ಖ್ಯಾತ ಸಿತಾರ್ ವಾದಕ ಸಿತಾರ್ ರತ್ನ ಕೊಚ್ಚಿಕಾರ್ ದೇವದಾಸ್ ಪೈ ಹಾಂನಿ° ಆರತಾ° ಮಧ್ವನವಮಿ ದಿವಸು ಉಡುಪಿ ಶ್ರೀ ಕೃಷ್ಣ ಮಠಾಚೆ ರಾಜಾಂಗಣಾοತು° ಪರ್ಯಾಯ ಪೀಠಾಧೀಶ ಪೂಜ್ಯ ಶ್ರೀ ಶ್ರೀ ವಿದ್ಯಾಸಾಗರ ತೀರ್ಥ ಮಠಾಧೀಶ, ಶ್ರೀ ಕೃಷ್ಣಾಪುರ ಮಠ, ಹಾಂಗೆಲೆ ಮುಕಾರಿ ಸಿತಾರ್ ವಾದನ ಪ್ರ‍್ರಸ್ತುತ ಕೆಲೆ°. ಹ್ಯಾ ವೇಳಾರ ಗುರುವರ್ಯಾನ ತಾಂಕಾ° ಕೃಷ್ಣಾನುಗ್ರಹ ಪ್ರಶಸ್ತಿ ದೀವನು ಸನ್ಮಾನ ಜಾಲೊ.

ಉಡುಪಿ ಶ್ರೀ ವೆಂಕಟರಮಣ ದೇವಳಾಚೆ ಜಿ. ಎಸ್. ಬಿ ಮಹಿಳಾ ಮಂಡಳಿಚಾನಿ ಹರ ವರಸಾ ಮ್ಹಣಕೆ ಸಂಕ್ರಾοತಿ ದೀವಸು ಹಳದಿ ಕುಂಕುಮ ಕಾರ್ಯಕ್ರಮ ಆಯೋಜನ ಕೆಲೊ. ಜ. 14ಕ ಭುವನೇಂದ ಮಂಟಪಾοತು° ಚಲೆಲೆ ಹ್ಯಾ ಕಾರ್ಯಕ್ರಮಾಂತು° ಎಸ್. ಎಸ್. ಎಲ್. ಸಿ. ಆನಿ ಪಿ.ಯು.ಸಿ ಪರೀಕ್ಷೆಂತು° ಆವಲ್ ಅಂಕ ಜೋಡಿಲೆ ವಿದ್ಯಾರ್ಥಿಯಾಂಕ ಆನಿ ಖೇಳಕ್ರೀಡಾಂತು° ಸಾಧನಾ ಕೆಲೆಲೆ ವಿದ್ಯಾರ್ಥಿಯಾಂಕ ಸನ್ಮಾನ ಚಲೊ. ಜಮೀಲೆ ಸ್ತ್ರೀಯಾಂಕ ಹಳದಿ ಕುಂಕುಮ ಆನಿ ತಿಳೆ ಊಂಡೊ ವಾಂಟೂಚೆ° ಜಾಲೆ°. ಜಿ. ಎಸ್. ಬಿ. ಮಹಿಳಾ ಮಂಡಳಿಚಿ ಅಧ್ಯಕ್ಷಾ ಸುಧಾ ಶೆಣೈ ಆನಿ ಗೌರವಾಧ್ಯಕ್ಷಾ ಪ್ರಭಾ ಶೆಣೈ ಆನಿ ಹೇರ ಸುಮಂಗಲಿ ಲೋಕ ಉಪಸ್ಥಿತ ಆಶಿಲೆ.

ಉಡುಪಿ: "ಅಕ್ಷರಂ ಬ್ರಹ್ಮಾಸಿ' ಮ್ಹಳ್ಯಾರಿ 'ಅಕ್ಷರಂಚಿ ದೇವು'. ಕೋಣ ಹೆ° ಶಿಖೊನ ದಿತಾಕಿ ತಾಂನಿ° ದೇವಾಕ ಸಮಾನ. ಶಿಕ್ಷಕಾನಿ ವಿದ್ಯಾರ್ಥಿಯಾಂಕ ಚೆರಡುಶೆಂ ಪಳೊವಕಾ. ಶಿಕ್ಷಣಾಕ ಆಶಚೆ° ಮಹತ್ವ ವ್ಹಿಂಗಡ ಖಂಚಾಕಯಿ ನಾ. ಆಮಗೆಲೆ ಜೀವನಾಚೆ° ಪಯಲೆ° ಪಂಚ್ವೀಸ ವರಸ° ಆಮಿ ಕಸಲೆ° ಕರತಾತಿ ತೆಂಚಿ ಮುಕಾವಯಲೆ 75 ವರಸ° ಪಾಲನ ಕರತಾತಿ. ತ್ಯಾ ದೇಕೂನ ವ್ಹಡಿಲಾನಿ ಆನಿ ಶಿಕ್ಷಕಾನಿ ಚೆರಡುವಾಂಕ ಚಾಂಗ ವಿಚಾರ ಸಾಂಗೂಕಾ" ಮ್ಹಣು ವಿದ್ಯಾವಂತ ಆಚಾರ್ಯ (ಡೈರೆಕ್ಟರ್ ಆಫ್ S.R.S) ಹಾಂನಿ° ವಾಸುದೇವ ಕೃಪಾ ವಿದ್ಯಾ ಮಂದಿರ ಆಂಗ್ಲ ಮಾಧ್ಯಮ ಶಾಳಾ ಬೈಲೂರು ಉಡುಪಿ ಹಾಂಗೆಲೆ ಶಾಳಾ ವಾರ್ಷಿಕೋತ್ಸವಾಚೆ ಸಭಾ ಕಾರ್ಯಕ್ರಮಾಂತು° ಸಾಂಗಲೆ°. ಹ್ಯಾ ವೇಳಾರ ಶಾಳಾ ಸಂಚಾಲಕ ಏ .ಅಣ್ಣಪ್ಪ ಶೆಣೈ, PTA ಅಧ್ಯಕ್ಷ ಮಿಥುನ್ ಮನೋಹರ್ ಶೆಣೈ, ಮುಖೇಲ ಶಿಕ್ಷಕಿ ಅಕ್ಷತಾ ಅವಿನಾಶ್ ಕಾಮತ್, ಶಾಲಾ ವಿದ್ಯಾರ್ಥಿ ಮುಖೇಲಿ ವಂಶ್ ವೇದಿಕೆರಿ ಉಪಸ್ಥಿತ ಆಶಿಲೆ. ಚಿತ್ರಾ ಪುರಂದರ್ ಹಾಂನಿ° ಸ್ವಾಗತಾಚೆ ಉತ್ರ° ಸಾಂಗಲಿ°. ಶೈಲಜಾ ಶೆಟ್ಟಿನ ಸೊಯ್ರೆಲೆ ವಳಕ ಕರನು ದಿಲೆ°. ಮುಖೆಲ ಶಿಕ್ಷಕಿ ಅಕ್ಷತಾ ಅವಿನಾಶ ಕಾಮತ್ ಹಾಂನಿ° 2022- 23ರ ±ವರಸಾಚಿ ವರದಿ ವಾಚಲಿ. ದಿವ್ಯ ಕುಡ್ವ ಹಾಂನಿ° ಆಬಾರ ಮಾನಲೊ.

ಮಣಿಪಾಲ್: ಮಹಾ ಮಾಯಾ ಭಜನಾ ಮಂಡಳಿಚೆ 15ವೆ° ವಾರ್ಷಿಕೋತ್ಸವಾಚೆ ವಾಂಟೊ ಜಾವನು ಚಲೆಲೆ ಭಜನಾ ಕಾರ್ಯಕ್ರಮಾಚೆ ಸಂದರ್ಭಾರಿ ಸಾಧಕಾಂಕ ಸನ್ಮಾನ ಚಲೊ. ಕ್ರೀಡೆಂತು° ಜಿಲ್ಲಾ ರಾಜ್ಯೋತ್ಸವ ಪ್ರಶಸ್ತಿ ಫಾವೊ ಕೆಲೆಲಿ ಅರುಣಕಲಾ ರಾವ್ ಬೊಮ್ಮರಬೆಟ್ಟು ಹಿರಿಯಡ್ಕ, ನಾದಸ್ವರ ವಾದನಾ ಕಾತಿರ ಜಿಲ್ಲಾ ರಾಜ್ಯೋತ್ಸವ ಪ್ರಶಸ್ತಿ ಫಾವೊ ಜಾಲೆಲಿ ನೀಲಾಧರ ಶೇರಿಗಾರ್ ಕಾಪು, ಆಶಾ ಕಾರ್ಯಕರ್ತಾ ಮಾಲಿನಿ ಸುವರ್ಣ ಉಪ್ಪುರು, ಶೋಭಾ ಪ್ರಭಾಕರ್ ಕಾಪು ಹಾಂಕಾ° ಸನ್ಮಾನ ಚಲೊ. ಮಾಯಾ ಕಾಮತ್ ಈಶ್ವರ ನಗರ ಮಣಿಪಾಲ ಹಾಂನಿ° ಮಾಂಡೋನ ಹಾಡಲೆಲೆ ಹ್ಯಾ ಕಾರ್ಯಕ್ರಮ ಡಿ. 5 ಕ ಸಾಂಜವೇಳಾ 4 ದಾಕೂನ 6 ತಾಂಯ ಮಣಿಪಾಲಚೆ ವಿಶ್ರಾಂತಿಧಾಮ ಹಾಂಗಾ ಚಲೊ. ಆಶ್ರಮಾಚೆ ಮುಖೇಲಿ ಗಣಪತಿ ನಾಯಕ್ ಮಂಚಿ ಹಾಂನಿ° ಕಾರ್ಯಕ್ರಮಾಚೆ ಉಗ್ತಾವಣ ಕೆಲೆ°. ಸುಮಿತ್ರ ನಾಯಕ್ (ನಗರಸಭಾ ಅಧ್ಯಕ್ಷಾ ಉಡುಪಿ ), ಶಾಮಲಾ ಕುಂದರ್ (ಮಾಜಿ ಸದಸ್ಯಾ - ರಾಷ್ಟ್ರಿಯ ಮಹಿಳಾ ಆಯೋಗ), ಮಂಜುನಾಥ್ ಮಣಿಪಾಲ (ನಗರ ಸಭಾ ಸಾಂದೊ ಈಶ್ವರ ನಗರ), ವಿಜಯ ಕೊಡವೂರು (ನಗರ ಸಭಾ ಸಾಂದೊ ಕೊಡವೂರು), ಸಹನಶೀಲ ಪೈ (ಜಿಲ್ಲಾ ವರ್ತಕ ಸಂಘಾಚೊ ಅಧ್ಯಕ್ಷ ಉಡುಪಿ), ಮಹಾಮಾಯಾ ಭಜನಾ ಮಂಡಳಿಚಿ ಸ್ಥಾಪನಾ ಅಧ್ಯಕ್ಷಾ ಮೋಹಿನಿ ಭಟ್ ಮಂಜೇಶ್ವರ ಮಾನಾಚೆ ಸೊಯ್ರೆ ಆಶಿಲಿಂತಿ. ಸವಿತಾ ಶೆಟ್ಟಿ ಮಣಿಪಾಲ ಹಾಂನಿ° ಸುತ್ರ ಸಂಚಾಲನ ಕೆಲೆಂ. ವಿದ್ಯಾ ಶರ್ಮಾ, ಸುಮಾ ನಾಯಕ್, ಗೀತಾ ಕಾಪು, ಜ್ಯೋತಿ ನಾಯಕ್, ಜ್ಯೋತಿ, ಮಾಧವಿ, ಕಿಶೋರ್, ಪ್ರಸಾದ್ ಉಪಸ್ಥಿತ ಆಶಿಲಿಂತಿ.

ಕಲ್ಯಾಣಪುರ: ಹಾಂಗಾಚೆ  ಶ್ರೀ  ವೆಂಕಟರಮಣ ದೇವಳಾಚೆ 94ವೆ° ಭಜನಾ ಸಪ್ತಾಹಾಚೊ ವಾಂಟೊ ಜಾವನು ನಗರ ಭಜನಾ ಚಲಿ. ದೇವಾಳಾ ದಾಕುನ ಭಾಯರ ಸರಲೆಲಿ ನಗರ ಭಜನಾ ಮುಖ್ಯ ರಸ್ತೆರಿ ಚಲನು ಸ್ವರ್ಣಾ ನ್ಹಂಯಚೆ ತಡಿಕ ಪಾವನು ಪರತೂನ ದೇವಳಾಕ ಪಾವಲಿ. ಭಕ್ತ ಲೋಕಾನ ದಿಲೆಲೆ ಫಲ ವಸ್ತು ದೇವಾಕ ಅರ್ಪಣ ಕರನು ಪೂಜಾ ಚಲಿ. ದೇವಳಾಚೆ ಆಡಳಿತ ಮೋಕ್ತೆಸರ ಅನಂತ ಪದ್ಮನಾಭ ಕಿಣಿ, ವಿನೋದ ಕಾಮತ್, ಡಾ ಪಾಂಡುರοಗ ಕಿಣಿ, ಅರ್ಚಕ ಜಯದೇವ ಭಟ್, ಗಣಪತಿಭಟ್, ಲಕ್ಷ್ಮೀಶ್, ಭಜನಾ ಸಪ್ತಾಹ  ಸಮಿತಿಚೆ ಸಾಂದೆ ಆನಿ ಖೂಬ ಭಕ್ತ ಲೋಕ ಉಪಸ್ಥಿತ ಆಶಿಲೆ. 

ಉಡುಪಿ: ಶ್ರೀ ಲಕ್ಷ್ಮಿ ವೆಂಕಟೇಶ ದೇವಳಾಚೆ ಪದ್ಮ ಸರೋವರ ತಳೆಚೆ ತಡಿಯೆರಿ ಬಾಂದಿಲೆ ವಿಶೇಷ ವೇದಿಕೆರಿ ಮುಕ್ಕೋಟಿ ದ್ವಾದಶಿ ದಿವಸು ಗೌಡ ಸಾರಸ್ವತ ಯುವಕ ಮಂಡಳಿಚೆ ಸಂಯೋಜನೆರಿ ಶ್ರೀ ಕೃಷ್ಣ ಜ್ಯುವೆಲರಿ ಮಾರ್ಟ್, ಉಡುಪಿ ಹಾಂಗೆಲೆ ಪ್ರಾಯೋಜಕತ್ವಾರಿ ದೇ| ರಾಘವೇಂದ್ರ ಭಟ್, ಉಡುಪಿ ಹಾಂಗೆಲೆ ಜನ್ಮ ಶತಾಬ್ದಿ ಸಂಸ್ಮರಣಾ ಕಾರ್ಯಕ್ರಮ ಚಲೊ.
ದೇ| ರಾಘವೇಂದ್ರ ಭಟ್ ಹಾಂನಿ° ಉಡುಪಿ ದೇವಳಾಚೆ ಅರ್ಚಕ ಕುಟುಂಬಾοತು° ಜಲ್ಮಾಕ ಯೆವನು, ಭಾಂಗರಾ ವ್ಯಾಪಾರಿ ಜಾವನು, ದೇವಳಾಚೆ ಸರ್ವ ಕಾರ್ಯಾಂತು° ವಿಶೇಷ ಉಮೇದಿ ದವರೂನ ಭಜನಾ ಮಂಡಳಿಚೆ ಸ್ಥಾಪನಾ, ಧರ್ಮ ಜಾಗ್ರತಿಚೆ ಸಾಬಾರ ಪುಸಕ್ತ° ರಚನ ಕರನು, ಉಡುಪಿ ಭಜನಾ ಸಪ್ತಾಹಾಚೆ ರೂವಾರಿ ಜಾವನು, ಗಾಂವ° ಪರಗಾಂವಾಚೆ ದೇವಳಾಂಕ ಭೇಟಿ ದಿವನು ಭಜನಾ ಸೇವಾ ದಿವಚೆ ಕಾತಿರ ಲೋಕಾಂಕ ಮೆಳೊನು ತೀರ್ಥ ಯಾತ್ರೆಕ ವ್ಹರಚೆ° ಕರನು, ಶ್ರೀ ಲಕ್ಷ್ಮೀ ವೆಂಕಟೇಶ ಸೇವಾ ದಳ ಸ್ಥಾಪನಾ ಕರನು ಉಡುಪಿ ದೇವಳಾಂತು° ತಾತಾವಳಿ ನಾಟಕ°, ಹರಿಕಥಾ, ಪ್ರವಚನ, ಯಕ್ಷಗಾನ ಬಯಲಾಟ ಖೇಳೊನು, ಭಜನಾ ಕಲಾವಿದಾಂಕ ಆಪೋವನು ಕಾರ್ಯಕ್ರಮ ಸಾದಾರ ಕರಚೆಂ ಕರನು ಲೋಕಾಮೋಗಾಳ ಆಶಿಲೆ.

ಸಾಂಜವೇಳಾ ಪಣತಿ ಲಾವನು ದೀಪಾಲಂಕಾರ ಕಲೆಲೆ ವೇದಿಕೆರಿ ಮಹಾರಾಷ್ಟ್ರಾಚೆ ನಾವಾದೀಕ ಕಲಾವಿದ ಓಂ ಬೊಂಗಾನೆ ಹಾಂಗೆಲೆ ಅಭಂಗವಾಣಿ ಕಾರ್ಯಕ್ರಮ ಚಲೊ. ಸೂರಜ್ ಗೊಂಧಲಿ ಆನಿ ಶ್ರೀವತ್ಸ ಶರ್ಮಾ ಹಾಂನಿ° ಸಾಥ ದಿಲೆ°. ಸಂಪ್ರೀತ್ ಶೆಣೈ - ಹಾರ್ಮೋನಿಯಂ, ವಿಠ್ಠಲ್ ನಾಯಕ್ - ಭಾನ್ಸುರಿ, ಶ್ರೀಶ ಶೆಣೈ - ಮಂಜೀರ, ಆದಿತ್ಯ, ಕಾರ್ತಿಕ್ ಆನಿ ರಘುನಂದನ್ - ಹಾಂನಿ° ಸಂಗೀತಾಚೆ ಸಾಥ್ ದಿಲೆ°. ಕಲಾವಿದಾಂಕ ಸನ್ಮಾನ ಚಲೊ. ಆಖೇರಿಕ ದೇವಾಲೊ ತೆಪ್ಪೋತ್ಸವ ಚಲೊ ಆನಿ ಮಹಾ ಪೂಜೆಚೆ ಉಪರಾಂತ ಪ್ರಸಾದ ವಾಂಟಪ ಜಾಲೆ°. ದೇವಳಾಚೆ ಆಡಳಿತ ಮೊಕ್ತೇಸರ ಪಿ.ವಿ. ಶೆಣೈ, ಕಾಶೀನಾಥ್ ಭಟ್, ಬದ್ರಿನಾಥ್ ಭಟ್, ಜಯರಾಂ ಭಟ್, ಜಿ ಎಸ್ ಬಿ ಯುವಕ ಮಂಡಳಿಚೊ ಅಧ್ಯಕ್ಷ ನಿತೇಶ್ ಶೆಣೈ ಆನಿ ಹೇರ ಉಪಸ್ಥಿತ ಆಶಿಲೆ.

ಉದ್ಯಾವರ: “ಸೈನಿಕಾಂಕ ಪಳೊವನು ಆಯಚೆ ಯುವ ಲೋಕಾನ ಶಿಸ್ತಾಚೆ° ಜೀವನ, ತ್ಯಾಗ ಆನಿ ದೇಶಪ್ರೇಮಾ ಬದಲ ಸ್ಪೂರ್ತಿ ಫಾವೊ ಕರಕಾ. ಸೈನಿಕಾಂಕ ಗೌರವ ದಾಕೊವಚೆ° ಆನಿ ದೇವಾಕ ಪೂಜಾ ಕರಚೆ° ದೋನಯೀ ಎಕಚೀ” ಮ್ಹಣು ವಿದ್ಯಾವಂತ ಆಚಾರ್ಯ ಹಾಂನಿ° ಸಾಂಗಲೆ°. ಉದ್ಯಾವರಚೆ ಶ್ರೀ ವೀರ ವಿಠಲ ದೇವಳಾಂತು° ನಿವೃತ್ತ ಸೈನಿಕಾಂಕ ಸನ್ಮಾನ ಕರನು ತಾಂನಿ° ಆಶೆ° ಸಾಂಗಲೆ°. ನಿವೃತ್ತ ಸೈನಿಕ ಉಪೇಂದ್ರ ಆಚಾರ್ಯ ಹಾಂನಿ° ದೇಶಾಕ ಸ್ವಾತಂತ್ರ್ಯ ಮೆಳೆಲೆ ವೇಳಾರ ಸೈನ್ಯಾಕ ಮೆಳನು ಖೂಬ ವರಸ° ದೇಶ ಸೇವಾ ಕೆಲೆಲೆ ಆಸಾ. ಭಾರತಾಚೆ ತರಪೆನ ಸೈನಿಕ ಜಾವನು ವಿಯೆಟ್ನಾಂ ದೇಶಾಂತೂಯಿ ಸೇವಾ ದಿವನು ಅತ್ಯುತ್ತಮ ಸೈನಿಕ ಮ್ಹಣೋನ ಘೆತಿಲೆ° ಹಾಂಕಾ° ತೀನ ಪಾವಟಿ ಸೇನಾ ಪದಕ ಲಾಭಲ್ಯಾ°.
ನಿವೃತ್ತ ಸೈನಿಕ ಯಶವಂತ್ ಕಾಮತ್ ಹಾಂನಿ° ದಶಕ ಕಾಳ ಭಾರತಾಚೆ ವಾಯು ಸೇನೆಂತು° ದೇಶಾಚೆ ವೆಗವೆಗಳೆ ಪ್ರದೇಶಾಂತು° ಸೇವಾ ಕೆಲೆಲೆ ಆಸಾ ಮ್ಹಣು ಸಭೆಕ ಕಳಯತರಿ ದೋಗಾಂಕಯೀ ಸನ್ಮಾನ ಚಲೊ. ಕಮಲಾಕ್ಷ ಶೆಣೈ, ಮೊಕ್ತೆಸರ ನಾಗೇಶ್ ಕಾಮತ್, ರಂಗನಾಥ್ ಶೆಣೈ, ರಾಜೇಶ್ ಕಾಮತ್ ಆನಿ ಪ್ರಕಾಶ್ ಶೆಣೈ ಉಪಸ್ಥಿತ ಆಶಿಲಿಂತಿ. ಗಣಪತಿ ಶೆಣೈ ಕಾರ್ಯಕ್ರಮಾಚೆ ಸಂಚಾಲಕ ಆಶಿಲೆ. ಪ್ರಕಾಶ್ ಶೆಣೈ ಹಾಂನಿ° ಸ್ವಾಗತಾಚೆ ಉತ್ರ° ಸಾಂಗಲಿ°. ವಿಕ್ರಂ ಆಚಾರ್ಯ ಹಾಂನಿ° ಆಬಾರ ಪ್ರಕಟ ಕೆಲೊ.

ಉಡುಪಿ: ನ. 14 – 21 ಉಡುಪಾಂತು° ಚಲಚೆ ರಾಜ್ಯ ಸ್ಥರಾಚೆ° 69ವೆ° ಅಖಿಲ ಭಾರತ ಸಹಕಾರಿ ಸಪಾಹಾಚೊ ವಾಂಟೊ ಜಾವನು ಉಡುಪಿ ಪುರಭವನಾಚೆ ಆಂಗಣಾοತು° ಸಹಕಾರಿ ರಥಾಕ ಉಡುಪಿ ನಗರ ಸಭಾ ಅಧ್ಯಕ್ಷಾ ಸುಮಿತ್ರಾ ನಾಯಕ್ ಹಾಂನಿ° ಚಾಲನ ದಿಲೆ°. ತಾಂನಿ° ಉಡುಪಿ ಜಿಲ್ಲಾ ಸಹಕಾರಿ ಯೂನಿಯನ್ ಅಧ್ಯಕ್ಷ ಜಯಕರ್ ಶೆಟ್ಟಿ ಹಾಂಕಾ° ಸಹಕಾರಿ ಧ್ವಜ ಹಾತಾಂತರ ಕೆಲೆ°. ಸಹಕಾರಿ ಲಾಂಛನ (ಪಿನ್) ಹಾಜೆ° ಮೊಕಳಿಕ ಉದ್ಯಮಿ ಪಿ. ಪುರುಶೋಥಮ್ ಶೆಟ್ಟಿ ಹಾಂನಿ° ಕೆಲೆ°. ವೇದಿಕೆರಿ ಸಹಕಾರಿ ಸಂಘಾಚೊ ನಿರ್ದೇಶಕ ದೇವಿ ಪ್ರಸಾದ್ ಶೆಟ್ಟಿ, ಅಲೆವೂರು ಹರೀಶ್ ಕಿಣಿ, ರವಿರಾಜ್ ಹೆಗ್ಡೆ ಕೊಡವೂರು, ಚಂದ್ರಹಾಸ್ ಶೆಟ್ಟಿ ಆನಿ ಹೇರ ಉಪಸ್ಥಿತ ಆಶಿಲೆ.

ಕಲ್ಯಾಣಪುರ: ಕಲ್ಯಾಣಪುರ ಶ್ರೀ ವೆಂಕಟರಮಣ ದೇವಳಾಂತು° ವರಸಾವಧಿ ದೀಪೋತ್ಸವ ಚಲೊ. ದೇವಾಲೆ ನಡೆಂತು° ಹಜಾರಾನಿ ಸಂಖ್ಯಾನಿ ಪಣತಿ ಲಾವನು ಅಲಂಕಾರ, ತಳಯೆ ದೀವೆಚೊ ಅಲಂಕಾರ ಉಪರಾಂತ ಪೆಂಟಾ ಉತ್ಸವ ಚಲೊ. ದೇವಾಕ ವಿಶೇಷ ಫುಲ್ಲಾ ಅಲಂಕಾರ ಆನಿ ಮಹಾಪೂಜಾ ಜಾತರಿ ಪ್ರಸಾದ ವಾಂಟಪ ಜಾಲೆ°. ಆಡಳಿತ ಮೊಕ್ತೇಸರ ಕೆ ಅನಂತಪದ್ಮನಾಭ ಕಿಣಿ ಅರ್ಚಕ ಜಯದೇವ ಭಟ್, ಗಣಪತಿ ಭಟ್, ಆಡಳಿತ ಮಂಡಳಿಚೆ ಹೇರ ಸಾಂದೆ ಆನಿ ಸಮಾಜ ಭಾಂಧವ ಉಪಸ್ಥಿತ ಆಶಿಲೆ.

ಕಲ್ಯಾಣಪುರ:  ಶ್ರೀ  ರಾಮಾಂಜೇನೆಯ ದೇವಸ್ಥಾನ ಕಲ್ಯಾಣಪುರ ದೇವಳಾಚೆ ಟ್ರಸ್ಟಾಚೆ ತರಪೇನ ನ. 6ಕ ಲಕ್ಷ ತುಳಸಿ ಅರ್ಚನ  ಆನಿ ಲಕ್ಷ  ಕುಂಕುಮಾರ್ಚನಾ ಚಲೆ.  ಅರ್ಚಕ ಶ್ರೀಕಾಂತ್ ಅವಧಾನಿ  ಹಾಂಗೆಲೆ ಮಾರ್ಗದರ್ಶನಾರಿ ಧಾರ್ಮಿಕ ಪೂಜಾ ಚಲಿ. ಕಾಶೀನಾಥ ಭಟ್, ಸೀತಾರಾಮ್ ಭಟ್, ಗಣಪತಿ ಭಟ್, ಮಹೇಶ್ ಭಟ್, ಗಣೇಶ ಭಟ್, ಶ್ರೀಕರ್ ಭಟ್, ಪವನ್ ಭಟ್  ಹಾಂಗೆಲೆ ಸಹಕಾರಾನ ಲಕ್ಷ ತುಳಸಿ ಅರ್ಚನಾ ಜಾಲಿ. ಸ್ತ್ರಿಯಾನಿ ಲಕ್ಷ ಕುಂಕುಮಾರ್ಚನಾ, ಭಜನಾ ಕಾರ್ಯಕ್ರಮ ಸಾಂಬಾಳನು ಹಾಡಲೊ.