನ ಹೃದಯಘಾತ ಜಾವನು ಮರಣ ಪಾವಚಿ ಖಬರ ಆಯಕೂಚೆ° ಚಡ ಜಾಲಾ°. ಸ್ವತ: ಡಾಕ್ಟರ ಆಶಿಲೆ ತಾಕಾ ಖಾಂಯ ಮುನ್ಸೂಚನಾ ಮೇಳನಿ ವೆ ? ತಾಣೆ ತಾತಾವಳಿ ತಾಗೆಲಿ ಆರೋಗ್ಯಾಚಿ ತಪಾಸಣಾ ಕರನು ಆಸಚೆ° ಸಾಧ್ಯತಾ ಆಸಾ. ಎಕ ಫಾಮಾದ ಡಾಕ್ಟರಾಕಚೀ ಅಶಿ° ಜಾಲೆ ಮ್ಹಣತಾನ ಸಾಮಾನ್ಯ ಮನಶಾನ ತಾಗೆಲೆ ಆರೋಗ್ಯಾ ಬದಲ ಕಿತಲಿ ಜಾಗೃತಿ ಘೆವಕಾ ? ಮನಶಾನ ತಾಗೆಲೆ ಆಹಾರ ಪದ್ಧತಿ ಆನಿ ಜೀವನ ಶೈಲಿ ಕಶಿ° ದವರಕಾ ? ವಿಜ್ಞಾನ ಇತಲೆ° ವಾಡಲಾ° ಕೀ, ವಿಜ್ಞಾನಿ ಲೋಕಾ° ಮಧೆಂತೂಚಿ ಆಮಿ ಘೆವಚೆ ವಕದ ಆನಿ ಹೇರ ವಿಷಯಾಚೆರಿ ಚರ್ಚಾ ಜಾವಚೆ° ಆಮಿ ಸೋಶಿಯಲ್ ಮೀಡಿಯಾರಿ ವಾಚತಾತಿ ಆನಿ ಆಯಕತಾತಿ. ಆಮಿ ಘೆತಿಲೆ ಕೋವಿಡ್ ವ್ಯಾಕ್ಸಿನಾ ಬದಲಯಿ ಸಂದೇಹ ಉಲಯತಲೆ ಆಸಾತಿ. ಆಶೆ° ಸಾಬಾರ ಸವಾಲಾ° ಆಮಗೆಲೆ ಮುಕಾರ ಆಸಾತಿ.
ಆಹಾರ ಪದ್ಧತಿ ಬದಲ ಖೂಬ ಚರ್ಚಾ ಜಾತಾ ಆಸಾ. ಆರತಾ° ಕ್ರಿಕೇಟರ್ ಕೊಹ್ಲಿನ ತಾಗೆಲೆ ಆಹಾರ ಪದ್ಧತಿ ಬದಲ ಸಾಂಗಿಲೊ ಎಕ ವಿಡೀಯೊ ಪಳೊವಚಾಕ ಮೆಳೊ. ತಾಂತು° ತೊ ಕಾರ್ಬ್ಸ ಊಣೆ ಕರಚೆ°, ಪ್ರೊಟಿನ್ ಚಡ ಕರಚೆ°, ಗೀನ್ ವೇಜಿಟೆಬಲ್ಸ್ ಖಾವಚೆ°, ಲೋಣಿ - ತುಪ ಖಾವಚೆ° ಸಾಂಗತಾ. ತಾಗೆಲೆ ಉತ್ರ° ಆಯಕತನಾ ಆಮಗೆಲೆ ಥೊಡೆ ಇಷ್ಟ ಲೋಕಾನ ಆಶೆ° ಕರಚೆ° ಚೂಕಿ ನ್ಹಹಿ° ಮ್ಹಣು ದಿಸತಾ. ಆಮಿ ಪ್ರಯತ್ನ ಕರನು ಪಳೊವಯೆತ ಮ್ಹಣು ಭೊಗತಾ. ದೀವಸಾಕ ಉಣೆನಾ 30 ಮಿನೀಟ್ ಚಮಕಲೆರಿ ಬರೆ° ಮ್ಹಣು ಹರ ಎಕಲೊ ಡಾಕ್ಟರು ಸಾಂಗತಾ. ಆಮಗೆಲೆ ತರನಾಟೆನಿ ಸುತಾ ಸಾನ ಪ್ರಾಯೇರಿಚಿ ಆಹಾರ ಪದ್ಧತಿ ಸಮ ಕರನು ಜೀವನ ಶೈಲಿ ಸಮ ಕರಚಾಕ ಪ್ರಯತ್ನ ಕರಕಾ.
ಡಾಕ್ಟರ್ ಜಿ. ಜಿ. ಲಕ್ಷ್ಮಣ್ ಪ್ರಭು ಬರೊ ಡಾಕ್ಟರು ಆನಿ ಭಾಷಣಗಾರ ನಂತಾ° ಎಕ ಕವಿ ಸುತಾ ಆಶಿಲೊ. ತಾಣೆ ಕನ್ನಡ ಭಾಶೆನ ಖೂಬ ಕವಿತಾಂ ರಚನ ಕೆಲಾಂ ಮ್ಹಣು ತಾಣೆ ದೇವಾದಿನ ಜಾತರಿಚಿ ಲೋಕಾಂಕ ಕಳೆ°. ತಾಣೆ ಆರತಾ° ಎಕ ಸಮಾರಂಭಾoತ ಪ್ರಸ್ತುತ ಕೆಲೆಲೆ ಭಾಷಣ ಖೂಬ ವೈರಲ್ ಜಾಲಾ°. ತಾಂತು° ತೊ ಆತ್ಮ ಆನಿ ಪರಮಾತ್ಮಾ ವಿಷಯಾರಿ ಉಲಯತಾ.
"ಕ್ರಷ್ಣಾನ ಸಾಂಗಲ್ಯಾ ಮ್ಹಣಕೆ ಪರಮಾತ್ಮಾಲೆ ಮ್ಹಣಕೆ ಆತ್ಮಾಕಯೀ ಆದಿ ನಾ ಯಾ ಅಂತ್ಯ ನಾ, ಮ್ಹಳ್ಯಾರಿ ಮರಣ ನಾ" ಮ್ಹಣು ತ್ಯಾ ಭಾಷಣಾಚೆ ಶುರುವಾತಾರಿ ಡಾಕ್ಟರು ಸಾಂಗತಾ. ಆಮಿ ಜೀವನಾಂತು° ಆಮಗೆಲೆ ಕರ್ತವ್ಯ ಕರಕಾ, ಕರತನಾ ಆಮಕಾ ಜಯ ಮೇಳತಾ ಯಾ ಸೋಲು ಮೇಳತಾ. ಆಮಗೆಲೆ ವಿಷಯಾರಿ ಕೋಣ ಕಸಲೆ° ಚಿಂತಾ ಕರತಾ ಮ್ಹಣು ಆಮಿ ಮನಾಂತ ದವರನು ಕರ್ತವ್ಯ ಕರಚೆ° ಕಷ್ಟ ಜಾತಾ. ತಸಲೆ ಮನೋಸ್ಥಿತಿರಿ ತುಮಿ ಕರ್ತವ್ಯ ಕರಚೆ° ಸುಲಭ ಜಾಯನಾ ಆನಿ ಕರಚೆ ಕರ್ತವ್ಯಾಕ ನ್ಯಾಯ ದಿವಚಾಕ ಜಾಯನಾ ಮ್ಹಣು ತೊ ಸಾಂಗತಾ.
ಮುಕಾರ ತೊ ಅಶೆ° ಸಾಗತಾ ಕೀ, ಎಕ ಪಾವಟಿ ತಾಗೆಲೆ ಪ್ರೋಫೆಸರಾನ ಸಾಂಗಿಲೆ° ಖಂಯ, ತುವ° ತುಗೆಲೆ ವೃತ್ತಿಂತು° ಪ್ರಚಾರ ಘೆವಚಾಕ ಯಾ ನಾವಾದೀಕ ಜಾವಚಾಕ ಆಯಿಲೊ ನ್ಹಹಿ°. ತುಗೆಲೆ ಮನಾಕ ಖಂಚೆ ಸಮ ಮ್ಹಣ ದಿಸತಾ ತ್ಯಾ ಪ್ರಮಾಣೆ ಮಾನವಿಯತಾ ದೃಷ್ಠಿ ದವರನು ಕರ್ತವ್ಯಪಾಲನ ಕರಿ. ಕೋಣಾಕ ಅಭಿಮಾನ ಆಸಾಕೀ ತಾಗೆ ಲಾಗಿ ಮಾನವೀಯತಾ ಆಸತಾ. ಕೋಣಾಕಯಿ ಖುಷಿ ಕರಚಾಕ ಕರ್ತವ್ಯ ಕರಚಾಕ ಜಾಯನಾ. ಅಹಂ ಸೋಡಕಾ, ಶರೀರ ಆನಿ ಪ್ರಾಪಂಚಿಕ ವಸ್ತು ಸೋಡಚೆ° ಕರಕಾ. ಶರೀರ ಆನಿ ಹೇರ ವಸ್ತು ಆಮಗೆಲೊ ನ್ಹಹಿ° ಮ್ಹಣು ಚಿಂತಲ್ಯಾರಿ ಸಹಜ ಜಾವನು ಆಮಿ ಸ್ವತಂತ್ರ ಜಾತಾತಿ. ಆತ್ಮ ವ್ಹಂವಚಾಕ ಶರೀರ ಶಿವಾಯ, ಶರೀರ ವ್ಹವಂಚಾಕ ಆತ್ಮ ನ್ಹಹಿ° ಮ್ಹಳೆಲೆ ಉಡಗಾಸ ದವರಕಾ. ಆತ್ಮಾನ ಶರೀರ ವ್ಹಂವಚಿ ಪರಿಸ್ಥಿತಿ ಆಯಲ್ಯಾರಿ ಶರೀರ ಸೋಡಕಾ ಮ್ಹಣು ತೊ ಸಾಂಗತಾ.
ಆರೋಗ್ಯ ಸಾಂಬಾಳಚಾಕ ಕಸಲೆ° ಕರಕಾ ಮ್ಹಣೂಯಿ ಡಾಕ್ಟರಾನ ತಾಗೆಲೆ ಭಾಷಣಾಂತು° ಸಾಂಗಲಾ°. ಜೀವನಾಂತು° ಚಲನ, ಭೋಜನ, ಶಯನ ಆನಿ ಪ್ರಕೃತಿ ವೀಲಿನಾಚೆ ಬದಲ ಜ್ಞಾನ ಆಸೂಕಾ ಮ್ಹಣು ತೊ ಸಾಂಗತಾ.
ಆಮಿ ಕೆದನಾಯಿ ಚಲನಶೀಲ ಆಸೂಕಾ. ಚಲಚನಶೀಲತಾ ಮ್ಹಳ್ಯಾರಿ ಜೀವಂತ ಆಸಾತಿ ಮ್ಹಣಚೆ ಸೂಚನಾ. ತ್ಯಾ ನಿಮಿತ ಪ್ರಾಯ ಜಾಲೆಲ್ಯಾನಿ ಜಾಲೆ ತಿತಲೆ ಚಮ್ಕೂಚೆ° ಕರಕಾ. 60 ವರಸ° ಜಾತರಿ ಎಕ ವಾಕಿಂಗ್ ಸ್ಟಿಕ್ ದ್ಹರನು ಚಮಕೂಚೆ° ಬರೆ° ಮ್ಹಣು ತೊ ಡಾ. ಟಿ. ಎ. ಎ. ಪೈಲೆ ಉದಾಹರಣ ದಿತಾ.
ದುಸ್ರೆಂ, ಭೋಜನ. ತರನಾಟೆ ಆಸತನಾ ಫಾತೋರ ಖಾವನು ಜೀರ್ಣ ಕರಚಿ ಶಕ್ತಿ ಆಸತಾ. ಪ್ರಾಯ ಜಾತಾನ ತೀ ಶಕ್ತಿ ಊಣೆ ಜಾತಾ. ತಶಿಂ ಮ್ಹಣು ಕಸಲೆಂಯಿ ಸೊಡಚೆಂ ನ್ಹಹಿಂ. ನ್ಯೂಟ್ರಿಶಿಯನ್ ಮ್ಹಳ್ಯಾರಿ ಹೈ ಫೈಬರ್ ಆಸೂಕಾ, ಉದಾಕ ಪಿವಕಾ, ಲಾಯಕ ಕರನು ನಿದೋಕಾ. ಎಕ ಲೇಖಾ ಪ್ರಮಾಣೆ 8 ಗಂಟೊ ಕಾಮ ಕರಕಾ, 8 ಗಂಟೊ ಕುಟುಂಬಾಕ ದೀವಕಾ ಆನಿ 8 ಗಂಟೊ ನಿದೋಕಾ. ವಗೀ ನಿದೊಚೆಂ ಆನಿ ವಗೀ ಉಟಾಚೆ° ಕರಕಾ. ಪ್ರಕೃತಿ ಸಾಂಗತ ಮೆಳಚೆ° ಕರಕಾ. ಅನೈಸರ್ಗಿಕ ವಸ್ತು ದೂರ ದವರಕಾ. ಮೊಬೈಲ್ ಆನಿ ತಸಲೆ ಹೇರ ವಸ್ತು ದೂರ ಕರಚೆ°, ಖಂಚೆಯ ಗಾರ್ಡನಾಕ ವಚೆ° ಹಾಕಾ ಉದಾಹರಣ ಜಾತಾತಿ. ಪ್ರಕೃತಿ ಮಾತೆಲೆ ಸಾಂಗತ ಮೇಳನು ಆಸಚೆಂ ಅತ್ಯಂತ ಪ್ರಮುಖ ಜಾತಾ.
ಆಯಚೆ ದೀಸಾಂತ ಸಂಭoದ ಚೂಕುನ ವಚೆ° ಸಾಮಾನ್ಯ ಜಾಲಾ°. ಸಂಭoದ ವರೊನ ಹಾಡಚೆ° ಕರಕಾ. ದೋಸ್ತ ಮ್ಹಳಯಾರಿ ಕಾನ್ನಡಿ ಶೆಂ ಆಸತಾತಿ. ಮುಖಸ್ತುತಿ ಕರತಲೆ ನ್ಹಹಿ°. ಕೇದನಾಯಿ ಸಂಭoದ ಉದಾಕಶೆ° ಆಸೂಕಾ. ಉದಾಕ ಪಾರದರ್ಶಕ ಆಸತಾ. ತಾನಿ ನಿವಯತಾ. ಆಮಿ ತಶೀಂಚಿ ಜಾವಕಾ. ತ್ಯಾ ನಿಮಿತ ಜೀವನಾಂತು° ಚಲನ, ಭೋಜನ, ಶಯನ ಆನಿ ಪ್ರಕೃತಿ ವೀಲಿನಾಚೆ ಬದಲ ಚಡ ಮಹತ್ವ ದೀವಕಾ. ತ್ಯಾಚ ವೇಳಾರ ಸ್ನೇಹ ಪರಿಪಾಲನ ಕರಚೆ° ಕರಕಾ ಮ್ಹಣು ಸಾಂಗೂನು ತಾಣೆ ತಾಗೆಲೆ ಭಾಷಣ ಆಖೇರಿ ಕೆಲೆಲೆಂ ಆಸಾ.
ತಾಣೆ ಭಾಷಣಾಂತು° ಕಸಲೆ° ಸಾಂಗಲಾ° ತೆ° ತಾಣೆ ಜೀವನಾಂತು° ಪರಿಪಾಲನ ಕೆಲಾ° ಮ್ಹಣಯೆತ. ತಾಗೆಲೆ ಬದಲ ತಾಗೆಲೆ ದೋಸ್ತಾನಿ, ಪೇಶೆಂಟಾನಿ ಆನೆ ಹೇರಾನಿ ಸೋಶಿಯಲ್ ಮೀಡಿಯಾರಿ ಫಾಯಸ ಕೆಲೆಲೆ ಸಂದೇಶ ಪಳೊವನು ಆಶೆಂ ಸಾಂಗಚಾಕ ಜಾತಾ.
ಡಾಕ್ಟಾçಲೊ ಮ್ಹಾಂತು ಜಿ. ಜಿ. ವಾಸುದೇವ ಪ್ರಭು ಹಾಂನಿ° ಮಂಗಳೂರಾoತು° ಕೊಂಕಣಿ ಭಾಶೆ ಖಾತೀರ ಸೇವಾ ದಿವಚೆ ನದರೇನ 1981ತು° ಶುರು ಕೆಲೆಲೊ ಸಂಸ್ಥೊ ಕೊಂಕಣಿ ಸಾಂಸ್ಕೃತೀಕ ಸಂಘ ಆಜಿಕಯೀ ತೀ ಸೇವಾ ದಿವೂನ ಆಸಾ. ಸಂಘಾನ ಆಪಯಿಲೆ ತೇದನಾ ಜಿ. ಜಿ. ಲಕ್ಷ್ಮಣ್ ಪ್ರಭು ಯೆವನು ತಾಂಕಾ° ಮಾರ್ಗದರ್ಶನ ದಿತಲೊ. ಉತ್ತಮ ವೈದ್ಯ, ವಾಘ್ಮಿ, ಸಂಘಟಕ, ಸಾಹಿತಿ ಆನಿ ಬರೊ ಮನಿಸ್ ಆಶಿಲೆ ತಾಂಗೆಲೆ ಆತ್ಮಾಕ ಶಾಂತಿ ಮಾಘೂಯಾ°.
Shabdvihar
ಮಸೀಂಗ
ಮಸೀಂಗಾ ಪಾಲ್ಯಾ ಮುದ್ದೊ ಕರತಾತಿ. ಮಸೀಂಗಾ ಫುಲ್ಲಾಚೀ ಭುತ್ತಿ ಕರತಾತಿ. ಗೂಳ ಆನೀ ಮಸೀಂಗ ಘಾಲೂನ ಕೆಲೆಲೊ ಕೋಳಂಬೊ ಭೌವ ರುಚಿಕರ. ಹೇ ವಯಲೆ ವಾಕ್ಯಾಂತು ಮಸೀಂಗ ಮ್ಹಣಚೊ ಜೋ ಶಬ್ದು ವಾಪರಲೊ ಆಸಾ ತಾಜೊ ಅರ್ಥ ಸರ್ವಯೀ ಜಾಣಾ. ಸರ್ವ ಸಾಮಾನ್ಯ ಸಕಡಾನಿ ತಾಚೀ ರೂಚಿ ಪಳಯಲ್ಯಾ. ಮಸೀಂಗ ರಾಂದಯೇಕ ವಾಪರಚೋ ಏಕ ವಸ್ತು. ಹಾಚಿ ವ್ಯುತ್ಪತ್ತಿ ವಿಶಿ ವಿಚಾರ ಕರಯಾಂ.
ಮಸೀಂಗ ಮ್ಹಣು ಖಂಚಾಕ ಆಮೀ ಸಾಂಗತಾತ ತೆಂ ಅಥರ್ಾಚೊ ಸಂಸ್ಕೃತ ಶಬ್ದು ಶೋಭಾಂಜನ, ಪದ್ರಾರಿನಾಶನ ಮ್ಹಣು ಜಾವನು ಆಸಾ. ಮಸೀಂಗ ಮ್ಹಣಚೇ ಶಬ್ದಾಕ ಆನೀಕ ಹೇ ಸಂಸ್ಕೃತ ಶಬ್ದಾಕ ಕಾಂಯಿ ಸಂಬಂಧ ಆಶಿಲೊ ದಿಸನಾ ಮ್ಹಣತಾನಾ ಮಸೀಂಗ ಶಬ್ದು ಖ್ಹಂಯ ದಾಕೂನ ಆಯಲೊ ಪಳೊವಯಾಂ. ಬಾರಾ ಶತಮಾನಾಚೆ ಏಕ ಶಿವಶರಣೆ ಗಿರಿಜವ್ವಾ ಮ್ಹಣಚೆ ನಾವಾಂಚೆ ಏಕ ವಚನಕಾತರ್ಿನ ತಿಗೇಲೆ ವಚನಾಂತ ಮಹಿಷ ಮ್ಹಣು ಮಸೀಂಗ ಮ್ಹಣಚೆ ಅಥರ್ಾರಿ ಪ್ರಯೋಗ ಕೆಲ್ಲಾ ಮ್ಹಣತಾನಾ ಮಸೀಂಗ ಮ್ಹಣಚೊ ಶಬ್ದಾಚೇ ಮೂಲ ಮಹಿಷ ಮ್ಹಣು ಜಾಲ್ಲೆ. ಮಸೀಂಗ ಮ್ಹಣಚೇ ಶಬ್ದಾಂತು ದೋನಿ ಶಬ್ದ ಮಸಿ + ಷಾಂಗ ಮ್ಹಣು ಆಸತಿ. ಮಸಿ ಮ್ಹಣಚೊ ಶಬ್ದು ಮಹಿಷ ಶಬ್ದಾಚೆ ಅಪಭ್ರಂಶ ರೂಪ. ಮಹಿಷಿ > ಮ ಇಸ ಮಸೀ ಮ್ಹಣು ಜಾಲ್ಲಾ. ತಾಕಾ ಸಾಂಗ ಶಬ್ದು ಮೆಳೇಲೇ ತಾವಳಿ ಮಸಿ + ಸಾಂಗ ಮಸೀಂಗ ಮ್ಹಣು ಜಾಲ್ಲಾ. ಮಸೀಂಗ ಮ್ಹಣಚಾತೋಂಚಿ ಸಾಂಗ ಶಬ್ದು ಮೇಳನು ಆಶಿಲ್ಯಾನ ಮಸೀಂಗಾ ಸಾಂಗ ಮ್ಹಳ್ಯಾರಿ ಹಾಂತು ಸಾಂಗ ಶಬ್ದಾಚಿ ದ್ವಿರುಕ್ತಿ ಪ್ರಯೋಗ ಜಾಲ್ಯಾವರಿ ಜಾತಾ. ಜಾಲ್ಲೆ ನಿಮಿತ್ತ ಮಸೀಂಗ ಮ್ಹಳ್ಯಾರ ಪುರೊ. ಮಸೀಂಗಾ ಸಾಂಗ ಮ್ಹಣಕಾ ಮ್ಹಣು ನಾ. ಗೋಯಾಂತು ಮಸಕಾ ಸಾಂಗಾ ಮ್ಹಣತಾತಿ. ಹಿಂದೀಂತು ಮುನಗಾ ಮ್ಹಣತಾತಿ.
ವಿಶೇಷ ಕಸಲೆಂ ಮ್ಹಳ್ಯಾರಿ ಸಂಸ್ಕೃತ ಭಾಶೆಂತು ಹೆ ಮಸೀಂಗಾಕ ಸ್ತ್ರೀ ಚಿತ್ತಹಾರಿ ಮ್ಹಣತಾತಿ. ಹಾಜೆನ ಹೆ ಮಸೀ ಸಾಂಗ ಬಾಯಲಾಲೇ ಮನ ಅಪಹರಣ ಕರಚೇ ಜಾವನು ಆಸಾ. ಮ್ಹಳಯಾರಿ ಬಾಯಿಲಾಂಕ ಹೆಂ ಮನೀಸಾಂಗ ಭೌ ಪ್ರಿಯ ಜಾವನು ಆಸಾ ಖ್ಹಂಯ.
An Appeal to the members of the GSB Community
जेसन पींत, SDB, उद्यावर, उडुपी (MA कोंकणी)
ಕೊಡಿಯಾಲ ಖಬರ ಸಾನ ಕಾಣಿಯೊ ಬರೊವಚೆ ಸ್ಪರ್ಧೆಂತು°
ಪರಬೆಕ ತಿಸ್ರೆ ಲ್ಹಾರಾಚೆ ಭಯ ವಿಶ್ವಾಕಚ ಕರೋನಾಚೆ ಭಯ
ನವೆಂಬರ ಮ್ಹಯನೊ ಸರನು ದಶಂಬರ ಪಾವಚೆ ಸಂದರ್ಭಾರ ಲೋಕಾಂಕ
ಅಮ್ಚಿಗೆಲೆ ಪರ್ಬೆ ರಾಂದಪ ಅಮ್ಚಿ ರಾಂದಪ ಭಾರಿ ಸುಲಭಗೊ
ಪ್ರಾಕ ದಕೂನು ಪ್ರಸ್ತೂತಾಕ ಎತ್ತಾನ ಅಮ್ಗೆಲೆ ಖಾಣಜವಣ,
ಶ್ರಾವಣ ಮಾಸು ಆನಿ ಚೂಡಿ ಪೂಜಾ ಅಶ್ಶಿ ತಶ್ಶಿ ಪೊಳೊಚೆ
ಮನು ಕುಲ ಕಳನು ಕೀ ಕಳನಾಶಿ° ಚೂಕಿ ಕೆಲ್ಲಾರಿ ಆವಸು
कोरोना महामारी भारताक येवनु ६ महिने जाले.
ಗುಜರಾತ ರಾಜ್ಯಂತು ಸಾಬಾರ ಸಂಖ್ಯೆರಿ ಜೈನ ಸಮುದಾಯ ಭೊ
Well Wishers
Most Read
- “ದಕ್ಷಿಣದ ಸಾರಸ್ವತರು”
- ಆಧುನಿಕ ಮಹಾಭಾರತ
- कन्याकुमारिच्या स्वामी विवेकानंद स्मारकाक ५० वरसां
- ರಚನಾ...
- ಕುದ್ಮುಲ ರಂಗರಾವ್
- ಸತ್ಯನಾರಾಯಣ ಪೂಜಾ
- ಘರ ಏಕ್ ದೇವುಳ
- कोरोनान शिकयिलो पाठ
- तुळशी काट्टो
- ಜುನಾಗಢ್
- GSB Scholarship League Application
- ವಾಯು ದಳಾಂತು ಕೊಂಕಣಿ ಮಹಿಳಾ ರಶ್ಮಿ ಭಟ್
- ವಿಧಿ ಲಿಖಿತ
- ಮಸೀಂಗ
- ಘರ ಏಕ್ ದೇವುಳ -2
- ಹುಂಬರು (ಉಂಬರು)
- 'ಮಹಾ ಸರಕಾರ"
- ತಾಕೀತ (ತಾಕೀದ)
- भारताचे अमृत स्वातंत्र महोत्सवाचे पांच अमृत घडियो
- स्वावलंबन आनी आत्मविश्वास
- ಗುಜರಾತ - ಪಾಲಿಟಾನಾ
- ಶಿಕ್ಷಣ ಕ್ಷೇತ್ರಾಕ ಗ್ರಹಣ
- ಉದ್ಯೋಗ ಆನೀ ನಿರುದ್ಯೋಗ
- ಗಾಂಧೀಜಿ ಆನಿ ಆತ್ಮನಿರ್ಭರತಾ
- अस्तंगत जाल्यो कोंकणीचे मळबांतलीं दोन जगमगी नकेत्रां
- ಅಂತರಾಷ್ಟ್ರೀಯ ವನಿತಾ ದಿವಸು
- ಅಕಾಲಿಕ ಪಾವಸಾ ಮಧೆ ಮಾಲಿನ್ಯ ! - ಅರವಿಂದ ಶಾನಭಾಗ, ಬಾಳೆರಿ
- ವಿಶ್ವ ಕೊಂಕಣಿ ಕೇಂದ್ರ ‘ಕ್ಷಮತಾ ಅಕಾಡೆಮಿ’ 2021
- SUKRTINDRA ORIENTAL RESEARCH INSTITUTE
- ಲಾಕ್ಡೌನ್
Homage
Who is Online?
We have 88 guests and no members online