Displaying items by tag: Udupi
"ಸೂಣೆ ಆನಿ ಸೂಣೆಬಾಲ” (ಕೊಂಕಣಿ) ಆನಿ "ತ್ರಿಭಾಷಾ ರಂಗ ನಾಟಕಗಳು" ( ಕನ್ನಡ ಕೊಂಕಣಿ, ತುಳು) ಭಾಷಾ ನಾಟಕ ಪುಸ್ತಕಾಂಚೆ ಉಗ್ತಾವಣ
ಅನಂತ ವೈದಿಕ ಕೇಂದ್ರ, ಉಡುಪಿ ಆನಿ ರಂಗನಾಥ ಕಾಂಪೌಂಡು ನಿವಾಸಿ ಹಾಂಗೆಲೆ ಮುಖೇಲಪಣಾರಿ "ಚಲನಚಿತ್ರ ನಿರ್ದೇಶಕ, ನಟ, ರಂಗಕರ್ಮಿ ಕರ್ನಾಟಕ ಕೊಂಕಣಿ ಸಾಹಿತ್ಯ ಅಕಾಡೆಮಿಚೊ ಆದಲೊ ಅಧ್ಯಕ್ಷ ಕಾಸರಗೋಡು ಚಿನ್ನ" ಹಾಂನಿ° ಭಾಷಾಂತರ ಕೆಲೆಲೆ ದೋನಿ ನಾಟಕ° "ಸೂಣೆ ಆನಿ ಸೂಣೆಬಾಲ” (ಕೊಂಕಣಿ) ಆನಿ "ತ್ರಿಭಾಷಾ ರಂಗ ನಾಟಕಗಳು" ( ಕನ್ನಡ ಕೊಂಕಣಿ, ತುಳು) ಭಾಷಾ ನಾಟಕ ಪುಸ್ತಕಾಂಚೆ ಉಗ್ತಾವಣ ಅ.೨೪ಕ ಶಾಸಕ ಕೆ. ರಘುಪತಿ ಭಟ್ ಹಾಂನಿ° ಕರನು ಅಭಿನಂದನ ಪಾಟಯಲೆ°.
ಹ್ಯಾ ಸಂದರ್ಭಾರ ಅನಂತ ವೈದಿಕ ಕೇಂದ್ರಚೊ ನಿರ್ದೇಶಕ ವೇದಮೂರ್ತಿ ಚೇಂಪಿ ರಾಮಚಂದ್ರ ಭಟ್, ಹಾಸ್ಯ ಭಾಷಣಕಾರಿಣಿ ಸಂಧ್ಯಾ ಶೆಣೈ, ಖ್ಯಾತ ಕವಿ ಮನೋಹರ್ ನಾಯಕ್, ಪ್ರಶಸ್ತಿ ವಿಜೇತ ಲೇಖಕಿ ಡಾl. ಕಾತ್ಯಾಯಿನಿ ಕುಂಜಿಬೆಟ್ಟು, ಆರ್.ಎಸ್.ಬಿ ಸಮಾಜಾಚೊ ಫುಡಾರಿ ಗೋಕುಲ್ ದಾಸ್ ನಾಯಕ್, ಕುಡಾಳ ದೇಶಸ್ಥ ಸಮಾಜಾಚೊ ಫುಡಾರಿ ಮಹೇಶ್ ಠಾಕೂರ್, ಖಾರ್ವಿ ಸಮಾಜಾಚೊ ಕುಂದಾಪುರ ನಾರಾಯಣ ಖಾರ್ವಿ, ದೇಶ ಭಂಡಾರಿ ಸಮಾಜಾಚೊ ಚಿದಾನಂದನ ಭಂಡಾರಿ ಕಾಗಲ, ರಂಗಕರ್ಮಿ, ದೈವಜ್ಞ ಸಮಾಜಾಚೊ ರಾಜಗೋಪಾಲ ಶೇಟ್, ವೈಶ್ಯವಾಣಿ ಸಮಾಜಾಚೊ ವಸಂತ್ ನಾಯಕ್, ಕಲಾವಿದ, ಕೆಥೋಲಿಕ್ ಸಮಾಜಾಚೆ ವಿವಿಟಾ ಡಿಸೋಜಾ, ಟಿ. ರಂಗ ಪೈ , ನ್ಯಾಯವಾದಿ ಲಕ್ಷ್ಮಣ್ ಶೆಣೈ , ಶಶಿಭೂಷಣ ಕಿಣಿ ಆನಿ ಹೇರ ಉಪಸ್ಥಿತ ಆಶಿಲೆ. ಮೂಲ್ಕಿ ರವೀಂದ್ರ ಪ್ರಭು ಪಂಗಡಾಚೆ ಸಂಗೀತ ರಸಮಂಜರಿ ಕಾರ್ಯಕ್ರಮ ಚಲೊ.
ಪ್ರೊಫೆಸರ್ ಕೆ. ರಾಮಕೃಷ್ಣ ಕಿಣಿ ಹಾಂಕಾ ಮಾಹೇ ಪಿ.ಎಚ್.ಡಿ
ಮಣಿಪಾಲ ಇನ್ಸ್ಟಿಟ್ಯೂಟ್ ಆಫ್ ಟೆಕ್ನಾಲಜಿಚೆ ಇನ್ಸ್ಟ್ರಮೆಂಟೇಷನ್ ಆಂಡ್ ಕಂಟ್ರೋಲ್ ಇಂಜಿನಿಯರಿಂಗ್ ವಿಭಾಗಾಚೆ ಅಸಿಸ್ಟೆಂಟ್ ಪ್ರೊಫೆಸರ್ ಕೆ. ರಾಮಕೃಷ್ಣ ಕಿಣಿ ಹಾಂನಿ° ಮಂಡನ ಕೆಲೆಲೆ "ಮಲ್ಟಿವೇರಿಯೆಟ್ ಪ್ರೋಸೆಸ್ ಮಾನಿಟರಿಂಗ್ ಯೂಸಿಂಗ್ ಮಲ್ಟಿಸ್ಕೇಲ್ ವರ್ಷನ್ ಆಫ್ ಐಸಿಎ" ಮ್ಹಳೆಲೆ ಸಂಶೋಧನ ಪ್ರಭಂದಾಕ, ಮಾಹೇ ಸಂಸ್ಥೆನ ಪಿ.ಎಚ್.ಡಿ ದಿಲ್ಯಾ. ಕೆಮಿಕಲ್ ಇಂಜಿನಿಯರಿಂಗ್ ವಿಭಾಗಾಚೊ ಪ್ರೊ (ಡಾ).ಮುದ್ದು ಮದಕಯಾರು ಹಾಂಗೆಲೆ ಮಾರ್ಗದರ್ಶನಾರಿ ತಾಂನಿ° ಸಂಶೋಧನಾ ಕೆಲೆಲೆ ಆಸಾ. ಹಾಂನಿ° ಕಲ್ಯಾಣಪುರ ವೆಂಕಟರಮಣ ದೇವಸ್ಥಾನಾಚೆ ಆಡಳಿತ ಮೊಕ್ತೇಸರ ಕೆ. ಅನಂತಪದ್ಮನಾಭ ಕಿಣಿ ಆನಿ ಅಹಲ್ಯ ಕಿಣಿ ಹಾಂಗೆಲೊ ಪೂತು ಜಾವಾನು ಆಸಾತಿ.
ಚಂಡಿಕಾ ಯಾಗ
ಕಾರ್ಕಳ: ತೆಳ್ಳಾರ್ ರಸ್ತೆಚೆ ಶ್ರೀ ದೇವಕೀ ಕೃಷ್ಣ ರಾವಳನಾಥ ದೇವಳಾಂತುಂ ನವರಾತ್ರಿ ವೇಳಾರ ಸಾಮೂಹಿಕ ಪ್ರಾರ್ಥನಾ, ಗುರು ಗಣಪತಿ ಪೂಜಾ, ಪಂಚಾಮೃತಾ ಅಭಿಷೇಕ, ಸಾನಿಧ್ಯ ಹವನ, ದ್ವಾದಶ ಕಲಶಾಭಿಷೇಕ, ಪುನವೇ ಕಾರ್ಯಕ್ರ್ರಮ ಚಲೆ. ವೇ . ಮೂ. ಸಂದೀಪ್ ಭಟ್ ಹಾಂಗೆಲೆ ಮಾರ್ಗದರ್ಶನಾರ ದೇವಾಲೆ ಸನ್ನಿಧಿಂತು ಚಂಡಿಕಾ ಯಾಗ ಚಲೊ. ನಾರಾಯಣ ಕಾಮತ್ ದಂಪತಿನ ಯಜಮಾನಪಣ ಘೆತಲೆ°. ದೇವಳಾಚೊ ಅಧ್ಯಕ಼್ಶ ಸುಧಾಕರ್ ಪ್ರಭು, ಖಂಚಾಚಿ ಗಣೇಶ್ ಕಾಮತ್, ಕಾರ್ಯದರ್ಶಿ ವಸಂತ್ ಪ್ರಭು, ರಾಮರಾಯ ಪ್ರಭು, ದೇವದಾಸ್ ಕಾಮತ್ ಉಡುಪಿ, ವಿನೋದ್ ಪ್ರಭು, ಜಿ.ಎಸ್.ಬಿ ಯುವಕ ಮಂಡಳಿಚೆ ಸಾಂದೆ, ಕಾಮತ್ ಕುಂಟುಬೆಚೆ ಸಾಂದೆ ಆನಿ ಹೇರ ಉಪಸ್ಥಿತ ಆಶಿಲೆ.
51 ವೊ ವಾರ್ಶಿಕೋತ್ಸವ
ಉಡುಪಿ ಶ್ರೀ ಲಕ್ಷ್ಮೀ ವೆಂಕಟೇಶ ದೇವಳಾಚೆ ಜಿ ಎಸ್ ಬಿ ಯುವಕ ಮಂಡಳಿಚೆ 51 ವೊ ವಾರ್ಶಿಕೋತ್ಸವ ಅ.18 ಕ ಚಲೊ. ಡಾ| ಕಲ್ಯಾ ವಿನಾಯಕ ಶೆಣೈ ದಂಪತಿ ಮಾನಾಚೆ ಸೊಯ್ರೆ ಆಶಿಲೆ. ವೆಗವೆಗಳೆ ಕ್ಶೇತ್ರಾಂತ ಸೇವಾ ದಿಲೆಲೆ ನೀಲಕಂಠ ಭಾಗವತ್, ವಿಗ್ನೇಶ್ ಭಟ್, ಶ್ವೇತಾ ಭಾಗವತ್, ಪ್ರತೀಕ್ ಕಾಮತ್ ಹಾಂಕಾ° ಸನ್ಮಾನ್ ಚಲೊ. ವ್ಹಿಂವ್ಹಿಂಗಡ ಖೇಳ ಸ್ಪರ್ದೇತು° ಜೀಕಿಲೆ ಚೆರಡುವಾಂಕ ಇನಾಂ ವಾಂಟಚೆ° ಜಾಲೆ°. ಆಡಳಿತ ಮೋಕ್ತೆಸರ್ ಪಿ. ವಿ. ಶೆಣೈ ಹಾಂನಿ° ಮಾನಾಚೆ ಸೊಯ್ರೆಂಕ ಸನ್ಮಾನ ಕೆಲೊ. ಯುವಕ ಮಂಡಳಿಚೊ ಅಧ್ಯಕ್ಷ ಕೆ. ನಿತೀಶ ಶೆಣೈ, ಆದಲೊ ಅಧ್ಯಕ್ಷ ಟಿ. ಸುಬ್ಬಣ್ಣ ಪೈ ಆನಿ ಹೇರ ಉಪಸ್ಥಿತ ಆಶಿಲೆ. ಉಪರಾಂತ ಮನೋರಂಜನಾ ಕರ್ಯಕ್ರಮ ಚಲೊ.
ವಿಜಯ ದಶಮಿ ದಿವಸು ಚಂಡಿಕಾ ಹವನ
ಫುಕಟ ಭಜನಾ ತರಬೇತಿ ಕೇಂದ್ರ
ಉಡುಪಿ: ಶ್ರೀ ಮಹಾಮಾಯಿ ಭಜನಾ ಮಂಡಳಿ ಈಶ್ವರ ನಗರ ಮಣಿಪಾಲ ಹಾಜಿ ಅಧ್ಯಕ್ಶಾ ಮಾಯಾ ಕಾಮತ ಹಾಂಗೆಲೆ ಮಾರ್ಗದರ್ಶನಾರಿ ಶ್ರೀ ಮೂಕಾಂಭಿಕಾ ಭಜನಾ ಮಂದಿರ ಪೊಲೀಸ್ ಲೈನ್ ಉಡುಪಿ ಹಾಂಗಾ ವಿಜಯದಶಮಿ ಪ್ರಯುಕ್ತ ರಾತ್ರಿ ಭಜನಾ ತರಬೇತಿ ಕೇಂದ್ರ ಉದ್ಘಾಟನಾ ಜಾಲೆ. ವನಿತಾ ಆನಿ ಚೆರಡುವಾಂಕ ಫುಕಟ ಭಜನಾ ತರಬೇತಿ ಚಲೆ°. ರಾಮ ಕ್ಷತ್ರಿಯ ಯುವ ಸಂಘ ಉಡುಪಿ ಹಾಜೆ ನಗರ ಘಟಕಾಚೊ ಅಧ್ಯಕ್ಷ ಸೂರ್ಯಕುಮಾರ್ ಹಾಂನಿ ದೀವೊ ಲಾವನು ಚಾಲನ ದಿಲೆ. ಮೂಕಾಂಭಿಕಾ ಭಜನಾ ಮಂದಿರಾಚೊ ಉಪಾಧ್ಯಕ್ಷ ರಾಮಕೃಷ್ಣ, ಕಾರ್ಯದರ್ಶಿ ರಾಘವೇಂದ್ರ ರಾವ್ , ಪ್ರಚಾರ ಸಮಿತಿ ಗೋಪಾಲಕ್ರಷ್ಣ, ಪ್ರಕಾಶ ಸುವರ್ಣ ಕಟಪಾಡಿ, ಮಹಾಮಾಯಿ ಭಜನಾ ಮಂಡಳಿ ಸ್ಥಾಪಕಿ ಮೋಹಿನಿ ಭಟ್, ರಾಮ ಕ್ಷತ್ರಿಯ ಯುವ ಸಂಘ ಉಡುಪಿ ಹಾಜೊ ಗೌರವ ಅಧ್ಯಕ್ಷ ಸತೀಶ್ಚಂದ್ರ, ಕಾರ್ಯ ದರ್ಶಿ ಗುರುಪ್ರಸಾದ್, ರಮ್ಯಾ ಮಲ್ಯ, ಮಾಯಾ ಕಾಮತ ಹಾಂಕಾ ಮಂಡಳಿ ವತಿನ ಸನ್ಮಾನ್ ಚಲೊ. ಪೊಲೀಸ್ ಅಧಿಕಾರಿ, ವನಿತಾ ಸಿಬ್ಬಂದಿ ಉಪಸ್ಥಿತ ಆಶಿಲೆ.
CA ವಿದ್ಯಾರ್ಥಿಯಾಂಕ ಗೌರವ ಪುರಸ್ಕಾರ
CA ಪರೀಕ್ಷೆಂತು° ಪಯಲೆ ಪಾವಾಟಿಚೀ ಉತ್ತೀಣ ಜಾಲೆಲೆ 15 ವಿದ್ಯಾರ್ಥಿಯಾಂಕ ಉಡುಪಿ ಕುಂಜಿಬೆಟ್ಟು ಸಿ.ಎ ಶಾಖಾ ಕಚೇರಿಂತು° ಗೌರವಾರ್ಪಣ ಜಾಲೆ°. ಉಡುಪಿ ಶಾಖೆಚಿ ಅಧ್ಯಕ್ಶಾ ಸಿಎ. ಕವಿತಾ ಎಮ್ ಪೈ ಟಿ, ಮುಖೇಲ ಸೊಯರೆ ಮಾಜಿ ಅಧ್ಯಕ್ಷ ಸಿಎ. ಅನಂತನಾರಾಯಣ ಪೈ ಕೆ ಆನೀ ಸಿಎ. ದೆವಾನಂದ ನಂತಾ° ಉಪಾಧ್ಯಕ್ಷ ಸಿಎ. ಲೊಕೇಶ ಶೆಟ್ಟಿ, ಕಾರ್ಯದರ್ಶಿ ಸಿಎ. ಪ್ರದೀಪ ಜೋಗಿ, ವಿದ್ಯಾರ್ಥಿ ಸಂಘಾಚೆ ಅಧ್ಯಕ್ಷ ಸಿಎ. ನರಸಿಂಹ, ನಾಯಕ, ಸಿಎ. ಗಣೇಶ ವೈ, ಸಿಎ.ಅಮ್ಮುಂಜೆ ವೆಂಕಟೇಶ ನಾಯಕ ಆನೀ ಸಿಎ. ಕಿರಣ ರಾವ, ಸೌಮ್ಯ ಪೈ ಆನೀ ಹೇರ ವಿದ್ಯಾರ್ಥಿ ಉಪಸ್ಥಿತ ಆಶಿಲೆ.
ಪಾಂಗಾಳ ರಬೀಂದ್ರ ನಾಯಕ(99) ದೇವಾದಿನ
ಉಡುಪಿ: ಮ್ಹಾಲ್ಗಡೊ ಟ್ರಾನ್ಸಪೋರ್ಟ ಆಪರೇಟರ್ ಪಾಂಗಾಳ ರಬೀಂದ್ರ ನಾಯಕ ಹಾಂನಿ° ಅ 2ಕ ಉಡುಪಾಂತು° ಅಂತರಲೆ. ಮಲನಾಡ ಆನೀ ಕರಾವಳಿ ಪ್ರದೇಶಾಂತುಂ ಖಾಸಗಿ ಬಸ್ಸಾಚೆ° ವಳಕ ಕರನು ದಿಲೆಲೆ° ಶ್ರೇಯ ಹಾಂಗೆಲೆ° ಜಾವನು ಆಸಾ. 99 ವರಸ° ಜಾಲೆಲೆ ಹಾಂನಿ° 1951 ಇಸವಿಂತು° ಹನುಮಾನ ಟ್ರಾನ್ಸಪೋರ್ಟ ಸಂಸ್ಥೆಂತು° ಉದ್ಯೋಗ ಶುರು ಕರನು 1972ತು° ತ್ಯಾಚ ಸಂಸ್ಥೇಚೆ ಆಡಳಿತ ನಿರ್ದೇಶಕ ಜಾಲೆ. ಹಾಂನಿ° ಗಜಾನನ ಮೋಟಾರ ಟ್ರಾನ್ಸಪೋರ್ಟ ಹಾಜೆ ಆಡಳಿತ ನಿರ್ದೇಶಕ ಸುತಾ ಆಶಿಲೆ.
ಬೊಂಬೇ ಯುನಿವರ್ಸಿಟಿಂತು° ಫಿಸಿಕ್ಸ್ ಎಂ.ಎಸ್ಸಿ ಪದವಿ ಫಾವೊ ಕೆಲೆಲೆ ಹಾಂನಿ° ಕವನ್ಸಿಲ್ ಫಾರ್ ಸಾಯಾಂಟಿಫಿಕ್ ಎಂಡ್ ಇಂಡಸ್ಟ್ರಿಯಲ್ ರಿಸರ್ಚ್, ನ್ಯಾಶನಲ್ ಲ್ಯಾಬೊರೇಟರಿ, ದೆಹಲಿ ಹಾಂತು° ಟೆಕ್ನಾಲಾಜಿಸ್ಟ್ ಜಾವನು ಸೇವಾ ದಿಲೆಲಿ ಆಸಾ. ದಾನಿ ಜಾವನು ಆಶಿಲೆ ಹಾಂನಿ° ಉಡುಪಿ ಜಿಲ್ಲಾ ಆಸ್ಪತ್ರೆಕ ಸುತಾ ಖೂಬ ದಾನ ದಿಲೆಲೆ° ಆಸಾ.
ಕೆ ಪ್ರಶಾಂತ್ ಬಾಳಿಗಾ ಅಧ್ಯಕ್ಷ ಜಾವನು ವಿಂಚವಣ
ಉಡುಪಿ ಜಿಲ್ಲಾ ಸಣ್ಣ ಕೈಗಾರಿಕಾ ಸಂಘ ಹಾಜೆ 29ವೆ° ವಾರ್ಷಿಕ ಮಹಾಸಭಾ ಆರತಾ° ಸಂಘಾಚೆ ಕೋಟೇಶ್ವರ ಗೋವಿಂದರಾಯ ವಿಠ್ಠಲ್ ಕಾಮತ ಸಭಾಂಗಣಾಂತು ಚಲೆ. ಕೆ ಪ್ರಶಾಂತ್ ಬಾಳಿಗಾ, ಕೆ.ಕೆ. ಫಿಶ್ ನೆಟ್ ಕೋ., ನೇಜಾರ್ ಹಾಂಕಾ° 2021-2022 ವರಸಾಕ ಅಧ್ಯಕ್ಷ ಮ್ಹಣು ಅವಿರೋಧ ಜಾವನು ವಿಂಚುನ ಕಾಡಲೊ. ಉಪಾಧ್ಯಕ್ಷ ಹರೀಶ್ ಕುಂದರ್, ಅಜಿತ್ ಶೆಣೈ, ಎಂ ವಸಂತ್ ಕಿಣಿ, ಕಾರ್ಯದರ್ಶಿ ಜಾವನು ಎಂ ವಲ್ಲಭ್ ಭಟ್, ಕೋಶಾಧಿಕಾರಿ ಜಾವನು ಕೃಷ್ಣ ಪ್ರಸಾದ್, ಜೊತೆ ಕಾರ್ಯದರ್ಶಿ ಜಾವನು ಎಂ. ನೋಯೆಲ್ ವಂದೇಶ್ ಮಥಾಯಿಸ್, ವೆಂಕಟೇಶ್ ಆರ್ ಪೈ, ಸುರೇಶ ಶೆಣೈ ಕೆ ಹಾಂಗೆಲೆ° ವಿಂಚವಣ ಜಾಲೆ°. ಸಂಘಾಚೊ ಮಾಜಿ ಅಧ್ಯಕ್ಷ ಎಂ. ಚಿತ್ತರಂಜನ್ ಭಟ್ ಆನೀ ಪೂರ್ವಾಧ್ಯಕ್ಷ ಮೇಳನು ಎಂ. ವಿಶ್ವೇಶ್ವರಯ್ಯ ಹಾಂಗೆಲೆ ಭಾವ ಚಿತ್ರಾಕ ಮಾಲಾರ್ಪಣ ಕೆಲೆ. ಮಾಜಿ ಅಧ್ಯಕ್ಷ ಎಂ ವಿಶ್ವನಾಥ್ ಭಟ್, ವಿನ್ಸನ್ಟ್ ಪಿಂಟೋ, ಜಾನ್ ಡಿಸಿಲ್ವ ಹಾಂನಿ° ಶುಭಾಶಯ ಪಾಟಯಲೊ. ಮಾಜಿ ಅಧ್ಯಕ್ಷ ಎಂ. ಗಣೇಶ್ ಕಿಣಿ ಆನೀ ಜೊತೆ ಕಾರ್ಯದರ್ಶಿ ವೆಂಕಟೇಶ್ ಆರ್ ಪೈ ಹಾಂನಿ° ಸೂತ್ರ ಸಂಚಾಲನ ಕೆಲೆ°.
ಉಡುಪಿ ಶ್ರೀ ಲಕ್ಷ್ಮೀ ವೆಂಕಟೇಶ ದೇವಸ್ಥಾನ
ಉಡುಪಿ ಶ್ರೀ ಲಕ್ಷ್ಮೀ ವೆಂಕಟೇಶ ದೇವಳಾಂತು°
ಮುοಡ್ಕೂರು: ಹಾಂಗಾಚೆ ಶ್ರೀ ವಿಠೋಭ ದೇವಳಾಂತು°
ಉದ್ಯೋಗ ಆನೀ ನಿರುದ್ಯೋಗ ಡಾ| ಅರವಿಂದ
18:53:41 ವಿಶ್ವ ಕೊಂಕಣಿ ಕೇಂದ್ರ ‘ಕ್ಷಮತಾ
This application is only for the poor
कोंकणिंतल्या अस्तुरी साहित्याचेर
ಮಂಗಳೂರು: ವಿಶಂತಿ ಸಂಭ್ರಮಾοತು ಆಸಚೆ
ಬೆಂಗಳೂರು: ಹಾಂಗಾಚೆ ಮಲ್ಲೇಶ್ವರಂಚೆ ಗೌಡ
Editorial
ಡಾಕ್ಟರಾಲೆ ಆತ್ಮ ಪರಮಾತ್ಮಾಲೆ ಸಾಂಗತ ವಿಲೀನ ಜಾಲೆ°,,,
ಡಾ. ಜಿ. ಜಿ. ಲಕ್ಷ್ಮಣ್ ಪ್ರಭು ಎಕ ನಾವಾದೀಕ ಡಾಕ್ಟರು ಆಶಿಲೊ. ಯುರಾಲಾಜಿ ತಾಗೆಲಿ ಸ್ಪೇಷಾಲಿಟಿ. ತೊ ಎಕ ಫಾಮಾದ ಡಾಕ್ಟರ್ ನಂತಾ° ಎಕ ಬರೊ ಭಾಷಣಗಾರುಯೀ ಜಾವನು ಆಶಿಲೊ. ಸಾನ ಪ್ರಾಯೆರಿ ತೊ ಜನಾ ಮೋಗಾಳ ಜಾಲೆಲೊ. ತೊ ಅನೀರಿಕ್ಷಿತ ಜಾವನು ಅಂತರಲೊ ಮ್ಹಳೆಲಿ ಖಬರ ಆಯಕತನಾ ಸಾಬಾರ ಲೋಕಾಂಕ ತೆಂ ನಂಬಗೂಚಾಕ ಜಾಯನಿ. ಬ್ಯುಸಿ ಡಾಕ್ಟರ್ ಆಶಿಲೊ ತೊ ಕೆದನಾಯಿ ಕೊಡಿಯಾಲಚೆ ಕೆ. ಎಂ. ಸಿ ಹಾಸ್ಪಿಟಲಾಂತ ಪಳೊವಚಾಕ ಮೆಳತಲೊ. ಸಕಾಳಿ ದಾಕೂನ ಸಾಂಜವೇಳಾ ತಾಂಯ ಆಪರೇಶನ್ ಥಿಯೇಟರಾಚೆ ಸಮವಸ್ತ್ರಾಂತು ತೊ ದಿಸತಲೊ ಮ್ಹಣು ಆಸ್ಪತ್ರೆಕ ಗೆಲೆಲೆ ಸಾಂಗತಲೆ. ತಿತಲೊ ಬ್ಯುಸಿ ಡಾಕ್ಟರ್ ತೊ. ತಾಣೆ ತಾಗೆಲೆ ಪೆಶೆಂಟಾoಕ ಪಳೊವಚಾಕ ಆಸ್ಪತ್ರೆಚೆ ರೌಂಡ್ಸಾರ ವತನಾ ತಾಗೆಲೊ ಹೋಡು ತಾಳೊ ಆಯಕೂನು ತ್ಯಾ ಮ್ಹಾಳ್ಯೆರಿ ಆಸಚೆ ಸಗಟ ರೂಮಾಂತುಲೆ° ಪೇಶೆಂಟಾoಕ ತೊ ಆಯಲೊ ಮ್ಹಣು ಕಳತಲೆ° ಖಂಯ. ಕುಶಾಲ ಉಲೊವನು ಪೇಶೆಂಟಾoಲಿ ಮನೋಸ್ಥಿತಿ ಸಂತೋಸಮಯ ಕರಚೆಂ ತಾಗೆಲಿ ಸವಯ್ ಆಶಿಲಿ.
ನ. 9ಕ ಎಕ ಆಪರೇಶನ ಪೂರ್ಣ ಕರನು ಭಾಯರ ಆಯಿಲೆ ಡಾಕ್ಟರಾಕ ಕಠಿಣ ಹೃದಯಘಾತ ಜಾಲೆ°. ತ್ಯಾ ನಿಮಿತ ತಾಕಾ ತುರ್ತಾನ ಶುಶ್ರುತಾ ಮೇಳಚಾಕ ಸಾಧ್ಯ ಜಾಲೆ°. ತೊ ಐ.ಸಿ.ಯುಂತ 8 ದೀವಸ ಆಶಿಲೊ. ತಾಕಾ ಊಂಛ ಸ್ಥರಾಚೆ ಟ್ರಿಟಮೆಂಟ್ ಮೆಳೆ°. ಜಾಲ್ಯಾರ ದೈವಿಚ್ಛಾ ವ್ಹಿಂಗಡ ಆಶಿಲಿ. ನ.17 ಕ ತಾಗೆಲೆ ದೇಹಾಂತ್ಯ ಜಾಲೆ°.
ಡಾಕ್ಟರಾಕ ಫಕತ 60 ವರಸ°. ಸಾಬಾರ 30 ವರಸಾಚೊ ವೈದ್ಯಕೀಯ ಅಣಭವ. ಡಾಕ್ಟರ ಮ್ಹಣು ನ್ಹಹಿ°, ಆರತಾ° ತರನಾಟೆ ಲೋಕಾನ ಹೃದಯಘಾತ ಜಾವನು ಮರಣ ಪಾವಚಿ ಖಬರ ಆಯಕೂಚೆ° ಚಡ ಜಾಲಾ°. ಸ್ವತ: ಡಾಕ್ಟರ ಆಶಿಲೆ ತಾಕಾ ಖಾಂಯ ಮುನ್ಸೂಚನಾ ಮೇಳನಿ ವೆ ? ತಾಣೆ ತಾತಾವಳಿ ತಾಗೆಲಿ ಆರೋಗ್ಯಾಚಿ ತಪಾಸಣಾ ಕರನು ಆಸಚೆ° ಸಾಧ್ಯತಾ ಆಸಾ. ಎಕ ಫಾಮಾದ ಡಾಕ್ಟರಾಕಚೀ ಅಶಿ° ಜಾಲೆ ಮ್ಹಣತಾನ ಸಾಮಾನ್ಯ ಮನಶಾನ ತಾಗೆಲೆ ಆರೋಗ್ಯಾ ಬದಲ ಕಿತಲಿ ಜಾಗೃತಿ ಘೆವಕಾ ? ಮನಶಾನ ತಾಗೆಲೆ ಆಹಾರ ಪದ್ಧತಿ ಆನಿ ಜೀವನ ಶೈಲಿ ಕಶಿ° ದವರಕಾ ? ವಿಜ್ಞಾನ ಇತಲೆ° ವಾಡಲಾ° ಕೀ, ವಿಜ್ಞಾನಿ ಲೋಕಾ° ಮಧೆಂತೂಚಿ ಆಮಿ ಘೆವಚೆ ವಕದ ಆನಿ ಹೇರ ವಿಷಯಾಚೆರಿ ಚರ್ಚಾ ಜಾವಚೆ° ಆಮಿ ಸೋಶಿಯಲ್ ಮೀಡಿಯಾರಿ ವಾಚತಾತಿ ಆನಿ ಆಯಕತಾತಿ. ಆಮಿ ಘೆತಿಲೆ ಕೋವಿಡ್ ವ್ಯಾಕ್ಸಿನಾ ಬದಲಯಿ ಸಂದೇಹ ಉಲಯತಲೆ ಆಸಾತಿ. ಆಶೆ° ಸಾಬಾರ ಸವಾಲಾ° ಆಮಗೆಲೆ ಮುಕಾರ ಆಸಾತಿ.
ಆಹಾರ ಪದ್ಧತಿ ಬದಲ ಖೂಬ ಚರ್ಚಾ ಜಾತಾ ಆಸಾ. ಆರತಾ° ಕ್ರಿಕೇಟರ್ ಕೊಹ್ಲಿನ ತಾಗೆಲೆ ಆಹಾರ ಪದ್ಧತಿ ಬದಲ ಸಾಂಗಿಲೊ ಎಕ ವಿಡೀಯೊ ಪಳೊವಚಾಕ ಮೆಳೊ. ತಾಂತು° ತೊ ಕಾರ್ಬ್ಸ ಊಣೆ ಕರಚೆ°, ಪ್ರೊಟಿನ್ ಚಡ ಕರಚೆ°, ಗೀನ್ ವೇಜಿಟೆಬಲ್ಸ್ ಖಾವಚೆ°, ಲೋಣಿ - ತುಪ ಖಾವಚೆ° ಸಾಂಗತಾ. ತಾಗೆಲೆ ಉತ್ರ° ಆಯಕತನಾ ಆಮಗೆಲೆ ಥೊಡೆ ಇಷ್ಟ ಲೋಕಾನ ಆಶೆ° ಕರಚೆ° ಚೂಕಿ ನ್ಹಹಿ° ಮ್ಹಣು ದಿಸತಾ. ಆಮಿ ಪ್ರಯತ್ನ ಕರನು ಪಳೊವಯೆತ ಮ್ಹಣು ಭೊಗತಾ. ದೀವಸಾಕ ಉಣೆನಾ 30 ಮಿನೀಟ್ ಚಮಕಲೆರಿ ಬರೆ° ಮ್ಹಣು ಹರ ಎಕಲೊ ಡಾಕ್ಟರು ಸಾಂಗತಾ. ಆಮಗೆಲೆ ತರನಾಟೆನಿ ಸುತಾ ಸಾನ ಪ್ರಾಯೇರಿಚಿ ಆಹಾರ ಪದ್ಧತಿ ಸಮ ಕರನು ಜೀವನ ಶೈಲಿ ಸಮ ಕರಚಾಕ ಪ್ರಯತ್ನ ಕರಕಾ.
ಡಾಕ್ಟರ್ ಜಿ. ಜಿ. ಲಕ್ಷ್ಮಣ್ ಪ್ರಭು ಬರೊ ಡಾಕ್ಟರು ಆನಿ ಭಾಷಣಗಾರ ನಂತಾ° ಎಕ ಕವಿ ಸುತಾ ಆಶಿಲೊ. ತಾಣೆ ಕನ್ನಡ ಭಾಶೆನ ಖೂಬ ಕವಿತಾಂ ರಚನ ಕೆಲಾಂ ಮ್ಹಣು ತಾಣೆ ದೇವಾದಿನ ಜಾತರಿಚಿ ಲೋಕಾಂಕ ಕಳೆ°. ತಾಣೆ ಆರತಾ° ಎಕ ಸಮಾರಂಭಾoತ ಪ್ರಸ್ತುತ ಕೆಲೆಲೆ ಭಾಷಣ ಖೂಬ ವೈರಲ್ ಜಾಲಾ°. ತಾಂತು° ತೊ ಆತ್ಮ ಆನಿ ಪರಮಾತ್ಮಾ ವಿಷಯಾರಿ ಉಲಯತಾ.
"ಕ್ರಷ್ಣಾನ ಸಾಂಗಲ್ಯಾ ಮ್ಹಣಕೆ ಪರಮಾತ್ಮಾಲೆ ಮ್ಹಣಕೆ ಆತ್ಮಾಕಯೀ ಆದಿ ನಾ ಯಾ ಅಂತ್ಯ ನಾ, ಮ್ಹಳ್ಯಾರಿ ಮರಣ ನಾ" ಮ್ಹಣು ತ್ಯಾ ಭಾಷಣಾಚೆ ಶುರುವಾತಾರಿ ಡಾಕ್ಟರು ಸಾಂಗತಾ. ಆಮಿ ಜೀವನಾಂತು° ಆಮಗೆಲೆ ಕರ್ತವ್ಯ ಕರಕಾ, ಕರತನಾ ಆಮಕಾ ಜಯ ಮೇಳತಾ ಯಾ ಸೋಲು ಮೇಳತಾ. ಆಮಗೆಲೆ ವಿಷಯಾರಿ ಕೋಣ ಕಸಲೆ° ಚಿಂತಾ ಕರತಾ ಮ್ಹಣು ಆಮಿ ಮನಾಂತ ದವರನು ಕರ್ತವ್ಯ ಕರಚೆ° ಕಷ್ಟ ಜಾತಾ. ತಸಲೆ ಮನೋಸ್ಥಿತಿರಿ ತುಮಿ ಕರ್ತವ್ಯ ಕರಚೆ° ಸುಲಭ ಜಾಯನಾ ಆನಿ ಕರಚೆ ಕರ್ತವ್ಯಾಕ ನ್ಯಾಯ ದಿವಚಾಕ ಜಾಯನಾ ಮ್ಹಣು ತೊ ಸಾಂಗತಾ.
ಮುಕಾರ ತೊ ಅಶೆ° ಸಾಗತಾ ಕೀ, ಎಕ ಪಾವಟಿ ತಾಗೆಲೆ ಪ್ರೋಫೆಸರಾನ ಸಾಂಗಿಲೆ° ಖಂಯ, ತುವ° ತುಗೆಲೆ ವೃತ್ತಿಂತು° ಪ್ರಚಾರ ಘೆವಚಾಕ ಯಾ ನಾವಾದೀಕ ಜಾವಚಾಕ ಆಯಿಲೊ ನ್ಹಹಿ°. ತುಗೆಲೆ ಮನಾಕ ಖಂಚೆ ಸಮ ಮ್ಹಣ ದಿಸತಾ ತ್ಯಾ ಪ್ರಮಾಣೆ ಮಾನವಿಯತಾ ದೃಷ್ಠಿ ದವರನು ಕರ್ತವ್ಯಪಾಲನ ಕರಿ. ಕೋಣಾಕ ಅಭಿಮಾನ ಆಸಾಕೀ ತಾಗೆ ಲಾಗಿ ಮಾನವೀಯತಾ ಆಸತಾ. ಕೋಣಾಕಯಿ ಖುಷಿ ಕರಚಾಕ ಕರ್ತವ್ಯ ಕರಚಾಕ ಜಾಯನಾ. ಅಹಂ ಸೋಡಕಾ, ಶರೀರ ಆನಿ ಪ್ರಾಪಂಚಿಕ ವಸ್ತು ಸೋಡಚೆ° ಕರಕಾ. ಶರೀರ ಆನಿ ಹೇರ ವಸ್ತು ಆಮಗೆಲೊ ನ್ಹಹಿ° ಮ್ಹಣು ಚಿಂತಲ್ಯಾರಿ ಸಹಜ ಜಾವನು ಆಮಿ ಸ್ವತಂತ್ರ ಜಾತಾತಿ. ಆತ್ಮ ವ್ಹಂವಚಾಕ ಶರೀರ ಶಿವಾಯ, ಶರೀರ ವ್ಹವಂಚಾಕ ಆತ್ಮ ನ್ಹಹಿ° ಮ್ಹಳೆಲೆ ಉಡಗಾಸ ದವರಕಾ. ಆತ್ಮಾನ ಶರೀರ ವ್ಹಂವಚಿ ಪರಿಸ್ಥಿತಿ ಆಯಲ್ಯಾರಿ ಶರೀರ ಸೋಡಕಾ ಮ್ಹಣು ತೊ ಸಾಂಗತಾ.
ಆರೋಗ್ಯ ಸಾಂಬಾಳಚಾಕ ಕಸಲೆ° ಕರಕಾ ಮ್ಹಣೂಯಿ ಡಾಕ್ಟರಾನ ತಾಗೆಲೆ ಭಾಷಣಾಂತು° ಸಾಂಗಲಾ°. ಜೀವನಾಂತು° ಚಲನ, ಭೋಜನ, ಶಯನ ಆನಿ ಪ್ರಕೃತಿ ವೀಲಿನಾಚೆ ಬದಲ ಜ್ಞಾನ ಆಸೂಕಾ ಮ್ಹಣು ತೊ ಸಾಂಗತಾ.
ಆಮಿ ಕೆದನಾಯಿ ಚಲನಶೀಲ ಆಸೂಕಾ. ಚಲಚನಶೀಲತಾ ಮ್ಹಳ್ಯಾರಿ ಜೀವಂತ ಆಸಾತಿ ಮ್ಹಣಚೆ ಸೂಚನಾ. ತ್ಯಾ ನಿಮಿತ ಪ್ರಾಯ ಜಾಲೆಲ್ಯಾನಿ ಜಾಲೆ ತಿತಲೆ ಚಮ್ಕೂಚೆ° ಕರಕಾ. 60 ವರಸ° ಜಾತರಿ ಎಕ ವಾಕಿಂಗ್ ಸ್ಟಿಕ್ ದ್ಹರನು ಚಮಕೂಚೆ° ಬರೆ° ಮ್ಹಣು ತೊ ಡಾ. ಟಿ. ಎ. ಎ. ಪೈಲೆ ಉದಾಹರಣ ದಿತಾ.
ದುಸ್ರೆಂ, ಭೋಜನ. ತರನಾಟೆ ಆಸತನಾ ಫಾತೋರ ಖಾವನು ಜೀರ್ಣ ಕರಚಿ ಶಕ್ತಿ ಆಸತಾ. ಪ್ರಾಯ ಜಾತಾನ ತೀ ಶಕ್ತಿ ಊಣೆ ಜಾತಾ. ತಶಿಂ ಮ್ಹಣು ಕಸಲೆಂಯಿ ಸೊಡಚೆಂ ನ್ಹಹಿಂ. ನ್ಯೂಟ್ರಿಶಿಯನ್ ಮ್ಹಳ್ಯಾರಿ ಹೈ ಫೈಬರ್ ಆಸೂಕಾ, ಉದಾಕ ಪಿವಕಾ, ಲಾಯಕ ಕರನು ನಿದೋಕಾ. ಎಕ ಲೇಖಾ ಪ್ರಮಾಣೆ 8 ಗಂಟೊ ಕಾಮ ಕರಕಾ, 8 ಗಂಟೊ ಕುಟುಂಬಾಕ ದೀವಕಾ ಆನಿ 8 ಗಂಟೊ ನಿದೋಕಾ. ವಗೀ ನಿದೊಚೆಂ ಆನಿ ವಗೀ ಉಟಾಚೆ° ಕರಕಾ. ಪ್ರಕೃತಿ ಸಾಂಗತ ಮೆಳಚೆ° ಕರಕಾ. ಅನೈಸರ್ಗಿಕ ವಸ್ತು ದೂರ ದವರಕಾ. ಮೊಬೈಲ್ ಆನಿ ತಸಲೆ ಹೇರ ವಸ್ತು ದೂರ ಕರಚೆ°, ಖಂಚೆಯ ಗಾರ್ಡನಾಕ ವಚೆ° ಹಾಕಾ ಉದಾಹರಣ ಜಾತಾತಿ. ಪ್ರಕೃತಿ ಮಾತೆಲೆ ಸಾಂಗತ ಮೇಳನು ಆಸಚೆಂ ಅತ್ಯಂತ ಪ್ರಮುಖ ಜಾತಾ.
ಆಯಚೆ ದೀಸಾಂತ ಸಂಭoದ ಚೂಕುನ ವಚೆ° ಸಾಮಾನ್ಯ ಜಾಲಾ°. ಸಂಭoದ ವರೊನ ಹಾಡಚೆ° ಕರಕಾ. ದೋಸ್ತ ಮ್ಹಳಯಾರಿ ಕಾನ್ನಡಿ ಶೆಂ ಆಸತಾತಿ. ಮುಖಸ್ತುತಿ ಕರತಲೆ ನ್ಹಹಿ°. ಕೇದನಾಯಿ ಸಂಭoದ ಉದಾಕಶೆ° ಆಸೂಕಾ. ಉದಾಕ ಪಾರದರ್ಶಕ ಆಸತಾ. ತಾನಿ ನಿವಯತಾ. ಆಮಿ ತಶೀಂಚಿ ಜಾವಕಾ. ತ್ಯಾ ನಿಮಿತ ಜೀವನಾಂತು° ಚಲನ, ಭೋಜನ, ಶಯನ ಆನಿ ಪ್ರಕೃತಿ ವೀಲಿನಾಚೆ ಬದಲ ಚಡ ಮಹತ್ವ ದೀವಕಾ. ತ್ಯಾಚ ವೇಳಾರ ಸ್ನೇಹ ಪರಿಪಾಲನ ಕರಚೆ° ಕರಕಾ ಮ್ಹಣು ಸಾಂಗೂನು ತಾಣೆ ತಾಗೆಲೆ ಭಾಷಣ ಆಖೇರಿ ಕೆಲೆಲೆಂ ಆಸಾ.
ತಾಣೆ ಭಾಷಣಾಂತು° ಕಸಲೆ° ಸಾಂಗಲಾ° ತೆ° ತಾಣೆ ಜೀವನಾಂತು° ಪರಿಪಾಲನ ಕೆಲಾ° ಮ್ಹಣಯೆತ. ತಾಗೆಲೆ ಬದಲ ತಾಗೆಲೆ ದೋಸ್ತಾನಿ, ಪೇಶೆಂಟಾನಿ ಆನೆ ಹೇರಾನಿ ಸೋಶಿಯಲ್ ಮೀಡಿಯಾರಿ ಫಾಯಸ ಕೆಲೆಲೆ ಸಂದೇಶ ಪಳೊವನು ಆಶೆಂ ಸಾಂಗಚಾಕ ಜಾತಾ.
ಡಾಕ್ಟಾçಲೊ ಮ್ಹಾಂತು ಜಿ. ಜಿ. ವಾಸುದೇವ ಪ್ರಭು ಹಾಂನಿ° ಮಂಗಳೂರಾoತು° ಕೊಂಕಣಿ ಭಾಶೆ ಖಾತೀರ ಸೇವಾ ದಿವಚೆ ನದರೇನ 1981ತು° ಶುರು ಕೆಲೆಲೊ ಸಂಸ್ಥೊ ಕೊಂಕಣಿ ಸಾಂಸ್ಕೃತೀಕ ಸಂಘ ಆಜಿಕಯೀ ತೀ ಸೇವಾ ದಿವೂನ ಆಸಾ. ಸಂಘಾನ ಆಪಯಿಲೆ ತೇದನಾ ಜಿ. ಜಿ. ಲಕ್ಷ್ಮಣ್ ಪ್ರಭು ಯೆವನು ತಾಂಕಾ° ಮಾರ್ಗದರ್ಶನ ದಿತಲೊ. ಉತ್ತಮ ವೈದ್ಯ, ವಾಘ್ಮಿ, ಸಂಘಟಕ, ಸಾಹಿತಿ ಆನಿ ಬರೊ ಮನಿಸ್ ಆಶಿಲೆ ತಾಂಗೆಲೆ ಆತ್ಮಾಕ ಶಾಂತಿ ಮಾಘೂಯಾ°.
Shabdvihar
ಬತ್ತೀಸ
ಪ್ರಾಕಾಂತ ಜೂಜಾಂತ ಬತ್ತೀಸ ಆಯುಧ ವಾಪರಲೀಂತೀ ಖ್ಹಂಯ. ಹೇ ಬತ್ತೀಸ ಮೋತ್ಯಾಂಚೀ ಕಂಠೀ ಸುಂದರ ಆಸಾ. ಹೇ ಉದ್ದೃತ ವಾಕ್ಯಾಂತ ಬತ್ತೀಸ ಮ್ಹಣಚೋ ಜೋ ಏಕ ಶಬ್ದ ವಾಪರಲಾ ತಾಜೋ ಅರ್ಥ ಅನೀ ನಿಷ್ಪತಿ ಅಶಿಂ ಆಸಾ. ಬತ್ತೀಸ ಮ್ಹಣಚೊ ಸಂಖ್ಯಾಸೂಚಕ ಜಾವನ ಆಸೂನ ದೋನಿ ಆನೀ ತೀಸ ಮ್ಹಣ ಅಥರ್ು. ಅಶಿಂ ಅಥರ್ಾಚೋ ಹೋ ಶಬ್ದ ಬತ್ತೀಸ ಕಶ್ಶಿ ಜಾಲೋ ಪಳೊವಯಾಂ.
ದೋನಿ ಆನೀ ತೀಸ ಮ್ಹಣಚ್ಯಾಕ ಪ್ರಾಕೃತ ಭಾಶೆಂತು ಬತ್ತೀಸ ಮ್ಹಣಚೋ ಹೋ ಪ್ರಾಕೃತ ಭಾಶೆಚೋ ಶಬ್ದು ಸಂಸ್ಕೃತ ಭಾಶೆಚೋ ದ್ವಾತ್ರಿಂಶತ್ ಮ್ಹಣಚೇ ಪ್ರಾಕೃತ ಭಾಶಾರೂಪ ಜಾವನ ಆಸಾ. ದ್ವಾ ತ್ರಿಂಶತ್ ಮ್ಹಣಚೇ ಹ್ಯಾ ಶಬ್ದಾಂತೂಲೆ ಪಯಲೇ ಸಾಂಗಲ್ಯಾವರಿ ದ್ವಾ ಮ್ಹಣಚೇ ಬಾ ಮ್ಹಣು ಜಾತಾ, ತ್ರಿಂಶತ್ ಮ್ಹಣಚೇ ತೀಸ ಮ್ಹಣ ಜಾತಾ. ಆಶ್ಶಿಂ ಜಾವನು ಬಾತೀಸ ಜಾತ್ತಾ. ಹೆ ಶಬ್ದಾಂತೂಲೆ ದೋನೀಂಚೆ ಅಕ್ಷರ ದೊಟ್ಟಿ ಅಕ್ಷರ ಜಾವನ ಉಚ್ಚಾರಣ ಕರಚ್ಯಾನ ಶಬ್ದಾಂತೂಲೆ ಪಯಲೇ ಅಕ್ಷರ ದೀರ್ಘ ಆಶಿಲೇ ಹೃಸ್ವ ಜಾತಾ ಆಶ್ಶಿಂ ದ್ವಾ ತ್ರಿಂಶತ್ > ಬಾತೀಸ > ಬತ್ತೀಸ ಮ್ಹಣು ಚಾಲ್ತಿಂತು ಆಯಲಾಂ.
ಅಠಡಿಡಿಜಛಿಣಠಟಿ ಕಜಟಿಜಟಿರ
An Appeal to the members of the GSB Community
जेसन पींत, SDB, उद्यावर, उडुपी (MA कोंकणी)
ಕೊಡಿಯಾಲ ಖಬರ ಸಾನ ಕಾಣಿಯೊ ಬರೊವಚೆ ಸ್ಪರ್ಧೆಂತು°
ಪರಬೆಕ ತಿಸ್ರೆ ಲ್ಹಾರಾಚೆ ಭಯ ವಿಶ್ವಾಕಚ ಕರೋನಾಚೆ ಭಯ
ನವೆಂಬರ ಮ್ಹಯನೊ ಸರನು ದಶಂಬರ ಪಾವಚೆ ಸಂದರ್ಭಾರ ಲೋಕಾಂಕ
ಅಮ್ಚಿಗೆಲೆ ಪರ್ಬೆ ರಾಂದಪ ಅಮ್ಚಿ ರಾಂದಪ ಭಾರಿ ಸುಲಭಗೊ
ಪ್ರಾಕ ದಕೂನು ಪ್ರಸ್ತೂತಾಕ ಎತ್ತಾನ ಅಮ್ಗೆಲೆ ಖಾಣಜವಣ,
ಶ್ರಾವಣ ಮಾಸು ಆನಿ ಚೂಡಿ ಪೂಜಾ ಅಶ್ಶಿ ತಶ್ಶಿ ಪೊಳೊಚೆ
ಮನು ಕುಲ ಕಳನು ಕೀ ಕಳನಾಶಿ° ಚೂಕಿ ಕೆಲ್ಲಾರಿ ಆವಸು
कोरोना महामारी भारताक येवनु ६ महिने जाले.
ಗುಜರಾತ ರಾಜ್ಯಂತು ಸಾಬಾರ ಸಂಖ್ಯೆರಿ ಜೈನ ಸಮುದಾಯ ಭೊ
Well Wishers
Most Read
- “ದಕ್ಷಿಣದ ಸಾರಸ್ವತರು”
- ಆಧುನಿಕ ಮಹಾಭಾರತ
- कन्याकुमारिच्या स्वामी विवेकानंद स्मारकाक ५० वरसां
- ರಚನಾ...
- ಕುದ್ಮುಲ ರಂಗರಾವ್
- ಸತ್ಯನಾರಾಯಣ ಪೂಜಾ
- ಘರ ಏಕ್ ದೇವುಳ
- कोरोनान शिकयिलो पाठ
- तुळशी काट्टो
- ವಾಯು ದಳಾಂತು ಕೊಂಕಣಿ ಮಹಿಳಾ ರಶ್ಮಿ ಭಟ್
- ಜುನಾಗಢ್
- GSB Scholarship League Application
- ವಿಧಿ ಲಿಖಿತ
- ಘರ ಏಕ್ ದೇವುಳ -2
- ಮಸೀಂಗ
- ಹುಂಬರು (ಉಂಬರು)
- 'ಮಹಾ ಸರಕಾರ"
- ತಾಕೀತ (ತಾಕೀದ)
- भारताचे अमृत स्वातंत्र महोत्सवाचे पांच अमृत घडियो
- स्वावलंबन आनी आत्मविश्वास
- ಗುಜರಾತ - ಪಾಲಿಟಾನಾ
- ಶಿಕ್ಷಣ ಕ್ಷೇತ್ರಾಕ ಗ್ರಹಣ
- ಉದ್ಯೋಗ ಆನೀ ನಿರುದ್ಯೋಗ
- ಗಾಂಧೀಜಿ ಆನಿ ಆತ್ಮನಿರ್ಭರತಾ
- अस्तंगत जाल्यो कोंकणीचे मळबांतलीं दोन जगमगी नकेत्रां
- ಅಕಾಲಿಕ ಪಾವಸಾ ಮಧೆ ಮಾಲಿನ್ಯ ! - ಅರವಿಂದ ಶಾನಭಾಗ, ಬಾಳೆರಿ
- ಅಂತರಾಷ್ಟ್ರೀಯ ವನಿತಾ ದಿವಸು
- ವಿಶ್ವ ಕೊಂಕಣಿ ಕೇಂದ್ರ ‘ಕ್ಷಮತಾ ಅಕಾಡೆಮಿ’ 2021
- SUKRTINDRA ORIENTAL RESEARCH INSTITUTE
- ಲಾಕ್ಡೌನ್
Homage
Who is Online?
We have 137 guests and no members online