Displaying items by tag: Udupi
ಕಂಪೆನಿ ಸೆಕ್ರೆಟರಿ ಪರೀಕ್ಷೆಂತು° ರೇಂಕ್ ಜೋಡಿಲ್ಯಾಂಕ ಸನ್ಮಾನ
ಉಡುಪಿ: ಶ್ರೀ ಲಕ್ಷ್ಮೀ ವೆಂಕಟೇಶ ದೇವಳಾಚೆ ಮುಕಾರ ಆಸಚೆ ತೆಂಕಪೇಟೆ ಗೆಳೆಯರ ಬಳಗ ಹಾಂನಿ° ಆರತಾ° ಕಂಪೆನಿ ಸೆಕ್ರೆಟರಿ ಪರೀಕ್ಷೆಂತು° ರೇಂಕ್ ಜೋಡಿಲೆ ತೀನ ವಿದ್ಯಾರ್ಥಿಯೊ ಕೆ. ಪ್ರತೀಕ್ಷಾ ಪ್ಯೆ, ಎಮ್. ಪದ್ಮಶ್ರೀ ಪ್ಯೆ ಆನಿ ಸಹನಾ ಕಾಮತ್ ಹಾಂಕಾ° ಸನ್ಮಾನ ಕೆಲೊ. ಶಾಸಕ ಯಶ್ಪಾಲ್ ಸುವರ್ಣ ಹಾಂನಿ° ಸನ್ಮಾನ ಕೆಲೊ. ಉಪರಾಂತ ಶಾಸಕಾಂಕಯಿ ಶಾಲ ಪಾಂಗರೂನ ಯಾದಸ್ತಿಕಾ ದಿವೂನ ಸನ್ಮಾನ ಚಲೊ. ಮಾನಾಚೆ ಸೊಯ್ರೆ ಜಾವನು ಕೆ. ಅಶೋಕ್ ಕಾಮತ್, ಕೆ. ರಾಜಾರಾಂ ಪ್ಯೆ, ಸುಧೀರ್ ಭಟ್, ಎಮ್. ದೇವದಾಸ್ ಪೈ, ನಗರ ಸಭೆಚೆ ಆದಲೆ ಸಾಂದೆ ಪಿ. ಶ್ಯಾಂ ಪ್ರಸಾದ್ ಕುಡ್ವ್, ರಾಮದಾಸ್ ಪಿ. ಪ್ಯೆ, ಕೆ. ಜಯರಾಂ ಕಾಮತ್, ಸಂಜಯ್ ನಾಯಕ್ ,ಜಿ. ಸತೀಶ್ ನಾಯಕ್, ಪಿ. ಮಹೇಶ್ ಕುಡ್ವ, ಕೆ. ರಮೇಶ್ ನಾಯಕ್, ಟಿ. ಗಣೇಶ್ ಶೆಣೈ, ಯು. ಅಜಿತ್ ಶೆಣೈ, ಕೆ. ದೀಪಕ್ ಶಾನುಭಾಗ್, ಎ. ರಮೇಶ್ ನಾಯಕ್, ರೋಹಿದಾಸ್ ಪ್ಯೆ, ಯು. ಪ್ರಶಾಂತ್ ರಾವ್, ಕೆ. ಶ್ರೀನಿವಾಸ ಶೆಣೈ, ಎಸ್. ಶ್ರೀಕಾಂತ್ ಪ್ಯೆ, ಕೆ. ಪುಂಡಲೀಕ ಪ್ರಭು, ಪಿ. ಸದಾನಂದ ಶೆಣೈ, ವಿನಾಯಕ ಬಾಳಿಗಾ, ವನಿತಾ ಮೂಖೆಲಿಯೊ ಎ. ಪುಷ್ಪಾ ಭಟ್, ಯು. ಶಕುಂತಲಾ ಶೆಣೈ, ಎ. ಸ್ಯೌಜನ್ಯ ಕಿಣಿ, ಕರುಣಾ ಎಸ್. ಪ್ಯೆ ಆನೀ ಹೇರ ಉಪಸ್ಥಿತ ಆಶಿಲೆ.
ಪ್ರಬಂಧ ಸ್ಪರ್ಧೆಚೆ ವಿಜೇತಾಂಕ ಸನ್ಮಾನ
ಉಡುಪಿ: ಹಾಂಗಾಚೆ ಟಿ.ಎ.ಪೈ ಆಂಗ್ಲ ಮಾಧ್ಯಮ ಪ್ರೌಢಶಾಳಾ ಕುಂಜಿಬೆಟ್ಟು ಹಾಂಗಾ "ಮೌಲ್ಯಾಧಾರಿತ ಶಿಕ್ಷಣ" ಹ್ಯಾ ವಿಷಯಾರ ಆಯೋಜನ ಜಾಲೆಲೆ ಪ್ರಬಂಧ ಸ್ಪರ್ಧೆಚೆ ವಿಜೇತತಾಂಕ ಫಲಕ, ಆನಿ ವಾಂಟೊ ಘೆತಿಲೆ ಸರ್ವ ವಿದ್ಯಾರ್ಥಿಯಾಂಕ ಪ್ರಮಾಣ ಪತ್ರ ವಿತರಣ ಕರ್ಯಾಕ್ರಮ ಆರತಾ° ಚಲೊ. ರೋಟರಿ ಮಣಿಪಾಲ ಹಿಲ್ಸ್ ಹಾಜೊ ಅಧ್ಯಕ್ಷ ಸಿ ರಮಾನಂದ ಭಟ್ ಹಾಂನಿ° ಸ್ವಾಗತಾಚೆ ಉತ್ರ° ಸಾಂಗಲಿ°. ಮುಖೆಲ ಸೊಯ್ರೊ ಡಾ. ಮನೋಜಕುಮಾರ್ ನಾಗಸಂಪಿಗೆ ಹಾಂನಿ° ರೋಟರಿ ಚತುರ್ವಿಧ ಪರೀಕ್ಷಾ ಆನಿ ಮೌಲ್ಯಾಧಾರಿತ ಶಿಕ್ಷಣಾಚೆ ಬದಲ ಉಲಯಲೆ. ಸುಪರ್ಣಾ ಶೆಟ್ಟಿ ಹಾಂನಿ° "ವಿದ್ಯಾರ್ಥಿ ಜೀವನಾಂತು° ಮಾನವೀಯ ಮೌಲ್ಯ ಕಶೀಮ ವಾಡೋಯೆತ" ಮ್ಹಣು ಸಾಂಗಲೆ°. ವರೇಣ್ಯಾರ ಕೆ ವಿಠಲದಾಸ ಭಟ್ ಹಾಂನಿ° ವಿಜೇತಾಂಚೆ ನಾಂವ ವಾಚೂನ ಸಾಂಗಲೆ°. ಇಂಟರಾಕ್ಟ್ ಕಾರ್ಯದರ್ಶಿ ಸೃಜನ್ ಎಸ್ ಆಚಾರ್ಯ ಹಾಂನಿ° ಆಬಾರ ಮಾನಲೊ. ಇಂಟರಾಕ್ಟ್ ಅಧ್ಯಕ್ಷ ಧೀರಜ್ ಪ್ರಮೋದ್ ಹಾಂನಿ° ಸೂತ್ರ ಸಂಚಾಲನ ಕೆಲೆ°.
ಸಿ.ಎ. ಅಂತಿಮ ಪರೀಕ್ಷೆಂತು° ಸಾಧನಾ ಕೆಲೆಲೆ ಪಾಂಡುರοಗ ನಾಯಕ್ ಹಾಂಕಾ° ಸನ್ಮಾನ
ಉಡುಪಿ : ಭಾರತೀಯ ಲೆಕ್ಕಪರಿಶೋಧಕ ಸಂಸ್ಥೊ ಹಾಂನಿ° ಮೇ 2023ತು° ಘಡಯಿಲೆ ಸಿಎ ಅಂತಿಮ ಪರೀಕ್ಷೆಂತು° ಉತ್ತೀರ್ಣ ಜಾಲೆಲೆ ಕಾಪುಚೆ ಪಾಂಡುರοಗ ನಾಯಕ್ ಹಾಂಕಾ° ಉಡುಪಿ ಚೇಂಬರ್ ಆಫ್ ಕಾಮರ್ಸ್ ಎಂಡ್ ಇಂಡಸ್ಟ್ರೀಸ್ ಹಾಜೊ ಅಧ್ಯಕ್ಷ ಅಂಡಾರು ದೇವಿಪ್ರಸಾದ್ ಶೆಟ್ಟಿ ಹಾಂನಿ° ಸನ್ಮಾನ ಕೆಲೊ. ಪಾಂಡುರοಗ ನಾಯಕ್ ಹಾಂಕಾ° ತರಬೇತಿ ದಿಲೆಲೊ ಸಂಸ್ಥೊ ಭಾರತೀಯ ಲೆಕ್ಕಪರಿಶೋಧಕ ಸಂಸ್ಥೊ ಹಾಜೆ ಉಡುಪಿ ಶಾಖೆಚೊ ಆದಲೊ ಅಧ್ಯಕ್ಷ ಸಿಎ ನರಸಿಂಹ ನಾಯಕ್, ಪಾಂಡುರοಗ ನಾಯಕ್ ಹಾಂಗೆಲಿ ಆವಸು ರೂಪಾ ನಾಯಕ್ ಆನಿ ನಾಯಕ್ & ಅಸೋಸಿಯೇಟ್ಸ್ ಹಾಂಗಾಚೆ ಸಿಬ್ಬಂದಿ ಉಪಸ್ಥಿತ ಆಶಿಲೆ. ಶ್ರಾವ್ಯಾನ ಸೂತ್ರ ಸಂಚಾಲನ ಕೆಲೆ°.
ಭಜನಾ ಸಾಪ್ತಾಹಾಚೊ ಮಂಗಲೋತ್ಸವ
ಉಡುಪಿ: ಹಾಂಗಾಚೆ ತೆಂಕುಪೇಟೆಚೆ ಶ್ರೀ ಲಕ್ಷ್ಮೀ ವೆಂಕಟೇಶ ದೇವಸ್ಥಾನಾಂತು° ಶ್ರೀ ದೇವಾಲೆ ಸನ್ನಿದಿಂತು° ಗಾಂವ° ಪರಗಾಂವಚೆ ಭಜನಾ ಮಂಡಳಿಚಾನಿ ಅಹೋ ರಾತ್ರಿ 7 ದೀವಸ ನಿರಂತರ ದಿಲೆಲಿ ಭಜನ ಸೇವಾ 122 ವೆ° ಭಜನಾ ಸಾಪ್ತಾಹಾಚೊ ಮಂಗಲೋತ್ಸವ ಸೋಮವಾರಾ ಸಂಪನ್ನ ಜಾಲೊ. ಅರ್ಚಕ ವಿನಾಯಕ ಭಟ್ ಹಾಂನಿ° ಧಾರ್ಮಿಕ ಪೂಜಾ ಚಲಯಲಿ. ದೀಪ ಸ್ಥಂಭಾಕ ಪ್ರದಕ್ಷಿಣ ಕರನು ದೇವಾಕ ಮಂಗಳಾರತಿ ದಾಕಯತರಿ ದೇವಾಲೆ ಸಾಂಗತ ದೀವೊ ದವರನು ಭಕ್ತ ಲೋಕಾನ ಮಡಸ್ಥಾನ ಘಾಲನು ದೇವಾಲೊ ಪ್ರಸಾಧ ಸ್ವೀಕಾರ ಕೆಲೊ. ಉಪರಾಂತ ನಗರ ಭಜನಾ, ತೆಪ್ಪಂಗಾಯಿ, ಮೊಸರು ಕುಡಿಕೆ ಚಲತರಿ ದೇವಳಾಚೆ ಭಾಯರಚೆ ಆಂಗಣಾοತು° ದೇವಾಲೊ ಉತ್ಸವ ಚಲೊ. ಮಹಾ ಪೂಜಾ ಜಾತರಿ ಸಮಾರಾಧನಾ ಆಶಿಲಿ. ರಾತಿ ಮರು ಭಜನಾ ಕರನು ಮಂಗಲೋತ್ಸವು ಸಂಪಲೊ. ಶ್ರೀ ಲಕ್ಷ್ಮೀ ವೆಂಕಟೇಶ ಆನಿ ತಿರುಪತಿ ಶ್ರೀನಿವಾಸ ದೇವಾಂಕ ವಿಶೇಷ ಅಲಂಕಾರ ಆನಿ ದೇವಳಾಕ ವಿಶೇಷ ಫುಲ್ಲಾಚೊ ಅಲಂಕಾರ ಕೆಲೆಲೊ.
ಅರ್ಚಕ ದಯಾಘನ್ ಭಟ್, ಗಿರೀಶ್ ಭಟ್, ದೀಪಕ್ ಭಟ್, ಸುರೇಶ ಭಟ್, ಲಕ್ಷ್ಮೀನಾರಾಯಣ ಭಟ್, ಗುರುಪ್ರಸಾದ್ ನಾಯಕ್, ವಿಠಲ್ ದಾಸ್ ನಾಯಕ್, ದೇವಳಾಚೆ ಆಡಳಿತ ಮೋಕ್ತೆಸರ ಪಿ ವಿ ಶೆಣೈ, ವಿಶ್ವನಾಥ್ ಭಟ್, ನಾರಾಯಣ ಪ್ರಭು, ಕೈಲಾಶನಾಥ್ ಶೆಣೈ, ಅಶೋಕ್ ಬಾಳಿಗಾ, ದೇವಿದಾಸ್ ಪೈ, ಉಮೇಶ್ ಪೈ, ವಸಂತ ಕಿಣಿ, ರೋಹಿತಾಕ್ಷ ಪಡಿಯಾರ್, ಪುಂಡಲೀಕ ಕಾಮತ್, ಗಣೇಶ ಕಿಣಿ, ವಿವೇಕ ಶಾನ್ಬೋಗ್, ಸತೀಶ್ ಕಿಣಿ, ಭಾಸ್ಕರ ಶೆಣೈ, ವಿಶಾಲ್ ಶೆಣೈ, ಶ್ಯಾಮ್ ಪ್ರಸಾದ್ ಕುಡ್ವ, ನಿತೇಶ ಶೆಣೈ, ನಾಗೇಶ್ ಪ್ರಭು, ಸಂದೀಪ್ ನಾಯಕ್, ಪ್ರದೀಪ್ ರಾವ್, ಸತೀಶ್ ಕಾಮತ್, ಜಯಪ್ರಕಾಶ್ ಕಿಣಿ ಆಡಳಿತ ಮಂಡಳಿಚೆ ಸಾಂದೆ ಆನಿ ಜಿ.ಸ್.ಬಿ. ಯುವಕ ಮಂಡಳಿ, ಮಹಿಳಾ ಮಂಡಳಿಚೆ ಸಾಂದೆ, ಶ್ರೀ ಶಾರದಾ ಮಹೋತ್ಸವ ಸಮಿತಿಚೆ ಸಾಂದೆ, ಹರಿಪ್ರಸಾದ್ ಮಿತ್ರ ವೃಂದಾಚೆ ಸಾಂದೆ ಆನಿ ಹೇರ ಉಪಸ್ಥಿತ ಆಶಿಲೆ.
ಸಾಮೂಹಿಕ ವರಮಹಾಲಕ್ಷ್ಮೀ ಪೂಜಾ
ಉಡುಪಿ: ಶ್ರೀ ಲಕ್ಷ್ಮೀ ವೆಂಕಟೇಶ ದೇವಸ್ಥಾನ ತೆಂಕಪೇಟೆ ಉಡುಪಿ, ಜಿ. ಎಸ್. ಬಿ ಮಹಿಳಾ ಮಂಡಳಿಚೆ ತರಪೇನ ಶುಕ್ರವಾರ ಸಾಮೂಹಿಕ ವರಮಹಾಲಕ್ಷ್ಮೀ ಪೂಜಾ ಶ್ರೀ ಭುವನೇಂದ್ರ ಮಂಟಪಾοತ ಚಲಿ. ದಯಾಘನ್ ಭಟ್ ಹಾಂನಿ° ಧಾರ್ಮಿಕ ಪೂಜಾ ಕಾರ್ಯಕ್ರಮ ಚಲಯಲೊ. ರಾಧಾಕೃಷ್ಣ ದಂಪತಿ ಹಾಂನಿ° ಯಜಮಾನಪಣ ಘೆತಲೆ°. ಮಹಿಳಾ ಮಂಡಳಿಚೆ ಸಾಂದ್ಯಾನಿ ಸಾಮೂಹಿಕ ಕುಂಕುಮಾರ್ಚನ ಕೆಲಿ.
ಕಡಿಯಾಳಿ ಮಹಿಷಮರ್ದಿನಿ ದೇವಸ್ಥಾನಾಂತೂಯಿ ವರ ಮಹಾಲಕ್ಷ್ಮೀ ಪೂಜಾ
ಹ್ಯಾಚ ವೇಳಾರ ಕಡಿಯಾಳಿ ಮಹಿಷಮರ್ದಿನಿ ದೇವಸ್ಥಾನ ಆನಿ ಮಾತೃಮಂಡಳಿ ಕಡಿಯಾಳಿ ಉಡುಪಿ ಹಾಂಗೆಲೆ ಜೋಡ ಆಶ್ರಯಾರಿ ಕಡಿಯಾಳಿ ಕಾತ್ಯಾಯನಿ ಮಂಟಪಾοತು° 39ವೆ° ಸಾಮೂಹಿಕ ವರ ಮಹಾಲಕ್ಷ್ಮೀ ಪೂಜಾ ಚಲಿ. ಪಾಡಿಗಾರು ಶ್ರೀನಿವಾಸ ತಂತ್ರಿ ಹಾಂಗೆಲೆ ಮುಖೇಲಪಣಾರಿ ಧಾರ್ಮಿಕ ಪೂಜಾ ವಿಧಿ ಚಲಿ. ಮಾತೃಮಂಡಳಿಚೆ ತರಪೇನ ಸಾಮೂಹಿಕ ಕುಂಕುಮಾರ್ಚನಾ ಜಾಲೆ. ಶ್ರೀದೇವಿಕ ವಿಶೇಷ ಅಲಂಕಾರ, ಬ್ರಹತ್ ಮಂಡಲಾοತು° ವರಮಹಾಲಕ್ಷ್ಮೀ ಪೂಜಾ ಜಾತರಿ ಪ್ರಸಾದ ವಿತರಣ ಜಾಲೆ°. ದೇವಳಾಚೆ ಅಧ್ಯಕ್ಷ ರವಿರಾಜ್ ಆಚಾರ್ಯ, ಶಾಸಕ ಯಶಪಾಲ್ ಸುವರ್ಣ, ಗೀತಾಂಜಲಿ ಸುವರ್ಣ, ಜೀರ್ಣೋದ್ದಾರ ಸಮಿತಿ ಅಧ್ಯಕ್ಷ ನಾಗೇಶ್ ಹೆಗ್ಡೆ, ಮಾತೃಮಂಡಳಿಚಿ ಅಧ್ಯಕ್ಷಾ ಸುಪ್ರಭಾ ಆಚಾರ್ಯ, ಸಂಯೋಜಕ ಪದ್ಮಾ ಆರ್, ಗೀತಾ ನಾಯಕ್, ನಿರ್ಮಲಾ ಪೈ, ಲಕ್ಷ್ಮೀ ನಾಯಕ್ ಆನಿ ಹೇರ ಉಒಪಸ್ಥಿತ ಆಶಿಲೆ.
ವಿಶ್ವಾಚೆ ಅತ್ಯಂತ ಉಂಛಾಯೆಚೆ ಮಾನವ ಆವಾಸಸ್ಥಾನಾಂಚೆ ಶಿಖರ ಲೇಹ್-ಲಡಾಖಾಂತು° MIT NSS ಸ್ವಯಂಸೇವಕ: ಆಮಗೆಲಿ ಶೀಮಾ, ಆಮಗೆಲೆ ಸಶಸ್ತ್ರ-ದಳ, ಆಮಗಲೆ ಸೈನಿಕ, ಆಮಗೆಲೆ ಭರಂ - ಡಾ. ಮದ್ದೋಡಿ
ಉಡುಪಿ: ಭಾರತ ಸರ್ಕಾರಾಚೆ ಸೋಪನಾಚಿ ಯೋಜನಾ 19 ರೋಮಾಂಚಕ ಗ್ರಾಮ ಪ್ರಾಯೋಗಿಕ ಯೋಜನಾ "ಸೀಮಾ ದರ್ಶನ್" ಕಾರ್ಯಕ್ರಮಾಂತು° ಮಣಿಪಾಲ್ ಇನ್ಸ್ಟಿಟ್ಯೂಟ್ ಆಫ್ ಟೆಕ್ನಾಲಜಿ ಮಾಹೆ ಹಾಂಗಾಚೆ 10 ಎನ್ಎಸ್ಎಸ್ ಸ್ವಯಂಸೇವಕ ಆನಿ ದೋಗ ಕಾರ್ಯಕ್ರಮ ಅಧಿಕಾರಿ ಹಾಂನಿ° ವಾಂಟೋ ಘೆವನು ಚುಶುಲ್ ದೆಗಣಾ° ಆನಿ ಕರ್ಜೋಕ್ ಶೀಮಾಂತ ಆಸಚೆ ಭದ್ರತಾ ದಳ, ಸರಪಂಚ್ ಪ್ರಧಾನಂ ಆನಿ ಸಾಂದೆ, ಶಾಳೆಚೆ ಆಡಳಿತಾಧಿಕಾರಿ, ಪೋಷಕ, ವಿದ್ಯಾರ್ಥಿ ಆನಿ ಶಿಕ್ಷಕಾಂಗೆಲೆ ಸಾಂಗತ ಚರ್ಚಾ ಕೆಲಿ ಆನಿ ಥಂಯಚೆ ಲೋಕಾ ಸಾಂಗತ ಮೆಳೆ.
ಚುಶುಲ್ ಲಡಾಖಾಚೆ ಲೇಹ್ ಜಿಲ್ಲೆಚಿ ಎಕ ಹಳ್ಳಿ ಜಾವನು ಆಸಾ. ಹೆ° ಪಾಂಗಾοಗ್ ಸರೋವರಾಚೆ ದಕ್ಷಿಣಾಕ ಆನಿ ಸ್ಪಂಗೂರ್ ಸರೋವರಾಚೆ ಪಶ್ಚಿಮಾಕ "ಚುಶುಲ್ ದೇಗಣಾ°" ಮ್ಹಣೂನ ಘೆವಚೆ° ಪ್ರದೇಶಾಂತ ಡರ್ಬುಕ್ ತೆಹಸಿಲಾಂತ ಆಸಾ. ಚೀನಾ ದೇಶಾ ಸಾಂಗತ ಆಸಚಿ ವಾಸ್ತವಿಕ ನಿಯಂತ್ರಣ ರೇಖಾ ಚುಶುಲ್ ದಾಕೂನ ಪೂರ್ವಾಕ 5 ಮೈಲ್ ಪರ್ಯಂತ ಚುಶುಲ್ ದೇಗಣಾಂತ ಆಸಾ. ಹ್ಯಾ ಪ್ರದೇಶ ಐತಿಹಾಸಿಕ ಯುದ್ಧಭೂಮಿ ಜಾವನು ನಾವಾದೀಕ ಆಸಾ. ಸರ್ಕಾರಿ ಶಾಳಾ°, ಸರ್ಕಾರಿ ಆಸ್ಪತ್ರಿ, ಸರ್ಕಾರಿ ಪ್ರಾಯೋಜಿತ ಸಮುದಾಯ ಭವನಾಂಕ ಭೇಟಿ ದೀವಚೆ° ಹ್ಯಾ ಪಂಗಡಾನ ಕೆಲೆ°.
ಕರ್ಜೋಕ್ ಯಾ ಕೊರ್ಜೋಕ್ ಲಡಾಖಾಚೆ ಲೇಹ್ ಜಿಲ್ಲೆಚಿ ಎಕ ಹಳ್ಳಿ ಜಾವನು ಆಸಾ. ಹೆ° ತ್ಸೋಮೊರಿರಿ ಸರೋವರಾಚೆ ತಡಿಯೆರಿ ರುಪ್ಶು ಪ್ರದೇಶ ಆನಿ ಬ್ಲಾಕಾಂತು° ನ್ಯೋಮಾಕ ಲಾಗಿ ಆಸಾ. ಹೆ° ವಿಶ್ವಾಚೆ ಅತ್ಯಂತ ಉಂಛಾಯೇರಿ ಆಸಚೆ ಎಕ ಶಹರ ಜಾವನು ಆಸಾ ಆನಿ ಭಾರತಾಚೆ ಅತ್ಯಂತ ಉಂಚಾಯೆಚೆ ಶಹರ ಜಾವನು ಆಸಾ. ವಿವಿಧ ಪ್ರದೇಶಾಂತ ದರಯಾಸ್ಥರಾ ತಾವನ 14,995 ಫಿಟ್ (4,570 m) ದಾಕೂನ 15,075 ಫಿಟ್ (4,595 m) ತಾಂಯ ಉಂಛಾಯೆಚೆ ವಿಭಿನ್ನ ಮೇಜವಣ ದಿತಾ. ದ್ರುಕ್ಪಾ ಬೌದ್ಧ ಕೊರ್ಜೋಕ್ ಮಠ ಹಾಂಗಾಚ ಅಸಾ.
ಲೇಹ್ ಲಡಾಖಾಚೆ ಲೋಕ ಖೂಬ ಮುಗ್ಧ ಆನಿ ಸೌಮ್ಯ ಜಾವನು ಉಲಯತಲೆ ಲೋಕ, ಶೀಮಾ ಪ್ರದೆಶಾಂತ ಆಸೂನಯಿ ಭಾರತೀಯ ಸಂಸ್ಕೃತಿ, ಸಂಪ್ರದಾಯ ಆನಿ ಆಮಗೆಲೆ ದೇಶಾ ಬದಲ ತಾಂಕಾ° ಆಸಚೊ ಗೌರವ, ಪ್ರೀತಿ ಆನಿ ವಾತ್ಸಲ್ಯ ಪಳಯತಾನ ಸಗಟಾಂಕ ಭರಮ ದಿಸತಾ.
ಚೀನಾ ದಾಕೂನ ಫಕತ 14 ಕಿಮೀ ಫಾಯಸ ಆಸಚೆ ಚೀನಾ ಟಿಬೆಟ್ ಶೀಮೆರಿ ವೈಶಾಖಾಂತು° ಆಮಗೆಲೆ ಸೈನಿಕ, ರಕ್ಷಣಾ ಆನಿ ITBP ದಳ ಚೀನಾಚೆ ತಸ್ಕರಿ ಆಡವಪಾ ಖಾತಿರ ಜನಾಂಕ ಆನಿ ಶೀಮಾ ರಾಖಚಾಕ ಗಂಭೀರ ಪ್ರಯತ್ನ ಕರತಾತಿ.
ಭಾರತ ಸರ್ಕಾರಾಚೆ ಸೋಪನಾಚೆ ಯೋಜನಾ ಜಾವನು ಆಸಚೆ 19 ರೋಮಾಂಚಕ ಗ್ರಾಮ ಪ್ರಾಯೋಗಿಕ ಯೋಜನೆಚೆ ಪ್ರಮಾಣೆ ಥಂಡ ದೀವಸಾಂತು° ಸ್ಥಳಾಂತರ ಕರಚೆ° ಆನಿ ಹ್ಯಾ ಪ್ರದೇಶಾ ದಾಕೂನ ತರನಾಟ್ಯಾನಿ ಸ್ಥಳಾಂತರ ಕರಚೆ° ಊಣೆ ಜಾಯತ ಆನಿ ಹ್ಯಾ ಗ್ರಾಂಮಾοಚೆ ಅಭಿವೃದ್ಧಿ ವಗೀಚ ಜಾತಲೆ ಮ್ಹಣು ಹ್ಯಾ ಕಾರ್ಯಕ್ರಮಾಮತು° ವಾಂಟೋ ಘೆತಿಲೆ ಎನ್ಎಸ್ಎಸ್ ಕಾರ್ಯಕ್ರಮ ಅಧಿಕಾರಿ ಡಾ. ಪೂರ್ಣಿಮಾ ಭಾಗವತ್ ಹಾಂನಿ° ಹ್ಯಾ ವೇಳಾರ ಸಾಂಗಲೆ°. ಹ್ಯಾಚ ವೇಳಾರ MIT ಎನ್.ಎಸ್.ಎಸ್ ಸ್ವಯಂಸೇವಕಾನಿ ಭೌಗೋಳಿಕ ರಚನಾ, ಭೂದೃಶ್ಯ, ಸೋಭಿತ ಪ್ರಕೃತಿ ಆನಿ ಪರಿಸರ, ವಿವಿಧ ಸಂಸ್ಕೃತಿ, ಜೀವನಶೈಲಿ ಆನಿ ಶೀಮಾರಿ ಆಸಚೆ ಸಶಸ್ತç ದಳಾಂಕ ಸಮಜೂಚೆಂ ಜಾಲೆ°.
ವಿದ್ಯಾರ್ಥಿ, ಶಿಕ್ಷಕ, ಪೋಷಕ ಆನಿ ಸರಪಂಚ ಪ್ರಧಾನ°, ಸ್ವಯಂ-ಸೇವಕಾ ಮಧೆ° ಬರೊ ಸಂವಾದ ಚಲೊ.
123ವೊ° ಭಜನಾ ಸಪ್ತಾಹ
ಉಡುಪಿ: ಹಾಂಗಾಚೆ ಶ್ರೀ ಲಕ್ಷ್ಮೀ ವೆಂಕಟೇಶ ದೇವಸ್ಥಾನ ತೆಂಕಪೇಟೆ ಹಾಂಗಾ ಹರ ವರಸಾ ಮ್ಹಣಕೆ 123ವೊ° ಭಜನಾ ಸಪ್ತಾಹ ಅಗಸ್ಟ್ 21 ದಾಕೂನ 28 ತಾಂಯ ಚಲಚೊ ಆಸಾ. ಹ್ಯಾ ಅಹೋರಾತ್ರಿ ಭಜನಾ ಮಹೋತ್ಸವಾಚೆ ಚಾಲನ ಸೋಮವಾರ ದೇವಳಾಚೆ ಪ್ರಧಾನ ಅರ್ಚಕ ವಿನಾಯಕ ಭಟ್ ಹಾಂನಿ° ಶ್ರೀ ದೇವಾಕ ಆರತಿ ದಾಕೋವನು ಉಪರಾಂತ ದೀವೊ ಲಾವನು ಕೆಲೆ°. ಜಮೀಲೆ ಭಕ್ತ ಲೋಕಾನ ಜೈ ವಿಠಲ್ ಹರಿ ವಿಠಲ್ ಪಠನ ಕರತ ಶ್ರೀ ವಿಠೋಭ ರುಖುಮಾಯಿ ದೇವಾಂಕ ಭಜನಾ ಸಾಳಿಯೆರ ಆಸಚೆ ರುಪ್ಯಾ ಮಂಟಪಾರ ಬಸೋವನು ಮಹಾಪೂಜಾ ಕೆಲಿ. ಎಕ ಹಪ್ತೊ ಪರ್ಯಂತ ಗಾಂವ ಪರಗಾಂವಚೆ ಭಜನಾ ಮಂಡಳಿಚಾನಿ ಯೇವನು ರಾತ ಫಾಲೆ° ಭಜನ ಸೇವಾ ಚಲಚೆ ಆಸಾ ಮ್ಹಣು ಕಳವಣಿಂತು° ಸಾಂಗಲಾ°. ಆಡಳಿತ ಮೊಕ್ತೇಸರ ಪಿ ವಿ ಶೆಣೈ, ಉಮೇಶ್ ಪೈ, ಮಟ್ಟಾರ್ ವಸಂತ ಕಿಣಿ, ವಿಶ್ವನಾಥ ಭಟ್, ಪ್ರಕಾಶ್ ಶೆಣೈ, ಅಶೋಕ ಬಾಳಿಗಾ, ರೋಹಿತಾಕ್ಷ ಪಡಿಯಾರ್, ಪುಂಡಲೀಕ್ ಕಾಮತ್, ಅರ್ಚಕ ದಯಾಘನ್ ಭಟ್, ದೀಪಕ್ ಭಟ್, ಗಿರೀಶ ಭಟ್, ಭಜನಾ ರೂವಾರಿ ಸತೀಶ್ ಕಿಣಿ, ವಿವೇಕ ಶಾನಭೋಗ, ವಿಶಾಲ್ ಶೆಣೈ, ಭಾಸ್ಕರ್ ಶೆಣೈ, ನಾಗೇಶ್ ಪೈ, ನಿತೇಶ ಶೆಣೈ, ವ್ಯಾಸ ರಘುಪತಿ ಮಲ್ಯ ಆನಿ ಭಜನಾ ಸಪ್ತಾಹ ಸಮಿತಿಚೆ ಸಾಂದೆ, ಜಿ. ಎಸ್. ಬಿ ಯುವಕ ಆನಿ ಮಹಿಳಾ ಮಂಡಳಿಚೆ ಸಾಂದೆ ಆನಿ ಸಮಾಜಭಾಂದವ ಉಪಸ್ಥಿತ ಆಶಿಲೆ.
ಶೈಕ್ಷಣಿಕ ಸಾಧನಾ ಕೆಲೆಲೆಂಕ ಸನ್ಮಾನ
ಉಡುಪಿ: ಕೌಂಡಿಣ್ಯ ಗೋತ್ರ ನಾಯಕ ಕುಲಪುರಷ ಕಮಿಟಿ ರಮಾನಾಥ್ ಗೋವಾ ಹಾಜಿ ಉಡುಪಿ ಸಮಿತಿ ತರಪೇನ ದೇವಾದಿನ ಬಿ. ಜಯರಾಮ್ ನಾಯಕ್ ಹಾಂಗೆಲೆ ಸ್ಮರಣಾರ್ಥ ಎಸ್ ಎಸ್ ಲ್ ಸಿ , ದ್ವಿ ಪಿ ಯು ಸಿ ವಾರ್ಷಿಕ ಪರೀಕ್ಷೆಂತು° ವಿಶೇಷ ಸಾಧನಾ ಕೆಲೆಲೆ 12 ವಿದ್ಯಾರ್ಥಿಯಾಂಕ ಟ್ರಸ್ಟಾಚೆ ಅಧ್ಯಕ್ಷ ಮೋಹನ್ ನಾಯಕ ಬೆಳಗಾಂ ಹಾಂನಿ° ಉಡುಪಿ ಒಳಕಾಡಾಚೆ ಅನಂತ ವೈದಿಕ ಕೇಂದ್ರಾοತು° ಹರ ಎಕ ವಿದ್ಯಾರ್ಥಿಕ 5000 ನಗದ ಸಹಿತ ಶಾಲ ಪಾಂಗರೂನ ಯಾದಸ್ತಿಕಾ ದೀವನು ಅಭಿನಂದನ ಪಾಟಯಲೆ°. ವೇದಿಕೆರಿ ಉಪಾಧ್ಯಕ್ಷ ಅಜೆಕಾರ್ ಪ್ರೇಮಾನಂದ್ ನಾಯಕ್, ಕಾರ್ಯದರ್ಶಿ ಉಮೇಶ್ ನಾಯಕ್ ಉಡುಪಿ, ವ್ಹಾಂಗಡಿ ರಾಧಾಕೃಷ್ಣ ನಾಯಕ್ ಅಂಬಾಗಿಲು, ಶ್ರೀಧರ್ ನಾಯಕ ಕಾರ್ಕಳ, ಕಮಲಾಕ್ಷ ನಾಯಕ್ ಕುಕ್ಕುಂದೂರ್, ಡಾ. ಕೃಷ್ಣಾನಂದ ನಾಯಕ್ ನಗರಮಠ, ಚಂದ್ರಕಾοತ ನಾಯಕ್ ಮಣಿಪಾಲ, ಶ್ರೀಪತಿ ನಾಯಕ್ ಕಾರ್ಕಳ, ರಾಜಾರಾಮ್ ನಾಯಕ್ ಆನಿ ಹೇರ ಉಪಸ್ಥಿತ ಆಶಿಲೆ. ಎಸ್ ಎಸ್ ಎಲ್ ಸಿ ಪರೀಕ್ಷೆಂತು° ವಿಶೇಷ ಸಾಧನಾ ಕೆಲೆಲೆ ಅನ್ನಪೂರ್ಣ ಕಾಮತ್, ಪ್ರತೀಕ್ಷಾ ಕಿಣಿ, ಮನೋಜ್ ನಾಯಕ್, ವಿಗ್ನೇಶ್ ಕಿಣಿ, ನಿಧಿ ಕಾಮತ್ ದ್ವೀತಿಯ ಪಿ ಯು ಸಿ ಚೆ - ಗೌರವ್ ನಾಯಕ್, ಅಜೇಯ್ ಕಾಮತ್, ಸಾನ್ವಿ ನಾಯಕ್, ಚೇತನ್ ಪೈ, ನಮಿತಾ ನಾಯಕ್, ವೀಣಾ ಕಿಣಿ, ನೀತಾ ನಾಯಕ್ ಜಾವನು ಆಸಾತಿ.
"ಯೆಯ್ಯಾ ಖೆಳುಯಾ° ಪಾವಸಾಡಿಂತು°"
ಉಡುಪಿ: ಹಾಂಗಾಚೆ ಕಲ್ಯಾಣಪುರಾಚೆ ಗಾದ್ದೆಂತು° ಜಿ.ಎಸ್.ಬಿ ಸಭಾ ಕಲ್ಯಾಣಪುರ ಹಾಂಗೆಲೆ ತರಪೇನ "ಯೆಯ್ಯಾ ಖೆಳುಯಾ° ಪಾವಸಾಡಿಂತು°" ಕಾರ್ಯಕ್ರಮ ಚಲೊ. ಚೆರಡುವಾಂಕ ಆನಿ ಹೊಡಾಂಕ ಪಾವಸಾಂತೂಚಿ ಖೇಳ ಚಲೆ. ಗಾದ್ದೆಂತು° ಖೇಳಚೊ ಅನುಭವ ಸಗಟಾಂಕ ಮೇಳಕಾ ಆನಿ ಸಗಟಾಂಕ ಪಾವಸಾಚೊ ಆನಂದ ಮೇಳಕಾ ಮ್ಹಳೆಲೊ ಉದ್ಧೇಶ ಹ್ಯಾ ಕಾರ್ಯಕ್ರಮಾಚೊ ಜಾವನು ಆಶಿಲೊ. ಶ್ರೀ ವೆಂಕಟರಮಣಾಲೊ ಉಡಗಾಸ ಕಾಣು ದಿವೊ ಲಾವನು ಕಾರ್ಯಕ್ರಮಾಚೆ ಉಗ್ತಾವಣ ಜಾಲೆ°.
1-10 ವರಸಾಚೆ ಚೆರಡುವಾಂಕ ಚೆಂಡು ಉಡೊವಚೊ ಸ್ಫರ್ಧೋ ಚಲೊ. 'ಕೆರೆ-ದಡ' ಖೇಳ ಸಗಟಾಂಕ ಆವಡಲೊ. ಬಾಲಕ/ಬಾಲಕಿಯಾಂಕ ಆನಿ ಮ್ಹಾಲ್ಗಡೆಂಕ ಗೋಣಿಚೀಲಾಚೊ ಖೇಳ, ಲೆಮನ್ ಅಂಡ್ ಸ್ಪೂನ್, ರಿವರ್ಸ್ ವಾಕಿಂಗ್, ಥ್ರೋಬಾಲ್ ಖೇಳ ಚಲೊ. ಸಗಟಾನ ಸಂತೋಸಾನ ವಾಂಟೊ ಘೆವಚೆ° ಪಳೊವಚಾಕ ಮೆಳೆ°. ಸಕಾಳಿ ಬನ್ಸ್ ಆನಿ ಕುರ್ಮಾ ಕಾಫಿನ ಫಳಾರಾನ ದಿಸಾಚೆ ಶುರುವಾತ ಜಾಲೆ°. ದೋನಪಾರ ಜೆವಣ ತಾಂಯ ವೈಯಕ್ತಿಕ ಖೇಳ ಚಲೆ.
ಜೇವಣಾಕ ಚಟ್ನಿ, ಪತ್ರಾಡೋ, ತಾಯಕಿಳೆಚೆ ಡಾಂಗರ್, ಶೀತ, ಕುಳಿತ ಸಾರು, ಗೊಡ್ಶೆ° ಆಶಿಲೆ°. ಹಾಕಾ ಚಡ ವೇಳ ದಿನಾಶಿ° ದೋನಪಾರಚೆ ಖೇಳ ಶುರು ಜಾಲೆ. ಬಾಯಲ ಮನಶಾಂಕ ಆನಿ ದಾರಲೆಂಕ ಪ್ರತ್ಯೇಕ ಹಗ್ಗಜಗ್ಗಾಟ ಖೇಳ ಚಲೊ. ಚಾರ ಪಂಗಡಾನ ಹ್ಯಾ ಖೇಳಾಂತು° ವಾಂಟೊ ಘೆತಲೊ. ಗಾದ್ದೆಚೆ ಚಿಕಲಾಂತು° ಬುಡ್ಡಿಲೆ ಸಗಟಾನ ಆನಂದಾನ ವಾಂಟೊ ಘೆತಲೊ. ಸಗಟಾ ಪಶಿ ಬರೊ ಖೇಳ ಮ್ಹಳ್ಯಾರಿ ಗಾದ್ದೆಂತು ಪುರಲೆಲೆ ಎಕ ವಿಕೇಟಾಕ ಮಾತೆ° ಲಾವನು ತಾಜೆ ಸುತ್ತು ಘಾಲನು ಪರತೂನ ತಾಂನಿ° ಶುರು ಕೆಲೆಲೆ ಜಾಗೆಕ ಪಾವಚೊ ಖೇಳು. ಗಮ್ಮತ್ ಮ್ಹಳ್ಯಾರಿ ಚಡಾವತ ಲೋಕಾಂಕ ಮಾತೆ° ಗ್ಹುವನು ರಾಬಿಲೆ ಕಡೆನ ರಾಬಚಾಕ ಜಾಯನಾಶಿಂ ತಾಂನಿ° ಭೋಗಚೆ ಕಷ್ಟ ಪಳೊವನು ವ್ಹಿಂಗಡಾಲೆ ತೊಂಡಾರ ಹಾಸು ಪಳೊವಚಾಕ ಮೆಳೆ°. ಆಕೇರಿಕ ಸಗಟಾನ ಮೇಳನು ಕೆಲೆಲೆ° ರೈನ್ ಡ್ಯಾನ್ಸ್ ಖೂಬ ಕಾಳ ಉಡಗಾಸ ದವರಚೆ° ತಶಿ° ಆಶಿಲೆ°. ಪಯಲೆ° ಪಾವಟಿ ಅಸಲೊ ಎಕ ಕಾರ್ಯಕ್ರಮ ಜಿ.ಎಸ್.ಬಿ. ಸಮಾಜಾ ತರಪೇನ ಚಲನು ಸಮಾಜಾಚೆ ಲೋಕಾ ಮಧೆಂ ಭಾಂದವ್ಯ ವಾಡೊಚೆ° ಪ್ರಯತ್ನ ಜಾಲೆ°.
ಉಡುಪಿ ಶ್ರೀ ಲಕ್ಷ್ಮೀ ವೆಂಕಟೇಶ ದೇವಸ್ಥಾನ
ಉಡುಪಿ ಶ್ರೀ ಲಕ್ಷ್ಮೀ ವೆಂಕಟೇಶ ದೇವಳಾಂತು°
ಮುοಡ್ಕೂರು: ಹಾಂಗಾಚೆ ಶ್ರೀ ವಿಠೋಭ ದೇವಳಾಂತು°
ಉದ್ಯೋಗ ಆನೀ ನಿರುದ್ಯೋಗ ಡಾ| ಅರವಿಂದ
18:53:41 ವಿಶ್ವ ಕೊಂಕಣಿ ಕೇಂದ್ರ ‘ಕ್ಷಮತಾ
This application is only for the poor
कोंकणिंतल्या अस्तुरी साहित्याचेर
ಮಂಗಳೂರು: ವಿಶಂತಿ ಸಂಭ್ರಮಾοತು ಆಸಚೆ
ಬೆಂಗಳೂರು: ಹಾಂಗಾಚೆ ಮಲ್ಲೇಶ್ವರಂಚೆ ಗೌಡ
Editorial
ಡಾಕ್ಟರಾಲೆ ಆತ್ಮ ಪರಮಾತ್ಮಾಲೆ ಸಾಂಗತ ವಿಲೀನ ಜಾಲೆ°,,,
ಡಾ. ಜಿ. ಜಿ. ಲಕ್ಷ್ಮಣ್ ಪ್ರಭು ಎಕ ನಾವಾದೀಕ ಡಾಕ್ಟರು ಆಶಿಲೊ. ಯುರಾಲಾಜಿ ತಾಗೆಲಿ ಸ್ಪೇಷಾಲಿಟಿ. ತೊ ಎಕ ಫಾಮಾದ ಡಾಕ್ಟರ್ ನಂತಾ° ಎಕ ಬರೊ ಭಾಷಣಗಾರುಯೀ ಜಾವನು ಆಶಿಲೊ. ಸಾನ ಪ್ರಾಯೆರಿ ತೊ ಜನಾ ಮೋಗಾಳ ಜಾಲೆಲೊ. ತೊ ಅನೀರಿಕ್ಷಿತ ಜಾವನು ಅಂತರಲೊ ಮ್ಹಳೆಲಿ ಖಬರ ಆಯಕತನಾ ಸಾಬಾರ ಲೋಕಾಂಕ ತೆಂ ನಂಬಗೂಚಾಕ ಜಾಯನಿ. ಬ್ಯುಸಿ ಡಾಕ್ಟರ್ ಆಶಿಲೊ ತೊ ಕೆದನಾಯಿ ಕೊಡಿಯಾಲಚೆ ಕೆ. ಎಂ. ಸಿ ಹಾಸ್ಪಿಟಲಾಂತ ಪಳೊವಚಾಕ ಮೆಳತಲೊ. ಸಕಾಳಿ ದಾಕೂನ ಸಾಂಜವೇಳಾ ತಾಂಯ ಆಪರೇಶನ್ ಥಿಯೇಟರಾಚೆ ಸಮವಸ್ತ್ರಾಂತು ತೊ ದಿಸತಲೊ ಮ್ಹಣು ಆಸ್ಪತ್ರೆಕ ಗೆಲೆಲೆ ಸಾಂಗತಲೆ. ತಿತಲೊ ಬ್ಯುಸಿ ಡಾಕ್ಟರ್ ತೊ. ತಾಣೆ ತಾಗೆಲೆ ಪೆಶೆಂಟಾoಕ ಪಳೊವಚಾಕ ಆಸ್ಪತ್ರೆಚೆ ರೌಂಡ್ಸಾರ ವತನಾ ತಾಗೆಲೊ ಹೋಡು ತಾಳೊ ಆಯಕೂನು ತ್ಯಾ ಮ್ಹಾಳ್ಯೆರಿ ಆಸಚೆ ಸಗಟ ರೂಮಾಂತುಲೆ° ಪೇಶೆಂಟಾoಕ ತೊ ಆಯಲೊ ಮ್ಹಣು ಕಳತಲೆ° ಖಂಯ. ಕುಶಾಲ ಉಲೊವನು ಪೇಶೆಂಟಾoಲಿ ಮನೋಸ್ಥಿತಿ ಸಂತೋಸಮಯ ಕರಚೆಂ ತಾಗೆಲಿ ಸವಯ್ ಆಶಿಲಿ.
ನ. 9ಕ ಎಕ ಆಪರೇಶನ ಪೂರ್ಣ ಕರನು ಭಾಯರ ಆಯಿಲೆ ಡಾಕ್ಟರಾಕ ಕಠಿಣ ಹೃದಯಘಾತ ಜಾಲೆ°. ತ್ಯಾ ನಿಮಿತ ತಾಕಾ ತುರ್ತಾನ ಶುಶ್ರುತಾ ಮೇಳಚಾಕ ಸಾಧ್ಯ ಜಾಲೆ°. ತೊ ಐ.ಸಿ.ಯುಂತ 8 ದೀವಸ ಆಶಿಲೊ. ತಾಕಾ ಊಂಛ ಸ್ಥರಾಚೆ ಟ್ರಿಟಮೆಂಟ್ ಮೆಳೆ°. ಜಾಲ್ಯಾರ ದೈವಿಚ್ಛಾ ವ್ಹಿಂಗಡ ಆಶಿಲಿ. ನ.17 ಕ ತಾಗೆಲೆ ದೇಹಾಂತ್ಯ ಜಾಲೆ°.
ಡಾಕ್ಟರಾಕ ಫಕತ 60 ವರಸ°. ಸಾಬಾರ 30 ವರಸಾಚೊ ವೈದ್ಯಕೀಯ ಅಣಭವ. ಡಾಕ್ಟರ ಮ್ಹಣು ನ್ಹಹಿ°, ಆರತಾ° ತರನಾಟೆ ಲೋಕಾನ ಹೃದಯಘಾತ ಜಾವನು ಮರಣ ಪಾವಚಿ ಖಬರ ಆಯಕೂಚೆ° ಚಡ ಜಾಲಾ°. ಸ್ವತ: ಡಾಕ್ಟರ ಆಶಿಲೆ ತಾಕಾ ಖಾಂಯ ಮುನ್ಸೂಚನಾ ಮೇಳನಿ ವೆ ? ತಾಣೆ ತಾತಾವಳಿ ತಾಗೆಲಿ ಆರೋಗ್ಯಾಚಿ ತಪಾಸಣಾ ಕರನು ಆಸಚೆ° ಸಾಧ್ಯತಾ ಆಸಾ. ಎಕ ಫಾಮಾದ ಡಾಕ್ಟರಾಕಚೀ ಅಶಿ° ಜಾಲೆ ಮ್ಹಣತಾನ ಸಾಮಾನ್ಯ ಮನಶಾನ ತಾಗೆಲೆ ಆರೋಗ್ಯಾ ಬದಲ ಕಿತಲಿ ಜಾಗೃತಿ ಘೆವಕಾ ? ಮನಶಾನ ತಾಗೆಲೆ ಆಹಾರ ಪದ್ಧತಿ ಆನಿ ಜೀವನ ಶೈಲಿ ಕಶಿ° ದವರಕಾ ? ವಿಜ್ಞಾನ ಇತಲೆ° ವಾಡಲಾ° ಕೀ, ವಿಜ್ಞಾನಿ ಲೋಕಾ° ಮಧೆಂತೂಚಿ ಆಮಿ ಘೆವಚೆ ವಕದ ಆನಿ ಹೇರ ವಿಷಯಾಚೆರಿ ಚರ್ಚಾ ಜಾವಚೆ° ಆಮಿ ಸೋಶಿಯಲ್ ಮೀಡಿಯಾರಿ ವಾಚತಾತಿ ಆನಿ ಆಯಕತಾತಿ. ಆಮಿ ಘೆತಿಲೆ ಕೋವಿಡ್ ವ್ಯಾಕ್ಸಿನಾ ಬದಲಯಿ ಸಂದೇಹ ಉಲಯತಲೆ ಆಸಾತಿ. ಆಶೆ° ಸಾಬಾರ ಸವಾಲಾ° ಆಮಗೆಲೆ ಮುಕಾರ ಆಸಾತಿ.
ಆಹಾರ ಪದ್ಧತಿ ಬದಲ ಖೂಬ ಚರ್ಚಾ ಜಾತಾ ಆಸಾ. ಆರತಾ° ಕ್ರಿಕೇಟರ್ ಕೊಹ್ಲಿನ ತಾಗೆಲೆ ಆಹಾರ ಪದ್ಧತಿ ಬದಲ ಸಾಂಗಿಲೊ ಎಕ ವಿಡೀಯೊ ಪಳೊವಚಾಕ ಮೆಳೊ. ತಾಂತು° ತೊ ಕಾರ್ಬ್ಸ ಊಣೆ ಕರಚೆ°, ಪ್ರೊಟಿನ್ ಚಡ ಕರಚೆ°, ಗೀನ್ ವೇಜಿಟೆಬಲ್ಸ್ ಖಾವಚೆ°, ಲೋಣಿ - ತುಪ ಖಾವಚೆ° ಸಾಂಗತಾ. ತಾಗೆಲೆ ಉತ್ರ° ಆಯಕತನಾ ಆಮಗೆಲೆ ಥೊಡೆ ಇಷ್ಟ ಲೋಕಾನ ಆಶೆ° ಕರಚೆ° ಚೂಕಿ ನ್ಹಹಿ° ಮ್ಹಣು ದಿಸತಾ. ಆಮಿ ಪ್ರಯತ್ನ ಕರನು ಪಳೊವಯೆತ ಮ್ಹಣು ಭೊಗತಾ. ದೀವಸಾಕ ಉಣೆನಾ 30 ಮಿನೀಟ್ ಚಮಕಲೆರಿ ಬರೆ° ಮ್ಹಣು ಹರ ಎಕಲೊ ಡಾಕ್ಟರು ಸಾಂಗತಾ. ಆಮಗೆಲೆ ತರನಾಟೆನಿ ಸುತಾ ಸಾನ ಪ್ರಾಯೇರಿಚಿ ಆಹಾರ ಪದ್ಧತಿ ಸಮ ಕರನು ಜೀವನ ಶೈಲಿ ಸಮ ಕರಚಾಕ ಪ್ರಯತ್ನ ಕರಕಾ.
ಡಾಕ್ಟರ್ ಜಿ. ಜಿ. ಲಕ್ಷ್ಮಣ್ ಪ್ರಭು ಬರೊ ಡಾಕ್ಟರು ಆನಿ ಭಾಷಣಗಾರ ನಂತಾ° ಎಕ ಕವಿ ಸುತಾ ಆಶಿಲೊ. ತಾಣೆ ಕನ್ನಡ ಭಾಶೆನ ಖೂಬ ಕವಿತಾಂ ರಚನ ಕೆಲಾಂ ಮ್ಹಣು ತಾಣೆ ದೇವಾದಿನ ಜಾತರಿಚಿ ಲೋಕಾಂಕ ಕಳೆ°. ತಾಣೆ ಆರತಾ° ಎಕ ಸಮಾರಂಭಾoತ ಪ್ರಸ್ತುತ ಕೆಲೆಲೆ ಭಾಷಣ ಖೂಬ ವೈರಲ್ ಜಾಲಾ°. ತಾಂತು° ತೊ ಆತ್ಮ ಆನಿ ಪರಮಾತ್ಮಾ ವಿಷಯಾರಿ ಉಲಯತಾ.
"ಕ್ರಷ್ಣಾನ ಸಾಂಗಲ್ಯಾ ಮ್ಹಣಕೆ ಪರಮಾತ್ಮಾಲೆ ಮ್ಹಣಕೆ ಆತ್ಮಾಕಯೀ ಆದಿ ನಾ ಯಾ ಅಂತ್ಯ ನಾ, ಮ್ಹಳ್ಯಾರಿ ಮರಣ ನಾ" ಮ್ಹಣು ತ್ಯಾ ಭಾಷಣಾಚೆ ಶುರುವಾತಾರಿ ಡಾಕ್ಟರು ಸಾಂಗತಾ. ಆಮಿ ಜೀವನಾಂತು° ಆಮಗೆಲೆ ಕರ್ತವ್ಯ ಕರಕಾ, ಕರತನಾ ಆಮಕಾ ಜಯ ಮೇಳತಾ ಯಾ ಸೋಲು ಮೇಳತಾ. ಆಮಗೆಲೆ ವಿಷಯಾರಿ ಕೋಣ ಕಸಲೆ° ಚಿಂತಾ ಕರತಾ ಮ್ಹಣು ಆಮಿ ಮನಾಂತ ದವರನು ಕರ್ತವ್ಯ ಕರಚೆ° ಕಷ್ಟ ಜಾತಾ. ತಸಲೆ ಮನೋಸ್ಥಿತಿರಿ ತುಮಿ ಕರ್ತವ್ಯ ಕರಚೆ° ಸುಲಭ ಜಾಯನಾ ಆನಿ ಕರಚೆ ಕರ್ತವ್ಯಾಕ ನ್ಯಾಯ ದಿವಚಾಕ ಜಾಯನಾ ಮ್ಹಣು ತೊ ಸಾಂಗತಾ.
ಮುಕಾರ ತೊ ಅಶೆ° ಸಾಗತಾ ಕೀ, ಎಕ ಪಾವಟಿ ತಾಗೆಲೆ ಪ್ರೋಫೆಸರಾನ ಸಾಂಗಿಲೆ° ಖಂಯ, ತುವ° ತುಗೆಲೆ ವೃತ್ತಿಂತು° ಪ್ರಚಾರ ಘೆವಚಾಕ ಯಾ ನಾವಾದೀಕ ಜಾವಚಾಕ ಆಯಿಲೊ ನ್ಹಹಿ°. ತುಗೆಲೆ ಮನಾಕ ಖಂಚೆ ಸಮ ಮ್ಹಣ ದಿಸತಾ ತ್ಯಾ ಪ್ರಮಾಣೆ ಮಾನವಿಯತಾ ದೃಷ್ಠಿ ದವರನು ಕರ್ತವ್ಯಪಾಲನ ಕರಿ. ಕೋಣಾಕ ಅಭಿಮಾನ ಆಸಾಕೀ ತಾಗೆ ಲಾಗಿ ಮಾನವೀಯತಾ ಆಸತಾ. ಕೋಣಾಕಯಿ ಖುಷಿ ಕರಚಾಕ ಕರ್ತವ್ಯ ಕರಚಾಕ ಜಾಯನಾ. ಅಹಂ ಸೋಡಕಾ, ಶರೀರ ಆನಿ ಪ್ರಾಪಂಚಿಕ ವಸ್ತು ಸೋಡಚೆ° ಕರಕಾ. ಶರೀರ ಆನಿ ಹೇರ ವಸ್ತು ಆಮಗೆಲೊ ನ್ಹಹಿ° ಮ್ಹಣು ಚಿಂತಲ್ಯಾರಿ ಸಹಜ ಜಾವನು ಆಮಿ ಸ್ವತಂತ್ರ ಜಾತಾತಿ. ಆತ್ಮ ವ್ಹಂವಚಾಕ ಶರೀರ ಶಿವಾಯ, ಶರೀರ ವ್ಹವಂಚಾಕ ಆತ್ಮ ನ್ಹಹಿ° ಮ್ಹಳೆಲೆ ಉಡಗಾಸ ದವರಕಾ. ಆತ್ಮಾನ ಶರೀರ ವ್ಹಂವಚಿ ಪರಿಸ್ಥಿತಿ ಆಯಲ್ಯಾರಿ ಶರೀರ ಸೋಡಕಾ ಮ್ಹಣು ತೊ ಸಾಂಗತಾ.
ಆರೋಗ್ಯ ಸಾಂಬಾಳಚಾಕ ಕಸಲೆ° ಕರಕಾ ಮ್ಹಣೂಯಿ ಡಾಕ್ಟರಾನ ತಾಗೆಲೆ ಭಾಷಣಾಂತು° ಸಾಂಗಲಾ°. ಜೀವನಾಂತು° ಚಲನ, ಭೋಜನ, ಶಯನ ಆನಿ ಪ್ರಕೃತಿ ವೀಲಿನಾಚೆ ಬದಲ ಜ್ಞಾನ ಆಸೂಕಾ ಮ್ಹಣು ತೊ ಸಾಂಗತಾ.
ಆಮಿ ಕೆದನಾಯಿ ಚಲನಶೀಲ ಆಸೂಕಾ. ಚಲಚನಶೀಲತಾ ಮ್ಹಳ್ಯಾರಿ ಜೀವಂತ ಆಸಾತಿ ಮ್ಹಣಚೆ ಸೂಚನಾ. ತ್ಯಾ ನಿಮಿತ ಪ್ರಾಯ ಜಾಲೆಲ್ಯಾನಿ ಜಾಲೆ ತಿತಲೆ ಚಮ್ಕೂಚೆ° ಕರಕಾ. 60 ವರಸ° ಜಾತರಿ ಎಕ ವಾಕಿಂಗ್ ಸ್ಟಿಕ್ ದ್ಹರನು ಚಮಕೂಚೆ° ಬರೆ° ಮ್ಹಣು ತೊ ಡಾ. ಟಿ. ಎ. ಎ. ಪೈಲೆ ಉದಾಹರಣ ದಿತಾ.
ದುಸ್ರೆಂ, ಭೋಜನ. ತರನಾಟೆ ಆಸತನಾ ಫಾತೋರ ಖಾವನು ಜೀರ್ಣ ಕರಚಿ ಶಕ್ತಿ ಆಸತಾ. ಪ್ರಾಯ ಜಾತಾನ ತೀ ಶಕ್ತಿ ಊಣೆ ಜಾತಾ. ತಶಿಂ ಮ್ಹಣು ಕಸಲೆಂಯಿ ಸೊಡಚೆಂ ನ್ಹಹಿಂ. ನ್ಯೂಟ್ರಿಶಿಯನ್ ಮ್ಹಳ್ಯಾರಿ ಹೈ ಫೈಬರ್ ಆಸೂಕಾ, ಉದಾಕ ಪಿವಕಾ, ಲಾಯಕ ಕರನು ನಿದೋಕಾ. ಎಕ ಲೇಖಾ ಪ್ರಮಾಣೆ 8 ಗಂಟೊ ಕಾಮ ಕರಕಾ, 8 ಗಂಟೊ ಕುಟುಂಬಾಕ ದೀವಕಾ ಆನಿ 8 ಗಂಟೊ ನಿದೋಕಾ. ವಗೀ ನಿದೊಚೆಂ ಆನಿ ವಗೀ ಉಟಾಚೆ° ಕರಕಾ. ಪ್ರಕೃತಿ ಸಾಂಗತ ಮೆಳಚೆ° ಕರಕಾ. ಅನೈಸರ್ಗಿಕ ವಸ್ತು ದೂರ ದವರಕಾ. ಮೊಬೈಲ್ ಆನಿ ತಸಲೆ ಹೇರ ವಸ್ತು ದೂರ ಕರಚೆ°, ಖಂಚೆಯ ಗಾರ್ಡನಾಕ ವಚೆ° ಹಾಕಾ ಉದಾಹರಣ ಜಾತಾತಿ. ಪ್ರಕೃತಿ ಮಾತೆಲೆ ಸಾಂಗತ ಮೇಳನು ಆಸಚೆಂ ಅತ್ಯಂತ ಪ್ರಮುಖ ಜಾತಾ.
ಆಯಚೆ ದೀಸಾಂತ ಸಂಭoದ ಚೂಕುನ ವಚೆ° ಸಾಮಾನ್ಯ ಜಾಲಾ°. ಸಂಭoದ ವರೊನ ಹಾಡಚೆ° ಕರಕಾ. ದೋಸ್ತ ಮ್ಹಳಯಾರಿ ಕಾನ್ನಡಿ ಶೆಂ ಆಸತಾತಿ. ಮುಖಸ್ತುತಿ ಕರತಲೆ ನ್ಹಹಿ°. ಕೇದನಾಯಿ ಸಂಭoದ ಉದಾಕಶೆ° ಆಸೂಕಾ. ಉದಾಕ ಪಾರದರ್ಶಕ ಆಸತಾ. ತಾನಿ ನಿವಯತಾ. ಆಮಿ ತಶೀಂಚಿ ಜಾವಕಾ. ತ್ಯಾ ನಿಮಿತ ಜೀವನಾಂತು° ಚಲನ, ಭೋಜನ, ಶಯನ ಆನಿ ಪ್ರಕೃತಿ ವೀಲಿನಾಚೆ ಬದಲ ಚಡ ಮಹತ್ವ ದೀವಕಾ. ತ್ಯಾಚ ವೇಳಾರ ಸ್ನೇಹ ಪರಿಪಾಲನ ಕರಚೆ° ಕರಕಾ ಮ್ಹಣು ಸಾಂಗೂನು ತಾಣೆ ತಾಗೆಲೆ ಭಾಷಣ ಆಖೇರಿ ಕೆಲೆಲೆಂ ಆಸಾ.
ತಾಣೆ ಭಾಷಣಾಂತು° ಕಸಲೆ° ಸಾಂಗಲಾ° ತೆ° ತಾಣೆ ಜೀವನಾಂತು° ಪರಿಪಾಲನ ಕೆಲಾ° ಮ್ಹಣಯೆತ. ತಾಗೆಲೆ ಬದಲ ತಾಗೆಲೆ ದೋಸ್ತಾನಿ, ಪೇಶೆಂಟಾನಿ ಆನೆ ಹೇರಾನಿ ಸೋಶಿಯಲ್ ಮೀಡಿಯಾರಿ ಫಾಯಸ ಕೆಲೆಲೆ ಸಂದೇಶ ಪಳೊವನು ಆಶೆಂ ಸಾಂಗಚಾಕ ಜಾತಾ.
ಡಾಕ್ಟಾçಲೊ ಮ್ಹಾಂತು ಜಿ. ಜಿ. ವಾಸುದೇವ ಪ್ರಭು ಹಾಂನಿ° ಮಂಗಳೂರಾoತು° ಕೊಂಕಣಿ ಭಾಶೆ ಖಾತೀರ ಸೇವಾ ದಿವಚೆ ನದರೇನ 1981ತು° ಶುರು ಕೆಲೆಲೊ ಸಂಸ್ಥೊ ಕೊಂಕಣಿ ಸಾಂಸ್ಕೃತೀಕ ಸಂಘ ಆಜಿಕಯೀ ತೀ ಸೇವಾ ದಿವೂನ ಆಸಾ. ಸಂಘಾನ ಆಪಯಿಲೆ ತೇದನಾ ಜಿ. ಜಿ. ಲಕ್ಷ್ಮಣ್ ಪ್ರಭು ಯೆವನು ತಾಂಕಾ° ಮಾರ್ಗದರ್ಶನ ದಿತಲೊ. ಉತ್ತಮ ವೈದ್ಯ, ವಾಘ್ಮಿ, ಸಂಘಟಕ, ಸಾಹಿತಿ ಆನಿ ಬರೊ ಮನಿಸ್ ಆಶಿಲೆ ತಾಂಗೆಲೆ ಆತ್ಮಾಕ ಶಾಂತಿ ಮಾಘೂಯಾ°.
Shabdvihar
ಚಾಕುಲಿ
ಚಾಕುಲಿ ನಾರಲಾ ಕಾತಳಿ ವಟ್ಟು ಖಾವಚ್ಯಾಕ ಭೌವ ರೂಚಿ. ದಾಂತ ನಾಶಿಲ್ಯಾನಿ ಚಾಕುಲಿ ಧಾಡಾನು ಖಾವಕಾ ಜಾತಾ. ವಯಿಲಾ ಹೇ ವಾಕ್ಯಾಂತ ಚಾಕುಲಿ ಮ್ಹಣಚೊ ಜೋ ಶಬ್ದು ವಾಪರಲಾ ತಾಜೊ ಅರ್ಥ ಸರ್ವಯಿ ಜಾಣಾ. ಹೆ ಏಕ ತಳಪಾ ಖಾಣ ಜಾವನು ಆಸಾ. ಹೋ ಶಬ್ದು ಸಂಸ್ಕೃತ ಭಾಶೆಚೊ ಜೋ ಶಷ್ಕುಲಿ ಮ್ಹಣಚೊ ಶಬ್ದು ಆಸಾ ತಾಜೆ ತದ್ಭವ ರೂಪ ಜಾವನು ಆಸಾ. ಶಷ್ಕುಲಿ ಮ್ಹಣಚೆ ಶಬ್ದಾಂತೂಲೆ ಪಯಲೇ ಅಕ್ಷರ ಶ ಚ ಜಾತಾ ದೋನಿಂಚೆ ವಿಜಾತೀಯ ಸಂಯುಕ್ತಾಕ್ಷರ ಷ್ಕ ಆಶಿಲೆ ಸಜಾತೀಯ ಸಂಯುಕ್ತಾಕ್ಷರ ಕ್ಕ ಜಾತಾ. ಅಶಿಂ ಶಷ್ಕುಲಿ ಆಶಿಲೆ ಚಕ್ಕುಲೀ ಜಾತಾ. ಹೆ ಚಕ್ಕುಲಿ ಶಬ್ದಾಚೆ ಪಯಲೇ ಅಕ್ಷರ ದೀರ್ಘ ಜಾವನು ಉಚ್ಛಾರ ಕರಚಾನ ದೋನಿಂಚೆ ದಿತ್ಪಾಕ್ಷರಾಂತು ಏಕ ಅಕ್ಷರ ಲೋಪ ಜಾವನು ಕ ಉರತಾ. ಅಶೀ ಶಷ್ಕುಲಿ ಶಬ್ದು ಚಕ್ಕುಲಿ< ಚಾಕ್ಕುಲಿ> ಚಾಕುಲಿ ಮ್ಹಣ ಜಾತಾ.
An Appeal to the members of the GSB Community
जेसन पींत, SDB, उद्यावर, उडुपी (MA कोंकणी)
ಕೊಡಿಯಾಲ ಖಬರ ಸಾನ ಕಾಣಿಯೊ ಬರೊವಚೆ ಸ್ಪರ್ಧೆಂತು°
ಪರಬೆಕ ತಿಸ್ರೆ ಲ್ಹಾರಾಚೆ ಭಯ ವಿಶ್ವಾಕಚ ಕರೋನಾಚೆ ಭಯ
ನವೆಂಬರ ಮ್ಹಯನೊ ಸರನು ದಶಂಬರ ಪಾವಚೆ ಸಂದರ್ಭಾರ ಲೋಕಾಂಕ
ಅಮ್ಚಿಗೆಲೆ ಪರ್ಬೆ ರಾಂದಪ ಅಮ್ಚಿ ರಾಂದಪ ಭಾರಿ ಸುಲಭಗೊ
ಪ್ರಾಕ ದಕೂನು ಪ್ರಸ್ತೂತಾಕ ಎತ್ತಾನ ಅಮ್ಗೆಲೆ ಖಾಣಜವಣ,
ಶ್ರಾವಣ ಮಾಸು ಆನಿ ಚೂಡಿ ಪೂಜಾ ಅಶ್ಶಿ ತಶ್ಶಿ ಪೊಳೊಚೆ
ಮನು ಕುಲ ಕಳನು ಕೀ ಕಳನಾಶಿ° ಚೂಕಿ ಕೆಲ್ಲಾರಿ ಆವಸು
कोरोना महामारी भारताक येवनु ६ महिने जाले.
ಗುಜರಾತ ರಾಜ್ಯಂತು ಸಾಬಾರ ಸಂಖ್ಯೆರಿ ಜೈನ ಸಮುದಾಯ ಭೊ
Well Wishers
Most Read
- “ದಕ್ಷಿಣದ ಸಾರಸ್ವತರು”
- ಆಧುನಿಕ ಮಹಾಭಾರತ
- कन्याकुमारिच्या स्वामी विवेकानंद स्मारकाक ५० वरसां
- ರಚನಾ...
- ಕುದ್ಮುಲ ರಂಗರಾವ್
- ಸತ್ಯನಾರಾಯಣ ಪೂಜಾ
- ಘರ ಏಕ್ ದೇವುಳ
- कोरोनान शिकयिलो पाठ
- तुळशी काट्टो
- ವಾಯು ದಳಾಂತು ಕೊಂಕಣಿ ಮಹಿಳಾ ರಶ್ಮಿ ಭಟ್
- ಜುನಾಗಢ್
- GSB Scholarship League Application
- ವಿಧಿ ಲಿಖಿತ
- ಮಸೀಂಗ
- ಘರ ಏಕ್ ದೇವುಳ -2
- ಹುಂಬರು (ಉಂಬರು)
- 'ಮಹಾ ಸರಕಾರ"
- ತಾಕೀತ (ತಾಕೀದ)
- भारताचे अमृत स्वातंत्र महोत्सवाचे पांच अमृत घडियो
- स्वावलंबन आनी आत्मविश्वास
- ಗುಜರಾತ - ಪಾಲಿಟಾನಾ
- ಶಿಕ್ಷಣ ಕ್ಷೇತ್ರಾಕ ಗ್ರಹಣ
- ಉದ್ಯೋಗ ಆನೀ ನಿರುದ್ಯೋಗ
- ಗಾಂಧೀಜಿ ಆನಿ ಆತ್ಮನಿರ್ಭರತಾ
- अस्तंगत जाल्यो कोंकणीचे मळबांतलीं दोन जगमगी नकेत्रां
- ಅಕಾಲಿಕ ಪಾವಸಾ ಮಧೆ ಮಾಲಿನ್ಯ ! - ಅರವಿಂದ ಶಾನಭಾಗ, ಬಾಳೆರಿ
- ಅಂತರಾಷ್ಟ್ರೀಯ ವನಿತಾ ದಿವಸು
- ವಿಶ್ವ ಕೊಂಕಣಿ ಕೇಂದ್ರ ‘ಕ್ಷಮತಾ ಅಕಾಡೆಮಿ’ 2021
- SUKRTINDRA ORIENTAL RESEARCH INSTITUTE
- ಲಾಕ್ಡೌನ್
Homage
Who is Online?
We have 154 guests and no members online