Displaying items by tag: Mangalore
ಶ್ರೀಮದ್ ಸದ್ಯೋಜಾತ ಶಂಕರಾಶ್ರಮ ಸ್ವಾಮೀಜಿ ಹಾಂಗೆಲಿ ಭೇಟಿ
ಡಿ. 18 –‘ಓಲ್ಡ್ ಫರ್ನಿಚರ್’ ಕೊಂಕಣಿ ನಾಟಕ ಪ್ರದರ್ಶನ
ಮಂಗಳೂರು: ಕೆನರಾ ಹೈಸ್ಕೂಲ್ ಹಳೆ ವಿದ್ಯಾರ್ಥಿ ಸಂಘ ಹಾಂಗೆಲೊ 96ವೊ° ವಾರ್ಷಿಕೋತ್ಸವ ಡಿ.18ಕ ಡೊಂಗರಕೇರಿ ಕೆನರಾ ಹೈಸ್ಕೂಲಾಚೆ ಸುಕೃತೀಂದ್ರ ಕಲಾಮಂದಿರಾοತು° ಚಲಚೊ ಆಸಾ. ಹ್ಯಾ ಸಂದರ್ಭಾರಿ ಎಂ. ದಿನೇಶ ಭಟ್ ಹಾಂನಿ° ರಚನ ಕರನು ನಿರ್ದೇಶನ ಕೆಲೆಲೆ° ಹಾಸ್ಯಮಯ ಕೊಂಕಣಿ ನಾಟಕ ಪ್ರದರ್ಶನ ಜಾವಚೆ° ಆಸಾ ಮ್ಹಣು ಹಳೆ ವಿದ್ಯಾರ್ಥಿ ಸಂಘಾಚೊ ಅಧ್ಯಕ್ಷ ಎಂ. ಅಶೋಕ ಪೈ ಹಾಂನಿ° ಕಳಯಲಾ°.
ಮುರಳಿಧರ ಕಾಮತ, ಶ್ರೀಧರ ಪ್ರಭು, ದಿನೇಶ ಭಟ್, ಅರುಣಪ್ರಕಾಶ ನಾಯಕ, ಅಶ್ವಿನ್ ಸಿ. ಎನ್, ಕವಿತಾ ಭಟ್, ಎಂ. ಸುರೇಶ ಭಟ್ ಹಾಂನಿ° ನಟನ ಕೆಲೆಲೆ ಹ್ಯಾ ನಾಟಕಾಕ ಮುರಳಿಧರ ಕಾಮತ ಕೊಂಚಾಡಿ ಹಾಂನಿ° ಸಂಗೀತ ದಿಲೆಲೆ° ಆಸಾ.
ನಾಟಕಾಚೆ ಪಯಲೆ° ಚಲಚೆ ಸಭಾ ಕಾರ್ಯಕ್ರಮಾಂತು° ವೈದ್ಯ ನರಸಿಂಹ ಪೈ ಮುಖೇಲ ಸೊಯ್ರೆ ಆಸತಲೆ. ಸಾಧಕ ಲೋಕ ಜಾವನು ಆಸಚೆ ಸಚಿನ್ ಕಾಮತ ಅಳಿಕೆ, ಟಿ. ಗಣಪತಿ ಪೈ, ಬಿ. ಸುರೇಶ ಕುಮಾರ ಶೆಟ್ಟಿ, ಪ್ರಸನ್ನ ಶೆಣೈ ಎಂ, ವಿಜಯ ಕುಮಾರ ಕೊಡಿಯಾಲಬೈಲ್ ಹಾಂಕಾ° ಸನ್ಮಾನ ಚಲಚೊ ಆಸಾ ಮ್ಹಣೂಯಿ ಕಳವಣಿಂತು° ಸಾಂಗಲಾ°.
ಡಿ. 4 ಎಕಾಹ ಭಜನಾ ಮಹೋತ್ಸವು
ಮಂಗಳೂರು: ಹಾಂಗಾಚೆ ರಥಬೀದಿಚೆ ಶ್ರೀ ವೆಂಕಟರಮಣ ದೇವಳಾಂತು° ಶುಭಕೃತ ನಾಮ ಸಂವοತ್ಸರಾಚೆ ಮಾರ್ಗಶಿರ ಶುದ್ಧ 11, ಆಯತಾರಾ ಡಿ. 4ಕ ವರಸಾವಧಿ ಎಕಾಹ ಭಜನಾ ಮಹೋತ್ಸವ ಚಲತಲೊ ಮ್ಹಣು ದೇವಳಾಚೆ ಕಳವಣಿಂತು ಸಾಂಗಲಾ°. ಡಿ. 4ಕ ಸಕಾಳಿ 6.00 ಗಂಟ್ಯಾಕ ಶುರು ಜಾವಚೊ ಎಕಾಹ ಭಜನಾ ಮಹೋತ್ಸವು ಡಿ.5ಕ ಸಕಾಳಿ 5.30 ಗಂಟ್ಯಾಕ ಸಂಪನ್ನ ಜಾತಲೊ. ಡಿ. 5ಕ ಸಕಾಳಿ 5.30ಕ ಲಾಲ್ಕಿ ಉತ್ಸವು ತಳಯೆ ಲಾಗಿ ವಚೂನ ಶ್ರೀ ದೇವಾಕ ತೀರ್ಥ ಸ್ನಾನ, ಪೆಂಟಾ ಉತ್ಸವು, ದೋನಪಾರಾ 12.30ಕ ಮಹಾ ಮಂಗಳಾರತಿ, ರಾತಿ 8.00ಕ ಪೂಜಾ, ಸಾನರಥು ತಾಂಡಚೆ°, ರುಪ್ಯಾ ಲಾಲ್ಕಿ ಉತ್ಸವು, ಪ್ರಾಕಾರೋತ್ಸವು ಚಲತಲೊ ಮ್ಹಣೂಯಿ ಕಳಯಲಾ°. ಭಜನಾ ಮಂಡಳಿಚಾನಿ ಯೆವನು ದೇವಾಲೊ ಪ್ರಸಾದ ಸ್ವೀಕಾರ ಕರಕಾ ಮ್ಹಣು ಮೋಕ್ತೆಸರಾನಿ ಕಳವಣಿಂತು° ಸಾಂಗಲಾ°.
ರಾಷ್ಟ್ರೀಯ ಶಿಕ್ಷಣ ನೀತಿ20 ಹಾಂತು° ಮಾತೃಭಾಷೆಕ ಯೋಗ್ಯ ಸ್ಥಾನ ಆಸಾ
ಮಂಗಳೂರು: “ಭಾರತ ಸರಕಾರಾಚೆ ಶಿಕ್ಷಣ ಮಂತ್ರಾಲಯ ಹಾಂನಿ° ಎದೋಳೂಚಿ ರಚನ ಕರನು ರಾಜ್ಯ ಸರಕಾರಾನಾ ಅನುಷ್ಠಾನಾಕ ಹಾಡತಾ ಆಸಚೆ ರಾಷ್ಟ್ರೀಯ ಶಿಕ್ಷಣ ನೀತಿ 20 ಹಾಜೆ ವಿವಿಧ ಸ್ಥರಾರಿ ನವೀನ ಪರಿಮಾಣ ಯೆವನು ದೇಶಾಚೆ ಶಿಕ್ಷಣ ರಂಗಾοತು° ಸರ್ವತೋಮುಖ ಅಭಿವೃದ್ಧಿ ಜಾವನು ತ್ಯಾಚ ವೇಳಾರ ಮಾತೃ ಭಾಷೆಕಯೀ ಯೋಗ್ಯ ಸ್ಥಾನ ಆಸತಾ” ಮ್ಹಣು ಕರ್ನಾಟಕ ಸರಕಾರಾಚಿ ಶಿಕ್ಷಣ ಇಲಾಖೆಚಿ ಉಪ ನಿರ್ದೇಶಕಾ (ಅಭಿವೃದ್ಧಿ) ರಾಜಲಕ್ಷ್ಮಿ ಹಾಂನಿ° ಸಾಂಗಲಾ°. ಮಂಗಳೂರಚೆ ನಲಂದಾ ಆಂಗ್ಲ ಮಾಧ್ಯಮ ಶಾಳೆಂತು° ಘಡಲೆಲೆ ನವೀನ ಶಿಕ್ಷಣ ನೀತಿಚೆರಿ ಚಲೆಲೆ ಪರಿಸಂವಾದಾಚೆ ಉಗ್ತಾವಣ ದಿವೋ ಲಾವನು ಕರನು ತೀಣೆ ಅಶೆ° ಸಾಂಗಲೆ°. “ಶಾಳಾ ಸ್ಥರಾರಿ ಹೆಂ ಪಯಲೆಂ ಪ್ರಯತ್ನ. ಅಸಲಿ ಗೋಷ್ಟಿ ತಾತಾವಳಿ ಚಲನು ಶಿಕ್ಷಕ, ಪ್ರಾಂಶುಪಾಲ ಆನಿ ಹೇರಾನಿ ಚಡ ಮಾಹಿತಿ ಫಾವೊ ಕರಕಾ ಮ್ಹಣು ಮುಖೇಲ ಸೊಯ್ರೊ ಎಕ್ಸಪರ್ಟ ಶಿಕ್ಷಣ ಸಂಸ್ಥೆಚೊ ಅಧ್ಯಕ್ಷ ಪ್ರೊ. ನರೇಂದ್ರ ನಾಯಕ ಹಾಂನಿ° ಉಲೋ ದಿಲೊ. ನಲಂದಾ ಶಾಳೆಚಿ ಪ್ರಾಂಶುಪಾಲಾ ಸವಿತಾ ಕಾಮತ ಹಾಂನಿ° ಪ್ರಾಸ್ತಾವಿಕ ಉತ್ರ° ಸಾಂಗಲಿ°. ಭಾರತ ಅಕಾಡಮಿಚಿ ಸುರೇಖಾ ಭಟ್ಟ (ಬುನಾದಿ), ಕೆನರಾ ಶಿಕ್ಷಣ ಸಂಸ್ಥೆಚಿ ಲೀನಾ ಭಟ್ಟ (ಪೀಠಿಕೆ), ಶಕ್ತಿ ಶಿಕ್ಷಣ ಸಂಸ್ಥೆಚಿ ವಿದ್ಯಾ ಕಾಮತ್ (ಮಧ್ಯಮ ಸ್ಥರ) ಆನಿ ಮೂಡಬಿದ್ರಿ ಆಳ್ವಾ ಸಂಸ್ಥೆಚೊ ಪ್ರಾಂಶುಪಾಲ ಡಾ. ಕುರಿಯನ್ ಆನಿ ಎಕ್ಸಪರ್ಟ ವಿದ್ಯಾ ಸಂಸ್ಥೆಚಿ ಅನಿತಾ ಶೆಟ್ಟಿ (ದ್ವಿತೀಯ ಸ್ಥರ) ಹಾಂನಿ° ಪ್ರಬಂಧ ಮಂಡಣ ಕೆಲೆ°. ಶಿಕ್ಷಣ ತಜ್ಞ ಆನಿ ಶಿಕ್ಷಕಾನಿ ಪರಿಸಂವಾದಾοತು° ವಾಂಟೊ ಗೆತಲೊ. ನಲಂದಾ ಶಾಳೆಚೊ ಗೌರವ ಕಾರ್ಯದರ್ಶಿ ಪ್ರೊ. ಡಾ. ಕಸ್ತೂರಿ ಮೋಹನ ಪೈ ಹಾಂನಿ° ಸ್ವಾಗತಾಚೆ ಉತ್ರ° ಸಾಂಗಲಿ° ಮಾತೃಭಾಷಾ ಶಿಕ್ಷಣಾಚೆರಿ ನವೀನ ಶಿಕ್ಷಣ ನೀತಿಚೊ ಪ್ರಭಾವ ಹ್ಯಾ ವಿಷಯಾರಿ ತಾಂನಿ° ಉಜ್ವಾಡು ಘಾಲೊ. ಅಧ್ಯಕ್ಷ ಬಿ. ಆರ್. ಶೆಣೈ, ಡಾ. ರಮೇಶ ಪೈ, ಪಂಡಿತ್ ಸುರೇಂದ್ರ ಆಚಾರ್ಯ, ಯು. ಅರವಿಂದ ಆಚಾರ್ಯ, ಎಚ್. ವಿಜಯಚಂದ್ರ ಕಾಮತ್, ಪ್ರಾಂಶುಪಾಲಾ ಶಶಿಕಲಾ ಉಪಸ್ಥಿತ ಆಶಿಲಿಂತಿ. ವೆಂಕಟೇಶ ಎನ್. ಬಾಳಿಗಾನ ಸೂತ್ರ ಸಂಚಾಲನ ಕೆಲೆ°. ಎಮ್. ಆರ್. ಕಾಮತ್ ಹಾಂನಿ° ಆಬಾರ ಮಾನಲೊ.
ವಿಷ್ಣು ಆನಿ ಶಿವ ಪೂಜೆಂತು° ಬೇಧ ಕರನಾಶಿ°, ಭಕ್ತಿನ ಪರಮಾತ್ಮಲೆ ಅರಾಧನಾ ಕರಕಾ
ಮಂಗಳೂರು: ಮನಶಾನ ಭೂಯಿ° ಆನಿ ದುಡ್ವಾಚೊ ವ್ಯಾಮೋಹ ಸೋಡಲ್ಯಾರಿ ಮುಕ್ತಿ ಆನಿ ಮೋಕ್ಷ ಸಾಧ್ಯ. ನಶ್ವರ ವಸ್ತುಚೆರಿ ಆಸಚೆ ಪ್ರೀತಿನ ಆಹಂ ವಾಡತಾ. ಆಮಿ ಕೆದನಾಯಿ ಉರ್ಧ್ವಮುಖಿ ಜಾವಚೆ ನದರೇನ ಚಿಂತನ ಕರಕಾ” ಮ್ಹಣು ಕವಳೆ ಮಠಾಧೀಶರಾದ ಶ್ರೀಮದ್ ಶಿವಾನಂದ ಸರಸ್ವತಿ ಸ್ವಾಮೀಜಿ ಹಾಂನಿ° ಸಾಂಗಲಾ°. ಕೊಟ್ಟಾರಾಂತು° ಶ್ರೀ ಸಂಸ್ಥಾನ ಗೌಡಪಾದಾಚಾರ್ಯ ಕವಳೆ ಮಠಾಚೆ ನೂತನ ಶಾಖಾ ಮಠಾಕ ಶಂಕುಸ್ಥಾಪನಾ ಕರನು ತಾಂನಿ° ಅಶೀರ್ವಚನ ದಿಲೆ°. “ಮಠ, ಮಂದಿರ° ಆಸಚೆ° ಜನಕಲ್ಯಾಣಾ ಕಾತಿರ. ಹರ ಎಕ ಸಮಾಜಾನ ಅಭಿವೃದ್ದಿ ಜಾವಕಾ ಜಾಲ್ಯಾರಿ, ಸಮಾಜಾಕ ಸಮ ವಾಟೆರಿ ವಚೆ° ತಶಿ° ಮಾರ್ಗದರ್ಶನ ದಿವಚೆ° ಮಠಾಧೀಶಾನಿ ಮ್ಹಣು ತಾಂನಿ° ಸಾಂಗಲೆ°. ಫಕತ ದೇವಾಲೆ ನಾಮ ಸ್ಮರಣ ಕೆಲ್ಯಾರಿ ಪಾವನಾ, ಸೂಕ್ತ ಮಾರ್ಗದರ್ಶನ ದಿತಲೆ ಗುರು ಜಾವಕಾಚಿ. ವಿಷ್ಣು ಆನಿ ಶಿವ ಪೂಜೆಂತು° ಬೇಧ ಕರನಾಶಿ°, ಭಕ್ತಿನ ಪರಮಾತ್ಮಲೆ ಅರಾಧನಾ ಕರಕಾ. ವ್ಹಿಂಗವ್ಹಿοಗಡ ಪ್ರದೇಶಾಂತು° ಕವಳೆ ಮಠಾಚೆ ಶಾಖಾ ಮಠ ಸ್ಥಾಪನಾ ಜಾತಾ ಆಸಾತಿ, ಹಾಜೆ ನಿಮಿತ ಸರ್ವ ಶಿಷ್ಯ ವೃಂದಾನ ಸಾಂಗತ ಯೆವಚೊ ವೇಳು ಆಯಲಾ ಮ್ಹಣು ಗುರುವರ್ಯಾನಿ ಸಾಂಗಲೆ°.
ಮಂಗಳೂರಾಮತು° ಕವಳೆ ಮಠಾಚೊ ಶಾಖೊ ಜಾತಾ ಆಸಚೆ ಸಂತೋಸಾಚೊ ವಿಷಯ, ಸರ್ವ ಸಾರಸ್ವತ ಲೋಕಾನ ಹಾಕಾ ಜಾಯ ಆಶಿಲಿ ಸೇವಾ ಕರಕಾ ಮ್ಹಣು ಮಂಗಳೂರು ದಕ್ಷಿಣ ಶಾಸಕ ವೇದವ್ಯಾಸ ಕಾಮತ್ ಹಾಂನಿ° ಸಾಂಗಲೆ°.
ಆವಸೂಲೆ ಆಶೆ ಪ್ರಮಾಣೆ ಹಾಂವೆ° ಹೊ ಜಾಗ ದಾನ ಕೆಲಾ ಮ್ಹಣು ಎ. ಜಿ. ಪೈ ಹಾಂನಿ° ಕಳಯಲೆ°.
ಮಂಗಳೂರಾοತು° ಮಠ ಸ್ಥಾಪನಾ ಜಾವಕಾ ಮ್ಹಣು ಖೂಬ ಕಾಳಾಚೆ ಸೊಪನ ಸ್ವಾಮ್ಯಾಲೆ ಆನಿ ದೇವಾಲೆ ಆಶೀರ್ವಾದಾನ ಜಾಲಾ° ಮ್ಹಣು ಮ್ಹಾಲ್ಗಡೊ ಉದ್ಯಮಿ ಎ. ಕೆ. ಮಂಜುನಾಥ ಶೆಣೈ ಹಾಂನಿ° ಸಾಂಗಲೆ°. ಶಾಸಕ ಡಾ ಭರತ್ ಶೆಟ್ಟಿ, ಸ್ಥಳೀಯ ನಗರಪಾಲಿಕಾ ಸಾಂದೊ ಮನೋಜ್ ಕುಮಾರ್, ಮಠಾಚೆ ಇಮಾರತ ಬಾಂದಪ ಇಂಜಿನಿಯರ್ ಗುರುಪುರ ಯೋಗೀಶ್ ಪೈ, ಪಾಲಿಕಾ ಸದಸ್ಯಾ ಸಂಗೀತ ನಾಯಕ್, ಸಾಗರ ನಗರ ಸಭೆಚೊ ಉಪಾಧ್ಯಕ್ಷ ಮಹೇಶ್ ವಿ ಮಾನಾಚೆ ಸೊಯ್ರೆ ಆಶಿಲೆ.
ರಥಬೀದಿ ಶ್ರೀ ವೆಂಕಟರಮಣ ದೇವಳಾಚೆ ಟ್ರಿಸ್ಟಿ ಅಡಿಗೆ ಬಾಲಕೃಷ್ಣ ಶೆಣೈ, ಕಿರಣ್ ಪೈ, ಸತೀಶ್ ಪ್ರಭು, ಗಣೇಶ್ ಕಾಮತ್, ಸಿಎ ಜಗ್ನನಾಥ ಕಾಮತ್, ಕೊಂಚಾಡಿ ದೇವಳಾಚೆ ಟ್ರಸ್ಟಿ ಡಿ. ವಾಸುದೇವ ಕಾಮತ್, ಭಾರತ್ ಸಮೂಹ ಸಂಸ್ಥೆಚೆ ಆನಂದ ಪೈ, ಸುಬ್ರಾಯ ಪೈ, ಬೆಂಗಳೂರು ಆರ್ಎಸ್ಬಿ ಸಂಘಾಚೊ ಅಧ್ಯಕ್ಷ ನಾಗೇಂದ್ರ ಕಾಮತ್, ಜಿಎಸ್ಸಭಾ ಕೋಡಿಕಲ್ ಹಾಜೊ ಅಧ್ಯಕ್ಷ ಆರ್.ಎಂ. ಪ್ರಭು, ಕೆ ಎಸ್ ಬಿ ಸಮಾಜಾಚೊ ಅಧ್ಯಕ್ಷ ಸುಧರ್ಶನ್ ನಾಯಕ್, ಮಠ ಕಟ್ಟಡ ಸಮಿತಿ ಅಧ್ಯಕ್ಷ ಸುಬ್ರಹ್ಮಣ್ಯ ಭಟ್, ಉಪಾಧ್ಯಕ್ಷ ಪ್ರವೀಣ್ ನಾಯಕ್, ಟಿ. ಅವಿನಾಶ್ ಶೆಣೈ, ಕೋಶಾಧಿಕಾರಿ ಗೋಪಾಲಕೃಷ್ಣ ರಾವ್, ರಮೇಶ್ ಭಟ್ ಉಪಸ್ಥಿತ ಆಶಿಲಿಂತಿ. ಗುರುವರ್ಯಾಂಕ ಪೂರ್ಣ ಕುಂಭ ಸ್ವಾಗತ ಕೆಲೆ°. ಗೌರವಾಧ್ಯಕ್ಷ ಗೋಕುಲದಾಸ್ ನಾಯಕ್ ಹಾಂನಿ° ಸ್ವಾಗತಾಚೆ ಉತ್ರ° ಸಾಂಗಲಿ°. ಮಹೇಶ್ ರಾವ್ ಗಾಯಿತೊಂಡೆ ಹಾಂನಿ° ದಾನಿ ಲೋಕಾಲಿ ಯಾದಿ ವಾಚಲಿ. ಪ್ರಧಾನ ಕಾರ್ಯದರ್ಶಿ ನರೇಶ್ ಕಿಣಿ ಹಾಂನಿ° ಸೂತ್ರ ಸಂಚಾಲನ ಕರನು ಮಠ ಬಾಂದಪಾ ಬದಲ ಮಾಹಿತಿ ದಿಲಿ.
ಎನ್ .ಎಸ್. ಎಸ್ ಘಟಕಾ ತರಪೇನ ಬೀದಿ ನಾಟಕ
ಮಂಗಳೂರು: ರಾಷ್ಟ್ರೀಯ ಏಕತಾ ಸಪ್ತಾಹಾಚೊ ವಾಂಟೊ ಜಾವನು ಆಯೋಜನ ಕೆಲೆಲೆ “ಪರಿಸರ ಸಂರಕ್ಷಣಾ” ದಿವಸು ವಿಶ್ವ ವಿದ್ಯಾನಿಲಯ ಸಂಧ್ಯಾ ಕಾಲೇಜಾಚೆ ಎನ್.ಎಸ್.ಎಸ್ ಘಟಕಾಚೆ ವಿದ್ಯಾರ್ಥಿಯಾನಿ ಮಂಗಳೂರಚೆ ಡಿ.ಸಿ. ದಫ್ತರಾಚೆ ಮುಕಾರ ಬೀದಿ ನಾಟಕ ಪ್ರದರ್ಶನ ಕೆಲೆ°.
ಪ್ರಾಂಶುಪಾಲಾ ಡಾ. ಸುಭಾಷಿಣಿ ಶ್ರೀವತ್ಸ ಹಾಂಗೆಲೆ ಮುಖೇಲಪಣಾರಿ ಜಾಲೆಲೆ ಹ್ಯಾ ಕಾರ್ಯಕ್ರಮಾಚೆ ಆಶಾಲತಾ ಹಾಂನಿ° ಬೀದಿ ನಾಟಕಾಚೆ ಆಯೋಜನ ಕೆಲೆಲೆ°. "ಸೇವ್ ದಿ ಅರ್ಥ್" ಶೀರ್ಷಿಕೆಚೆ ಹ್ಯಾ ನಾಟಕ ಎನ್.ಎಸ್.ಎಸ್ ವಿದ್ಯಾರ್ಥಿ ಫುಡಾರಿ ಜೀತೇಶ್ ಹಾಣೆ ಸಂಯೋಜನ ಕೆಲೆಲೆ°. ಲಾವಣ್ಯ ಆನಿ ಪಂಗಡಾನ ಪದ° ಗಾಯಲಿ°. ಪ್ರಥಮ ಆನಿ ದ್ವಿತೀಯ ವರಸಾಚೆ ಬಿಕಾಂ, ಬಿಎ ಆನಿ ಬಿಸಿಎ ಪದವಿಚೆ ಎನ್.ಎಸ್.ಎಸ್ ಸ್ವಯಂಸೇವಕಾನಿ ನಾಟಕಾಂತು° ವಾಂಟೊ ಘೆೆತಲೊ. ಬೋಧನಾ ಸಿಬ್ಬಂದಿ ಉಪಸ್ಥಿತ ಆಶಿಲಿಂತಿ.
ಕೊಂಕಣಿ ಆನಿ ಬ್ಯಾರಿ ಅಕಾಡೆಮಿಚೆ ಜೋಡ ಆಶ್ರಯಾರಿ ಬಹುಭಾಷಾ ಕವಿಗೋಷ್ಠಿ
ಮಂಗಳೂರು: ಭಾಸ ವರಯಲ್ಯಾರಿ ಭಾರತೀಯ ರಾಷ್ಟ್ರೀಯ ಏಕತಾ ಮುಕಾವಯಲೆ ಪಿಳಗಿಕ ವರೊನ ಹಾಡಚಾಕ ಸಾಧ್ಯ ಮ್ಹಣು ದಕ್ಷಿಣ ಕನ್ನಡ ಜಿಲ್ಲೆಚೆ ಕನ್ನಡ ಮತ್ತು ಸಂಸ್ಕೃತಿ ಇಲಾಖೆಚೊ ಸಹಾಯಕ ನಿರ್ದೇಶಕ ರಾಜೇಶ್ ಜಿ ಹಾಂನಿ° ಸಾಂಗಲಾ°. ಕೊಂಕಣಿ ಆನಿ ಬ್ಯಾರಿ ಅಕಾಡೆಮಿಚೆ ಜೋಡ ಆಶ್ರಯಾರಿ ಚಲೆಲೆ ಬಹುಭಾಷಾ ಕವಿಗೋಷ್ಠಿ ಉಗ್ತಾವಣ ಕರನು ತಾಂನಿ° ಆಶೆ° ಸಾಂಗಲೆ°. ಕೊಂಕಣಿ ಅಕಾಡೆಮಿಚೆ ದಫ್ತರಾಚೆ ಸಭಾಂಗಣಾοತು° ಘಡಲೆಲೆ ಹ್ಯಾ ಕವಿ ಗೋಷ್ಠಿಂತು° ಕೊಂಕಣಿ, ತುಳು, ಬ್ಯಾರಿ, ಹವ್ಯಕ, ಹಿಂದಿ, ಕನ್ನಡ, ಭಾಷೆಚೆ ಕವಿನಿ ಕವಿತಾ ವಾಚನ ಕೆಲೆ°. ಕೊಂಕಣಿ ಕವಿ ಜೊಸ್ಸಿ ಪಿಂಟೊ ಕಿನ್ನಿಗೋಳಿ, ಅರವಿಂದ್ ಶಾನಭಾಗ ಬಾಳೇರಿ, ಜೂಲಿಯೆಟ್ ಫರ್ನಾಂಡೀಸ್ ಮಂಗಳೂರು, ತುಳು ಕವಿ ಮಹಮ್ಮದ್ ಬಡ್ಡೂರು, ಅನುರಾಧಾ ರಾಜೀವ್ ರೇಮಂಡ್ ಡಿಕೂನಾ ತಾಕೊಡೆ, ಬ್ಯಾರಿ ಭಾಷೆಚೆ ಕವಿ ಹಂಝಾ ಮಲಾರ್, ಎಡ್ವರ್ಡ್ ಲೋಬೊ ತೊಕ್ಕೊಟ್ಟು, ಸಿಹಾನ ಬಿ, ಕನ್ನಡ ಭಾಷಾ ಕವಿ ಮಹೇಶ್ ಆರ್ ನಾಯಕ್, ಪೂರ್ಣಿಮಾ ಸುರೇಶ್ ನಾಯಕ್, ನವೀನ್ ಡಿಸೋಜ, ಹವ್ಯಕ ಕವಿ ಡಾ. ಸುರೇಶ ನೆಗಳಗುಳಿ, ಗುಣಾಜೆ ರಾಮಚಂದ್ರ ಭಟ್, ಹಿಂದಿ ಕವಿ ಡಾ. ಪರಶುರಾಮ ಮಾಳಗೆ ಆನಿ ಅರುಣ್ ಜಿ ಶೇಟ್ ಹಾಂನಿ° ಕವಿತಾ ವಾಚನ ಕರನು ರಾಷ್ಟ್ರೀಯ ಐಕ್ಯತಾ ದರ್ಶಾಯಲೆ°. ರಾಷ್ಟ್ರೀಯ ಪ್ರಶಸ್ತಿ ವಿಜೇತಾ ಕು. ರಮೊನಾ ಇವಟ್ ಪಿರೇರಾ ಹಾಂಗೆಲೆ° ನೃತ್ಯ ವೈಭವ ಪ್ರದರ್ಶನ ಆಶಿಲೆ°. ಆದಲೊ ಉಪಮೇಯ ಬಶೀರ್ ಬೈಕಂಪಾಡಿ, ಮಾರ್ಸೆಲ್ ಡಿಸೋಜ, ಶಂಶೀರ್ ಬುಡೊಳಿ, ಸತ್ಯವತಿ ಕಾಮತ್, ಹ್ಯಾರನ್ ರಶೀದ್ ಆನಿ ಹೇರ ಉಪಸ್ಥಿತ ಆಶಿಲೆ. ಕೊಂಕಣಿ ಅಕಾಡೆಮಿಚೊ ರಿಜಿಸ್ಟ್ರಾರ್ ಮನೋಹರ್ ಕಾಮತ್ ಹಾಂನಿ° ಸ್ವಾಗತಾಚೆ ಉತ್ರ° ಸಾಂಗಲಿ°. ಪತ್ರಕರ್ತ ಆನಿ ಬಹುಭಾಷಾ ಕವಿ ರೇಮಂಡ್ ಡಿಕೂನ ತಾಕೊಡೆ ಹಾಂನಿ° ಸೂತ್ರ ಸಂಚಾಲನ ಕೆಲೆ°.
ವಿಶ್ವ ಕೊಂಕಣಿ ಕೀರ್ತಿ ಮಂದಿರಾοತು° ಕುಡುಂಬಿ ಸಮಾಜಾಚೊ ಕಲಾವಿದ ದೇವಾದಿನ ಮಿಜಾರು ಅಣ್ಣಪ್ಪ ಹಾಂಗೆಲೆ° ಭಾವಚಿತ್ರ ಅನಾವರಣ
ಮಂಗಳೂರು: ವಿಶ್ವ ಕೊಂಕಣಿ ಕೇಂದ್ರಾಚೆ ಕೀರ್ತಿ ಮಂದಿರಾοತು° ಕುಡುಂಬಿ ಸಮಾಜಾಚೊ ಕಲಾವಿದ ದೇವಾದಿನ ಮಿಜಾರು ಅಣ್ಣಪ್ಪ ಹಾಂಗೆಲೆ° ಭಾವಚಿತ್ರ ಅನಾವರಣ ಅಧ್ಯಕ್ಷ ನಂದಗೋಪಾಲ ಶೆಣೈ ಹಾಂನಿ° ಕೆಲೆ°. ಯಕ್ಷಗಾನ ವಿಮರ್ಶಕ ಮೂಡುಬಿದಿರೆಚೆ ಶಾಂತರಾಮ ಕುಡ್ವ, ದ.ಕ ಜಿಲ್ಲಾ ಕುಡುಂಬಿ ಸಮಾಜಾಚೊ ಅಧ್ಯಕ್ಷ ಕೃಷ್ಣ ಪ್ರಸಾದ, ಮ್ಹಾಲ್ಗಡೊ ಮೋನಪ್ಪ ಗೌಡ, ಮಿಜಾರು ಅಣ್ಣಪ್ಪ ಹಾಂಗೆಲೊ ಪೂತು ಸದಾಶಿವ ಗೌಡ, ವಿಶ್ವ ಕೊಂಕಣಿ ಕೇಂದ್ರಾಚೆ ಖಜಾಂಚಿ ಬಿ. ಆರ್. ಭಟ್, ಡಾ. ಕೆ. ಮೋಹನ ಪೈ, ಉಷಾ ಮೋಹನ ಪೈ, ಡಾ. ಬಿ. ದೇವದಾಸ ಪೈ ಆನಿ ಹೇರ ಉಪಸ್ಥಿತ ಆಶಿಲೆ.
ಕೇದಾರ್ ಹೈ ಲಿವಿಂಗ್ ಲಕ್ಸುರಿ ಅಪಾರ್ಟಮೆಂಟ್ ಭೂಮಿ ಪೂಜಾ.
ಮಂಗಳೂರು: ಮುಕುಂದ್ ಎಂ. ಜಿ. ಎಂ ರಿಯಾಲಿಟಿಸ್ ಹಾಂಗೆಲೆ ನವೀನ ಯೋಜನಾ ‘ಕೇದಾರ್’ ಹೈ ಲಿವಿಂಗ್ ಲಕ್ಸುರಿ ಅಪಾರ್ಟಮೆಂಟ್ಸ್ ಹಾಕಾ CREDAI ಹಾಜೊ ಉಪಾಧ್ಯಕ್ಷ ಡಿ. ಬಿ. ಮೆಹ್ತಾನ ಶಿಲಾನ್ಯಾಸ ಕೆಲೆ°. ಮಂಗಳೂರು ಎರಪೋರ್ಟ ರ್ತೆಚೆ ದೇರೆಬೈಲ್ ಪ್ರದೇಶಾಂತು° ಬಾಂದೂಚೆ ಹ್ಯಾ ಇಮಾರತಾಂತು° 16 ಮ್ಹಾಳಿಯೊ ಆಸೂನ 78 ಅಪಾರ್ಟಮೆಂಟ° ಆಸತಾತಿ. ಮಂಗಳೂರು ಮಹಾನಗರ ಪಾಲಿಕೆಚೊ ಮೇಯರ್ ಜಯಾನಂದ ಅಂಚನ್, ಕಾರ್ಪೋರೇಟರ್ ರಜನಿ ಎಲ್. ಕೋಟ್ಯಾನ್ ಆನಿ ಆದಲೊ ಮೇಯರ್ ಶಶಿಧರ ಹೆಗ್ಡೆ ಮಾನಾಚೆ ಸೊಯ್ರೆ ಆಶಿಲೆ. ಸಗಟಾನ ಮೆಳನು ದೀವೊ ಲಾವನು ಸಭಾ ಕಾರ್ಯಕ್ರಮಾಚೆ ಉಗ್ತಾವಣ ಕೆಲೆ°.
ರೆವೆರೆಂಡ್ ಫಾದರ್ ಜೋಸೆಫ್ ಮಾರ್ಟಿಸ್ ಹಾಂನಿ° ಮಾಘಣಿ ಕೆಲಿ. ಯೋಜನೆಚೊ ಮಾಲಕ ಆನಿ ಕೋ ಪ್ರಮೋಟರ್ ಎಲಿಯಾಸ ಸಾಂಟೇಸ್, ಮುಕುಂದ ಎಂ. ಜಿ. ಎಂ. ಹಾಜೆ ವಾಂಟೇಲಿ ಗುರುದತ್ತ ಶೆಣೈ, ಮಂಗಲದೀಪ, ಮಹೇಶ ಶೆಟ್ಟಿ, ಮಾರ್ಕೆಟಿಂಗ್ ಮ್ಯಾನೇಜರ್ ಸುಭಾಶ, ಸೇಲ್ಸ್ ಮ್ಯಾನೇಜರ್ ರಣಜೀತ ಆನೀ ಹೇರ ಉಪಸ್ಥಿತ ಆಶಿಲೆ. ಸೌಜನ್ಯಾ ಹೆಗ್ಡೆನ ಸೂತ್ರಸಂಚಾಲನ ಕೆಲೆ°.
ನವೆಂಬರ್ 5 - ಕೇದಾರ್ ಹೈ ಲಿವಿಂಗ್ ಲಕ್ಶುರಿ ಅಪಾರ್ಟ್ಮೆಂಟ್ ಶಿಲಾನ್ಯಾಸ
ಮοಗಳೂರು: ಹಾಂಗಾಚೆ ದೇರೆಬೈಲಾಂತು° ಐಶಾರಾಮಿ ಆನಿ ಸಗಟಾಂಕ ಸಜಚೆ° ಸರ್ವ ಸೌಕರ್ಯ ಆಸಚೆ° ಕೇದಾರ್-ಹೈ ಲಿವಿಂಗ್ ಲಕ್ಶುರಿ ಹೋಮ್ಸ್ ಅಪಾರ್ಟಮೆಂಟ್ಸ್ ಯೋಜನಾ ಹಾಕಾ ಮುಕುಂದ್ ಎಂಜಿಎ° ರಿಯಾಲ್ಟಿ ಸಂಸ್ಥೊ ನ.5ಕ ಶಿಲಾನ್ಯಾಸ ಕರತಾ ಆಸಾ. ಆತ° 2 BHK ಅಪಾರ್ಟಮೆಂಟ್ ರೂ. 5 ಲಕ್ಷ ರಿಯಾಯಿತಿರಿ ರೂ. 55 ಲಾಖ ರುಪಯೆಕ ವಳಕ ಕರತಾ ಆಸಾ. ಹೆ° ಭೇಂಟ ಫಕತ ಭೂಮಿ ಪೂಜೆ ದಿವಸ ಥಾಂಯ ಮೆಳಚೆ ಆಸಾ. ಹ್ಯಾ ಅಪಾರ್ಟ್ಮೆಂಟಾοತು° ಉತ್ತಮ ಗುಣಮಟ್ಟಾಚೆ ಸೌಕರ್ಯ ಲಭ್ಯ ಆತಾ. ನಿರ್ಮಾಣ ಆನಿ ಸೌಕರ್ಯ ವಿಷಯಾರಿ ಉತ್ತಮ ಕಲ್ಪನಾ ದಿವಚಾಕ ನಾವಾದೀಕ ಆಸಚೆ ಹೊ ಸಂಸ್ಥೊ 16 ಮ್ಹಾಳಿಯಚೆ 78 ಅಪಾರ್ಟಮೆಂಟ° ದಿತಾ ಆಸಾ. ಹ್ಯಾ ಯೋಜನೆಂತು° 2 ಆನಿ 3BHK ಫ್ಲಾಟ° ನಂತಾ° ಐಶಾರಾಮಿ 4BHK ಫ್ಲಾಟ್ ಆಸತಾತಿ. ತ್ಯಾ ನಂತಾ° ಸಾಬಾರ 15000 ಸ್ಕ್ವೇರ್ ಫೀಟ್ ಲ್ಯಾಂಡ್ ಸ್ಕೇಪಡ್ ಗಾರ್ಡನ್ ಆಸತಲೆ° ಮ್ಹಣು ಪ್ರವರ್ತಕ ಮಂಗಲ್ದೀಪ್, ಗುರುದತ್ತ ಶೆಣೈ ಆನಿ ಮಹೇಶ್ ಶೆಟ್ಟಿ ಹಾಂನಿ° ಕಳಯಲಾ°.
ಹ್ಯಾ ಯೋಜನೆಂತ ಆಸಚೆ ಸೌಕರ್ಯ°
• ಇನ್ಫಿನಿಟಿ ಸ್ವಿಮ್ಮಿಂಗ್ ಪೂಲ್ ಆನ್ ರೂಫ್ ಟಾಪ್
• ಸ್ನೇಕ್ಸ್ ಆ್ಯಂಡ್ ಲ್ಯಾರ್ಸ್ ಔಟ್ಡೋರ್ ಗೇಮ್
• ಬಾಡ್ಮಿಂಟನ್ ಕೋರ್ಟ್
• ಓಪನ್ ಆ್ಯರ್ ತಿಯೇಟರ್
• ಔಟ್ಡೋರ್ ಓಪನ್ ಜಿಮ್ನಾಷಿಯಮ್
• ಒಳಾಂಗಣ ಆನಿ ಹೊರಾಂಗಣ ಖೇಳಚೊ ಜಾಗೊ
• ಚೆರಡುವಾಂಕ ಖೇಲಚಾಕ ಜಾಗೊ
• ಲೈಬ್ರೇರಿ
• ಯೋಗಾ ಪೆವೀಲಿಯನ್
• ಡಬಲ್ ಹೈಟ್ ವಿಸಿರ್ಸ್ ಲೋಬಿ
• ಇಂಟರ್ಕಾಮ್ ಆನಿ ಆ್ಯಕ್ಸೆಸ್ ಕಂಟ್ರೋಲ್ಡ್ ಲಾಬಿ ಎಂಟ್ರೆನ್ಸ್
• ಸೋಲಾರ್ ಇಲೆಕ್ಟಿçಕಲ್ ಪ್ಯಾನೆಲ್ಸ್
• ಸಿಸಿ ಟಿವಿ ಕ್ಯಾಮರಾ
• ದೋನ ಸ್ವಯಂಚಾಲಿತ ಲಿಫ್ಟ್.
• ಕಾರ್ ಪಾರ್ಕಿಂಗ್ ಆನಿ ಜನರೇಟರ್ ವ್ಯವಸ್ಥಾ.
ಮಂಗಳೂರಚೆ ಬಳ್ಳಾಲ್ಬಾಗ್ ಹಾಂಗಾ ವರ್ಟೆಕ್ಸ್ ವರ್ಕ್ಸ್ಪೇಸ್ ಆನಿ ಬಿಜೈ-ಕಾಪಿಕಾಡಾಂತು° ಅಜಂತಾ ಬುಸಿನೆಸ್ ಸೆಂಟರ್ ಮ್ಹಳೆಲೆ ಉತ್ಕೃಷ್ಟ ವಾಣಿಜ್ಯ ಸಂಕೀರ್ಣ° ನಿರ್ಮಾಣ ಕರನು ಐಟಿ ಕಂಪೆನಿಯಾοಕ ಜಾವಕಾ ಜಾಲೆಲೆ ಸರ್ವ ರೀತಿಚೆ ಸೌಲಭ್ಯ ಆಸಾ ಕರನು ಮಂಗಳೂರಚೆ ಐಟಿ ಜಗತ್ತಾಂತು° ನಾವಾದೀಕ ಜಾವನು ಆಸಚೆ ಹ್ಯಾ ಸಂಸ್ಥೆನ ಎದೋಳ ಥಾಂಯ° ಸರ್ವ ಯೋಜನಾ ವೇಳಾರಿ ಪೂರ್ಣ ಕೆಲೆಲೆ ಆಸಾ. ಮಣ್ಣಗುಡ್ಡ ಪ್ರದೇಶಾಂತು° ಗೋಕುಲ್ಧಾಮ್, ಕೊಟ್ಟಾರ ಚೌಕಿಂತು° ಕೈಲಾಶ್, ಡೊಂಗರಕೇರಿοತು° ಮುಕುಂದ್ ಸದನ್ ಅಶೆ° ತೀನ ಯೋಜನಾ ಚಾಲೂ ಆಸಾ. ಚಡತೆ ಮಾಹಿತಿಕ ತಿತಿತಿ.www.mukundmgmrealty.com ಯಾ 96117 30555/ 70909 33900 ನಂಬ್ರಾοಕ ಸಂಪಕ್ ಕರಯೆತ ಮ್ಹಣು ಕಳವಣಿಂತು° ಸಾಂಗಲಾ°.
ಉಡುಪಿ ಶ್ರೀ ಲಕ್ಷ್ಮೀ ವೆಂಕಟೇಶ ದೇವಸ್ಥಾನ
ಉಡುಪಿ ಶ್ರೀ ಲಕ್ಷ್ಮೀ ವೆಂಕಟೇಶ ದೇವಳಾಂತು°
ಮುοಡ್ಕೂರು: ಹಾಂಗಾಚೆ ಶ್ರೀ ವಿಠೋಭ ದೇವಳಾಂತು°
ಉದ್ಯೋಗ ಆನೀ ನಿರುದ್ಯೋಗ ಡಾ| ಅರವಿಂದ
18:53:41 ವಿಶ್ವ ಕೊಂಕಣಿ ಕೇಂದ್ರ ‘ಕ್ಷಮತಾ
This application is only for the poor
कोंकणिंतल्या अस्तुरी साहित्याचेर
ಮಂಗಳೂರು: ವಿಶಂತಿ ಸಂಭ್ರಮಾοತು ಆಸಚೆ
ಬೆಂಗಳೂರು: ಹಾಂಗಾಚೆ ಮಲ್ಲೇಶ್ವರಂಚೆ ಗೌಡ
Editorial
ಡಾಕ್ಟರಾಲೆ ಆತ್ಮ ಪರಮಾತ್ಮಾಲೆ ಸಾಂಗತ ವಿಲೀನ ಜಾಲೆ°,,,
ಡಾ. ಜಿ. ಜಿ. ಲಕ್ಷ್ಮಣ್ ಪ್ರಭು ಎಕ ನಾವಾದೀಕ ಡಾಕ್ಟರು ಆಶಿಲೊ. ಯುರಾಲಾಜಿ ತಾಗೆಲಿ ಸ್ಪೇಷಾಲಿಟಿ. ತೊ ಎಕ ಫಾಮಾದ ಡಾಕ್ಟರ್ ನಂತಾ° ಎಕ ಬರೊ ಭಾಷಣಗಾರುಯೀ ಜಾವನು ಆಶಿಲೊ. ಸಾನ ಪ್ರಾಯೆರಿ ತೊ ಜನಾ ಮೋಗಾಳ ಜಾಲೆಲೊ. ತೊ ಅನೀರಿಕ್ಷಿತ ಜಾವನು ಅಂತರಲೊ ಮ್ಹಳೆಲಿ ಖಬರ ಆಯಕತನಾ ಸಾಬಾರ ಲೋಕಾಂಕ ತೆಂ ನಂಬಗೂಚಾಕ ಜಾಯನಿ. ಬ್ಯುಸಿ ಡಾಕ್ಟರ್ ಆಶಿಲೊ ತೊ ಕೆದನಾಯಿ ಕೊಡಿಯಾಲಚೆ ಕೆ. ಎಂ. ಸಿ ಹಾಸ್ಪಿಟಲಾಂತ ಪಳೊವಚಾಕ ಮೆಳತಲೊ. ಸಕಾಳಿ ದಾಕೂನ ಸಾಂಜವೇಳಾ ತಾಂಯ ಆಪರೇಶನ್ ಥಿಯೇಟರಾಚೆ ಸಮವಸ್ತ್ರಾಂತು ತೊ ದಿಸತಲೊ ಮ್ಹಣು ಆಸ್ಪತ್ರೆಕ ಗೆಲೆಲೆ ಸಾಂಗತಲೆ. ತಿತಲೊ ಬ್ಯುಸಿ ಡಾಕ್ಟರ್ ತೊ. ತಾಣೆ ತಾಗೆಲೆ ಪೆಶೆಂಟಾoಕ ಪಳೊವಚಾಕ ಆಸ್ಪತ್ರೆಚೆ ರೌಂಡ್ಸಾರ ವತನಾ ತಾಗೆಲೊ ಹೋಡು ತಾಳೊ ಆಯಕೂನು ತ್ಯಾ ಮ್ಹಾಳ್ಯೆರಿ ಆಸಚೆ ಸಗಟ ರೂಮಾಂತುಲೆ° ಪೇಶೆಂಟಾoಕ ತೊ ಆಯಲೊ ಮ್ಹಣು ಕಳತಲೆ° ಖಂಯ. ಕುಶಾಲ ಉಲೊವನು ಪೇಶೆಂಟಾoಲಿ ಮನೋಸ್ಥಿತಿ ಸಂತೋಸಮಯ ಕರಚೆಂ ತಾಗೆಲಿ ಸವಯ್ ಆಶಿಲಿ.
ನ. 9ಕ ಎಕ ಆಪರೇಶನ ಪೂರ್ಣ ಕರನು ಭಾಯರ ಆಯಿಲೆ ಡಾಕ್ಟರಾಕ ಕಠಿಣ ಹೃದಯಘಾತ ಜಾಲೆ°. ತ್ಯಾ ನಿಮಿತ ತಾಕಾ ತುರ್ತಾನ ಶುಶ್ರುತಾ ಮೇಳಚಾಕ ಸಾಧ್ಯ ಜಾಲೆ°. ತೊ ಐ.ಸಿ.ಯುಂತ 8 ದೀವಸ ಆಶಿಲೊ. ತಾಕಾ ಊಂಛ ಸ್ಥರಾಚೆ ಟ್ರಿಟಮೆಂಟ್ ಮೆಳೆ°. ಜಾಲ್ಯಾರ ದೈವಿಚ್ಛಾ ವ್ಹಿಂಗಡ ಆಶಿಲಿ. ನ.17 ಕ ತಾಗೆಲೆ ದೇಹಾಂತ್ಯ ಜಾಲೆ°.
ಡಾಕ್ಟರಾಕ ಫಕತ 60 ವರಸ°. ಸಾಬಾರ 30 ವರಸಾಚೊ ವೈದ್ಯಕೀಯ ಅಣಭವ. ಡಾಕ್ಟರ ಮ್ಹಣು ನ್ಹಹಿ°, ಆರತಾ° ತರನಾಟೆ ಲೋಕಾನ ಹೃದಯಘಾತ ಜಾವನು ಮರಣ ಪಾವಚಿ ಖಬರ ಆಯಕೂಚೆ° ಚಡ ಜಾಲಾ°. ಸ್ವತ: ಡಾಕ್ಟರ ಆಶಿಲೆ ತಾಕಾ ಖಾಂಯ ಮುನ್ಸೂಚನಾ ಮೇಳನಿ ವೆ ? ತಾಣೆ ತಾತಾವಳಿ ತಾಗೆಲಿ ಆರೋಗ್ಯಾಚಿ ತಪಾಸಣಾ ಕರನು ಆಸಚೆ° ಸಾಧ್ಯತಾ ಆಸಾ. ಎಕ ಫಾಮಾದ ಡಾಕ್ಟರಾಕಚೀ ಅಶಿ° ಜಾಲೆ ಮ್ಹಣತಾನ ಸಾಮಾನ್ಯ ಮನಶಾನ ತಾಗೆಲೆ ಆರೋಗ್ಯಾ ಬದಲ ಕಿತಲಿ ಜಾಗೃತಿ ಘೆವಕಾ ? ಮನಶಾನ ತಾಗೆಲೆ ಆಹಾರ ಪದ್ಧತಿ ಆನಿ ಜೀವನ ಶೈಲಿ ಕಶಿ° ದವರಕಾ ? ವಿಜ್ಞಾನ ಇತಲೆ° ವಾಡಲಾ° ಕೀ, ವಿಜ್ಞಾನಿ ಲೋಕಾ° ಮಧೆಂತೂಚಿ ಆಮಿ ಘೆವಚೆ ವಕದ ಆನಿ ಹೇರ ವಿಷಯಾಚೆರಿ ಚರ್ಚಾ ಜಾವಚೆ° ಆಮಿ ಸೋಶಿಯಲ್ ಮೀಡಿಯಾರಿ ವಾಚತಾತಿ ಆನಿ ಆಯಕತಾತಿ. ಆಮಿ ಘೆತಿಲೆ ಕೋವಿಡ್ ವ್ಯಾಕ್ಸಿನಾ ಬದಲಯಿ ಸಂದೇಹ ಉಲಯತಲೆ ಆಸಾತಿ. ಆಶೆ° ಸಾಬಾರ ಸವಾಲಾ° ಆಮಗೆಲೆ ಮುಕಾರ ಆಸಾತಿ.
ಆಹಾರ ಪದ್ಧತಿ ಬದಲ ಖೂಬ ಚರ್ಚಾ ಜಾತಾ ಆಸಾ. ಆರತಾ° ಕ್ರಿಕೇಟರ್ ಕೊಹ್ಲಿನ ತಾಗೆಲೆ ಆಹಾರ ಪದ್ಧತಿ ಬದಲ ಸಾಂಗಿಲೊ ಎಕ ವಿಡೀಯೊ ಪಳೊವಚಾಕ ಮೆಳೊ. ತಾಂತು° ತೊ ಕಾರ್ಬ್ಸ ಊಣೆ ಕರಚೆ°, ಪ್ರೊಟಿನ್ ಚಡ ಕರಚೆ°, ಗೀನ್ ವೇಜಿಟೆಬಲ್ಸ್ ಖಾವಚೆ°, ಲೋಣಿ - ತುಪ ಖಾವಚೆ° ಸಾಂಗತಾ. ತಾಗೆಲೆ ಉತ್ರ° ಆಯಕತನಾ ಆಮಗೆಲೆ ಥೊಡೆ ಇಷ್ಟ ಲೋಕಾನ ಆಶೆ° ಕರಚೆ° ಚೂಕಿ ನ್ಹಹಿ° ಮ್ಹಣು ದಿಸತಾ. ಆಮಿ ಪ್ರಯತ್ನ ಕರನು ಪಳೊವಯೆತ ಮ್ಹಣು ಭೊಗತಾ. ದೀವಸಾಕ ಉಣೆನಾ 30 ಮಿನೀಟ್ ಚಮಕಲೆರಿ ಬರೆ° ಮ್ಹಣು ಹರ ಎಕಲೊ ಡಾಕ್ಟರು ಸಾಂಗತಾ. ಆಮಗೆಲೆ ತರನಾಟೆನಿ ಸುತಾ ಸಾನ ಪ್ರಾಯೇರಿಚಿ ಆಹಾರ ಪದ್ಧತಿ ಸಮ ಕರನು ಜೀವನ ಶೈಲಿ ಸಮ ಕರಚಾಕ ಪ್ರಯತ್ನ ಕರಕಾ.
ಡಾಕ್ಟರ್ ಜಿ. ಜಿ. ಲಕ್ಷ್ಮಣ್ ಪ್ರಭು ಬರೊ ಡಾಕ್ಟರು ಆನಿ ಭಾಷಣಗಾರ ನಂತಾ° ಎಕ ಕವಿ ಸುತಾ ಆಶಿಲೊ. ತಾಣೆ ಕನ್ನಡ ಭಾಶೆನ ಖೂಬ ಕವಿತಾಂ ರಚನ ಕೆಲಾಂ ಮ್ಹಣು ತಾಣೆ ದೇವಾದಿನ ಜಾತರಿಚಿ ಲೋಕಾಂಕ ಕಳೆ°. ತಾಣೆ ಆರತಾ° ಎಕ ಸಮಾರಂಭಾoತ ಪ್ರಸ್ತುತ ಕೆಲೆಲೆ ಭಾಷಣ ಖೂಬ ವೈರಲ್ ಜಾಲಾ°. ತಾಂತು° ತೊ ಆತ್ಮ ಆನಿ ಪರಮಾತ್ಮಾ ವಿಷಯಾರಿ ಉಲಯತಾ.
"ಕ್ರಷ್ಣಾನ ಸಾಂಗಲ್ಯಾ ಮ್ಹಣಕೆ ಪರಮಾತ್ಮಾಲೆ ಮ್ಹಣಕೆ ಆತ್ಮಾಕಯೀ ಆದಿ ನಾ ಯಾ ಅಂತ್ಯ ನಾ, ಮ್ಹಳ್ಯಾರಿ ಮರಣ ನಾ" ಮ್ಹಣು ತ್ಯಾ ಭಾಷಣಾಚೆ ಶುರುವಾತಾರಿ ಡಾಕ್ಟರು ಸಾಂಗತಾ. ಆಮಿ ಜೀವನಾಂತು° ಆಮಗೆಲೆ ಕರ್ತವ್ಯ ಕರಕಾ, ಕರತನಾ ಆಮಕಾ ಜಯ ಮೇಳತಾ ಯಾ ಸೋಲು ಮೇಳತಾ. ಆಮಗೆಲೆ ವಿಷಯಾರಿ ಕೋಣ ಕಸಲೆ° ಚಿಂತಾ ಕರತಾ ಮ್ಹಣು ಆಮಿ ಮನಾಂತ ದವರನು ಕರ್ತವ್ಯ ಕರಚೆ° ಕಷ್ಟ ಜಾತಾ. ತಸಲೆ ಮನೋಸ್ಥಿತಿರಿ ತುಮಿ ಕರ್ತವ್ಯ ಕರಚೆ° ಸುಲಭ ಜಾಯನಾ ಆನಿ ಕರಚೆ ಕರ್ತವ್ಯಾಕ ನ್ಯಾಯ ದಿವಚಾಕ ಜಾಯನಾ ಮ್ಹಣು ತೊ ಸಾಂಗತಾ.
ಮುಕಾರ ತೊ ಅಶೆ° ಸಾಗತಾ ಕೀ, ಎಕ ಪಾವಟಿ ತಾಗೆಲೆ ಪ್ರೋಫೆಸರಾನ ಸಾಂಗಿಲೆ° ಖಂಯ, ತುವ° ತುಗೆಲೆ ವೃತ್ತಿಂತು° ಪ್ರಚಾರ ಘೆವಚಾಕ ಯಾ ನಾವಾದೀಕ ಜಾವಚಾಕ ಆಯಿಲೊ ನ್ಹಹಿ°. ತುಗೆಲೆ ಮನಾಕ ಖಂಚೆ ಸಮ ಮ್ಹಣ ದಿಸತಾ ತ್ಯಾ ಪ್ರಮಾಣೆ ಮಾನವಿಯತಾ ದೃಷ್ಠಿ ದವರನು ಕರ್ತವ್ಯಪಾಲನ ಕರಿ. ಕೋಣಾಕ ಅಭಿಮಾನ ಆಸಾಕೀ ತಾಗೆ ಲಾಗಿ ಮಾನವೀಯತಾ ಆಸತಾ. ಕೋಣಾಕಯಿ ಖುಷಿ ಕರಚಾಕ ಕರ್ತವ್ಯ ಕರಚಾಕ ಜಾಯನಾ. ಅಹಂ ಸೋಡಕಾ, ಶರೀರ ಆನಿ ಪ್ರಾಪಂಚಿಕ ವಸ್ತು ಸೋಡಚೆ° ಕರಕಾ. ಶರೀರ ಆನಿ ಹೇರ ವಸ್ತು ಆಮಗೆಲೊ ನ್ಹಹಿ° ಮ್ಹಣು ಚಿಂತಲ್ಯಾರಿ ಸಹಜ ಜಾವನು ಆಮಿ ಸ್ವತಂತ್ರ ಜಾತಾತಿ. ಆತ್ಮ ವ್ಹಂವಚಾಕ ಶರೀರ ಶಿವಾಯ, ಶರೀರ ವ್ಹವಂಚಾಕ ಆತ್ಮ ನ್ಹಹಿ° ಮ್ಹಳೆಲೆ ಉಡಗಾಸ ದವರಕಾ. ಆತ್ಮಾನ ಶರೀರ ವ್ಹಂವಚಿ ಪರಿಸ್ಥಿತಿ ಆಯಲ್ಯಾರಿ ಶರೀರ ಸೋಡಕಾ ಮ್ಹಣು ತೊ ಸಾಂಗತಾ.
ಆರೋಗ್ಯ ಸಾಂಬಾಳಚಾಕ ಕಸಲೆ° ಕರಕಾ ಮ್ಹಣೂಯಿ ಡಾಕ್ಟರಾನ ತಾಗೆಲೆ ಭಾಷಣಾಂತು° ಸಾಂಗಲಾ°. ಜೀವನಾಂತು° ಚಲನ, ಭೋಜನ, ಶಯನ ಆನಿ ಪ್ರಕೃತಿ ವೀಲಿನಾಚೆ ಬದಲ ಜ್ಞಾನ ಆಸೂಕಾ ಮ್ಹಣು ತೊ ಸಾಂಗತಾ.
ಆಮಿ ಕೆದನಾಯಿ ಚಲನಶೀಲ ಆಸೂಕಾ. ಚಲಚನಶೀಲತಾ ಮ್ಹಳ್ಯಾರಿ ಜೀವಂತ ಆಸಾತಿ ಮ್ಹಣಚೆ ಸೂಚನಾ. ತ್ಯಾ ನಿಮಿತ ಪ್ರಾಯ ಜಾಲೆಲ್ಯಾನಿ ಜಾಲೆ ತಿತಲೆ ಚಮ್ಕೂಚೆ° ಕರಕಾ. 60 ವರಸ° ಜಾತರಿ ಎಕ ವಾಕಿಂಗ್ ಸ್ಟಿಕ್ ದ್ಹರನು ಚಮಕೂಚೆ° ಬರೆ° ಮ್ಹಣು ತೊ ಡಾ. ಟಿ. ಎ. ಎ. ಪೈಲೆ ಉದಾಹರಣ ದಿತಾ.
ದುಸ್ರೆಂ, ಭೋಜನ. ತರನಾಟೆ ಆಸತನಾ ಫಾತೋರ ಖಾವನು ಜೀರ್ಣ ಕರಚಿ ಶಕ್ತಿ ಆಸತಾ. ಪ್ರಾಯ ಜಾತಾನ ತೀ ಶಕ್ತಿ ಊಣೆ ಜಾತಾ. ತಶಿಂ ಮ್ಹಣು ಕಸಲೆಂಯಿ ಸೊಡಚೆಂ ನ್ಹಹಿಂ. ನ್ಯೂಟ್ರಿಶಿಯನ್ ಮ್ಹಳ್ಯಾರಿ ಹೈ ಫೈಬರ್ ಆಸೂಕಾ, ಉದಾಕ ಪಿವಕಾ, ಲಾಯಕ ಕರನು ನಿದೋಕಾ. ಎಕ ಲೇಖಾ ಪ್ರಮಾಣೆ 8 ಗಂಟೊ ಕಾಮ ಕರಕಾ, 8 ಗಂಟೊ ಕುಟುಂಬಾಕ ದೀವಕಾ ಆನಿ 8 ಗಂಟೊ ನಿದೋಕಾ. ವಗೀ ನಿದೊಚೆಂ ಆನಿ ವಗೀ ಉಟಾಚೆ° ಕರಕಾ. ಪ್ರಕೃತಿ ಸಾಂಗತ ಮೆಳಚೆ° ಕರಕಾ. ಅನೈಸರ್ಗಿಕ ವಸ್ತು ದೂರ ದವರಕಾ. ಮೊಬೈಲ್ ಆನಿ ತಸಲೆ ಹೇರ ವಸ್ತು ದೂರ ಕರಚೆ°, ಖಂಚೆಯ ಗಾರ್ಡನಾಕ ವಚೆ° ಹಾಕಾ ಉದಾಹರಣ ಜಾತಾತಿ. ಪ್ರಕೃತಿ ಮಾತೆಲೆ ಸಾಂಗತ ಮೇಳನು ಆಸಚೆಂ ಅತ್ಯಂತ ಪ್ರಮುಖ ಜಾತಾ.
ಆಯಚೆ ದೀಸಾಂತ ಸಂಭoದ ಚೂಕುನ ವಚೆ° ಸಾಮಾನ್ಯ ಜಾಲಾ°. ಸಂಭoದ ವರೊನ ಹಾಡಚೆ° ಕರಕಾ. ದೋಸ್ತ ಮ್ಹಳಯಾರಿ ಕಾನ್ನಡಿ ಶೆಂ ಆಸತಾತಿ. ಮುಖಸ್ತುತಿ ಕರತಲೆ ನ್ಹಹಿ°. ಕೇದನಾಯಿ ಸಂಭoದ ಉದಾಕಶೆ° ಆಸೂಕಾ. ಉದಾಕ ಪಾರದರ್ಶಕ ಆಸತಾ. ತಾನಿ ನಿವಯತಾ. ಆಮಿ ತಶೀಂಚಿ ಜಾವಕಾ. ತ್ಯಾ ನಿಮಿತ ಜೀವನಾಂತು° ಚಲನ, ಭೋಜನ, ಶಯನ ಆನಿ ಪ್ರಕೃತಿ ವೀಲಿನಾಚೆ ಬದಲ ಚಡ ಮಹತ್ವ ದೀವಕಾ. ತ್ಯಾಚ ವೇಳಾರ ಸ್ನೇಹ ಪರಿಪಾಲನ ಕರಚೆ° ಕರಕಾ ಮ್ಹಣು ಸಾಂಗೂನು ತಾಣೆ ತಾಗೆಲೆ ಭಾಷಣ ಆಖೇರಿ ಕೆಲೆಲೆಂ ಆಸಾ.
ತಾಣೆ ಭಾಷಣಾಂತು° ಕಸಲೆ° ಸಾಂಗಲಾ° ತೆ° ತಾಣೆ ಜೀವನಾಂತು° ಪರಿಪಾಲನ ಕೆಲಾ° ಮ್ಹಣಯೆತ. ತಾಗೆಲೆ ಬದಲ ತಾಗೆಲೆ ದೋಸ್ತಾನಿ, ಪೇಶೆಂಟಾನಿ ಆನೆ ಹೇರಾನಿ ಸೋಶಿಯಲ್ ಮೀಡಿಯಾರಿ ಫಾಯಸ ಕೆಲೆಲೆ ಸಂದೇಶ ಪಳೊವನು ಆಶೆಂ ಸಾಂಗಚಾಕ ಜಾತಾ.
ಡಾಕ್ಟಾçಲೊ ಮ್ಹಾಂತು ಜಿ. ಜಿ. ವಾಸುದೇವ ಪ್ರಭು ಹಾಂನಿ° ಮಂಗಳೂರಾoತು° ಕೊಂಕಣಿ ಭಾಶೆ ಖಾತೀರ ಸೇವಾ ದಿವಚೆ ನದರೇನ 1981ತು° ಶುರು ಕೆಲೆಲೊ ಸಂಸ್ಥೊ ಕೊಂಕಣಿ ಸಾಂಸ್ಕೃತೀಕ ಸಂಘ ಆಜಿಕಯೀ ತೀ ಸೇವಾ ದಿವೂನ ಆಸಾ. ಸಂಘಾನ ಆಪಯಿಲೆ ತೇದನಾ ಜಿ. ಜಿ. ಲಕ್ಷ್ಮಣ್ ಪ್ರಭು ಯೆವನು ತಾಂಕಾ° ಮಾರ್ಗದರ್ಶನ ದಿತಲೊ. ಉತ್ತಮ ವೈದ್ಯ, ವಾಘ್ಮಿ, ಸಂಘಟಕ, ಸಾಹಿತಿ ಆನಿ ಬರೊ ಮನಿಸ್ ಆಶಿಲೆ ತಾಂಗೆಲೆ ಆತ್ಮಾಕ ಶಾಂತಿ ಮಾಘೂಯಾ°.
Shabdvihar
ಮಸೀಂಗ
ಮಸೀಂಗಾ ಪಾಲ್ಯಾ ಮುದ್ದೊ ಕರತಾತಿ. ಮಸೀಂಗಾ ಫುಲ್ಲಾಚೀ ಭುತ್ತಿ ಕರತಾತಿ. ಗೂಳ ಆನೀ ಮಸೀಂಗ ಘಾಲೂನ ಕೆಲೆಲೊ ಕೋಳಂಬೊ ಭೌವ ರುಚಿಕರ. ಹೇ ವಯಲೆ ವಾಕ್ಯಾಂತು ಮಸೀಂಗ ಮ್ಹಣಚೊ ಜೋ ಶಬ್ದು ವಾಪರಲೊ ಆಸಾ ತಾಜೊ ಅರ್ಥ ಸರ್ವಯೀ ಜಾಣಾ. ಸರ್ವ ಸಾಮಾನ್ಯ ಸಕಡಾನಿ ತಾಚೀ ರೂಚಿ ಪಳಯಲ್ಯಾ. ಮಸೀಂಗ ರಾಂದಯೇಕ ವಾಪರಚೋ ಏಕ ವಸ್ತು. ಹಾಚಿ ವ್ಯುತ್ಪತ್ತಿ ವಿಶಿ ವಿಚಾರ ಕರಯಾಂ.
ಮಸೀಂಗ ಮ್ಹಣು ಖಂಚಾಕ ಆಮೀ ಸಾಂಗತಾತ ತೆಂ ಅಥರ್ಾಚೊ ಸಂಸ್ಕೃತ ಶಬ್ದು ಶೋಭಾಂಜನ, ಪದ್ರಾರಿನಾಶನ ಮ್ಹಣು ಜಾವನು ಆಸಾ. ಮಸೀಂಗ ಮ್ಹಣಚೇ ಶಬ್ದಾಕ ಆನೀಕ ಹೇ ಸಂಸ್ಕೃತ ಶಬ್ದಾಕ ಕಾಂಯಿ ಸಂಬಂಧ ಆಶಿಲೊ ದಿಸನಾ ಮ್ಹಣತಾನಾ ಮಸೀಂಗ ಶಬ್ದು ಖ್ಹಂಯ ದಾಕೂನ ಆಯಲೊ ಪಳೊವಯಾಂ. ಬಾರಾ ಶತಮಾನಾಚೆ ಏಕ ಶಿವಶರಣೆ ಗಿರಿಜವ್ವಾ ಮ್ಹಣಚೆ ನಾವಾಂಚೆ ಏಕ ವಚನಕಾತರ್ಿನ ತಿಗೇಲೆ ವಚನಾಂತ ಮಹಿಷ ಮ್ಹಣು ಮಸೀಂಗ ಮ್ಹಣಚೆ ಅಥರ್ಾರಿ ಪ್ರಯೋಗ ಕೆಲ್ಲಾ ಮ್ಹಣತಾನಾ ಮಸೀಂಗ ಮ್ಹಣಚೊ ಶಬ್ದಾಚೇ ಮೂಲ ಮಹಿಷ ಮ್ಹಣು ಜಾಲ್ಲೆ. ಮಸೀಂಗ ಮ್ಹಣಚೇ ಶಬ್ದಾಂತು ದೋನಿ ಶಬ್ದ ಮಸಿ + ಷಾಂಗ ಮ್ಹಣು ಆಸತಿ. ಮಸಿ ಮ್ಹಣಚೊ ಶಬ್ದು ಮಹಿಷ ಶಬ್ದಾಚೆ ಅಪಭ್ರಂಶ ರೂಪ. ಮಹಿಷಿ > ಮ ಇಸ ಮಸೀ ಮ್ಹಣು ಜಾಲ್ಲಾ. ತಾಕಾ ಸಾಂಗ ಶಬ್ದು ಮೆಳೇಲೇ ತಾವಳಿ ಮಸಿ + ಸಾಂಗ ಮಸೀಂಗ ಮ್ಹಣು ಜಾಲ್ಲಾ. ಮಸೀಂಗ ಮ್ಹಣಚಾತೋಂಚಿ ಸಾಂಗ ಶಬ್ದು ಮೇಳನು ಆಶಿಲ್ಯಾನ ಮಸೀಂಗಾ ಸಾಂಗ ಮ್ಹಳ್ಯಾರಿ ಹಾಂತು ಸಾಂಗ ಶಬ್ದಾಚಿ ದ್ವಿರುಕ್ತಿ ಪ್ರಯೋಗ ಜಾಲ್ಯಾವರಿ ಜಾತಾ. ಜಾಲ್ಲೆ ನಿಮಿತ್ತ ಮಸೀಂಗ ಮ್ಹಳ್ಯಾರ ಪುರೊ. ಮಸೀಂಗಾ ಸಾಂಗ ಮ್ಹಣಕಾ ಮ್ಹಣು ನಾ. ಗೋಯಾಂತು ಮಸಕಾ ಸಾಂಗಾ ಮ್ಹಣತಾತಿ. ಹಿಂದೀಂತು ಮುನಗಾ ಮ್ಹಣತಾತಿ.
ವಿಶೇಷ ಕಸಲೆಂ ಮ್ಹಳ್ಯಾರಿ ಸಂಸ್ಕೃತ ಭಾಶೆಂತು ಹೆ ಮಸೀಂಗಾಕ ಸ್ತ್ರೀ ಚಿತ್ತಹಾರಿ ಮ್ಹಣತಾತಿ. ಹಾಜೆನ ಹೆ ಮಸೀ ಸಾಂಗ ಬಾಯಲಾಲೇ ಮನ ಅಪಹರಣ ಕರಚೇ ಜಾವನು ಆಸಾ. ಮ್ಹಳಯಾರಿ ಬಾಯಿಲಾಂಕ ಹೆಂ ಮನೀಸಾಂಗ ಭೌ ಪ್ರಿಯ ಜಾವನು ಆಸಾ ಖ್ಹಂಯ.
An Appeal to the members of the GSB Community
जेसन पींत, SDB, उद्यावर, उडुपी (MA कोंकणी)
ಕೊಡಿಯಾಲ ಖಬರ ಸಾನ ಕಾಣಿಯೊ ಬರೊವಚೆ ಸ್ಪರ್ಧೆಂತು°
ಪರಬೆಕ ತಿಸ್ರೆ ಲ್ಹಾರಾಚೆ ಭಯ ವಿಶ್ವಾಕಚ ಕರೋನಾಚೆ ಭಯ
ನವೆಂಬರ ಮ್ಹಯನೊ ಸರನು ದಶಂಬರ ಪಾವಚೆ ಸಂದರ್ಭಾರ ಲೋಕಾಂಕ
ಅಮ್ಚಿಗೆಲೆ ಪರ್ಬೆ ರಾಂದಪ ಅಮ್ಚಿ ರಾಂದಪ ಭಾರಿ ಸುಲಭಗೊ
ಪ್ರಾಕ ದಕೂನು ಪ್ರಸ್ತೂತಾಕ ಎತ್ತಾನ ಅಮ್ಗೆಲೆ ಖಾಣಜವಣ,
ಶ್ರಾವಣ ಮಾಸು ಆನಿ ಚೂಡಿ ಪೂಜಾ ಅಶ್ಶಿ ತಶ್ಶಿ ಪೊಳೊಚೆ
ಮನು ಕುಲ ಕಳನು ಕೀ ಕಳನಾಶಿ° ಚೂಕಿ ಕೆಲ್ಲಾರಿ ಆವಸು
कोरोना महामारी भारताक येवनु ६ महिने जाले.
ಗುಜರಾತ ರಾಜ್ಯಂತು ಸಾಬಾರ ಸಂಖ್ಯೆರಿ ಜೈನ ಸಮುದಾಯ ಭೊ
Well Wishers
Most Read
- “ದಕ್ಷಿಣದ ಸಾರಸ್ವತರು”
- ಆಧುನಿಕ ಮಹಾಭಾರತ
- कन्याकुमारिच्या स्वामी विवेकानंद स्मारकाक ५० वरसां
- ರಚನಾ...
- ಕುದ್ಮುಲ ರಂಗರಾವ್
- ಸತ್ಯನಾರಾಯಣ ಪೂಜಾ
- ಘರ ಏಕ್ ದೇವುಳ
- कोरोनान शिकयिलो पाठ
- तुळशी काट्टो
- ಜುನಾಗಢ್
- GSB Scholarship League Application
- ವಾಯು ದಳಾಂತು ಕೊಂಕಣಿ ಮಹಿಳಾ ರಶ್ಮಿ ಭಟ್
- ವಿಧಿ ಲಿಖಿತ
- ಮಸೀಂಗ
- ಘರ ಏಕ್ ದೇವುಳ -2
- ಹುಂಬರು (ಉಂಬರು)
- 'ಮಹಾ ಸರಕಾರ"
- ತಾಕೀತ (ತಾಕೀದ)
- भारताचे अमृत स्वातंत्र महोत्सवाचे पांच अमृत घडियो
- स्वावलंबन आनी आत्मविश्वास
- ಗುಜರಾತ - ಪಾಲಿಟಾನಾ
- ಶಿಕ್ಷಣ ಕ್ಷೇತ್ರಾಕ ಗ್ರಹಣ
- ಉದ್ಯೋಗ ಆನೀ ನಿರುದ್ಯೋಗ
- ಗಾಂಧೀಜಿ ಆನಿ ಆತ್ಮನಿರ್ಭರತಾ
- अस्तंगत जाल्यो कोंकणीचे मळबांतलीं दोन जगमगी नकेत्रां
- ಅಂತರಾಷ್ಟ್ರೀಯ ವನಿತಾ ದಿವಸು
- ಅಕಾಲಿಕ ಪಾವಸಾ ಮಧೆ ಮಾಲಿನ್ಯ ! - ಅರವಿಂದ ಶಾನಭಾಗ, ಬಾಳೆರಿ
- ವಿಶ್ವ ಕೊಂಕಣಿ ಕೇಂದ್ರ ‘ಕ್ಷಮತಾ ಅಕಾಡೆಮಿ’ 2021
- SUKRTINDRA ORIENTAL RESEARCH INSTITUTE
- ಲಾಕ್ಡೌನ್
Homage
Who is Online?
We have 88 guests and no members online