Displaying items by tag: Udupi
ನಂದ್ಯಾಲ ರಘುವೀರ್ ಶೆಣೈ ಹಾಂನಿ° ಶ್ರೀ ಶ್ರೀ ಸುಗುಣೇಂದ್ರ ತೀರ್ಥ ಹಾಂಕಾ° ಭೇಟಿ ದಿಲಿ
ಉಡುಪಿ: ಮೂಲಾ ದಾಕೂನ ಉಡುಪಿಚೊ ಜಾವನು ಆಸಚೊ ಯುವ ಉದ್ಯಮಿ ನಂದ್ಯಾಲ ರಘುವೀರ್ ಶೆಣೈ ಹಾಂನಿ° ಆಂಧ್ರ ಪ್ರದೇಶ ರಾಜ್ಯ ಹೋಟೆಲ್ ಮಾಲಕಾಂಚೊ ಸಂಘ ಹಾಜೊ ಪ್ರಧಾನ ಕಾರ್ಯದರ್ಶಿ ಜಾವನು ನೆಮಣೂಕ ಜಾತರಿ ಪಯಲೆ ಪಾವಟಿ ಉಡುಪಿಕ ಆಯಿಲೆ ವೇಳಾರಿ ಪುತ್ತಿಗೆ ಮಠಾಚೆ ಶ್ರೀ ಶ್ರೀ ಸುಗುಣೇಂದ್ರ ತೀರ್ಥ ಹಾಂಕಾ° ಭೇಟಿ ದಿಲಿ. ಗುರಯವರ್ಯಾನ ಶಾಲ ಪಾಂಗರೂನ ಆಶಿರ್ವಾದ ದಿಲೊ. ಮುಕಾರ ಚಲಚೆ ಪರ್ಯಾಯಾಯಕ ಯೆವ್ಕಾರ ಪತ್ರ ದಿಲೆ°. ಹ್ಯಾ ವೇಳಾರ ಆನಂದ ಶೆಟ್ಟಿ, ಉದ್ಯಮಿ ಪ್ರಶಾಂತ್ ಕಾಮತ್ ಕುಕ್ಕಿಕಟ್ಟೆ, ಉಪಸ್ಥಿತ ಆಶಿಲೆ.
To Support Kodial Khaber click the following button.
ಭದ್ರಗಿರಿಕ ಶ್ರೀಮದ್ ವಿದ್ಯಾಧೀಶ ಸ್ವಾಮೀಜಿ ಭೇಟಿ
ಉಡುಪಿ: ದಕ್ಷಿಣಾಚೆ ಪಂಢರಾಪುರ ಮ್ಹಣು ಖ್ಯಾತಿ ಪಾವಿಲೆ ಭದ್ರಗಿರಿ ಶ್ರೀ ವೀರವಿಠ್ಠಲ ದೇವಳಾಕ ಶ್ರೀ ಗೋಕರ್ಣ ಪರ್ತಗಾಳಿ ಮಠಾಧೀಶ ಶ್ರೀಮದ್ ವಿದ್ಯಾಧೀಶ ಶ್ರೀಪಾದ ವಡೇರ್ ಸ್ವಾಮೀಜಿ ಹಾಂನಿ° ಬೇಟಿ ದಿಲಿ. ತ್ಯಾ ವೇಳಾರ ಗುರುವರ್ಯಾಂಕ ಮಂಗಳವಾದ್ಯ ಸ್ವಾಗತ ಜಾಲೆ°. ಉಪರಾಂತ ಪಾದಪೂಜಾ, ಗುರುಕಾಣಿಕಾ ಸಮರ್ಪಣ ಕರಚೆ° ಜಾಲೆ°. ಗುರುವರ್ಯಾನಿ ದೀವೊ ಲಾವನು ಭಜನಾ ಮಹೋತ್ಸವಾಕ ಚಾಲನ ದೀವನು ಆಶೀರ್ವಚನ ದಿಲೆ°.
ಹ್ಯಾಚ ವೇಳಾರ ತಾಂನಿ° ಶ್ರೀ ವೀರ ವಿಠಲ್ ದೇವಾಲೆ ಕ್ಯಾಲೆಂಡರ್ ಮೋಕಳಿಕ ಕೆಲೆ°. ದೇವಳಾಚೆ ಆಡಳಿತ ಮಂಡಳಿಚೊ ಗೌರವಾಧ್ಯಕ್ಷ ಎನ್. ಮಂಜುನಾಥ ಪಿ. ನಾಯಕ್, ಆಡಳಿತ ಮೊಕ್ತೇಸರ ಭದ್ರಗಿರಿ ಪಾಂಡುರoಗ ಆಚಾರ್ಯ, ವೇದಮೂರ್ತಿ ಗಣಪತಿ ಭಟ್, ಸದಾನಂದ ಆಚಾರ್ಯ, ಜಯದೇವ ಪುರಾಣಿಕ್ ಕಾರ್ಕಳ, ಕೃಷ್ಣಾನಂದ ಶರ್ಮ, ಧರ್ಮ ವಿಶ್ವಸ್ತಮಂಡಳಿಚೆ ಸಾಂದೆ ವಿಠ್ಠಲದಾಸ ಆಚಾರ್ಯ, ಪ್ರಭಾಕರ ಭಟ್, ಗಣೇಶ ಜಿ ಪೈ ಪರ್ಕಳ, ಕೆ ಸಿ ಪ್ರಭು, ಉದಯ ಪಡಿಯಾರ್, ಸಿ. ಕೃಷ್ಣ ಪೈ, ಭಾಸ್ಕರ ಶೆಣೈ, ಸುರೇಶ ಶೆಣೈ, ಗಿರಿಧರ ರಾವ್, ಸುಧೀರ ಭಟ್, ದಿನೇಶ ಪಡಿಯಾರ್, ಆಶಾ ಆಚಾರ್ಯ, ಕಿಶೋರಿ ಪೈ, ಭಾಗ್ಯಶ್ರೀ ಭಟ್, ಲತಾ ಆಚಾರ್ಯ ರಾಧಾ ಗೋಪಾಲಕೃಷ್ಣ, ವೆಂಕಟೇಶ ಶೆಣೈ, ರವಿಚಂದ್ರ ಶೆಣೈ ಉಪಸ್ಥಿತ ಆಶಿಲೆ. ಭದ್ರಗಿರಿ ಶ್ರೀ ವೀರವಿಠ್ಠಲ ಭಜನಾ ಮಂಡಳಿನ ಭಜನಾ ಸೇವಾ ದಿಲಿ. ಪ್ರಭಾಕರ ಭಟ್ ಆನಿ ಯೋಗಾನಂದ ಹಾಂಗೆಲಿ ಅನ್ನ ಸಂತರ್ಪಣಾ ಸೇವಾ ಚಲಿ.
To Support Kodial Khaber click the following button.
ಬ್ರಹ್ಮಾವರ ಶ್ರೀ ಲಕ್ಷ್ಮೀ ವೆಂಕಟರಮಣ ದೇವಸ್ಥಾನಾಕ ಶ್ರೀಮದ್ ವಿದ್ಯಾಧೀಶ ಸ್ವಾಮೀಜಿ ಭೇಟಿ
ಬ್ರಹ್ಮಾವರ: ಹಾಂಗಾಚೆ ಶ್ರೀ ಲಕ್ಷ್ಮೀ ವೆಂಕಟರಮಣ ದೇವಸ್ಥಾನಾಕ ಆರತಾ° ಶ್ರೀ ಗೋಕರ್ಣ ಮಠಾಧೀಶ ಶ್ರೀಮದ್ ವಿದ್ಯಾಧೀಶ ಸ್ವಾಮೀಜಿ ಶ್ರೀಪಾದ ವಡೇರ್ ಸ್ವಾಮೀಜಿ ಹಾಂನಿ° ಭೇಟಿ ದಿಲಿ. ಗುರುವರ್ಯಾಂಕ ಅಲಂಕೃತ ವಾಹನಾರಿ ಪೂರ್ಣಕುಂಭ ಸ್ವಾಗತಾರಿ ಮೆರವಣಿಗೆರಿ ಸ್ವಾಘತ ಕರಚೆ° ಜಾಲೆ°. ಪಾದಪೂಜಾ ಸ್ವೀಕಾರ ಕೆಲೆಲೆ ಗುರುವರ್ಯಾನ ಭಕ್ತವರ್ಗಾಗ ಪ್ರಸಾದ ದೀವನು ಅನುಗ್ರಹ ಕೆಲೆ. ಹೇರದೀವಸು ಸಕಾಳಿ ಗುರುವರ್ಯಾನ ದೇವಾಕ ಅಷ್ಟೋತ್ತರ ಶತ ಕಲಶಾಭಿಷೇಕ ಕೆಲೊ. ನಿರೀಕ್ಷಣಾ ದ್ರವ್ಯ ವಾಪರೂನ ಪ್ರಸನ್ನ ಪೂಜಾ, ಮಹಾಪೂಜಾ, ಸಮಾರಾಧನಾ ಚಲೆ. ಕಾರ್ತೀಕ ದೀಪೋತ್ಸವಾಚೊ ವಾಂಟೊ ಜಾವನು ದೇವಾಕ ವಿಶೇಷ ಅಲಂಕಾರ, ಗುರುವರ್ಯಾಲೆ ಉಪಸ್ಥಿತಿರಿ ಲಘು ವಿಷ್ಣ್ಣು ಹವನ, ಭಜನಾ ಕಾರ್ಯಕ್ರಮ, ಮಹಾ ಸಮಾರಾಧನಾ, ರಾತ್ರಿ ದೀಪಾರಾಧನಾ, ಪಲ್ಲಂಕಿ ಪೇಟೆ ಉತ್ಸವ, ಕಟ್ಟೆ ಪೂಜಾ ಚಲೆ. ದೇವಳಾಚೆ ಆಡಳಿತ ಮೊಕ್ತೇಸರ ಕೆ. ನರೇಂದ್ರ ಪೈ, ಗೋಪಾಲಕೃಷ್ಣ ಪೈ, ಅರ್ಚಕ ಪಾಂಡುರoಗ ಭಟ್, ಜಯದೇವ ಭಟ್, ಶ್ರೀಕಾಂತ್ ಭಟ್ ಚೇಂಪಿ, ಗಣೇಶ ಭಟ್ ಕಾಪು, ವೈದಿಕ ವೃಂದ ಆನಿ ಜಿ ಎಸ್ ಬಿ ಯುವಕ ಆನಿ ಮಹಿಳಾ ಮಂಡಳಿಚೆ ಸಾಂದೆ ಆನಿ ಸಮಾಜ ಭಾಂದವ ಉಪಸ್ಥಿತ ಆಶಿಲೆ.
To Support Kodial Khaber click the following button.
ಶ್ರೀಮದ್ ವಿದ್ಯಾದೀಶ ಶ್ರೀಪಾದ ವಡೇರ್ ಸ್ವಾಮೀಜಿ ಹಾಂಗೆಲಿ ಪಯಲಿ ಭೇಟಿ
ಕಲ್ಯಾಣಪುರ: ಶ್ರೀ ವೆಂಕಟರಮಣ ದೇವಸ್ಥಾನ ಕಲ್ಯಾಣಪುರ ಹಾಂಗಾ ಗೋಕರ್ಣ ಪರ್ತಗಾಳಿ ಜೀವೋತ್ತಮ ಮಠಾಧೀಶ ಶ್ರೀಮದ್ ವಿದ್ಯಾದೀಶ ಶ್ರೀಪಾದ ವಡೇರ್ ಸ್ವಾಮೀಜಿ ಹಾಂನಿ° ಪಯಲೆ ಪಾವಟಿ ಭೇಟಿ ದಿಲಿ. ಗುರುವರ್ಯಾಂಕ ಪೂರ್ಣಕುಂಭ, ಮಂಗಳ ವಾದ್ಯ ಸಹಿತ ಸ್ವಾಗತ ಜಾಲೆ°. ಪಾದಪೂಜಾ, ಗೌರವಾರ್ಪಣಾ, ಗುರುಕಾಣಿಕಾ ಸಮರ್ಪಣ ಕರಚೆ° ಜಾಲೆ°. "ಭಕ್ತ ಲೋಕಾನ ದೇವಾಲಾಗಿ ಸಮಸ್ಯಾ ಸಾಂಗಚೆ° ಕರನು ಸ್ವಾರ್ಥಿ ಜಾವಚೆ ಬದಲಾಕ ಚಿಂತನ ಕರನು ವೆಗವೆಗಳಿ ಸೇವಾ ಕರಚೆ° ಕರಕಾ. ದೇವಳಾಚೆ ಜೀರ್ಣೋದ್ಧಾರಾನ ಗಾಂವಚೆ°, ರಾಜ್ಯಾಚೆ°, ದೇಶಾಚೆ° ಉದ್ಧಾರ ಜಾತಾ. ದೇವಳಾಚೆ ಜೀರ್ಣೋದ್ಧಾರಾಚೆ ಕಾಮ ಶೀಘ್ರ ಸಂಪನ್ನ ಜಾವೊ" ಮ್ಹಣು ಆಶೀರ್ವಚನಾಂತು° ಸಾಂಗಲೆ°. ಉಪರಾಂತ ತಾಂನಿ° ಸಗಟಾಂಕ ಫಲಮಂತ್ರಾಕ್ಷತ ದಿಲೆ°. ದೇವಳಾಚೆ ಆಡಳಿತ ಮೋಕ್ತೆಸರ ಅನಂತ ಪದ್ಮನಾಭ ಕಿಣಿ, ಪ್ರಧಾನ ಅರ್ಚಕ ಜಯದೇವ ಭಟ್, ಗಣಪತಿ ಭಟ್, ಅರವಿಂದ ಬಾಳಿಗಾ, ದತ್ತತ್ರೇಯ ಕಿಣಿ, ವಿನೋಧ್ ಕಾಮತ್, ಲಕ್ಷ್ಮೀನಾರಾಯಣ ನಾಯಕ್, ವಿದ್ಯಾಧರ್ ಕಿಣಿ, ಸುದೇಶ್ ಭಟ್, ಅಮುಂಜೆ ಯಶವಂತ ನಾಯಕ್, ಶಿವಾನಂದ ಕಿಣಿ, ಜೀರ್ಣೋದ್ದಾರ ಸಮಿತಿಚೆ ಸಾಂಗೆ, ಜಿ ಎಸ್ ಬಿ ಸಭಾಚೆ ತರನಾಟೆ ಆನಿ ವನಿತಾ ಸಾಂದೆ ಆನಿ ಸಮಾಜ ಭಾಂದವ ಉಪಸ್ಥಿತ ಆಶಿಲೆ.
To Support Kodial Khaber click the following button.
ರಂಗೋಲಿರಿ ಅಯೋಧ್ಯಾ ರಾಮ ಮಂದಿರ
ಉಡುಪಿ: ಹಾಂಗಾಚೆ ಅಂಬಾಗಿಲಾಚೆ ವೈಶವಾಣಿ ಸಮಾಜಾಚೆ ಶ್ರೀ ಲಕ್ಷ್ಮೀ ವೆಂಕಟೇಶ್ವರ ದೇವಳಾಂತು° ಪಕ್ಷ್ಮೀ ಜಾಗರಣೆ ಪ್ರಯುಕ್ತ ಆರತಾ° ಸಕಾಳಿ 5ಕ ಹಜಾರಾನಿ ಪಣತಿ ಲಾವನು ವಿಶ್ವ ರೂಪ ದರ್ಶನ ಚಲೆ°. ಹ್ಯಾ ವೇಳಾರ 15 ಫೀಟ್ ಲಾಂಬಾಯೆಚೆ ಅಯೋಧ್ಯಾ ರಾಮ ಮಂದಿರಾಚೆ ರೂಪಾಚಿ ರಂಗೋಲಿ ಸೊಡವಾಚೆ° ಜಾಲೆ°. ದೇವಾಕ ವಿಶೇಷ ಫುಲ್ಲಾ ಅಲಂಕಾರ, ದೀಪಾರಾಧನಾ, ಭಜನಾ ಕಾರ್ಯಕ್ರಮ ಚಲೊ. ಮಹಾಪೂಜೆಚೆ ಉಪರಾಂತ ಪ್ರಸಾದ ವಿತರಣ ಜಾಲೆ°. ವೈಶವಾಣಿ ಸಮಾಜಾಚೆ ದೇವಳಾಚೆ ಆಡಳಿತ ಮಂಡಳಿಚೆ ಸಾಂದೆ, ಯುವಕ ಆನಿ ಮಹಿಳಾ ಮಂಡಳಿಚೆ ಸಾಂದೆ ಉಪಸ್ಥಿತ ಆಶಿಲೆ.
ಕಲ್ಯಾಣಪುರ: ಹಾಂಗಾಚೆ ಶ್ರೀ ವೆ0ಕಟರಮಣ ದೇವಳಾಂತು° ಕಾರ್ತಿಕ ಮಾಸಾಚೊ ವಾಂಟೊ ಜಾವನು ವಿಶ್ವ ರೂಪ ದರ್ಶನ ಚಲೆ°. ಹಜಾರಾನಿ ಸಂಖ್ಯಾನಿ ಪಣತಿ ಲಾವನು ತಾಜೆ ಮಧೆ° "ಭಾರತ್" ಮ್ಹಣು ಫುಲ್ಲಾನ ಬರೊವಚೆ° ಜಾಲೆ°. ದೇವಾಕ ವಿಶೇಷ ಫುಲ್ಲಾ ಅಲಂಕಾರ ಆನಿ ಮಹಾಪೂಜಾ ಜಾತರಿ ಪ್ರಸಾದ ವಾಂಟಚೆ° ಜಾಲೆ°. ಆಡಳಿತ ಮೊಕ್ತೇಸರ ಕೆ. ಅನoತಪದ್ಮನಾಭ ಕಿಣಿ, ಅರ್ಚಕ ಜಯದೇವ ಭಟ್, ಗಣಪತಿ ಭಟ್, ಆಡಳಿತ ಮoಡಳಿಚೆ ಸಾಂದೆ, ಜಿ. ಎಸ್. ಬಿ. ಸಭಾಚೆ ಸಾಂದೆ ಆನಿ ಸಮಾಜಭಾ0ಧವ ಉಪಸ್ಥಿತ ಆಶಿಲೆ.
To Support Kodial Khaber click the following button.
70 ವೊ° ಅಖಿಲ ಭಾರತ ಸಹಕಾರಿ ಸಪ್ತಾಹ ಆಚರಣ
ಉಡುಪಿ: ಕರ್ನಾಟಕ ರಾಜ್ಯ ಸಹಕಾರ ಮಹಾ ಮಂಡಳ ನಿ., ಬೆಂಗಳೂರು, ಉಡುಪಿ ಜಿಲ್ಲಾ ಸಹಕಾರಿ ಯೂನಿಯನ್ ನಿ., ಉಡುಪಿ, ಉಡುಪಿ ಇಂಡಸ್ಟ್ರಿಯಲ್ ಕೋ - ಆಪರೇಟಿವ್ ಸೊಸೈಟಿ ಲಿ, ಕಿನ್ನಿಮೂಲ್ಕಿ ಉಡುಪಿ ಆನಿ ಸಹಕಾರ ಇಲಾಖೊ ಉಡುಪಿ ಜಿಲ್ಲಾ ಹಾಂಗೆಲೆ ಜೋಡ ಆಶ್ರಯಾರಿ 70 ವೊ° ಅಖಿಲ ಭಾರತ ಸಹಕಾರಿ ಸಪ್ತಾಹ ಆಚರಣ ಜಾಲೊ. 4 ವೆ° ದೀವಸ ಬಡಗುಬೆಟ್ಟು ಕ್ರೆಡಿಟ್ ಕೋ ಆಪರೇಟಿವ್ ಸೊಸೈಟಿಚೆ ಜಗನ್ನಾಥ್ ಸಭಾ ಭವನಾಂತು° ಘಡಲೆಲೆ ಸುವಾಳ್ಯಾಂತು° ಮುಖೇಲ ಸೊಯ್ರೆ ಜಾವನು ಉಡುಪಿ ನಗರ ಸಭೆಚೆ ಪೌರಾಯುಕ್ತ ರಾಯಪ್ಪ ಉಪಸ್ಥಿತ ಆಶಿಲೆ. ಸಹಕಾರಿ ರಂಗಾoತು° ಐಕ್ಯತಾ, ಬದ್ಧತಾ, ನಿಷ್ಠಾ ಆಸೂ ಸೇವಾ ದಿಲ್ಯಾರ ಯಶ ಖಂಡಿತ ಮೆಳತಾ, ಹಾಕಾ ಬಡಗುಬೆಟ್ಟು ಕ್ರೆಡಿಟ್ ಕೋ ಆಪರೇಟಿವ್ ಸೊಸೈಟಿ ಹಾಜೊ ಮುಖ್ಯಸ್ಥ ಜಯಕರ ಶೆಟ್ಟಿ ಎಕ ಬರೆಂ ಉದಾಹರಣ ಮ್ಹಣು ತಾಣೆ ಸಾಂಗಲೆ°. ಉಡುಪಿ ಜಿಲ್ಲಾ ಸಹಕಾರಿ ಯೂನಿಯನ್ ಅಧ್ಯಕ್ಷ, ಕರ್ನಾಟಕ ರಾಜ್ಯ ಸಹಕಾರ ಮಹಾ ಮಂಡಳ ನಿ ಬೆಂಗಳೂರು ಹಾಜೊ ನಿರ್ದೇಶಕ ಬಿ. ಜಯಕರ ಶೆಟ್ಟಿ ಇಂದ್ರಾಳಿ ಹಾಂನಿ° ಸಹಕಾರಿ ಕ್ಷೇತ್ರಾಂತು° ತರನಾಟೆಂಕ ಹಾಡಕಾ, ಹಾಜೆ ಖಾತಿರ ಡಿಜಿಟಲ್ ಬ್ಯಾಕಿಂಗ್ ವ್ಯವಸ್ಥಾ ಶುರು ಕರಕಾ ಆನಿ ಸ್ಥಳೀಯ ಲೋಕಾನ ಸಹಕಾರಿ ಬ್ಯಾಕಾಂತ ತಾಂಗೆಲೊ ವಹಿವಾಟ ಕರಕಾ ಮ್ಹಣು ಉಲೋ ದಿಲೊ. ಉಡುಪಿ ಇಂಡಸ್ಟ್ರಿಯಲ್ ಕೋ - ಆಪರೇಟಿವ್ ಸೊಸೈಟಿಚೊ ಅಧ್ಯಕ್ಷ ಅರುಣ ಕುಮಾರ್ ಸುವಾಳ್ಯಾಚೆ ಅಧ್ಯಕ್ಷ ಆಶಿಲೆ. ಎಮ್ ಜಿ ಎಮ್ ಕಾಲೇಜಾಚೆ ನಿವೃತ್ತ ಉಪನ್ಯಾಸಕ ಪ್ರೊ. ಸುರೇಂದ್ರನಾಥ ಶೆಟ್ಟಿ ಹಾಂನಿ° ಸಹಕಾರ ಸಂಸ್ಥೆoತು ಸರಳ ವ್ಯಾಪಾರ ಪ್ರಕ್ರೀಯಾ ಬದಲ ಉಪನ್ಯಾಸ ದಿಲೆ°. ದ ಕ ಸಹಕಾರಿ ಹಾಲು ಒಕ್ಕೂಟ ಹಾಜೊ ನಿರ್ದೇಶಕ ರವಿರಾಜ್ ಹೆಗ್ಡೆ, ಉಡುಪಿ ಜಿಲ್ಲಾ ಸಹಕಾರಿ ಯೂನಿಯನ್ ನಿರ್ದೇಶಕ ಅಲೆವೂರು ಹರೀಶ್ ಕಿಣಿ, ಶಂಕರ ಪೂಜಾರಿ ಕಟಪಾಡಿ, ಮನೋಜ್ ಕರ್ಕೇರ, ಮಟ್ಟಾರ್ ಗಣೇಶ ಕಿಣಿ, ಅಶೋಕ್ ಕುಮಾರ್ ಬಲ್ಲಾಳ ಆನಿ ಸಹಕಾರಿ ಬ್ಯಾಂಕಾoಚೆ ನಿರ್ದೇಶಕ ಮಂಡಳಿಚೆ ಸಾಂದೆ ಆನಿ ಹೇರ ಉಪಸ್ಥಿತ ಆಶಿಲೆ. ಉಡುಪಿ ಇಂಡಸ್ಟ್ರಿಯಲ್ ಕೋ-ಆಪರೇಟಿವ್ ಸೊಸೈಟಿ ಸಿ.ಇ.ಒ ರಾಜೇಶ ಹೆಗ್ಡೆನ ಸ್ವಾಗತಾಚೆ ಉತ್ರ° ಸಾಂಗಲಿ°. ಪ್ರವೀಣ ಕುಮಾರ ಆನಿ ರಮೇಶ ಹಾಂನಿ° ಸೂತ್ರ ಸಂಚಾಲನ ಕೆಲೆ°. ಮುಖ್ಯ ಕಾರ್ಯ ನಿರ್ವಹಣಾಧಿಕಾರಿ ಹಾಲಪ್ಪ ಕೋಡಿಹಳ್ಳಿನ ಆಬಾರ ಮಾನಲೊ.
To Support Kodial Khaber click the following button.
ಉಜ್ವಾಡು ದಾಕಯಿಲೆ ಶ್ರೀಕಾಶೀಮಠಾಧೀಶ - ಶ್ರೀಮತ್ ವರದೇಂದ್ರ ತೀರ್ಥ
ಓಂ ಶ್ರೀ ಗುರುಭ್ಯೋ ನಮಃ
ತಿಥಿಚೆ ಪ್ರಮಾಣೆ ಆಜಿ ಶ್ರೀಕಾಶೀ ಮಠಾಚೆ ದಿವ್ಯ ಗುರು ಪರಂಪರೆಚೆ 18ವೆ° ಪರಮಪೂಜ್ಯ ಗುರು ಜಾವನು ಆಸಚೆ ಉಡುಪಿಚೆ ಉಲೊವಚೊ ದೇವು ಶ್ರೀ ಲಕ್ಷ್ಮೀ ವೆಂಕಟೇಶ ದೇವಾಲೆ ಪ್ರತಿಷ್ಠಾ ಕೆಲೆಲೆ ಶ್ರೀಮತ್ ವರದೇಂದ್ರತೀರ್ಥ ಸ್ವಾಮೀಜಿ ಹಾಂಗೆಲೊ 157ವೊ ಜನ್ಮದೀವಸು. ಗುರುವರ್ಯ ಕೊಚ್ಚಿಚೆ ಅಂದಿಕಾಡವು ಗಾಂವಾoತು° ಕ್ಷಯ ನಾಮ ಸಂವತ್ಸರಾಚೆ ಆಶ್ವೀಜ ಬಹುಳ ಅಮಾವಾಸಾ ದೀಪಾವಳಿಚೆ ಪರ್ವಕಾಲಾಂತು° 07.11.1866 ದೀವಸು ಜಲ್ಮಾಕ ಆಯಲೆ. ಪೂರ್ವಾಶ್ರಮಾಚೆ ನಾಂವ° ಗಿರಿ ಮಲ್ಯ, ಬಾಪಸೂಲೆ ನಾಂವ° ಅನಂತ ಮಲ್ಯ. ಗಿರಿಮಲ್ಯ ಚೆರಡು ಆಸತಾನಾ ಇಷ್ಟಾಲೆ ಸಾಂಗತ ಸ್ವಾಮೀಜಿ ಆನಿ ಶಿಷ್ಯ ಮ್ಹಣು ಖೇಳತಲೊ. ಹೆ° ಶ್ರೀಮತ್ ಭುವನೇಂದ್ರ ತೀರ್ಥ ಹಾಂಗೆಲೆ ಕಳಿತಾಕ ಆಯಲೆಂ. ಚೆಲೆಕ ಆಪೋನು ಮುಕಾರ ಕಸಲೆ° ಜಾವಚೆ ಮ್ಹಣು ಚಿಂತಲಾ° ಮ್ಹಣು ವಿಚಾರಲೆ°. ಹಾಂವ° ಸನ್ಯಾಸಿ ಜಾತಾ ಮ್ಹಣು ಗಿರಿ ಮಲ್ಯಾನ ಸಾಂಗಲೆ°. ಹೆ° ಆಯಕೂನು ಗುರುವರ್ಯಾನ ಆಮಿ ತುಕಾ ಶಿಷ್ಯ ಸ್ವೀಕಾರ ಕರತಾತಿ ಮ್ಹಣು ಸಮಾಸೊ ಕೆಲೆ. ಜಾಲ್ಯಾರ ಮುಕಾರ ತೆ° ಸತ್ಯ ಜಾಲೆ°. ಧನು ನಾಮ ಸಂವತ್ಸರಾಚೆ ಜ್ಯೇಷ್ಠ ಪೌರ್ಣಮಿ 06.06.1876 ದೀವಸು ಶ್ರೀಮತ್ ಭುವನೇಂದ್ರತೀರ್ಥ ಹಾಂನಿ° ಗಿರಿಮಲ್ಯಾಕ ಮಂಜೇಶ್ವರಾoತು° ಸನ್ಯಾಸದೀಕ್ಷಾ ದೀವನು "ಶ್ರೀ ವರದೇಂದ್ರ ತೀರ್ಥ" ಮ್ಹಣು ನಾಮಕರಣ ಕೆಲೆ°.
ಶ್ರೀಮತ್ ಭುವನೇಂದ್ರತೀರ್ಥ ಹಾಂನಿ° 26.11.1886 ದೀವಸು ವೃಂದಾವನಸ್ಥ ಜಾತರಿ ಶ್ರೀ ವರದೆಂದ್ರತೀರ್ಥ ಸ್ವಾಮೀಜಿ ಪೀಠಾಧಿಪತಿ ಜಾಲಿಂತಿ.
ಶ್ರೀ ಶ್ರೀ ಸ್ವಾಮೀಜಿ ಹಾಂಗೆಲೆ° ಗುಣಗಾನ ಸಂತ ಭದ್ರಗಿರಿ ಅಚ್ಯುತದಾಸ ಹಾಂನಿ° ತಾಂಗೆಲೆ° ಗುರುಚರಿತಾಮೃತ ಗ್ರಂಥಾoತು° ದಾಖಲಿಕರಣ ಕೆಲಾಂ: ಶ್ರೀ ಭುವನೇಂದ್ರಾನಿ ವಿಂಚೂನ ಕಾಡಲೆಲೆ ಶ್ರೀ ವರದೇಂದ್ರ ಹಾಂಕಾ° ಭಕ್ತಿಪೂರ್ವಕ ಜಾವನು ವಂದನ ಕರನು ಆಶೀರ್ವಾದ ಫಾವೊ ಕರತಾತ ಕೀ ತಾಂಗೆಲೆ° ಜೀವನ ಧನ್ಯ ಜಾವಚಾಂತು° ಸಂಶಯ ನಾ ಮ್ಹಣಚಾಕ ಎಕ ನಿದರ್ಶನ ತಾಣೆ ದಿಲಾ°: ಎಕ ಪಾವಟಿ ವೇದಮೂರ್ತಿ ನರಸಿಂಹ ಪುರಾಣಿಕ ಹಾಂನಿ° ಕುಟುಂಬ ಸಮೇತ ಯೆವನು ಸ್ವಾಮೀಜಿಲಿ ಸೇವಾ ಕೆಲಿ. ಪಾದಪೂಜೆಚೆ ಉಪರಾಂತ ಗುರುವರ್ಯಾನ ಫಲಮಂತ್ರಕ್ಷಾತ ದಿತನಾ ಪುರಾಣಿಕಾಲೆ ಪೂತು ರಾಮಕೃಷ್ಣಾಕ ಪಳೊವನು ಮುಕಾರ ಹೊ ಎಕು ಪ್ರಭಾವಿ, ವಾಗ್ಮಿ, ತ್ಯಾಗಿ ಜಾವನು ಉಜ್ವಾಡಾಕ ಯೆತಲೊ ಮ್ಹಣು ಪ್ರಸಾದ ದಿಲೊ. ಮುಕಾರ ವಚೂನ ತಾಂನಿ° ಪರ್ತಗಾಳಿ ಜೀವೋತ್ತಮ ಮಠಾಧಿಪತಿ ಪರಮಪೂಜ್ಯ ಇಂದಿರಾಕಾoತ ಸ್ವಾಮೀಜಿ ಜಾವನು ನಾವಾದೀಕ ಜಾಲೆ. ಗುರುವರ್ಯಾಲೆ° ಸಂಗೀತ ಜ್ಞಾನ ಆನಿ ಎಕ ಅದ್ಭುತ ವಿಷಯ ಆಸಾ. ಸ್ವಾಮೀಜಿ ಖೂಬ ಸಂಗೀತ ವಾದ್ಯ° ವಾಜತಲೆ. ವೀಣಾ ವಾಜುಚಾಂತು° ತಾಂನಿ° ಪ್ರಾವೀಣ್ಯತಾ ಫಾವೊ ಕೆಲೆಲಿ. ತ್ಯಾ ಕಾಳಾಚೆ ಪ್ರಖ್ಯಾತ ಸಂಗೀತಜ್ಞಾಕ° ತಿದ್ದುಚೆ ಕರತಲೆ. ಸ್ವಾಮೀಜಿನ ನವೀನ ರಾಗ ಸಂಯೋಜನ ಕರಚೆಂಯೀ ಕೆಲಾ°. ವೇದಜ್ಞಾನ ಆನಿ ನಾದಜ್ಞಾನಾಂಚೆ ಅಪರೂಬಾಯೆಚೆ ಸಂಗಮ ತಾಂನಿ° ಜಾವನು ಆಶಿಲೆ. ಸ್ವಾಮೀಜಿ ಛಾಯಾಗ್ರಹಣಾಂತೂಯಿ ಉಮೇದಿ ದವರನು ಆಶಿಲೆ ಆನಿ ಚಿತ್ರಕಲಾ ಪರಿಣಿತಿ ಫಾವೊ ಕೆಲೆಲಿ. ತಾಂನಿ° ಸೊಡವಾಯಿಲೆ ದೇವಾಂಚೆ° ಆನಿ ಗುರುಂಗೆಲೆ° ತೈಲ ಚಿತ್ರ° ಮಠಾಂತು° ಆಸಾತಿ. ಗುರುವರ್ಯ ಸಂಸ್ಕೃತ, ಕೊಂಕಣಿ, ಕನ್ನಡ, ಮರಾಠಿ, ಮಲಯಾಳಂ, ತೆಲುಗು, ತಮಿಳು, ಹಿಂದಿ, ಗುಜರಾತಿ ಆಶೆ° ಬಹುಭಾಷಾ ಪ್ರವೀಣ ಆಶಿಲೆ. ವಿದೇಶಿ ಭಾಸೊ ಜರ್ಮನ್, ಜಪಾನೀಸ್, ಲ್ಯಾಟಿನ್, ಪೋರ್ಚುಗೀಸ್, ಉರ್ದು ಹಾಂಚೆ° ಜ್ಞಾನಯೀ ತಾಂಕಾ° ಆಶಿಲೆ°. ಖಂಚೆ ಭಾಷೆಚೆ ಪುಸ್ತಕ ವಾಚತಲೆ ತ್ಯಾಚ ಭಾಷೆಂತು° ಟಿಪ್ಪಣಿ ಬರಯತಲೆ. ಆಯುರ್ವೇದ ಶಾಸ್ತ್ರಾಚೆ ಪ್ರಮಾಣೆ ಭಸ್ಮ ಆನಿ ರಸೌಷಧಿ ತಯಾರ ಕರತಲೆ. ವೇದಜ್ಞಾನಾಚೆ ಸಾಂಗತ ತಂತ್ರಜ್ಞಾನಾಚೆ ಸಾಮರಸ್ಯ ಆಸೂಕಾ ಮ್ಹಣು ತಾಂನಿ° ಉಲೊ ದಿತಲೆ. ವೇದಾಂತ ನಾತಿಲೆ ತಂತ್ರಜ್ಞಾನ ಕುರುಡು ಆನಿ ತಂತ್ರ ನಾತಿಲೆ ವೇದಜ್ಞಾನ ಕುಂಟು ಮ್ಹಣತಲೆ. ಬಸ್ರೂರಾಂತು° ಸಚ್ಚಿದಾನಂದ ಮುದ್ರಣಾಲಯ ಸ್ಥಾಪನ ಕೆಲೆಲಿ ಕೀರ್ತಿ ತಾಂಗೆಲಿ ಜಾಔನು ಆಸಾ. ಶ್ರೀಮನ್ಮಧ್ವಾಚಾರ್ಯ ಹಾಂಗೆಲೆ° ಸರ್ವಮೂಲ ಗ್ರಂಥಾoಚೆ° ತಂತ್ರಸಾರ ಸಂಗ್ರಹ, ಕೃಷ್ಣಾಮೃತ ಮಹಾರ್ಣವ, ಸ್ಮೃತಿ ಮುಕ್ತಾವಲಿ ಅಸಲಿ° ಗ್ರಂಥ° ಗುರುವರ್ಯಾಲೆ ತೋಡಾರ ಆಶಿಲಿ°. ಎಕ ಪಾವಟಿ ವಾಚಲ್ಯಾರಿ ಗುರುವರ್ಯಾಲೆ ಸ್ಮೃತಿಂತು° ಆಸತಲೆ°.
ಸ್ವಾಮೀಜಿನ ವೆಗವೆಗಳೆ ಛಂದಸ್ಸು ವೃತ್ತಾಂತ ರಚನ ಕೆಲೆಲೆ ವೇದವ್ಯಾಸಾಷ್ಟಕ, ರಾಮಚಂದ್ರಾಷ್ಟಕ, ಕೃಷ್ಣಾಷ್ಟಕ, ಮಾಲಾಬಂಧ, ನಾಗಬಂಧ, ಚಕ್ರಬಂಧ ಹಾಂತು° ತಾಂಗೆಲೆ ಸಂಸ್ಕೃತ ಪಾಂಡಿತ್ಯ ಪಳೊವಚಾಕ ಮೆಳತಾ. ಎಕ ಪಾವಟಿ ಗುರುವರ್ಯಾಂಕ ತಾಪ ಆಯಿಲೊ. ವೈದ್ಯಾನಿ ನ್ಹಾವಚಾಕ ನಜ ಮ್ಹಳೆಲೆ°. ಜಾಲ್ಯಾರ ತ್ರಿಕಾಲ ಪೂಜಾ ಕರಚಾಂತ ಖಾಂಯ ಲೋಪ ಯುಎವಚೊ ನಾ ಮ್ಹಣು ಸ್ನಾನ ಕರಚಾಕ ಗೆಲೆ. ಪೂಜಾ ಸಂಪಚೆ ತಾಂಯ ಗುರುವಯಾಂಲೊ ದಂಡ ಕಲಕಲತಲೊ. ಉಪರಾಂತ ಗುರುವರ್ಯಾಲೊ ತಾಪ ಚಡ ಜಾಲೊ. ಸ್ವಾಮೀಜಿಲೆ ಹ್ಯಾ ಅತಿಮಾನುಷ ಮಹಿಮಾ ಪಳೊವನು ವೈದ್ಯ ಥರಥರಲೆ.
ಸ್ವಾಮೀಜಿಂಕ ದಾಕ್ಷಿಣ್ಯ ನಾ ಆಶಿಲೆ°, ನಿಷ್ಠೂರ ಧರ್ಮಾಚೆ ಜಾವನು ಆಶಿಲೆ ಆನಿ ಪರಮ ಕಾರುಣ್ಯ ದಾಕಯತಕೆ ಆನಿ ಕ್ಷಮಾ ಸಮುದ್ರ ಆಶಿಲೆ. ಉದಾಹರಣೆಕ ಎಕ ಬ್ರಾಹ್ಮಣು ಕಾಶೀಮಠಾಚಿ ಆಸ್ತಿ ಮೆಗೆಲಿ ಮ್ಹಣು ನ್ಯಾಯಾಲಯಾಕ ವಚೂನ ಸಲವಲೊ. ಉಚ್ಛ ನ್ಯಾಯಾಲಯಾಂತ ಅರ್ಜಿ ಘಾಲನು ತಾಕಾ ಜಯ ಜಾವಕಾ ಮ್ಹಣು ದೇವಾಲಾಗಿ ಮಾಘೂನ ಪ್ರಸಾದ ದಿವಕಾ ಮ್ಹಣು ಸ್ವಾಮೀಜಿ ಲಾಗಿ ಯೆವನು ಮಾಘತಾ. ಸಗಟಾಲ;ಎ ಆಂತರ್ಯ ಪಳಯತಲೆ ಗುರುವರ್ಯಾನ ಖಂಯ ಸತ್ಯ ಆಸಾ ತಂಯ ಜಯ ಮೇಳೊ ಮ್ಹಣು ಪ್ರಸಾಧ ದಿಲೊ. ಪರತೂನ ಸಲ್ವಲೆಲೆ ತಾಕಾ ಮುಕಾವಯಲೆ ದೀವಸಾಂತ ಆಶೀರ್ವಾದ ದಿಲೆಲೆ ಸಹೃದಯಿ ತಾಂನಿ° ಜಾವನು ಆಶಿಲೆ.
ವಿನೋದಾಂತೂಯಿ ಸ್ವಾಮೀಜಿ ಭಕ್ತ ವೃಂದಾಕ ಆನಂದ ದಿತಲೆ. ದೃಷ್ಟಾಂತಾಕ ಮಠಾಚೆ ಶಿಷ್ಯ ವರ್ಗಾಂತ ಹನುಮಂತು ಸ್ನಾನ, ಅನ್ನ, ಪಾನಾಂತು° ನಿಸ್ಸೀಮ. ಮಠಾಂತು° ವ್ಹಿಂವ್ಹಿoಗಡ ತೈಲ° ಆಸಾತಿ, ತೈಲಾಭ್ಯಂಗ ಕರಯಾಂವೆ ಮ್ಹಣು ಸ್ವಾಮೀಜಿನ ಕುಶಾಲೆಕ ಹನುಮಂತಾಕ ವಿಚಾರಲೆ°. ಮಾಕಾ ಹೂನ ಉದಕಾಂತ ನ್ಹಾವಚೆ° ಮ್ಹಳ್ಯಾರ ಪಂಚಪ್ರಾಣ, ಆಟ ಭಾಣ ಉದಾಕ ಆಸಲ್ಯಾರಯಿ ಹಾಂವ° ತಯಾರ ಮ್ಹಣಾಲೊ ತೊ. ಹನುಮಂತಾಕ ತ್ರಿಫಲ, ಧನ್ವಂತರಿ ಆಶೆ° ವೆಗವಗೆಳೆ ತೇಲಾಂತು° ಬೂಡಯಲೊ. ಆಟ ಬ್ಹಾಣ ಉದಾಕಯಿ ತಯಾರ ಆಶಿಲೆ°. ಹೂನ ಉದಕಾಕ ಶೆಳ ಉದಾಕ ಘಾಲೂಂಕ ನಾ ಮ್ಹಣು ತಾಕೀತ ಜಾಲೆ°. ಹೂನ ಉದಾಕ ರಕಯತಾನ ಹನುಮಂತಾನ ನ್ಹಾಂಚೆ ಪಳೊವಚಾಕ ಜಾಯನಾ ಆಶಿಲೆ°. ನ್ಹಾವನು ಜಾತರಿ ಹನುಮಂತಾಕ ವಿಶೇಷ ಜೇವಣ ವಾಳೆ°. ತಾಂತು° ಮರ್ವಾಳೋ ಪಾನಾಚೊ ಪತ್ರಡೊ, ಉಬಟಿ ಆನಿ ಹೇರ ಖಾದ್ಯ ಆಶಿಲಿ°.
ಸ್ವಾಮೀಜಿಲಿ ಮಹಿಮಾ ಅಪಾರ. ಸಾಂಗಿಲೆ ತಿತಲಿ ಆಸಾ. ಶ್ರೀ ಕಾಶೀಮಠಾಚೆ ಸ್ಥಾಪನಾ ಕೆಲೆಲೆ ಶ್ರೀ ವಿಜಯೀಂದ್ರ ತೀರ್ಥ ಹಾಂಗೆಲೊ ಅವತಾರ ಮ್ಹಳ್ಯಾರಿ ಅತಿಶಯೋಕ್ತಿ ಜಾವಚೆ ನಾ. ಕಾಶೀಮಠ ಸ್ಥಾಪನ ಕೆಲೆಲೆ ಪರಮ ಪೂಜ್ಯ ಶ್ರೀಮತ್ ವಿಜಯೀಂದ್ರ ತೀರ್ಥ ಹಾಂನಿ° 64 ವಿದ್ಯೆ ಆಪಣಾಯಿಲೆ. ಗುರುವರ್ಯಾಂಕ ಚೆರಡುವ° ಮ್ಹಳ್ಯಾರಿ ಖೂಬ ಮೋಗು. ಹರ ಪ್ರತೀ ದೀಪಾವಳಿ ಸಂದರ್ಭಾರ ಚೆರಡುವಾಂಕ ವಝನ ವಾಂಟಚೆ° ರಿವಾಜ ಹಾಂನಿoಚಿ ಶುರು ಕೆಲೆಲೆ°.
ಅಮ್ಮೆಂಬಳ ಸುಬ್ಬರಾವ್ ಪೈಕ ಆಶೀರ್ವಾದಪೂರ್ವಕ ಭಾಂಗರಾ ಸರು ಅನುಗ್ರಕ ಕರನು ಕೆನರಾ ಬ್ಯಾಂಕಾಚಿ ಜಾತಕ ಕುಂಡಲಿ ಕರನು ದಿಲ್ಯಾ ಗುರುವರ್ಯಾನ. ಮಂಗಳೂರಚೆ ಕೆನರಾ ಹೈಸ್ಕೂಲಾಚೆ ಭುವನೇಂದ್ರ ಸಭಾಸದನಾಂತು° ಹಾಂಗೆಲೆ "ನಾಗಬಂಧ"ಚೆ ಕೆತ್ತನಾ ಕೆಲೆಲಿ ಆಸಾ. ಉಡುಪಾಚೆ ಶ್ರೀಲಕ್ಷ್ಮೀವೆಂಕಟೇಶ ದೇವಳಾಚೆ ಉಜ್ವೆ ದಿಕ್ಕಾಚೆ ಖಾಂಬೆರಿ ಆಜಿಕಯಿ ಮಾಲಾಬಂಧಾಚೆ ಕೆತ್ತನಾ ಪಳೊವಚಾಕ ಮೇಳತಾ.
1912ತುv ಶ್ರೀಮತ್ ಸುಕೃತೀಂದ್ರತೀರ್ಥ ಸ್ವಾಮೀಜಿಕ ತಾಂಗೆಲೆ ಶಿಷ್ಯ ಸ್ವೀಕಾರ ಕೆಲೆ°. ಆನಂದ ನಾಮ ಸಂವತ್ಸರ ಆಷಾಢ ಶುದ್ಧ ದ್ವಿತೀಯ 24.06.1914 ದೀವಸು ವಾಲ್ಕೇಶ್ವರಾಂತು° ಮಾಧವೇಂದ್ರ ತೀರ್ಥ ಸ್ವಾಮೀಜಿಲೆ ಸನ್ನಿಧಿಂತು° ವೃಂದಾವನಸ್ಥ ಜಾಲೆ.
ವಿಧೀಶ ಮುಖ್ಯೈಃ ವರದೇಶ ದೇವೈಃ ಸಂಪೂಜಿತೇ ವ್ಯಾಸ ರಘೂತ್ತಮಾಂಘ್ರೀ?
ಸಮರ್ಚಿಷುರ್ಯೇತಿ ಮುದಾ ಚ ಭಕ್ತ್ಯಾ ವಂದೇ ಗುರೂಂಸ್ತಾನ್ ವರದೇಂದ್ರತೀರ್ಥಾನ್?22?
ಶ್ರೀಮತ್ಸುಧೀoದ್ರ ಹಾಂಗೆಲೆ ಗುರುಪರಂಪರಾಸ್ತವನಾoತು° ಸಾಂಗಿಲೆ ಮ್ಹಣಕೆ ಸ್ವಾಮೀಜಿ ಬ್ರಹ್ಮ ರುದ್ರಾದಿನಿ ಪೂಜೂಚೆ ವ್ಯಾಸ ರಾಮಾಲೆ ಚರಣಾರವಿಂದಾಕ ಅತ್ಯಂತ ಸಂತೋಸಾನ ಪೂಜಾ ಕರಚೆ ಶ್ರೀ ವರದೇಂದ್ರ ತೀರ್ಥ ಹಾಂಕಾ° ವಂದನ ಕರತಾ°. ಸಾಂಗಚೆ° ಕಸಲೆ° ಮ್ಹಳ್ಯಾರಿ ಗುರುವರ್ಯಾನಿ ಕಾಶೀಮಠ ಸಂಸ್ಥಾನ ಅತ್ಯಂತ ಯೋಗ್ಯ ರೀತಿರಿ ಚಲಾವಸೂನ ಖ್ಯಾತಿ ಪಾವಿಲಿ.
ಕನ್ನಡ ಲೇಖನ ಸಂಗ್ರಹ : ಶ್ರೀಮತೀ ದಿವ್ಯಶ್ರೀ ಜಗದೀಶ ಪೈ ಬಳ್ಳಂಬೆಟ್ಟು
ದಿನಾoಕ: 13.11.2023
ಕೊಂಕಣಿ ಅಣಕಾರ: ವೆಂಕಟೇಶ ಬಾಳಿಗಾ ಮಾವಿನಕುರ್ವೆ
To Support Kodial Khaber click the following button.
ಶ್ರೀ ದೇವಕೀ ಕೃಷ್ಣ ರಾವಳನಾಥ ದೇವಸ್ಥಾನ - ಚಂಡಿಕಾ ಯಾಗ
ಕಾರ್ಕಳ: ಹಾಂಗಾಚೆ ತೆಳ್ಳಾರ ರಸ್ತೆಚೆ ಶ್ರೀ ದೇವಕೀ ಕೃಷ್ಣ ರಾವಳನಾಥ ದೇವಸ್ಥಾನ ಹಾಂಗಾ ನವರಾತ್ರಿಚೆ ಪುನವೆ ದೀವಸ ಶ್ರೀ ದೇವಾಲೆ ಸನ್ನಿಧಿಂತು° ಚಂಡಿಕಾ ಯಾಗ ಚಲೊ. ವೇದಮೂರ್ತಿ ಸಂದೀಪ್ ಭಟ್ ಹಾಂಗೆಲೆ ಮುಖೇಲಪಣಾರಿ ಚಲೆಲೆ ಪೂಜಾ ಕಾರ್ಯಕ್ರಮಾಂತು° ಅನಿತಾ ಅನಿ ಮಂಜುನಾಥ ರಾವ್ ಹಾಂನಿ° ಯಜಮಾನಪಣ ಘೆತಲೆ°. ದೇವಳಾಚೆ ಅರ್ಚಕ ಗಣಪತಿ ಭಟ್ ಹಾಂನಿ° ಶ್ರೀ ರಾವಳನಾಥ ದೇವಾಲೆ ಸನ್ನಿದಿಂತು° ಸಾನಿಧ್ಯ ಹವನ, ದ್ವಾದಶ ಕಲಶಾಭಿಷೇಕ, ಪಂಚಾಮೃತಾ ಅಭಿಷೇಕ ಕರನು ಸಾಮೂಹಿಕ ಪ್ರಾಥನಾ ಕೆಲಿ. ಚಂಡಿಕಾ ಯಾಗಾಚಿ ಪೂರ್ಣಾಹುತಿ ಜಾತರಿ ಕುಮಾರಿ ಪೂಜಾ, ಸುಹಾಸಿನಿ ಪೂಜಾ, ವ್ಹರಾ° ಪೂಜಾ, ಶ್ರೀ ರಾವಳನಾಥ, ಶ್ರೀ ದೇವಕೀ ಕೃಷ್ಣ, ಶ್ರೀ ಗಣಪತಿ ದೇವಾಕ ಮಹಾಪೂಜಾ ಜಾತರಿ ಸಮಾರಾಧನಾ, ರಾತಿ ರಂಗ ಪೂಜಾ, ದೀಪಾರಾಧನಾ, ಫುಲ್ಲಾ ಪೂಜಾ, ಪಾಲ್ಲಂಕಿ ಉತ್ಸವ ಚಲೊ. ದೇವಳಾಚೆ ಆಡಳಿತ ಮಂಡಳಿಚೆ N ಸುಧಾಕರ ಪ್ರಭು, R ಗಣೇಶ ಕಾಮತ್, M ವಸಂತ ಪ್ರಭು, N ರಾಮರಾಯ ಕಾಮತ್, N ವಿನೋದ ಪ್ರಭು ಆನಿ ಪುನವೆ ಸೇವಾದಾರ ವಿವೇಕ ರಾಧಾಕೃಷ್ಣ ಪ್ರಭು, ನಾರಾಯಣ ಕಾಮತ್, ದೇವದಾಸ್ ಕಾಮತ್, ಜಿ ಎಸ್ ಬಿ ಯುವಕ - ಮಹಿಳಾ ಮಂಡಳಿಚೆ ಸಾಂದೆ ಆನಿ ಸಮಾಜ ಭಾಂದವ ಉಪಸ್ಥಿತ ಆಶಿಲೆ.
To Support Kodial Khaber click the following button.
ಜಿ ಎಸ್ ಬಿ ಯುವಕ ಮಂಡಳಿಕ 52 ವರಸ°
ಉಡುಪಿ: ಉಡುಪಿ ಶ್ರೀ ಲಕ್ಷ್ಮೀ ವೆಂಕಟೇಶ ದೇವಸ್ಥಾನಾಚೆ ಜಿ ಎಸ್ ಬಿ ಯುವಕ ಮಂಡಳಿ ಹಾಂಗೆಲಿ 52ವೊ° ವಾರ್ಷಿಕೋತ್ಸವ ಆರತಾ° ಚಲೊ. ಹ್ಯಾ ವೇಳಾರ ಚಲೆಲೆ ವೆಗವೆಗಳೆ ಸ್ಪರ್ಧೇಚೆ ವಿಜೇತಾಂಕ ಇನಾ° ವಾಂಟಪ ಆನಿ ಸಾಂಸ್ಕೃತೀಕ ಕಾರ್ಯಕ್ರಮ ಚಲೆ. ಮಣಿಪಾಲ ಮಾಹೆಚೆ ಮ್ಹಾಲ್ಗಡೆ ಸಹಾಯಕ ಪ್ರಾದ್ಯಾಪಕ ರವೀಂದ್ರ ಶೆಣೈ ಮುಖೆಲ ಸೊಯರೆ ಆಶಿಲೆ. "ಶಿಕ್ಷಣ ಆನಿ ಸಂಸ್ಕಾರ ವ್ಹಿಂಗವ್ಹಿoಗಡ ಆಸಾ. ತರನಾಟೆಂಕ ಸಂಸ್ಕಾರ ದಿವಚೆ° ಜಾವಕಾ, ಹ್ಯಾ ನದರೇನ ವೈದಿಕಾನಿ, ಸಮಾಜ ಭಾಂದವಾನಿ ಆನಿ ದೇವಳಾಚೆ ಆಡಳಿತ ಮಂಡಳಿಚಾನಿ ಮೇಳನು ಯೋಜನಾ ಘಾಲಕಾ" ಮ್ಹಣು ತಾಂನಿ° ಉಲೊ ದಿಲೊ. ದೇವಳಾಚೆ ಆಡಳಿತ ಮೋಕ್ತೆಸರ ಪಿ ವಿ ಶೆಣೈ, ಯುವಕ ಮಂಡಳಿಚೊ ಅಧ್ಯಕ್ಷ ನಿತೇಶ್ ಶೆಣೈ ಆನಿ ಹೇರ ವಾಂಗಡಿ ಉಪಸ್ಥಿತ ಆಶಿಲೆ.
ಉಡುಪಿ ಶ್ರೀ ಲಕ್ಷ್ಮೀ ವೆಂಕಟೇಶ ದೇವಸ್ಥಾನ
ಉಡುಪಿ ಶ್ರೀ ಲಕ್ಷ್ಮೀ ವೆಂಕಟೇಶ ದೇವಳಾಂತು°
ಮುοಡ್ಕೂರು: ಹಾಂಗಾಚೆ ಶ್ರೀ ವಿಠೋಭ ದೇವಳಾಂತು°
ಉದ್ಯೋಗ ಆನೀ ನಿರುದ್ಯೋಗ ಡಾ| ಅರವಿಂದ
18:53:41 ವಿಶ್ವ ಕೊಂಕಣಿ ಕೇಂದ್ರ ‘ಕ್ಷಮತಾ
This application is only for the poor
कोंकणिंतल्या अस्तुरी साहित्याचेर
ಮಂಗಳೂರು: ವಿಶಂತಿ ಸಂಭ್ರಮಾοತು ಆಸಚೆ
ಬೆಂಗಳೂರು: ಹಾಂಗಾಚೆ ಮಲ್ಲೇಶ್ವರಂಚೆ ಗೌಡ
Editorial
ಡಾಕ್ಟರಾಲೆ ಆತ್ಮ ಪರಮಾತ್ಮಾಲೆ ಸಾಂಗತ ವಿಲೀನ ಜಾಲೆ°,,,
ಡಾ. ಜಿ. ಜಿ. ಲಕ್ಷ್ಮಣ್ ಪ್ರಭು ಎಕ ನಾವಾದೀಕ ಡಾಕ್ಟರು ಆಶಿಲೊ. ಯುರಾಲಾಜಿ ತಾಗೆಲಿ ಸ್ಪೇಷಾಲಿಟಿ. ತೊ ಎಕ ಫಾಮಾದ ಡಾಕ್ಟರ್ ನಂತಾ° ಎಕ ಬರೊ ಭಾಷಣಗಾರುಯೀ ಜಾವನು ಆಶಿಲೊ. ಸಾನ ಪ್ರಾಯೆರಿ ತೊ ಜನಾ ಮೋಗಾಳ ಜಾಲೆಲೊ. ತೊ ಅನೀರಿಕ್ಷಿತ ಜಾವನು ಅಂತರಲೊ ಮ್ಹಳೆಲಿ ಖಬರ ಆಯಕತನಾ ಸಾಬಾರ ಲೋಕಾಂಕ ತೆಂ ನಂಬಗೂಚಾಕ ಜಾಯನಿ. ಬ್ಯುಸಿ ಡಾಕ್ಟರ್ ಆಶಿಲೊ ತೊ ಕೆದನಾಯಿ ಕೊಡಿಯಾಲಚೆ ಕೆ. ಎಂ. ಸಿ ಹಾಸ್ಪಿಟಲಾಂತ ಪಳೊವಚಾಕ ಮೆಳತಲೊ. ಸಕಾಳಿ ದಾಕೂನ ಸಾಂಜವೇಳಾ ತಾಂಯ ಆಪರೇಶನ್ ಥಿಯೇಟರಾಚೆ ಸಮವಸ್ತ್ರಾಂತು ತೊ ದಿಸತಲೊ ಮ್ಹಣು ಆಸ್ಪತ್ರೆಕ ಗೆಲೆಲೆ ಸಾಂಗತಲೆ. ತಿತಲೊ ಬ್ಯುಸಿ ಡಾಕ್ಟರ್ ತೊ. ತಾಣೆ ತಾಗೆಲೆ ಪೆಶೆಂಟಾoಕ ಪಳೊವಚಾಕ ಆಸ್ಪತ್ರೆಚೆ ರೌಂಡ್ಸಾರ ವತನಾ ತಾಗೆಲೊ ಹೋಡು ತಾಳೊ ಆಯಕೂನು ತ್ಯಾ ಮ್ಹಾಳ್ಯೆರಿ ಆಸಚೆ ಸಗಟ ರೂಮಾಂತುಲೆ° ಪೇಶೆಂಟಾoಕ ತೊ ಆಯಲೊ ಮ್ಹಣು ಕಳತಲೆ° ಖಂಯ. ಕುಶಾಲ ಉಲೊವನು ಪೇಶೆಂಟಾoಲಿ ಮನೋಸ್ಥಿತಿ ಸಂತೋಸಮಯ ಕರಚೆಂ ತಾಗೆಲಿ ಸವಯ್ ಆಶಿಲಿ.
ನ. 9ಕ ಎಕ ಆಪರೇಶನ ಪೂರ್ಣ ಕರನು ಭಾಯರ ಆಯಿಲೆ ಡಾಕ್ಟರಾಕ ಕಠಿಣ ಹೃದಯಘಾತ ಜಾಲೆ°. ತ್ಯಾ ನಿಮಿತ ತಾಕಾ ತುರ್ತಾನ ಶುಶ್ರುತಾ ಮೇಳಚಾಕ ಸಾಧ್ಯ ಜಾಲೆ°. ತೊ ಐ.ಸಿ.ಯುಂತ 8 ದೀವಸ ಆಶಿಲೊ. ತಾಕಾ ಊಂಛ ಸ್ಥರಾಚೆ ಟ್ರಿಟಮೆಂಟ್ ಮೆಳೆ°. ಜಾಲ್ಯಾರ ದೈವಿಚ್ಛಾ ವ್ಹಿಂಗಡ ಆಶಿಲಿ. ನ.17 ಕ ತಾಗೆಲೆ ದೇಹಾಂತ್ಯ ಜಾಲೆ°.
ಡಾಕ್ಟರಾಕ ಫಕತ 60 ವರಸ°. ಸಾಬಾರ 30 ವರಸಾಚೊ ವೈದ್ಯಕೀಯ ಅಣಭವ. ಡಾಕ್ಟರ ಮ್ಹಣು ನ್ಹಹಿ°, ಆರತಾ° ತರನಾಟೆ ಲೋಕಾನ ಹೃದಯಘಾತ ಜಾವನು ಮರಣ ಪಾವಚಿ ಖಬರ ಆಯಕೂಚೆ° ಚಡ ಜಾಲಾ°. ಸ್ವತ: ಡಾಕ್ಟರ ಆಶಿಲೆ ತಾಕಾ ಖಾಂಯ ಮುನ್ಸೂಚನಾ ಮೇಳನಿ ವೆ ? ತಾಣೆ ತಾತಾವಳಿ ತಾಗೆಲಿ ಆರೋಗ್ಯಾಚಿ ತಪಾಸಣಾ ಕರನು ಆಸಚೆ° ಸಾಧ್ಯತಾ ಆಸಾ. ಎಕ ಫಾಮಾದ ಡಾಕ್ಟರಾಕಚೀ ಅಶಿ° ಜಾಲೆ ಮ್ಹಣತಾನ ಸಾಮಾನ್ಯ ಮನಶಾನ ತಾಗೆಲೆ ಆರೋಗ್ಯಾ ಬದಲ ಕಿತಲಿ ಜಾಗೃತಿ ಘೆವಕಾ ? ಮನಶಾನ ತಾಗೆಲೆ ಆಹಾರ ಪದ್ಧತಿ ಆನಿ ಜೀವನ ಶೈಲಿ ಕಶಿ° ದವರಕಾ ? ವಿಜ್ಞಾನ ಇತಲೆ° ವಾಡಲಾ° ಕೀ, ವಿಜ್ಞಾನಿ ಲೋಕಾ° ಮಧೆಂತೂಚಿ ಆಮಿ ಘೆವಚೆ ವಕದ ಆನಿ ಹೇರ ವಿಷಯಾಚೆರಿ ಚರ್ಚಾ ಜಾವಚೆ° ಆಮಿ ಸೋಶಿಯಲ್ ಮೀಡಿಯಾರಿ ವಾಚತಾತಿ ಆನಿ ಆಯಕತಾತಿ. ಆಮಿ ಘೆತಿಲೆ ಕೋವಿಡ್ ವ್ಯಾಕ್ಸಿನಾ ಬದಲಯಿ ಸಂದೇಹ ಉಲಯತಲೆ ಆಸಾತಿ. ಆಶೆ° ಸಾಬಾರ ಸವಾಲಾ° ಆಮಗೆಲೆ ಮುಕಾರ ಆಸಾತಿ.
ಆಹಾರ ಪದ್ಧತಿ ಬದಲ ಖೂಬ ಚರ್ಚಾ ಜಾತಾ ಆಸಾ. ಆರತಾ° ಕ್ರಿಕೇಟರ್ ಕೊಹ್ಲಿನ ತಾಗೆಲೆ ಆಹಾರ ಪದ್ಧತಿ ಬದಲ ಸಾಂಗಿಲೊ ಎಕ ವಿಡೀಯೊ ಪಳೊವಚಾಕ ಮೆಳೊ. ತಾಂತು° ತೊ ಕಾರ್ಬ್ಸ ಊಣೆ ಕರಚೆ°, ಪ್ರೊಟಿನ್ ಚಡ ಕರಚೆ°, ಗೀನ್ ವೇಜಿಟೆಬಲ್ಸ್ ಖಾವಚೆ°, ಲೋಣಿ - ತುಪ ಖಾವಚೆ° ಸಾಂಗತಾ. ತಾಗೆಲೆ ಉತ್ರ° ಆಯಕತನಾ ಆಮಗೆಲೆ ಥೊಡೆ ಇಷ್ಟ ಲೋಕಾನ ಆಶೆ° ಕರಚೆ° ಚೂಕಿ ನ್ಹಹಿ° ಮ್ಹಣು ದಿಸತಾ. ಆಮಿ ಪ್ರಯತ್ನ ಕರನು ಪಳೊವಯೆತ ಮ್ಹಣು ಭೊಗತಾ. ದೀವಸಾಕ ಉಣೆನಾ 30 ಮಿನೀಟ್ ಚಮಕಲೆರಿ ಬರೆ° ಮ್ಹಣು ಹರ ಎಕಲೊ ಡಾಕ್ಟರು ಸಾಂಗತಾ. ಆಮಗೆಲೆ ತರನಾಟೆನಿ ಸುತಾ ಸಾನ ಪ್ರಾಯೇರಿಚಿ ಆಹಾರ ಪದ್ಧತಿ ಸಮ ಕರನು ಜೀವನ ಶೈಲಿ ಸಮ ಕರಚಾಕ ಪ್ರಯತ್ನ ಕರಕಾ.
ಡಾಕ್ಟರ್ ಜಿ. ಜಿ. ಲಕ್ಷ್ಮಣ್ ಪ್ರಭು ಬರೊ ಡಾಕ್ಟರು ಆನಿ ಭಾಷಣಗಾರ ನಂತಾ° ಎಕ ಕವಿ ಸುತಾ ಆಶಿಲೊ. ತಾಣೆ ಕನ್ನಡ ಭಾಶೆನ ಖೂಬ ಕವಿತಾಂ ರಚನ ಕೆಲಾಂ ಮ್ಹಣು ತಾಣೆ ದೇವಾದಿನ ಜಾತರಿಚಿ ಲೋಕಾಂಕ ಕಳೆ°. ತಾಣೆ ಆರತಾ° ಎಕ ಸಮಾರಂಭಾoತ ಪ್ರಸ್ತುತ ಕೆಲೆಲೆ ಭಾಷಣ ಖೂಬ ವೈರಲ್ ಜಾಲಾ°. ತಾಂತು° ತೊ ಆತ್ಮ ಆನಿ ಪರಮಾತ್ಮಾ ವಿಷಯಾರಿ ಉಲಯತಾ.
"ಕ್ರಷ್ಣಾನ ಸಾಂಗಲ್ಯಾ ಮ್ಹಣಕೆ ಪರಮಾತ್ಮಾಲೆ ಮ್ಹಣಕೆ ಆತ್ಮಾಕಯೀ ಆದಿ ನಾ ಯಾ ಅಂತ್ಯ ನಾ, ಮ್ಹಳ್ಯಾರಿ ಮರಣ ನಾ" ಮ್ಹಣು ತ್ಯಾ ಭಾಷಣಾಚೆ ಶುರುವಾತಾರಿ ಡಾಕ್ಟರು ಸಾಂಗತಾ. ಆಮಿ ಜೀವನಾಂತು° ಆಮಗೆಲೆ ಕರ್ತವ್ಯ ಕರಕಾ, ಕರತನಾ ಆಮಕಾ ಜಯ ಮೇಳತಾ ಯಾ ಸೋಲು ಮೇಳತಾ. ಆಮಗೆಲೆ ವಿಷಯಾರಿ ಕೋಣ ಕಸಲೆ° ಚಿಂತಾ ಕರತಾ ಮ್ಹಣು ಆಮಿ ಮನಾಂತ ದವರನು ಕರ್ತವ್ಯ ಕರಚೆ° ಕಷ್ಟ ಜಾತಾ. ತಸಲೆ ಮನೋಸ್ಥಿತಿರಿ ತುಮಿ ಕರ್ತವ್ಯ ಕರಚೆ° ಸುಲಭ ಜಾಯನಾ ಆನಿ ಕರಚೆ ಕರ್ತವ್ಯಾಕ ನ್ಯಾಯ ದಿವಚಾಕ ಜಾಯನಾ ಮ್ಹಣು ತೊ ಸಾಂಗತಾ.
ಮುಕಾರ ತೊ ಅಶೆ° ಸಾಗತಾ ಕೀ, ಎಕ ಪಾವಟಿ ತಾಗೆಲೆ ಪ್ರೋಫೆಸರಾನ ಸಾಂಗಿಲೆ° ಖಂಯ, ತುವ° ತುಗೆಲೆ ವೃತ್ತಿಂತು° ಪ್ರಚಾರ ಘೆವಚಾಕ ಯಾ ನಾವಾದೀಕ ಜಾವಚಾಕ ಆಯಿಲೊ ನ್ಹಹಿ°. ತುಗೆಲೆ ಮನಾಕ ಖಂಚೆ ಸಮ ಮ್ಹಣ ದಿಸತಾ ತ್ಯಾ ಪ್ರಮಾಣೆ ಮಾನವಿಯತಾ ದೃಷ್ಠಿ ದವರನು ಕರ್ತವ್ಯಪಾಲನ ಕರಿ. ಕೋಣಾಕ ಅಭಿಮಾನ ಆಸಾಕೀ ತಾಗೆ ಲಾಗಿ ಮಾನವೀಯತಾ ಆಸತಾ. ಕೋಣಾಕಯಿ ಖುಷಿ ಕರಚಾಕ ಕರ್ತವ್ಯ ಕರಚಾಕ ಜಾಯನಾ. ಅಹಂ ಸೋಡಕಾ, ಶರೀರ ಆನಿ ಪ್ರಾಪಂಚಿಕ ವಸ್ತು ಸೋಡಚೆ° ಕರಕಾ. ಶರೀರ ಆನಿ ಹೇರ ವಸ್ತು ಆಮಗೆಲೊ ನ್ಹಹಿ° ಮ್ಹಣು ಚಿಂತಲ್ಯಾರಿ ಸಹಜ ಜಾವನು ಆಮಿ ಸ್ವತಂತ್ರ ಜಾತಾತಿ. ಆತ್ಮ ವ್ಹಂವಚಾಕ ಶರೀರ ಶಿವಾಯ, ಶರೀರ ವ್ಹವಂಚಾಕ ಆತ್ಮ ನ್ಹಹಿ° ಮ್ಹಳೆಲೆ ಉಡಗಾಸ ದವರಕಾ. ಆತ್ಮಾನ ಶರೀರ ವ್ಹಂವಚಿ ಪರಿಸ್ಥಿತಿ ಆಯಲ್ಯಾರಿ ಶರೀರ ಸೋಡಕಾ ಮ್ಹಣು ತೊ ಸಾಂಗತಾ.
ಆರೋಗ್ಯ ಸಾಂಬಾಳಚಾಕ ಕಸಲೆ° ಕರಕಾ ಮ್ಹಣೂಯಿ ಡಾಕ್ಟರಾನ ತಾಗೆಲೆ ಭಾಷಣಾಂತು° ಸಾಂಗಲಾ°. ಜೀವನಾಂತು° ಚಲನ, ಭೋಜನ, ಶಯನ ಆನಿ ಪ್ರಕೃತಿ ವೀಲಿನಾಚೆ ಬದಲ ಜ್ಞಾನ ಆಸೂಕಾ ಮ್ಹಣು ತೊ ಸಾಂಗತಾ.
ಆಮಿ ಕೆದನಾಯಿ ಚಲನಶೀಲ ಆಸೂಕಾ. ಚಲಚನಶೀಲತಾ ಮ್ಹಳ್ಯಾರಿ ಜೀವಂತ ಆಸಾತಿ ಮ್ಹಣಚೆ ಸೂಚನಾ. ತ್ಯಾ ನಿಮಿತ ಪ್ರಾಯ ಜಾಲೆಲ್ಯಾನಿ ಜಾಲೆ ತಿತಲೆ ಚಮ್ಕೂಚೆ° ಕರಕಾ. 60 ವರಸ° ಜಾತರಿ ಎಕ ವಾಕಿಂಗ್ ಸ್ಟಿಕ್ ದ್ಹರನು ಚಮಕೂಚೆ° ಬರೆ° ಮ್ಹಣು ತೊ ಡಾ. ಟಿ. ಎ. ಎ. ಪೈಲೆ ಉದಾಹರಣ ದಿತಾ.
ದುಸ್ರೆಂ, ಭೋಜನ. ತರನಾಟೆ ಆಸತನಾ ಫಾತೋರ ಖಾವನು ಜೀರ್ಣ ಕರಚಿ ಶಕ್ತಿ ಆಸತಾ. ಪ್ರಾಯ ಜಾತಾನ ತೀ ಶಕ್ತಿ ಊಣೆ ಜಾತಾ. ತಶಿಂ ಮ್ಹಣು ಕಸಲೆಂಯಿ ಸೊಡಚೆಂ ನ್ಹಹಿಂ. ನ್ಯೂಟ್ರಿಶಿಯನ್ ಮ್ಹಳ್ಯಾರಿ ಹೈ ಫೈಬರ್ ಆಸೂಕಾ, ಉದಾಕ ಪಿವಕಾ, ಲಾಯಕ ಕರನು ನಿದೋಕಾ. ಎಕ ಲೇಖಾ ಪ್ರಮಾಣೆ 8 ಗಂಟೊ ಕಾಮ ಕರಕಾ, 8 ಗಂಟೊ ಕುಟುಂಬಾಕ ದೀವಕಾ ಆನಿ 8 ಗಂಟೊ ನಿದೋಕಾ. ವಗೀ ನಿದೊಚೆಂ ಆನಿ ವಗೀ ಉಟಾಚೆ° ಕರಕಾ. ಪ್ರಕೃತಿ ಸಾಂಗತ ಮೆಳಚೆ° ಕರಕಾ. ಅನೈಸರ್ಗಿಕ ವಸ್ತು ದೂರ ದವರಕಾ. ಮೊಬೈಲ್ ಆನಿ ತಸಲೆ ಹೇರ ವಸ್ತು ದೂರ ಕರಚೆ°, ಖಂಚೆಯ ಗಾರ್ಡನಾಕ ವಚೆ° ಹಾಕಾ ಉದಾಹರಣ ಜಾತಾತಿ. ಪ್ರಕೃತಿ ಮಾತೆಲೆ ಸಾಂಗತ ಮೇಳನು ಆಸಚೆಂ ಅತ್ಯಂತ ಪ್ರಮುಖ ಜಾತಾ.
ಆಯಚೆ ದೀಸಾಂತ ಸಂಭoದ ಚೂಕುನ ವಚೆ° ಸಾಮಾನ್ಯ ಜಾಲಾ°. ಸಂಭoದ ವರೊನ ಹಾಡಚೆ° ಕರಕಾ. ದೋಸ್ತ ಮ್ಹಳಯಾರಿ ಕಾನ್ನಡಿ ಶೆಂ ಆಸತಾತಿ. ಮುಖಸ್ತುತಿ ಕರತಲೆ ನ್ಹಹಿ°. ಕೇದನಾಯಿ ಸಂಭoದ ಉದಾಕಶೆ° ಆಸೂಕಾ. ಉದಾಕ ಪಾರದರ್ಶಕ ಆಸತಾ. ತಾನಿ ನಿವಯತಾ. ಆಮಿ ತಶೀಂಚಿ ಜಾವಕಾ. ತ್ಯಾ ನಿಮಿತ ಜೀವನಾಂತು° ಚಲನ, ಭೋಜನ, ಶಯನ ಆನಿ ಪ್ರಕೃತಿ ವೀಲಿನಾಚೆ ಬದಲ ಚಡ ಮಹತ್ವ ದೀವಕಾ. ತ್ಯಾಚ ವೇಳಾರ ಸ್ನೇಹ ಪರಿಪಾಲನ ಕರಚೆ° ಕರಕಾ ಮ್ಹಣು ಸಾಂಗೂನು ತಾಣೆ ತಾಗೆಲೆ ಭಾಷಣ ಆಖೇರಿ ಕೆಲೆಲೆಂ ಆಸಾ.
ತಾಣೆ ಭಾಷಣಾಂತು° ಕಸಲೆ° ಸಾಂಗಲಾ° ತೆ° ತಾಣೆ ಜೀವನಾಂತು° ಪರಿಪಾಲನ ಕೆಲಾ° ಮ್ಹಣಯೆತ. ತಾಗೆಲೆ ಬದಲ ತಾಗೆಲೆ ದೋಸ್ತಾನಿ, ಪೇಶೆಂಟಾನಿ ಆನೆ ಹೇರಾನಿ ಸೋಶಿಯಲ್ ಮೀಡಿಯಾರಿ ಫಾಯಸ ಕೆಲೆಲೆ ಸಂದೇಶ ಪಳೊವನು ಆಶೆಂ ಸಾಂಗಚಾಕ ಜಾತಾ.
ಡಾಕ್ಟಾçಲೊ ಮ್ಹಾಂತು ಜಿ. ಜಿ. ವಾಸುದೇವ ಪ್ರಭು ಹಾಂನಿ° ಮಂಗಳೂರಾoತು° ಕೊಂಕಣಿ ಭಾಶೆ ಖಾತೀರ ಸೇವಾ ದಿವಚೆ ನದರೇನ 1981ತು° ಶುರು ಕೆಲೆಲೊ ಸಂಸ್ಥೊ ಕೊಂಕಣಿ ಸಾಂಸ್ಕೃತೀಕ ಸಂಘ ಆಜಿಕಯೀ ತೀ ಸೇವಾ ದಿವೂನ ಆಸಾ. ಸಂಘಾನ ಆಪಯಿಲೆ ತೇದನಾ ಜಿ. ಜಿ. ಲಕ್ಷ್ಮಣ್ ಪ್ರಭು ಯೆವನು ತಾಂಕಾ° ಮಾರ್ಗದರ್ಶನ ದಿತಲೊ. ಉತ್ತಮ ವೈದ್ಯ, ವಾಘ್ಮಿ, ಸಂಘಟಕ, ಸಾಹಿತಿ ಆನಿ ಬರೊ ಮನಿಸ್ ಆಶಿಲೆ ತಾಂಗೆಲೆ ಆತ್ಮಾಕ ಶಾಂತಿ ಮಾಘೂಯಾ°.
Shabdvihar
ಕೋತಂಬರಿ. ಕೊತ್ತಂಬರಿ, ದ್ಹನಿಯಾ
ಸುಕ್ಯಾಕ ಉಡಿದು ಕೋತಂಬರಿ ಬಾಜೂನು ಘಾಲತಾತಿ. ಕಾಫೀ ಬದಲಾಕ ಥೂಡೊ ಲೋಕು ಕೊತಂಬರೀ ಕಷಾಯ ಕರನು ಪೀತಾತಿ. ಹೇ ಉದ್ಘೃತ ವಾಕ್ಯಾಂತು ಕೋತಂಬರಿ ಮ್ಹಣಚೊ ಜೋ ಏಕು ಶಬ್ದು ವಾಪರಲಲೊ ಆಸಾ ತೇ ಶಬ್ದಾಚೆ ವ್ಯುತ್ಪತ್ತಿ ಸಮಜೂವ್ಯಾಂ.
ಕೋತಂಬರಿ ಹೋ ಏಕ ಸಾಂಬಾರ ವಸ್ತು ಜಾವನು ಆಸಾ. ಅನೀಕ ತೇ ವಾಪಾರಲೇಲಿ ರಂದಾಯೇಚಿ ರೂಚಿಯಿ ಆಮಕಾ ಜಾಣ ಆಸಾ. ಹೋ ಶಬ್ದು ಸಂಸ್ಕೃತ ಭಾಶೆಚೊ ಕುಸ್ತುಂಬರಿ ಮ್ಹಣಚೆ ಶಬ್ದಾಚಿ ತದ್ಬವ ರೂಪ ಜಾವನು ಆಸಾ. ಕುಸ್ತುಂಬರೀ ಮ್ಹಣಚೊ ಹೋ ಶಬ್ದು ತದ್ಭವ ಜಾತನಾ ಶಬ್ದಾಚೆ ಪಯಲೆ ಅಕ್ಷರ ಕು ಮ್ಹಣಚೊ ಕೊ ಜಾತ್ತಾ ಅನಿಕ ದೊನಿಂಚೆ ವಿಜಾತೀಯ ಸಂಯುಕ್ತಾಕ್ಷರ ಸಜಾತೀಯ ಸಂಯುಕ್ತಾಕ್ಷರ ಜಾತಾ. ಮ್ಹಳ್ಯಾರ ಸ್ತು ಅಶಿಲೆ ತ್ತು ಜಾತಾ. ಅಶೆಂ ಕುಸ್ತುಂಬರಿ ಆಶಿಲೊ ಶಬ್ದು ಕುತ್ತುಂಬರೀ ಜಾತಾ. ಕೊಂಕಣಿ ಭಾಶೆಂತು ಶಬ್ದಾಚೆ ಪಯಲೆ ಅಕ್ಷರ ಓಕಾರ ಸಹಿತ ಉಚ್ಛಾರ ಕರಚೇ ನಿಮಿತ್ತ ಕುತ್ತುಂಬರಿ ಆಶಿಲೆ ಕೊತ್ತಂಬರಿ ಮ್ಹಣು ಜಾಲ್ಲಾ. ಶಬ್ದಾಂತೂಲೇ ಪಯಲೇ ಅಕ್ಷರ ದೀರ್ಘ ಅಸಲ್ಯಾರ ತಾಜೆ ಮುಖಾವಯಿಲೇ ಅಕ್ಷರ ಸಂಯುಕ್ತಾಕ್ಷರ ಆಶಿಲೆ ಏಕಾಕ್ಷರ ಜಾತಾ ಕೊತ್ತಂಬರಿ -> ಕೋತಂಬರೀ
ಕೋತಂಬರಿಕ ಧನಿಯಾ ಮ್ಹಣೂಯಿ ಸಾಂಗತಾತಿ. ಧನಿಯಾ ಮ್ಹಣಚೊ ಶಬ್ದು ಸಂಸ್ಕೃತ ಭಾಶೆಚೊ ಧನ್ಯಾಕ, ಧನಿಕಾ ಮ್ಹಣಚೆ ಶಬ್ದಾಚೆ ತದ್ಭವ ರೂಪ ಜಾವನು ಆಸಾ. ಧನ್ಯಾಕ ಮ್ಹಣಚೊ ಶಬ್ದು ತದ್ಬವ ರೂಪ ಜಾತಾನಾ ಶಬ್ದಾಂತೂಲೇ ವಿಜಾತೀಯ ಸಂಯುಕ್ತಾಕ್ಷರಾಂತೂಲೆ ಯ ಕಾರ ಲೋಪ ಜಾತ್ತಾ. ಧನಾಕ ಮ್ಹಣು ಜಾವನು ಧನಿಯಾ ಮ್ಹಣು ಜಾಲಾ. ಆನಿ ಧನಿಕಚೆ ತದ್ಭವ ರೂಪ ಮ್ಹಣು ಜಾಲ್ಯಾರ ಶಬ್ದಾಚೇ ಅಂತಿಮ ಅಕ್ಷರ ಕಾ ಮ್ಹಣಚೆ ಪಯಲೆೆ ಕ ವ್ಯಂಜನ ಲೋಪ ಜಾವನು ಆ ಮ್ಹಣು ಉರತಾ. ಆನೀ ತೇ ಆ ಯಾ ಜಾವನು ಧನಿ ಕಾ ಧನಿ ಆ ಧನಿಯಾ ಜಾತಾ.
An Appeal to the members of the GSB Community
जेसन पींत, SDB, उद्यावर, उडुपी (MA कोंकणी)
ಕೊಡಿಯಾಲ ಖಬರ ಸಾನ ಕಾಣಿಯೊ ಬರೊವಚೆ ಸ್ಪರ್ಧೆಂತು°
ಪರಬೆಕ ತಿಸ್ರೆ ಲ್ಹಾರಾಚೆ ಭಯ ವಿಶ್ವಾಕಚ ಕರೋನಾಚೆ ಭಯ
ನವೆಂಬರ ಮ್ಹಯನೊ ಸರನು ದಶಂಬರ ಪಾವಚೆ ಸಂದರ್ಭಾರ ಲೋಕಾಂಕ
ಅಮ್ಚಿಗೆಲೆ ಪರ್ಬೆ ರಾಂದಪ ಅಮ್ಚಿ ರಾಂದಪ ಭಾರಿ ಸುಲಭಗೊ
ಪ್ರಾಕ ದಕೂನು ಪ್ರಸ್ತೂತಾಕ ಎತ್ತಾನ ಅಮ್ಗೆಲೆ ಖಾಣಜವಣ,
ಶ್ರಾವಣ ಮಾಸು ಆನಿ ಚೂಡಿ ಪೂಜಾ ಅಶ್ಶಿ ತಶ್ಶಿ ಪೊಳೊಚೆ
ಮನು ಕುಲ ಕಳನು ಕೀ ಕಳನಾಶಿ° ಚೂಕಿ ಕೆಲ್ಲಾರಿ ಆವಸು
कोरोना महामारी भारताक येवनु ६ महिने जाले.
ಗುಜರಾತ ರಾಜ್ಯಂತು ಸಾಬಾರ ಸಂಖ್ಯೆರಿ ಜೈನ ಸಮುದಾಯ ಭೊ
Well Wishers
Most Read
- “ದಕ್ಷಿಣದ ಸಾರಸ್ವತರು”
- ಆಧುನಿಕ ಮಹಾಭಾರತ
- कन्याकुमारिच्या स्वामी विवेकानंद स्मारकाक ५० वरसां
- ರಚನಾ...
- ಕುದ್ಮುಲ ರಂಗರಾವ್
- ಸತ್ಯನಾರಾಯಣ ಪೂಜಾ
- ಘರ ಏಕ್ ದೇವುಳ
- कोरोनान शिकयिलो पाठ
- तुळशी काट्टो
- ವಾಯು ದಳಾಂತು ಕೊಂಕಣಿ ಮಹಿಳಾ ರಶ್ಮಿ ಭಟ್
- ಜುನಾಗಢ್
- GSB Scholarship League Application
- ವಿಧಿ ಲಿಖಿತ
- ಘರ ಏಕ್ ದೇವುಳ -2
- ಮಸೀಂಗ
- ಹುಂಬರು (ಉಂಬರು)
- 'ಮಹಾ ಸರಕಾರ"
- ತಾಕೀತ (ತಾಕೀದ)
- भारताचे अमृत स्वातंत्र महोत्सवाचे पांच अमृत घडियो
- स्वावलंबन आनी आत्मविश्वास
- ಗುಜರಾತ - ಪಾಲಿಟಾನಾ
- ಶಿಕ್ಷಣ ಕ್ಷೇತ್ರಾಕ ಗ್ರಹಣ
- ಉದ್ಯೋಗ ಆನೀ ನಿರುದ್ಯೋಗ
- ಗಾಂಧೀಜಿ ಆನಿ ಆತ್ಮನಿರ್ಭರತಾ
- अस्तंगत जाल्यो कोंकणीचे मळबांतलीं दोन जगमगी नकेत्रां
- ಅಕಾಲಿಕ ಪಾವಸಾ ಮಧೆ ಮಾಲಿನ್ಯ ! - ಅರವಿಂದ ಶಾನಭಾಗ, ಬಾಳೆರಿ
- ಅಂತರಾಷ್ಟ್ರೀಯ ವನಿತಾ ದಿವಸು
- ವಿಶ್ವ ಕೊಂಕಣಿ ಕೇಂದ್ರ ‘ಕ್ಷಮತಾ ಅಕಾಡೆಮಿ’ 2021
- SUKRTINDRA ORIENTAL RESEARCH INSTITUTE
- ಲಾಕ್ಡೌನ್
Homage
Who is Online?
We have 34 guests and no members online