ಮಂಗಳೂರು : ಹಾಂಗಾಚೆ ಮಾರ್ಕೆಟ್ ರಸ್ತೆಚೆ ಎಂ. ಮಂಜುನಾಥ ಕಾಮತ ಎಂಡ್ ಸನ್ಸ್ ಹಾಜೊ ವಾಂಟೇಲಿ ಎಂ. ಪದ್ಮನಾಭ ಕಾಮತ(58 ವರಸ) ಡಿ. 21ಕ ಕದ್ರಿ ಕಂಬಳಾ ರಸ್ತೆಚೆ ತಾಂಗೆಲೆ ಸ್ವಗೃಹಾಂತು° ಹೃದಯಘಾತಾನ ಅಂತರಲೆ. 
ಕೆನರಾ ಚೇಂಬರ್ ಆಫ್ ಕಾಮರ್ಸ ಎಂಡ್ ಇಂಡಸ್ಟ್ರಿ ಹಾಜೊ ಕಾರ್ಯದರ್ಶಿ ಆನೀ ದಕ್ಷಿಣ ಕನ್ನಡ ಎ.ಪಿ.ಎಂ.ಸಿ ಹಾಜೊ ಸಾಂದೊ ಜಾವನೂಯಿ ಹಾಂನಿ ಸೇವಾ ದಿಲೆಲಿ ಆಸಾ. ಬಾಯಲ ಆನೀ ಎಕ ಪುತಾಕ ಸೊಡೂನ ಹಾಂನಿ° ಗೆಲ್ಯಾಂತಿ. 

कोडियाळ: कर्नाटक कोंकणी विद्या संस्थ्यांचे संघांचो अध्यक्ष, श्री श्रीनिवास पाठशाला एसोसियेश्नाचो अध्यक्ष, मंगळूर नगरपालिकेचो अध्यक्ष, मंगळूर लयन्स क्लब्बाचो अध्यक्ष, कुंदापुर श्री वेंकटरमण देवळ आनी शाळेचो अध्यक्ष, मणिपालचे डा. टी.एम.ए पै प्रतिष्ठानांचे विश्वस्थ, मंगळूर नळ्या कार्खानेचो उद्यमी अशें वेवेगळे संस्थ्यांक श्रेश्ट सॆवा दिललो दे.  कुंदापुर विश्वनाथ कामत हांका शतमानचो (1921 - 2021) नमन कार्यावळ कोडियाळचे नलंदा आंग्ल माध्यम शाळेचे ‘उमा-विश्व’ सभागृहांत घडलो. संस्थेचो गौरव सचिव प्रो. डा. कस्तूरी मोहन पै हांनी तांगेले वेवेगळे सेवेचो विस्तार उडगास काडुन दिलो. पूर्व मुखैल शिक्षिकां श्रीमती इंदिरा जोडुमुट, सरस्वती भट्ट आनी केनरा बेंकाचो आदलो उपमहा प्रबंधह श्री बि. आर. शेणै हांनी कुंदापुर विश्वनाथ कामत हांका मनभरून आर्गं ओपलो. तांगेलो दाक्टो पूत माजी लयन राज्यपाल कुंदापुर मोहन कामत मुखैल सोयर आशिले. विद्यार्थियांक पुस्तक, समवस्त्र, विद्यार्थी वेतन आनीकोंकणी शिकपियांक मानपत्र वांटलें. शाळेचो अध्यक्ष पंडित सुरेंद्र आचार्य, विश्वस्थ जी. विश्वनाथ भट्ट, विजयचंद्र कामत, सुभासचंद्र भट्ट, मुखैल शिक्षिका सविता कामत, शिक्षक ऒम प्रकाश, गोपालकृष्ण भट्ट, विद्या आनी कोंकणी शिक्षिका ऐश्वर्य भट्ट उपस्थित आशिले. शिक्षक सुधाकर हांनी धन्यवाद सांगुनु देवबरेकरूं म्हळ्ळें.

ಕೋಡಿಯಾಳಾಂತ ಕುಂದಾಪುರ ವಿಶ್ವನಾಥ ಕಾಮತ ಹಾಂಕಾ ಶತಮಾನಾಂಚೋ ನಮನ

ಕೋಡಿಯಾಳ: ಕರ್ನಾಟಕ ಕೋಂಕಣೀ ವಿದ್ಯಾ ಸಂಸ್ಥ್ಯಾಂಚೇ ಸಂಘಾಂಚೋ ಅಧ್ಯಕ್ಷ, ಶ್ರೀ ಶ್ರೀನಿವಾಸ ಪಾಠಶಾಲಾ ಏಸೋಸಿಯೇಶ್ನಾಚೋ ಅಧ್ಯಕ್ಷ, ಮಂಗಳೂರ ನಗರಪಾಲಿಕೇಚೋ ಅಧ್ಯಕ್ಷ, ಮಂಗಳೂರ ಲಯನ್ಸ ಕ್ಲಬ್ಬಾಚೋ ಅಧ್ಯಕ್ಷ, ಕುಂದಾಪುರ ಶ್ರೀ ವೇಂಕಟರಮಣ ದೇವಳ ಆನೀ ಶಾಳೇಚೋ ಅಧ್ಯಕ್ಷ, ಮಣಿಪಾಲಚೇ ಡಾ. ಟೀ.ಏಮ.ಏ ಪೈ ಪ್ರತಿಷ್ಠಾನಾಂಚೇ ವಿಶ್ವಸ್ಥ, ಮಂಗಳೂರ ನಳ್ಯಾ ಕಾರ್ಖಾನೇಚೋ ಉದ್ಯಮೀ ಅಶೇಂ ವೇವೇಗಳೇ ಸಂಸ್ಥ್ಯಾಂಕ ಶ್ರೇಶ್ಟ ಸೆವಾ ದಿಲಲೋ ದೇ. ಕುಂದಾಪುರ ವಿಶ್ವನಾಥ ಕಾಮತ ಹಾಂಕಾ ಶತಮಾನಚೋ (1921 - 2021) ನಮನ ಕಾರ್ಯಾವಳ ಕೋಡಿಯಾಳಚೇ ನಲಂದಾ ಆಂಗ್ಲ ಮಾಧ್ಯಮ ಶಾಳೇಚೇ ‘ಉಮಾ-ವಿಶ್ವ’ ಸಭಾಗೃಹಾಂತ ಘಡಲೋ. ಸಂಸ್ಥೇಚೋ ಗೌರವ ಸಚಿವ ಪ್ರೋ. ಡಾ. ಕಸ್ತೂರೀ ಮೋಹನ ಪೈ ಹಾಂನೀ ತಾಂಗೇಲೇ ವೇವೇಗಳೇ ಸೇವೇಚೋ ವಿಸ್ತಾರ ಉಡಗಾಸ ಕಾಡುನ ದಿಲೋ. ಪೂರ್ವ ಮುಖೈಲ ಶಿಕ್ಷಿಕಾಂ ಇಂದಿರಾ ಜೋಡುಮುಟ, ಸರಸ್ವತೀ ಭಟ್ಟ ಆನೀ ಕೇನರಾ ಬೇಂಕಾಚೋ ಆದಲೋ ಉಪಮಹಾ ಪ್ರಬಂಧಹ ಬಿ. ಆರ. ಶೇಣೈ ಹಾಂನೀ ಕುಂದಾಪುರ ವಿಶ್ವನಾಥ ಕಾಮತ ಹಾಂಕಾ ಮನಭರೂನ ಆರ್ಗಂ ಓಪಲೋ. ತಾಂಗೇಲೋ ದಾಕ್ಟೋ ಪೂತ ಮಾಜೀ ಲಯನ ರಾಜ್ಯಪಾಲ ಕುಂದಾಪುರ ಮೋಹನ ಕಾಮತ ಮುಖೈಲ ಸೋಯರ ಆಶಿಲೇ. ವಿದ್ಯಾರ್ಥಿಯಾಂಕ ಪುಸ್ತಕ, ಸಮವಸ್ತ್ರ, ವಿದ್ಯಾರ್ಥೀ ವೇತನ ಆನೀಕೋಂಕಣೀ ಶಿಕಪಿಯಾಂಕ ಮಾನಪತ್ರ ವಾಂಟಲೇಂ. ಶಾಳೇಚೋ ಅಧ್ಯಕ್ಷ ಪಂಡಿತ ಸುರೇಂದ್ರ ಆಚಾರ್ಯ, ವಿಶ್ವಸ್ಥ ಜೀ. ವಿಶ್ವನಾಥ ಭಟ್ಟ, ವಿಜಯಚಂದ್ರ ಕಾಮತ, ಸುಭಾಸಚಂದ್ರ ಭಟ್ಟ, ಮುಖೈಲ ಶಿಕ್ಷಿಕಾ ಸವಿತಾ ಕಾಮತ, ಶಿಕ್ಷಕ ಒಮ ಪ್ರಕಾಶ, ಗೋಪಾಲಕೃಷ್ಣ ಭಟ್ಟ, ವಿದ್ಯಾ ಆನೀ ಕೋಂಕಣೀ ಶಿಕ್ಷಿಕಾ ಐಶ್ವರ್ಯ ಭಟ್ಟ ಉಪಸ್ಥಿತ ಆಶಿಲೇ. ಶಿಕ್ಷಕ ಸುಧಾಕರ ಹಾಂನೀ ಧನ್ಯವಾದ ಸಾಂಗುನು ದೇವಬರೇಕರೂಂ ಮ್ಹಳ್ಳೇಂ.

ಮಂಗಳೂರು: ದೊರ್ಕೆಲೆ° ಲಂಡನ್ ಕೊಡಿಯಾಲಾಂತು° ಹ್ಯಾ ವರಸ (2022) ದೋನ ಪಾವಟಿ ರಥೋತ್ಸವು ಚಲಚೊ ಆಸಾ ಮ್ಹಣು ಆರತಾ° ಸೋಶಿಯಲ್ ಮಿಡಿಯಾರಿ ಗಾಬು ಜಾಲೊ ಆನೀ ಖೂಬ ಲೋಕಾನ ತೆ° ವಯಿ ಮ್ಹಣು ನಂಬುಗುಚೆ° ಜಾಲೆ°. ಥೊಡೆ ಜಾಂಟೆ ಲೋಕಾನ ತಶಿ° ಜಾವಚಾಕ ಸಾಧ್ಯ ನಾ, ದೋನ ಪಾವಟಿ ರಥೋತ್ಸವ ಕರಚೆ ರಿವಾಜ ನಾ ಮ್ಹಣು ಸಾಂಗಚೆoಯಿ ಆಯಕೂಚಾಕ ಮೆಳೆ°. ಹೊ ಗೊಂದೊಳು ನಾಕಾ ಮ್ಹಣು  ಮಂಗಳೂರು ಶ್ರೀ ವೆಂಕಟರಮಣ ದೇವಳಾಚೆ ತರಪೇನ ಎಕ ಸ್ಪಷ್ಟಿಕರಣ ಸೋಶಿಯಲ್ ಮಿಡಿಯಾರಿ ಫಾಯಸ್ ಜಾಲಾ°. ತಾಜೆ ಪ್ರಮಾಣೆ ಹ್ಯಾ ವರಸ ಫಕತ ಎಕ ರಥೋತ್ಸವು ಫೆ. 3 ದಾಕೂನ ಫೆ. 8, 2022 ಥಾಂಯ ಚಲಚೊ ಆಸಾ ಮ್ಹಣು ಕಳನು ಆಯಲಾ°. ಹೊ ಸಂದೇಶ ಸುತಾ ವಾಟ್ಸಪ್ ಸಂದೇಶಾಚೆ ರೂಪಾರ ಆಶಿಲ್ಯಾನ ಕೊಡಿಯಾಲ ಖಬರ ಪತ್ರಿಕೆನ ದೇವಳಾಚೊ ಮೋಕ್ತೆಸರ ಪ್ರಶಾಂತ ರಾವ್ ಹಾಂಕಾ° ಸಂಪರ್ಕ ಕರನು ಹೊ ಸಂದೇಶ ದೇವಳಾಚೆ ತರಪೆನ ಆಯಲಾವೆ ಮ್ಹಣು ಸಮ್ಜಣಗಿ ಗೆತಲಿ. ತಾಂನಿ° ಹೊ ಸಂದೇಶ ಖರೊ ಆಸಾ ಮ್ಹಣು ಸಾಂಗಲಾ°. 
ದೇವಳಾಚೆ ಕಳವಣಿಚೆ ಪ್ರಮಾಣೆ ಹ್ಯಾ ವರಸ ರಥೋತ್ಸವು ಮಾಘ ಮ್ಹಯನ್ಯಾಂತು° ಫೆ. 3 ದಾಕೂನ ಫೆ. 8 ಥಾಂಯ ಚಲಚೊ ಆಸಾ. ಹ್ಯಾ ವರಸ ದೇವಳಾಕ ನವೀನ ರಥು ಅರ್ಪಣ ಜಾವಚಾಕ ಆಸಾ ಆನಿ ತಾಜೆ ಸಮರ್ಪಣ ಜ. 21, 2022ಕ ಫಾಲ್ಗುಣ ಬಹುಳ ಅಷ್ಟಮಿ ತಿಥಿಕ ಪುನರಪ್ರತಿಷ್ಠೆಚೆ ದಶಮಾನೋತ್ಸವಾಚೆ ಸಂದರ್ಭಾರಿ ಶ್ರಿ ಕಾಶಿಮಠಾಧೀಶ ಶ್ರೀಮದ್ ಸಂಯಮೀoದ್ರ ತೀರ್ಥ ಸ್ವಾಮೀಜಿ ಹಾಂಗೆಲೆ ಉಪಸ್ಥಿತಿರಿ ಚಲಚೆ ಆಸಾ ಮ್ಹಣು ಕಳವಣಿಂತು° ಸಾಂಗಲಾ°. ದೇವಳಾಚೆ ಭಜಕಾನಿ ಹೀ ಸೂಚನಾ ಮಾನೂನ ಘೆವಕಾ ಮ್ಹಣು ಕಳವಣಿ ಸಾಂಗತಾ. ಜ. 21ಕ ಚಲಚೆ ನವೀನ ಭ್ರಹ್ಮ ರಥು ಸಮರ್ಪಣ ಕಾರ್ಯಕ್ರಮ ಫಕತ ಎಕ ವೈದಿಕ ವಿಧಿ ಜಾವನು ಆಸತಲಿ ಮ್ಹಣೂಯಿ ಕಳಯಲಾ°. 

ಮಂಗಳೂರು: ಹಾಂಗಾಚೆ ರಥಬೀದಿಚೆ ನಾವಾದಿಕ ಜ್ಯೋತಿಷಿ ಮೇರಿಹಿಲ್ ಕೊಂಚಾಡಿಚೊ ನಿವಾಸಿ, ಮಹಾಲಸಾ ಪಂಚಾಗಾಚೊ ನಿರ್ಮಾತಾ ಕೆ. ದೇವದಾಸ ಕಿಣಿ (70) ಹಾಂನಿ° ಡಿ. 6ಕ ಖಾಸಗಿ ಆಸ್ಪತ್ರೆಂತು° ಹೃದಯಘಾತಾನ ದೇವಾದಿನ ಜಾಲೆ. ಬಿ. ಎಸ್. ಸಿ ಪದವಿದರ ಜಾವನು ಆಶಿಲೆ ಹಾಂನಿ° 1985 ಇಸವಿಂತು° ಬೇಸಿಕ್ ಮ್ಹಳೆಲೆ ಕಂಪ್ಯೂಟರ್ ಲ್ಯಾಂಗುಯೆಜ ವಾಪರೂನ ಪಯಲೆ° ಕಂಪ್ಯೂಟರ್ ಜಾತಕ ಬರಯಿಲೆ°. ಖೂಬ ಲೋಕಾಂಕ ಜಾತಕ ಪಳೊವಚಾಕ ಆನೀ ಮಹೂರ್ತ ಪಳೊವಚಾಕ ಶಿಕಯಿಲೆ ಶ್ರೇಯ ಹಾಂಗೆಲೆ° ಜಾವನು ಆಸಾ. ಹಾಂನಿ° ಸಾಂಗಿಲೊ ಮಹೂರ್ತ ಕೆದನಾಯಿ ಶ್ರೇಷ್ಠ ಆಸತಲೊ ಮ್ಹಳೆಲೆ ನಂಬಿಕೆನ ಸಾಬಾರ ಲೋಕ ಹಾಂಗೆ ಲಾಗಿ ಯೆತಲೆ. ಹಾಂನಿ° ಖಂಚೆಯ ನಮೂನ್ಯಾಚೆ ಪರಿಹಾರ ಸಾಂಗಚಾoತು° ವಿಶ್ವಾಸ ದವರನಾಶಿಲೆ. ಆಮೀ ಜ್ಯೋತಿಷ್ಯ ವಿಜ್ಞಾನಾಚೆ ವೈಜ್ಞಾನಿಕ ವಾಪರಪ ಕರಕಾ ಶಿವಾಯ ಅಂಧ ವಿಶ್ವಾಸ ಕರಚಾಕ ನಜ ಮ್ಹಣು ತಾಂನಿ° ಸಾಂಗತಲೆ. ಬಾಯಲ ಆಶಾ ಕಿಣಿ, ಪೂತು ಡೆಂಟಿಸ್ಟ್ ಆನಂದ ಕಿಣಿ, ದ್ಹುವ ಗೀತಾ ಕಾಮತ ಆನೀ ಅಪಾರ ಬಂಧು ಭಾoದವಾoಕ ಸೋಡೂನ ತಾಂನಿ° ಗೆಲ್ಯಾಂತಿ.

ಕೊಂಕಣಿ ಸಾಹಿತ್ಯ ಲೋಕಾಚೊ ದಿಗ್ಗಜು ಕೊಂಕಣಿ - ಕನ್ನಡ  ರತ್ನಕೋಶ ರಚನ ಕೆಲೆಲೊ ‘ಕೊಂಕಣಿ ಶಬ್ದ ರತ್ನಾಕರ’ ಬಿರುದಾಂಕಿತ ಮಂದಾರ್ಕೆ ಮಾಧವ ಪೈ ಹಾಂನಿ° ನ. 16ಕ ದೀವಾದಿನ ಜಾಲೆಲೆ ಬದಲ ಕರ್ನಾಟಕ ಕೊಂಕಣಿ ಸಾಹಿತ್ಯ ಅಕಾಡೆಮಿಚೆ ಸಾಂದೆನಿ ಮೇಳನು ಶ್ರದ್ಧಾಂಜಲಿ ಅರ್ಪಣ ಕೆಲಿ. ಕೊಂಕಣಿ ಸಾರಸ್ವತ ಲೋಕಾಕ ಅಪಾರ ದೇಣಿಗಾ ದಿಲೆಲೆ ಹಾಂನಿ° ಮರಣಾಂತರ ಜಾವನು ದೋಳೆ ದಾನ ಕೆಲಾ°. ಕೊಂಕಣಿ, ಕನ್ನಡ, ತುಳು, ಹಿಂದಿ, ಇಂಗ್ಲಿಷ್, ಆನಿ ಸಂಸ್ಕೃತ ಭಾಷಾ ಪರಿಣಿತ ಆಶಿಲೆ ಹಾಂನಿ° ಸಾಬಾರ ವಿಷಯಾಂತ ಅಪಾರ ಅಧ್ಯಯನ ಕೆಲೆಲೆ° ಆಸಾ. ಕರ್ನಾಟಕ ಕೊಂಕಣಿ ಸಾಹಿತ್ಯ ಅಕಾಡೆಮಿಚೆ ಆದಲೆ ಸಾಂದೆ ಸುತಾ ಜಾವನು ಆಶಿಲೆ ಹಾಂಕಾ° ಕೊಂಕಣಿ ಅಕಾಡೆಮಿನ ಕೊಂಕಣಿ ಸಾಹಿತ್ಯ ಗೌರವ ಪ್ರಶಸ್ತಿ, ಕೊಡಿಯಾಲ ಖಬರ ಪತ್ರಿಕೆನ " ಕೊಂಕಣಿ ಶಬ್ದ ರತ್ನಾಕರ" ಬಿರುದು, ವಿಶ್ವ ಕೊಂಕಣಿ ಕೇಂದ್ರಾನ ಬಸ್ತಿ ವಾಮನ ಶಣೈ ಸೇವಾ ಪುರಸ್ಕಾರ ದಿವನು ಸನ್ಮಾನ ಕೆಲಾ. ಅಕಾಡೆಮಿಚೆ ಅಧ್ಯಕ್ಷ, ರಿಜಿಸ್ಟ್ರಾರ್ ಆನೀ ಸರ್ವ ಸದಸ್ಯ ಉಪಸ್ಥಿತ ಆಶಿಲೆ. 

1996 ಇಸವಿಂತ ಸ್ಥಾಪನ ಜಾಲೆಲೆ ವಿಶ್ವ ಕೊಂಕಣೀ ಕೇಂದ್ರಾಚೆ ನವೀನ ಅಧ್ಯಕ್ಷ ಜಾವನು ಚರ‍್ಟರ್ಡ ಅಕೌಂಟೆoಟ್ ನಂದಗೋಪಾಲ ಶೆಣೈ ಹಾಂಗೆಲೆ° ನೆಮಣೂಕ ಆರತಾ° ಚಲೆಲೆ ಮಹಾಸಭೆಂತು° ಜಾಲಾ° ಮ್ಹಣು ವಿಶ್ವ ಕೊಂಕಣಿ ಕೇಂದ್ರಾಚೆ ಫೇಸಬೂಕ್ಕ ಪೋಸ್ಟಾಂತು° ಕಳಯಲಾ°. 

ಮಂಗಳೂರು: ಜಗದ್ವಿಕ್ಯಾತ ಐಡಿಯಲ್ ಐಸ್ ಕ್ರೀಮ್ಸ ಹಾಜೊ ಸ್ಥಾಪಕು, ಮಂಗಳೂರು ರಥಬೀದಿಚೆ ಶ್ರೀ ವೆಂಕಟರಮಣ ದೇವಸ್ಥಾನಾಚೊ ಆದಲೊ ಮೊಕ್ತೇಸರ, ಮಂಗಳೂರು ಶ್ರೀ ಗೋಕರ್ಣ ಮಠಾಚೆ ಆಡಳಿತ ಸಮಿತಿಚೊ ಅಧ್ಯಕ್ಷ ‘ಪಬ್ಬ ಮಾಮ’ ಮ್ಹಣೂಚಿ ವಳಕತಲೊ ಶಿಬರೂರು ಪ್ರಭಾಕರ ಕಾಮತ (79) ಹಾಂನಿ° ಆಜಿ (ನ. 6) ಸಕಾಳಿ 3.30 ಗಂಟ್ಯಾಕ ದೇವಾದಿನ ಜಾಲೆ. 
1975 ಇಸವಿಂತು° ಮೆ. 1ಕ ಮಂಗಳೂರಾಚೆ ಹಂಪನಕಟ್ಟಾoತು° ಹಾಂನಿ° ಐಡಿಯಲ್ ಐಸ್‌ಕ್ರೀಮ್ಸ್ ಹಾಜೆ° ಪಯಲೆ ದುಕಾನ ಉಗ್ತೆ ಕೆಲೆಲೆ° ಆಜೀ ತೆ° ದುಕಾನ ಭಾರತಾಚೆ ತಿಸ್ರೆ° ಹೋಡ ಐಸ್‌ಕ್ರೀಮ್ಸ ಪಾರ್ಲರ್ ಜಾವನು ವಾಡೂನ ಆಯಲಾ°. ಪ್ರಭಾಕರ ಕಾಮತ ಹಾಂಗೆಲೆ ದೂರದರ್ಶಿತ್ವ ಗುಣಾಕ ತಕೀತ ಐಡಿಯಲ್ ಐಸ್ ಕ್ರೀಮ ಆಜೀ ಮಂಗಳೂರ ಪರಿಸರಾಚೆ 80 ಠಕೊ ಲೋಕಾಲೆ° ಪಸಂದೆಚೆ ಐಸ್ ಕ್ರೀಮ್ ಜಾಲಾ°. ಸ್ವತ: ಐಸ್ ಕ್ರೀಮ್ ತಯಾರ ಕರನು ಪರೀಕ್ಷಾ ಕರತಲೆ ಹಾಂಗೆಲೆ ‘ಗಡ್ ಬಡ್’ ಐಸಕ್ರೀಮ್ ನಾವಾದೀಕ ಆಸಾ. 
90ಚೆ ದಶಕಾಂತು° ಮಂಗಳೂರು ರಥಬೀದಿಚೆ ಶ್ರೀ ವೆಂಕಟರಮಣ ದೇವಳಾಚೆ ಮೊಕ್ತೆಸರ್ ಜಾವನು ಸೇವಾ ದಿಲೆಲೆ ಹಾಂನಿ° ಪರ್ತಗಾಲಿ ಶ್ರೀ ಗೋಕರ್ಣ ಮಠಾಧೀಶ ಶ್ರೀಮದ್ ವಿದ್ಯಾಧಿರಾಜ ತೀರ್ಥ ಸ್ವಾಮೆಲೆ ಪರಮ ಆಪ್ತ ವಲಯಾಂತು° ಆಶಿಲೆ. 1980 ಇಸವಿ ದಾಕೂನ ಮಠಾಚೆ ಸೇವಾ ಶುರು ಕೆಲೆಲೆ ಹಾಂಕಾ° ಗುರುವರ್ಯಾನಿ ಮಂಗಳೂರು ಸ್ಥಳೀಯ ಗೋಕರ್ಣ ಮಠಾಚೆ ಅಧ್ಯಕ್ಷ ಜಾವನು ನೆಮಣೂಕ ಕರನು ಪವರ್ ಆಫ್ ಅಟಾರ್ನಿ ಸುತಾ ದಿಲೆಲಿ. 
ಶ್ರೀ ಗೋಕರ್ಣ ಮಠಾಚೆ ಗುರುವರ್ಯಾಲೆ ದೋನ ಚಾತುರ್ಮಾಸಾಂತು° ಸಕ್ರೀಯ ಆಶಿಲೆ ಹಾಂನಿ° 1992ತು° ಚಾತುರ್ಮಾಸ ಸಮಿತಿಚೆ ಖಾಜಾನದರ ಆನೀ 2016 ಇಸವಿಂತು° ಘಡಲೆಲೆ ಸ್ವರ್ಣ ಚಾತುರ್ಮಾಸ ಸಮಿತಿಚೆ ಅಧ್ಯಕ್ಷ ಜಾವನು ಸೇವಾ ದಿಲ್ಯಾ. 2019 ಇಸವಿಂತು° ಬದರಿನಾಥ ಮಠಾಂತು° ಘಡಲೆಲೆ ಚಾತುರ್ಮಾಸಾ ವೇಳಾರಿ ದೋನ ಮ್ಹಯನೊ ಹಾಂನಿ° ಬದರಿನಾಥಾಂತೂಚಿ ಆಶಿಲೆ. 
ಶ್ರೀ ಗೋಕರ್ಣ ಮಠಾಚೆ ಶ್ರೀ ದ್ವಾರಕನಾಥ ತೀರ್ಥ ಟ್ರಸ್ಟಾಚೆ ಎಕ ಟ್ರಸ್ಟಿ ಜಾವನು ಸೇವಾ ದೀವನು ಆಶಿಲೆ ಹಾಂನಿ° ಮಂಗಳೂರು ಗೋರ್ಕಣ ಮಠಾಚೆ ಮಾಕ್ಷಿ ಬಾಂದಿಲೆ ಪೂರ್ಣಪ್ರಜ್ಞ ವಸತಿ ನಿಲಯ(ವ್ರದ್ಧಾಶ್ರಮ) ಹಾಜೆ ಆಡಳಿತ ಸಮಿತಿಚೆ ಅಧ್ಯಕ್ಷ ಆಶಿಲೆ. ಹಾಂನಿ ಮಠಾಕ ಆನಿ ಸಮಾಜಾಕ ದಿಲೆಲಿ ಸೇವಾ ಮಾನೂನ ಘೆವನು ಗುರುವರ್ಯಾನ “ಜಿವೋತ್ತಮ” ಪ್ರಶಸ್ತಿ ದೀವನು ಸನ್ಮಾನ ಕೆಲೆಲೊ ಆಸಾ. 
ಶ್ರೀಮದ್ ವಿದ್ಯಾಧಿರಾಜ ತೀರ್ಥ ಹಾಂನಿ° ಬ್ರಹ್ಮೆöÊಕ್ ಜಾತರಿ ಶ್ರೀಮದ್ ವಿದ್ಯಾಧೀಶ ತೀರ್ಥ ಹಾಂನಿ° ಪೀಠಾರೋಹಣ ಕರತಾನಾ ಹಾಂನಿ° ಕೋರ್ ಕಮಿಟಿಂತು° ಸೇವಾ ದಿಲ್ಯಾ. 

ಪ್ರಭಾಕರ ಕಾಮತ ಹಾಂಗೆಲಿ ಅಂತ್ಯ ಕ್ರೀಯಾ ತಾಂಗೆಲ ಘರಾಕಡೆನ ಆಜೀ 12.30 ದಾಕೂನ 2.00 ಗಂಟ್ಯಾ ಮಧೆ° ಚಲಚಾ ಆಸಾ ಮ್ಹಣು ತಾಂಗೆಲೊ ಪೂತು ಮುಕುಂದ ಕಾಮತ ಹಾಂನಿ° ಕಳಯಲಾ°. 

ಮಂಗಳೂರು ರಥಬೀದಿಚೆ ಶ್ರೀ ವೆಂಟರಮಣ ದೇವಳ ವಠಾರಾಚೆ ಆಚಾರ್ಯ ಮಠಾಚೆ ಸಾರ್ವಜನಿಕ ಶಾರದಾ ಮಹೋತ್ಸವಾಕ 99 ವರಸ° ಜಾಲಿಂತಿ. ಜಾತಿ ಮತ ಭೇದ ನಾತಿಲೆ ಮಂಗಳೂರ ಆನೀ ಲಾಗಿಚೆ ಗಾಂವಚೆ ಲೋಕ ಹ್ಯಾ ಶಾರದೆಲೆ ಕೃಪಾಕಟಾಕ್ಷ ಪಾವಚಾಕ ಹಜಾರಾನಿ ಸಂಖ್ಯಾನಿ ದೇವಳಾಕ ಭೇಟಿ ದಿತಾತಿ. ಪಾಂಚ ದೀವಸ ಪುಜೂನು ಆಖೇರಿಚೆ ದಿವಸ ಜಲಸ್ಥಂಭನ ಕರಚೆ ಶಾರದಾ ವಿಗ್ರಹಾಕ ವ್ಹಿಂಗವ್ಹಿoಗಡ ಅವತಾರಾಚೆ ಅಲಂಕಾರ  ಕರಚೆ° ವಿಶೇಷ ಜಾವನು ಆಸಾ. ಆರತಾ° ಏಕ ದಶಕ ದಾಕೂನ ದೇವಳಾಚೆ ವಠಾರಾಂತು° ದೀವೆ ಲಾವನು ವಿಶೇಷ ಅಲಂಕಾರ ಕರಚೆ° ಆನೀ ತೆ° ಪಳೊವಚಾಕ ಗಾಂವ° ಪರಗಾಂವಚೆ ಲೋಕಾನ ಯೆವಚೆ° ದಿಸತಾ. ಹಾಜೆ ಬದಲ ಆಮಗೆಲೆ ವಾಚಕಾಂಕ ಮಾಹಿತಿ ದಿವಕಾ ಮ್ಹಣಚೆ ನದರೇನ ಕೊಡಿಯಾಲ ಖಬರೆನ ಹ್ಯಾ ಸೇವಾ ಶುರು ಜಾಯತ ದಾಕೂನ ತಾಂತು° ಸಕ್ರೀಯ ಆಸಚೆ ದತ್ತಾತ್ರೇಯ ಭಟ್ ಹಾಂಕಾ° ಮೆಳಚೆ° ಜಾಲೆ°. 
    2002 ವರಸ ದೇವಳಾಚೊ ಏಕ ಸ್ವಯಂ ಸೇವಕ ಗಣೇಶ ಬಾಳಿಗಾ (ಆತ° ದೇವಾದಿನ) ಹಾಕಾ ಹೀ ಕಲ್ಪನಾ ಆಯಲಿ. ಶಾರದಾ ಮಾತೆಲೆ ಮಾಂಟಪಾoತು° ಏಕ ದಿವಸ ಸಂಪೂರ್ಣ ದಿವ್ಯಾನಚಿ ಉಜ್ವಾಡು ಹಾಡಕಾ ಮ್ಹಣು ತಾಗೆಲಿ ಕಲ್ಪನಾ ಆಶಿಲಿ. ಜಾಲ್ಯಾರ ಅನಿರೀಕ್ಷಿತ ಜಾವನು ತ್ಯಾಚ ವರಸ ತೊ ಏಕ ಅವಘಡಾಂತು° ಅಂತರಲೊ. ತಾಗೆಲಿ ಇಚ್ಛಾ ಪೂರ್ಣ ಜಾಯನಿ. ಜಾಲ್ಯಾರ 2009 ವರಸಾಂತ ತಾಗೆಲೆ ಥೊಡೆ ದೊಸ್ತ ಬಿ. ಗಣೇಶ ಬಾಳಿಗಾ(ಹೊ ವ್ಹಿಂಗಡು), ದತ್ತಾತ್ರೆಯ ಭಟ್ ಆನೀ ರವೀಂದ್ರ ಮಲ್ಯ ಹಾಂನಿ° ಶಾರದೋತ್ಸವ ಸಮಿತಿ ಆನೀ ಭಟ್ ಮಾಮಾಕ ಮೇಳನು ಹೀ ಇಚ್ಛಾ ಪ್ರಕಟ ಕೆಲಿ ಆನಿ ತಾಂಗೆಲೆ ಸಹಕಾರಾನ ದೀಪಾಲಂಕಾರ ಸೇವಾ ಶುರು ಕೆಲಿ. ತ್ಯಾ ವರಸ 3000 ಮಾತ್ಯೆ ಪಣತಿ ಲಾವನು ಹೀ ಸೇವಾ ಶುರು ಜಾಲಿ. ಪಯಲೆ ದೋನ ವರಸ ಫಕತ ಮಾತ್ಯೆ ಪಣತಿ ಲಾವನು ಜಾಲೆಲಿ ಹೀ ಸೇವಾ ಉಪರಾಂತಾಚೆ ವರಸಾಂತು ಗ್ಲಾಸಾಚೆ ದೀವೆ ಲಾವನು ಚಲತ ಆಸಾ. ಫಕತ ೩೦೦೦ ಪಣತಿ ಲಾವನು ಶುರು ಜಾಲೆಲೆ ಹ್ಯಾ ಸೇವೆಂತು° ಆಜೀ ಸಾಬಾರ 16000 ಕಯೀ ಚಡ ಗ್ಲಾಸಾಚೆ ದೀವೆ ಲಾಯತಾತಿ. 
ಪ್ರಮುಖ ಜಾವನು ಎಸ್. ವಿ. ಟಿ. ಮ್ಯಾಟ್ ಫ್ರೆಂಡ್ಸ್ ಹಾಜೆ ಸದಸ್ಯಾನಿ ಮೇಳನು ಕರಚೆ ಹ್ಯಾ ಸೇವೆಕ ವ್ಹಿಂಗಡ ಲೋಕಯಿ ಸಹಕಾರ ದಿತಾತಿ. ಸಾಬಾರ 150 ಸ್ವಯಂಸೇವಕ ದೋನ ದಿವಸ ಸೇವಾ ದಿವನು ಹೀ ದಿವ್ಯಾಲಂಕಾರ ಸೇವಾ ಕರತಾತಿ. ಚೌತೆ ದೀವಸ ಚಲಚೆ ಹ್ಯಾ ದಿವ್ಯಾಲಂಕಾರಾಚಿ ತಯಾರಿ ಎಕ ಮ್ಹಯನೊ ಫುಡೆಚಿ ಶುರು ಜಾತಾ. ಸೇವೆಚೆ ಫುಳೆ ದಿವಸ ರಾತಿ ಪೂಜಾ ಜಾತರಿ ಇಕ್ರಾ ಗಂಟ್ಯಾಕ ದಿವೆ ಮಾಂಡೊನ ಹಾಡತಾತಿ. ಹಾಕಾ ಸಾಬಾರ 6-7 ಗಂಟೆ ವೇಳ ಲಾಗತಾ. ಹ್ಯಾ ಕಾಮಾಂತು° ಸ್ವಯಂ ಸೇವಕ ನಂತಾ° ಹೇರ ಲೋಕಯಿ ಸಹಕಾರ ದಿತಾತಿ. ಸೇವೆಚೆ ದಿವಸ ಸಾಂಜವೇಳಾ 6 ಗಂಟ್ಯಾಕ ದೇವಳಾಚೆ ಧ್ವಾರ ಉಗ್ತೆಂ ಜಾತರಿ ಶಾರದಾ ಮಾತೆಕ ಆರತಿ ದಾಕೊವನು ತ್ಯಾಚ ಆರತಿನ ಸಗಟ ದಿವೆ ಲಾವಚೆ° ಜಾತಾ. 
ದಿವ್ಯಲಂಕಾರಾಚೆ ಮಧೆ° ರಂಗರoಗಾಳ ರಂಗೊಲಿ ಘಾಲಚಾಂತು° ಜಿ. ಎಸ್. ಬಿ. ಸಮಾಜಾಚೆ ವನಿತಾ ಲೋಕ ಆನೀ ರಥಬೀದಿ ಪರಿಸರಾಚೆ ಅನ್ಯ ಸಮಾಜಾಚೆ ಲೋಕಯಿ ಸಹಕಾರ ದಿತಾತಿ. ತ್ಯಾ ನಂತಾ° ಏಕ ರಂಗೊಲಿ  ಕಲಾವಿದು ಸುತಾ ಸೇವಾ ರೂಪಾರಿ ರಂಗೊಲಿ ಘಾಲಚೆ° ಕರತಾ. ಹ್ಯಾ ವರಸ ಎಕ ತರನಾಟ್ಯಾನ ರುಬಿಕ್ ಕ್ಯೂಬ್ ವಾಪರೂನ ಶಾರದಾ ಚಿತ್ರ ಅನಾವರಣ ಕೆಲೆಲೆ° ಪಳೊವಚಾಕ ಮೆಳೆ°. 
ಹ್ಯಾ ಸರ್ವ ದಿವೆ ಲಾವಚಾಕ ಸಾಬಾರ ಏಕ ಲಾಖ ವಾತಿಯೊ ಆನಿ ಪಾಂಯಶೆ° ಲೀಟರ್ ತಿಳೇಲ ತೇಲ ವಾಪೂರಚೆ° ಜಾತಾ. ಉಡುಪಾಚಿ ಎಕ ಆರ್ಥಿಕ ಜಾವನು ದುರ್ಭಲ ಸ್ತ್ರೀ ಲಾಗಿ ವಾತಿ ಖರೀದಿ ಕರಚೆ ಹಾಂನಿ° ಸ್ವಯಂ ಸೇವಕಚೀ ಮೇಳನು ಹೊ ಸರ್ವ ಖರ್ಚು ಸಾಂಬಾಳತಾತಿ. 
ಸಾನ ರೂಪಾರಿ ಶುರು ಜಾಲೆಲೆ ಹ್ಯಾ ಸೇವೆಂತು° ಆಜಿ ತಂತ್ರಜ್ನಾನಾಚೆ ವಾಪರೂಪ ಜಾಲೆಲೆ° ಪಳೊವಚಾಕ ಮೆಳತಾ. ರಿವಾಲ್ವಿಂಗ್ ದಿವೆ ಅತ್ಯಂತ ಆಕರ್ಷಕ ಆಸಾತಿ. ಹಾಜೆ ಮಾಕ್ಷಿ ಸ್ವಯಂಸೇವಕಾ° ಪಯಕಿ ಆಸಚೆ ೭ ತರನಾಟೆ ಇಂಜಿಯರ್ ಜಾವನು ಆಸಾತಿ. ಎಂ.ಎನ್.ಸಿ ತು° ಕಾಮ ಕರಚೆ ಹಾಂನಿ° ಅಸಲೊ ವಿಷಯ ಯೆತಾನಾ ಸಕ್ರೀಯ ಜಾವನು ವಾಂಟೊ ಘೆತಾತಿ. 
12 ವರಸ ದಾಕೂನ ಚಲಚೆ ಹ್ಯಾ ದಿವ್ಯಾಲಂಕಾರ ಸೇವಾ ಆಜಿ ದೇಶಾಚೆ ವ್ಹಿಂಗಡ ಗಾಂವಾoತೂಯಿ ನಾವಾದೀಕ ಜಾಲ್ಯಾ. ಹ್ಯಾಚ ಪಂಗಡಾನ ಹೀ ಸೇವಾ ವ್ಹಿಂಗವ್ಹಿoಗಡ ಸಂದರ್ಭಾರ ಮುಲ್ಕಿ ದೇವಳಾಂತು°, ಅಡೂರಚೆ ಹನುಮಾನ ದೇವಳಾಂತು°, ಸಂಘನಿಕೇತನಾಚೆ ಗಣೇಶೊತ್ಸವಾಚೆ ಉಷಾ ಪೂಜೆ ವೇಳಾರ, ಉರ್ವಾ ಮಾರ್ಕೆಟಾಚೆ ಹಿಂದು ಸೇವಾ ಸಮಿತಿಚೆ ಗಣೇಶೋತ್ಸವಾಚೆ ವೇಳಾರ ದಿಲೆಲಿ ಆಸಾ. 

ತ್ಯಾ ನಂತಾ° ತಿರುವನಂತಪುರಾಚೆ ಶ್ರೀ ಅನಂತ ಪದ್ಮನಾಭ ದೇವಳಾಂತು° 2020 ವರಸ ಚಲೆಲೆ ‘ಪೂರಜಪ’ ಸಂದರ್ಭಾರ ಕೆಲೆಲಿ ಸೇವಾ ಅವಿಸ್ಮರಣೀಯ ಮ್ಹಣಯೆತ. ಮಂಗಳೂರ ದಾಕೂನ ತೀನಿ ಲಾರಿ ಸಾಮಾನು ಆನಿ 160 ಸ್ವಯಂಸೇವಕಾoಕ ವ್ಹರನು ಹೀ ಸೇವಾ ದಿಲೆಲೆ ಹ್ಯಾ ಪಂಗಡಾಕ ಖೂಬ ಸಂತೋಸ ದಿಲೆಲೆ ಘಡಣಿ ಜಾವನು ಆಸಾ. ತ್ಯಾ ದೇವಳಾಚೆ ವಿಶೇಷತಾ ಮ್ಹಳ್ಯಾರ ಥಂಯ ದಿವೆ ಫಕತ ನಾರಲೆಲ ತೇಲ ಘಾಲನೂಚಿ ಲಾಯತಾತಿ.  ಜಿ. ಎಸ್. ಬಿ ಸಮಾಜಾಚೆ ತರನಾಟ್ಯಾನಿ ದಿಲೆಲೆ ಹ್ಯಾ ಸೇವೆಕ ವ್ಹಿಂಗಡ ಸಮಾಜಾಚಾನಿ ತೆಂವಯೀ ವ್ಹಿಂಗಡ ರಾಜ್ಯಾಂತ ದಿಲೆಲೆ ವಿಶೇಷ ಮಾನ್ಯತಾ ಆಮಕಾ ಸಗಟಾಂಕ ಭರಮೆಚೊ ವಿಷಯ ಜಾತಾ.
ಆಮಗೆಲೆ ತರನಾಟೆ ದೇವಳಾಕ ಯೆನಾತಿ ಯಾ ಯೆವಚೆ ಊಣೆ ಜಾಲಾ° ಮ್ಹಣು ಆಯಕೂನ ಯೆವಚೆ ದಿವಸಾಂತು° ಅಸಲೆ ತರನಾಟೆ ಸುತಾ ಆಸಾತಿ ಮ್ಹಣು ಕಳನು ಯೆವಚೆಂ ಸಮಾಜಾಚೆ ಫುಡಾರಾಚೆ ನದರೇನ ಬರೊ ವಿಚಾರ ಜಾತಾ. 

ಮಂಗಳೂರು: ಕೆನರಾ ಚೇಂಬರ್ ಆಫ್ ಕಾಮರ್ಸ ಎಂಡ್ ಇಂಡಸ್ಟಿç, ಮಂಗಳೂರು ಹಾಜಿ 81ವಿ° ಮಹಾಸಭಾ ಸೆ. 30 ಕ ಬಂದರಾರ ಆಸಚೆ ತಾಂಗೆಲೆ ದಫ್ತರಾಂತು° ಚಲಿ. ಹ್ಯಾ ಸಭೆಂತು°  2021-22 ವರಸಾಕ ವ್ಹಾಂಗಡಿ ಆನೀ ನಿರ್ದೇಶಕಾಂಚೆ ವಿಂಚವಣ ಜಾಲೆ°. ಮಾರೂರ್ ಶಶಿಧರ ಪೈ ಹಾಂನಿ° ನವೀನ ಅಧ್ಯಕ್ಷ, ಎಂ. ಗಣೇಶ ಕಾಮತ – ಉಪಾಧ್ಯಕ್ಷ, ಅಬ್ದುಲ್ ರಹಮಾನ ಮುಸಬಾ – ಗೌರವ ಖಜಾನದಾರ, ನೀಸಾರ ಫಕೀರ್ ಆನಿ ಅನಂತೇಶ ಪ್ರಭು – ಗೌರವ ಕಾರ್ಯದರ್ಶಿ ಜಾವನು ವಿಂಚೂನ ಆಯಲೆ. ನಿರ್ದೇಶಕ ಜಾವನು ದಿವಾಕರ ಪೈ ಕೊಚ್ಚಿಕಾರ, ನಿಟ್ಟೆ ಯತಿರಾಜ ಶೆಟ್ಟಿ, ಬಿ. ಎ. ನಝೀರ, ಅಮಿತ ರಾಮಚಂದ್ರ, ಆದಿತ್ಯ ಪದ್ಮನಾಭ ಪೈ, ಪಿ. ಬಿ. ಅಹಮದ್ ಮುದಸರ್, ಆತ್ಮಿಕಾ ಅಮೀನ್, ಆನಂದ ಜಿ. ಪೈ, ಜೀತನ್ ಅಲೇನ್ ಸಿಕ್ವೇರಾ, ನಂದಗೋಪಲ ಶೆಣೈ, ಆಶಿಶ್ ಬಿ. ಹೆಗ್ಡೆ, ವಿನ್ಸೆಂಟ್ ಕ್ಹುಟಿನಾ ವಿಂಚೂನ ಆಯಲೆ.