Displaying items by tag: Udupi
ಕಾರ್ತಿಕ ಏಕಾದಶಿ, ಉತ್ಥಾನ ದ್ವಾದಶಿ, ಭಜನಾ ಏಕಾಹ ಆನಿ ವಿಶ್ವ ರೂಪ ದರ್ಶನ
ಮೂಡುಬಿದಿರೆ: ಉತ್ಥಾನ ದ್ವಾದಶಿ ಪ್ರಯುಕ್ತ ಮೂಡುಬಿದಿರೆಚೆ ಮೂಡುವೇಣುಪುರ ಶ್ರೀ ವೆಂಕಟರಮಣ ದೇವಳಾಂತು° ತುಳಸಿ ಪೂಜಾ ಚಲಿ.
ಮಲ್ಪೆ: ಹಾಂಗಾಚೆ ಶ್ರೀ ರಾಮ ಮಂದಿರ, ಜಿ. ಎಸ್. ಬಿ. ಸಮಾಜ ಯುವಕ, ಮಹಿಳಾ ಮಂಡಳಿಚೆ ಜೋಡಾಶ್ರಯಾರಿ ಕಾರ್ತಿಕ ಮಾಸಾಚೆ ಏಕಾದಶಿ ದೀವಸು ಭಜನಾ ಕಾರ್ಯಕ್ರಮ ಆನಿ ರಾತಿ ಶ್ರೀ ದೇವಾಲೆ ಸನ್ನಿಧಿಂತು° ಹಜಾರಾನಿ ಸಂಖ್ಯಾನಿ ಪಣತಿ ಲಾವನು ವಿಶ್ವ ರೂಪ ದರ್ಶನ ದರ್ಶನ ಜಾಲೆ°. ವಿಶೇಷ ಆಕರ್ಷಣ ಜಾವನು ಶ್ರೀ ರಾಮ ದರ್ಶನ, ವೀರ ವಿಠಲ, ರಂಗೋಲಿ, ಫುಲ್ಲಾ ರಂಗೋಲಿ, ದಿವಯಾನ ರಚನ ಕೆಲೆಲೆ ಓಂ, ಸ್ವಸ್ತಿಕ್, ಶಂಖ ಚಕ್ರ ಪಳೊವಚಾಕ ಮೆಳೆ°.
ಉಡುಪಿ: ಹಾಂಗಾಚೆ ಶ್ರೀ ಲಕ್ಷ್ಮೀ ವೆಂಕಟೇಶ ದೇವಸ್ಥಾನ ತೆಂಕಪೇಟೆ ಉಡುಪಿ ಹಾಂಗಾ ಕಾರ್ತಿಕ ಮಾಸಾಂತು° ಸಕಾಳಿ ಪಾಂಚ ಗಂಟ್ಯಾಕ ಪಶ್ಚಿಮ ಜಾಗರ ಪೂಜಾ, ಸುಪ್ರಭಾತ, ಕಾಕಡ ಆರತಿ, ಶ್ರೀ ದೇವರ ಸನ್ನಿಧಿಂತು° ಹಜಾರಾನಿ ಸಂಖ್ಯಾನಿ ಪಣತಿ ಲಾವನು ವಿಶ್ವ ರೂಪ ದರ್ಶನ ಚಲೆ°. ಹ್ಯಾ ವರಸ ವಿಶೇಷ ಜಾವನು ಶ್ರೀ ರಾಮ ದರ್ಶನ , ಶ್ರೀ ಮಹಾಲಕ್ಷ್ಮೀ, ಶಿವ ಲಿಂಗ ದರ್ಶನ, ಹರೇ ಶ್ರೀನಿವಾಸ, ರಂಗೋಲಿ ಪಳೊವಚಾಖ ಮೆಳೆ°. ಪ್ರಧಾನ ಅರ್ಚಕ ವಿನಾಯಕ ಭಟ್ ಹಾಂನಿ° ಪೂಜಾ ಕೆಲಿ. ಆಡಳಿತ ಮೊಕ್ತೇಸರ ಪಿ. ವಿ. ಶೆಣೈ, ಆಡಳಿತ ಮಂಡಳಿಚೆ ಸಾಂದೆ ಗಣೇಶ್ ಕಿಣಿ, ರೋಹಿತಾಕ್ಷ ಪಡಿಯಾರ್, ವಸಂತ್ ಕಿಣಿ, ವಿಶ್ವನಾಥ್ ಭಟ್, ನಾರಾಯಣ ಪ್ರಭು ಆನಿ ನರಹರಿ ಶೆಣೈ ವಿಶಾಲ್ ಶೆಣೈ, ನಾಗೇಶ್ ಪೈ, ಭಾಸ್ಕರ್ ಶೆಣೈ, ಪ್ರದೀಪ್ ರಾವ್, ಮಟ್ಟಾರ್ ಸತೀಶ್ ಕಿಣಿ, ಸುರೇಶ ಭಟ್, ದಯಾಘಾನ್ ಭಟ್, ರವೀಂದ್ರ ಭಟ್, ದೀಪಕ್ ಭಟ್, ಜಿ.ಸ್.ಬಿ. ಯುವಕ ಮಂಡಳಿ, ಮಹಿಳಾ ಮಂಡಳಿ ಸಾಂದೆ ಆನಿ ಸಮಾಜ ಭಾಂದವ ಉಪಸ್ಥಿತ ಆಶಿಲೆ.
ಭದ್ರಗಿರಿ: ಹಾಂಗಾಚೆ ಶ್ರೀ ವೀರವಿಠ್ಠಲ ದೇವಸ್ಥಾನಾಂತು° ಕಾರ್ತಿಕ ಏಕಾದಶಿ ಪ್ರಯುಕ್ತ ಅಖಂಡ ಭಜನಾ ಏಕಾಹ ಮಹೋತ್ಸವವು ಚಲೊ. ಶ್ರೀ ದೇವತಾ ಪ್ರಾರ್ಥನಾ ಆನಿ ದೀಪ ಪ್ರಜ್ವಾಲನ ಕರನು ಸಕಾಳಿ ಭಜನಾ ಕಾರ್ಯಕ್ರಮ ಶುರು ಜಾಲೊ. ಆಡಳಿತ ಮೊಕ್ತೇಸರ ಭದ್ರಗಿರಿ ಪಾಂಡುರοಗ ಆಚಾರ್ಯ, ಗೌರಾವಾಧ್ಯಕ್ಷ ನಾಗರಮಠ ಮಂಜುನಾಥ ನಾಯಕ್, ಆಡಳಿತ ಆನಿ ವಿಶ್ವಸ್ಥ ಮಂಡಳಿಚೆ ಸಾಂದೆ ಸತೀಶ ಕಿಣಿ ಬೆಳ್ವೆ, ಪ್ರಭಾಕರ ಭಟ್, ಗಣೇಶ ಪೈ ಪರ್ಕಳ, ಉದಯ ಪಡಿಯಾರ್, ಮಹೇಶ ಆಚಾರ್ಯ, ಗಿರಿಧರ ರಾವ್, ಭದ್ರಗಿರಿ ವೀರವಿಠ್ಠಲ ಭಜನಾ ಮಂಡಳಿಚೆ ಸಾಂದೆ ಕೆ ಸಿ ಪ್ರಭು, ಸಿ. ಕೃಷ್ಣ ಪೈ, ಕೆ.ಪಿ.ಕಿಣಿ ,ಪುಷ್ಕರ್ ಭಟ್, ಪುರೋಹಿತ ವೇದಮೂರ್ತಿ ಕಲ್ಯಾಣಪುರ ಕಾಶೀನಾಥ ಭಟ್ ಆನಿ ಅರ್ಚಕ ಸದಾನಂದ ಆಚಾರ್ಯ ಆನಿ ಭಜಕ ಲೋಕ ಉಪಸ್ಥಿತ ಆಶಿಲೆ. ಅಖಂಡ ಭಜನಾ ಮಹೋತ್ಸವಾಂತು° ಗಾಂವ ಪರಗಾಂವಚೆ 14 ಭಜನಾ ಮಂಡಳಿನಿ ವಾಂಟೊ ಗೆತಲೊ. ಸಾಂಜವೇಳಾ ದೀಪೋತ್ಸವ ಆನಿ ರಾತಿ ಪ್ರಸನ್ನಪೂಜಾ ಜಾವನು ಭಜನಾ ಮಂಗಲೋತ್ಸವ ಸಂಪನ್ನ ಜಾಲೊ.
ಪಟ್ಲ ಯು. ಎಸ್. ನಾಯಕ್ ಪ್ರೌಢ ಶಾಳೆಕ ಬಸ್ಸ ಭೇಂಟ
ಉಡುಪಿ: “ಕನ್ನಡ ಮಾಧ್ಯಮ ಶಾಳೆಂಕ ಸರಕಾರ, ಅಧ್ಯಾಪಕ, ಗಾಂವοಚೆ ಲೋಕ ಆನಿ ಚರೆಡುವಾಂನಿ ಮೇಳನು ಉತ್ತಮ ಶಿಕ್ಷಣ ದೀವಚೆ° ಪ್ರಯತ್ನಚೀ ಖರೆ° ಅರ್ಥಾರಿ ರಾಜ್ಯೋತ್ಸವ ಮ್ಹಣೋನ ಘೆತಾ. ಸರಕಾರಾನ ನಿರ್ಲಕ್ಷ್ಯ ದಾಕಯಿಲೆ ನಿಮಿತ ಕನ್ನಡ ಮಾಧ್ಯಮ ಶಾಳಾ ಆಂಗ್ಲ ಮಾಧ್ಯಮಾಕ ಪರಿವರ್ತನ ಕರಚೆಂ ಚೂಕಿ ಜಾತಾ. ಅಧ್ಯಾಪಕಾಂಚೊ ಸಂಖೊ ಭರನು, ವ್ಹಿಂಗಡ ಕಾಮಾಚೆ ತ್ರಾಸ ದಿನಾಶಿ° ಆನಿ ಸರಕಾರಾನ ಆಂಗ್ಲ ಮಾಧ್ಯಮಾಕ ಪ್ರೋತ್ಸಾಹ ದಿವಚೆ° ಕರಚಾಕ ನಜ. ಕನ್ನಡ ಆನಿ ಹೇರ ಭಾಸ ಶಿಖೊವಚೆ ಕರನಾತಲ್ಯಾರಿ ವಗೀಚ ಕನ್ನಡ ಭಾಸ ಅದೃಶ್ಯ ಜಾತಾ.” ಮ್ಹಣು ರೋಟರಿ ಸಂಸ್ಥೆಚೊ ಆದಲೊ ಗವರ್ನರ್ ರಾಜಾರಾಂ ಭಟ್ ಹಾಂನಿ° ಸಾಂಗಲೆ°.
ಪಟ್ಲ ರೂರಲ್ ಎಜುಕೇಶನ್ ಸೊಸೈಟಿಚೆ ಸಾಂಗತ ಯು. ಎಸ್. ನಾಯಕ್ ಪ್ರೌಢಶಾಳೆಂತು° ಆಚರಣ ಜಾಲೆಲೆ ಕನ್ನಡ ರಾಜ್ಯೋತ್ಸವ, ರೋಟರಿ ಬಸ್ಸಾಚೆ ಭೇಂಟ ಆನಿ ದೇವಾದಿನ ಪಿ. ಆರ್. ನಾಯಕ್ ಸಂಸ್ಮರಣಾ ಕಾರ್ಯಕ್ರಮಾಚೊ ಮುಖೇಲ ಸೊಯ್ರೊ ಜಾಔನು ತಾಂನಿ° ಆಶೆ° ಸಾಂಗಲೆ°. ರೋ. ಗಣೇಶ ನಾಯಕ್ ಬೆಲ್ಪತ್ರೆ ಬಸ್ಸ ಭೇಂಟ ದಿಲೆ°. ರೋ. ದಯಾನಂದ ಶೆಟ್ಟಿ ಹಾಂನಿ° ದೇವಾದಿನ ಪಿ. ರವೀಂದ್ರ ನಾಯಕ್ ಹಾಂಗೆಲೆ° ಗುಣಗಾನ ಕೆಲೆ°. ಪತ್ರಕರ್ತ ರೋ. ನಿತ್ಯಾನಂದ ಪಡ್ರೆ ಹಾಂನಿ° ಫಕತ ಮಾತೃಭಾಸ ವ್ಯಕ್ತಿಲೆ ವಿಕಸನಾಕ ಸುಲಭ ವಾಟ ಮ್ಹಣು ಸಾಂಗಲೆ°.
ಶಾಳಾ ಸಂಚಾಲಕ ನಾರಾಯಣ ಶೆಣೈ, ರೋ. ರಾಮಚಂದ್ರ ಉಪಾಧ್ಯ, ಗಣೇಶ್ ನಾಯಕ್, ಡಾ. ಮುದ್ದಣ್ಣ ನಾಯಕ್, ಮುಖ್ಯೋಪಾಧ್ಯಾಯ ಶ್ರೀಕಾಂತ ಪ್ರಭು, ಜ್ಯೋತಿರಾದಿತ್ಯ ನಾಯಕ್ ಉಪಸ್ಥಿತ ಆಶಿಲೆ. ರೋಟರಿ ಅಧ್ಯಕ್ಷ ನಿತ್ಯಾನಂದ ನಾಯಕ್ ಹಾಂನಿ° ಸ್ವಾಗತಾಚೆ ಉತ್ರ° ಸಾಂಗಲಿ°. ಸಚ್ಚಿದಾನಂದ ನಾಯಕ್ ಹಾಂನಿ° ಸೂತ್ರ ಸಂಚಾಲನ ಕೆಲೆ°. ಶಶಿಕಲಾ ಹಾಂನಿ° ಆಬಾರ ಮಾನಲೊ.
ಕೆ. ಪ್ರಶಾಂತ್ ಬಾಳಿಗಾ ಅಧ್ಯಕ್ಷ ಜಾವನು ನೆಮಣೂಕ
ಉಡುಪಿ: ಉಡುಪಿ ಜಿಲ್ಲಾ ಸಣ್ಣ ಕೈಗಾರಿಕಾ ಸಂಘ ಹಾಜಿ 30ವೆ° ವಾರ್ಷಿಕ ಮಹಾಸಭಾ ಆರತಾ° ಕೋಟೇಶ್ವರ ಗೋವಿಂದರಾಯ ವಿಠ್ಠಲ್ ಕಾಮತ ಸಭಾಂಗಣಾοತು° ಘಡಲಿ. 2022-2023 ವರಸಾಕ ಕೆ. ಕೆ. ಫಿಶ್ ನೆಟ್ ಕೋ., ನೇಜಾರ್ ಹಾಜೆ ಕೆ. ಪ್ರಶಾಂತ್ ಬಾಳಿಗಾ ಅವಿರೋಧ ಅಧ್ಯಕ್ಷ ಜಾವನು ನೇಮಣೂಕ ಜಾಲಿಂತಿ. ಉಪಾಧ್ಯಕ್ಷ ಹರೀಶ್ ಕುಂದರ್, ಯು. ಅಜಿತ್ ಶೆಣೈ, ಎಂ. ವಸಂತ್ ಕಿಣಿ, ಕಾರ್ಯದರ್ಶಿ ಜಾವನು ಎಂ. ವಲ್ಲಭ್ ಭಟ್, ಕೋಶಾಧಿಕಾರಿ ಜಾವನು ಕೃಷ್ಣ ಪ್ರಸಾದ್, ಸಹ ಕಾರ್ಯದರ್ಶಿ ಜಾವನು ಕೆ. ಸುರೇಶ ಶೆಣೈ, ಶ್ರೀನಿವಾಸ ಶೆಟ್ಟಿಗಾರ್, ರಂಜನ್ ಕಲ್ಕೂರ್ ನೇಮಣೂಕ ಜಾಲ್ಯಾಂತಿ.
ಆದಲೊ ಅಧ್ಯಕ್ಷ ಐ. ಆರ್. ಪೆರ್ನಾಡೀಸ್ ಆನಿ ಹೇರ ಪೂರ್ವಾಧ್ಯಕ್ಷಾನಿ ಮೇಳನು ಸರ್. ಎಂ. ವಿಶ್ವೇಶ್ವರಯ್ಯ ಹಾಂಗೆಲೆ ಭಾವಚಿತ್ರಾಕ ಮಾಲಾರ್ಪಣ ಕೆಲೆ°. ಆದಲೆ ಅಧ್ಯಕ್ಷ ಎಂ. ವಿಶ್ವನಾಥ್ ಭಟ್, ವಿನ್ಸನ್ಟ್ ಪಿಂಟೋ, ಜಾನ್ ಡಿಸಿಲ್ವ ಹಾಂನಿ° ಶುಭಾಶಯ ಪಾಟಯಲೊ. ವೆಂಕಟೇಶ್ ಆರ್. ಪೈ ಆನಿ ವಾಮನ ಭಟ್ ಹಾಂನಿ° ಸೂತ್ರ ಸಂಚಾಲನ ಕೆಲೆ°.
ಶಾರದಾ ಶೋಭಾ ಯಾತ್ರಾ ಕೊಂಕಣಿ ನಾಟಕ ಆನಿ ಯಕ್ಷಗಾನ ಪ್ರದರ್ಶನ
ಉಡುಪಿ: ಶ್ರೀ ಲಕ್ಷ್ಮೀ ವೆಂಕಟೇಶ ದೇವಸ್ಥಾನ ತೆಂಕುಪೇಟೆ ಉಡುಪಿ ಹಾಂಗಾ ಪೂಜಿಲಿ ಶಾರದಾ ದೇವಿಲಿ ಶೋಭಾ ಯಾತ್ರಾ ದೇವಳಾ ದಾಕೂನ ಭಾಯರ ಸರನು ಐಡಿಯಲ್ ಸರ್ಕಲ್, ಡಯಾನಾ ಸರ್ಕಲ್, ತ್ರಿವೇಣಿ ಸರ್ಕಲ್, ಚಿತ್ತರಂಜನ್ ಸರ್ಕಲ್, ಕೊಳದ ಪೇಟೆ ಮುಖಾಂತರ ದೇವಳಾಕ ಯೇವನು ಪದ್ಮ ಸರೋವರಾಂತು° ವಿಸರ್ಜನ ಚಲೆ. ಶೋಭಾಯಾತ್ರೆ ಖಾತಿರ ಉಡುಪಿ ನಗರ ತಳಿರು ತೋರಣ ವಿದ್ಯುತ್ ದೀವ್ಯಾನಿ ಶೃಂಗಾರನು ಆಶಿಲೆ ರಸ್ತೆರಿ ಕೀಲು ಕುದುರೆ, ತಟ್ಟೀರಾಯ, ವೆಂಕಟರಮಣ, ಶ್ರೀ ದೇವಿ, ಶ್ರೀ ಮೂಕಾಂಬಿಕಾ ತಸಲೆ ಸ್ಥಬ್ದ ಚಿತ್ರ°, ಚಂಡೆ ಮೇಳ, ಮಂಗಳ ವಾದ್ಯ ಆಸೂನ ಶೋಭಾ ಯಾತ್ರಾ ಚಲಿ.
ದೇವಳಾಚೆ ಅರ್ಚಕ ದಯಾಘನ್ ಭಟ್, ಆಡಳಿತ ಮೋಕ್ತೆಸರ್ ಪಿ. ವಿ. ಶೆಣೈ, ವಸಂತ್ ಕಿಣಿ, ವಿಶ್ವನಾಥ್ ಭಟ್, ಪುಂಡಲೀಕ್ ಕಾಮತ, ಗಣೇಶ್ ಕಿಣಿ, ಅಶೋಕ ಬಾಳಿಗಾ, ರೋಹಿತಾಕ್ಷ ಪಡಿಯಾರ್, ನರಹರಿ ಪೈ, ವಿಶಾಲ್ ಶೆಣೈ, ಉಮೇಶ್ ಪೈ, ಶಾಮ್ ಪ್ರಸಾದ್ ಕುಡ್ವಾ, ನಿತೇಶ, ನಾಗೇಶ್ ಪೈ ಆನಿ ಹೇರ ಉಪಸ್ಥಿತ ಆಶಿಲೆ.
ಹ್ಯಾ ದೀಸಾಂತು° ಜಿ.ಎಸ್.ಬಿ ಯುವಕ ಮಂಡಳಿ ಹಾಂನಿ° ಕೊಂಕಣಿ ಪೌರಾಣಿಕ ನಾಟಕ “ವಿಜಯ ಪಾರಿಜಾತ” ಖೆಳಿಂತಿ. ಪೂರ್ಣಿಮಾ ಗುರುನಾಥ ಉಡುಪಿ ಹಾಂಗೆಲೆ ನಿರ್ದೇಶನಾರ ಚಲೆಲೆ ಹ್ಯಾ ನಾಟಕಾಂತು° ಮಹಿಳಾ ಮಂಡಳಿಚೆ ಸಾಂದ್ಯಾನಿ ನಟನ ಕೆಲೆ°.
ಶ್ರೀ ದುರ್ಗಾಂಬಾ ಯಕ್ಷಗಾನ ಕಲಾ ಮಂಡಳಿ ಮಣಿಪಾಲ ಹಾಂನಿ° ಕೊಂಕಣಿ ಯಕ್ಷಗಾನ “ಶಮತಂಕ ರತ್ನ” ಖೇಳಚೆ° ಜಾಲೆ°. ರತ್ನಾಕರ ಶೆಣೈ ಶಿವಪುರ ಹಾಂಗೆಲೆ ನಿರ್ದೇಶನ ಆನಿ ಭಾಗವತಿಕಾ, ಗಣೇಶ್ ಶೆಣೈ ಶಿವಪುರ ಹಾಂಗೆಲೆ ಚಂಡೆ ಆನಿ ಶ್ರೀಪತಿ ಭಟ್ ಉಡುಪಿ ಮದ್ದಳೆಚೆರಿ ಸಾಥ ದಿಲೆ°.
ಉಡುಪಿಕ ಶ್ರೀಮದ್ ವಿದ್ಯಾಧೀಶ ತೀರ್ಥ ಸ್ವಾಮೀಜಿ ಹಾಂನಿ° ಭೇಟಿ ದಿಲಿ
ಉಡುಪಿ ಶ್ರೀ ಲಕ್ಷ್ಮೀ ವೆಂಕಟೇಶ ದೇವಸ್ಥಾನಾಕ ಗೋಕರ್ಣ ಪರ್ತಗಾಳಿ ಮಠಾಧೀಶ ಶ್ರೀಮದ್ ವಿದ್ಯಾಧೀಶ ತೀರ್ಥ ಸ್ವಾಮೀಜಿ ಹಾಂನಿ° ಭೇಟಿ ದಿಲಿ. ಗೋಕರ್ಣ ಪರ್ತಗಾಳಿ ಜೀವವೋತ್ತಮ ಮಠಾಧಿಪತಿ ಜಾತರಿ ಪಯಲೆ° ಪಾವಟಿ ಉಡುಪಾಕ ಭೆಟಿ ದಿಲೆಲೆ ಗುರುವರ್ಯಾಂಕ ತೆಂಕಪೇಟೆಚೆ ಐಡಿಯಲ್ ಸರ್ಕಲಾ ಸಾವನು ವನಿತಾ ಲೊಕಾನಿ ಪೂರ್ಣ ಕುಂಭ ಸ್ವಾಗತ, ಚಂಡೆ, ಮಂಗಳವಾದ್ಯ ಸಹಿತ ಸ್ವಾಗತ ಜಾಲೆ°. ದೇವಳಾಕ ಭೇಟಿ ದಿತರಿ ವೇದಿರಿ ಆಸಚೆ ಶ್ರೀಮದ್ ಭಾಗವತ ಗ್ರಂಥಾಕ ಗುರುವರ್ಯಾನಿ ಆರತಿ ದಾಕಯಲಿ. ಪ್ರವಚನಕಾರ ವಿದ್ವಾನ್ ಅನಂತಕೃಷ್ಣ ಆಚಾರ್ಯ ಹಾಂಕಾ° ಶಾಲ ಪಾಂಗರೂನ ಸನ್ಮಾನ ಕೆಲೊ.
ದೇವಳಾಚೆ ಆಡಳಿತ ಮೂಕ್ತೇಶ್ವರ ಪಿ. ವಿ. ಶೆಣೈ ಹಾಂನಿ ಪಾದಪುಜಾ ಕರನು ಸ್ವಾಗತಾಚೆ ಉತ್ರಂ ಸಾಂಗಲಿ°. ಚೇಂಪಿ ಶ್ರೀಕಾಂತ್ ಭಟ್ ಹಾಂನಿ° ಪ್ರಾಸ್ತವಿಕ ಭಾಷಣಾಂತು° ದೇವಳಾಚಿ ಅಭಿವೃದ್ಧಿ ಆಣಿ ಹೆರ ವಿಷಯಾರಿ ಉಲಯಲೆ. ಚೇಂಪಿ ರಾಮಚಂದ್ರ ಭಟ್ ಆನಿ ಹೆರ ವೈದಿಕಾನಿ ಪ್ರಾರ್ಥನಾ ಸಾಂಗಲಿ. ಗುರುವರ್ಯಾನ ಆಶೀರ್ವಚನ ದಿವನು ಫಲ ಮಂತ್ರಾಕ್ಷತ ದಿಲೆ°. ಶ್ರೀಮದ್ ಭಾಗವತ ಪ್ರವಚನಾಚೆ ಪ್ರಾಯೋಜಕ ಜಗದೀಶ್ ಪೈ, ವಸಂತ ಕಿಣಿ, ವಿಶ್ವನಾಥ ಭಟ್, ಅಶೋಕ ಬಾಳಿಗಾ, ಗಣೇಶ ಕಿಣಿ, ರೋಹಿತಾಕ್ಷ ಪಡಿಯಾರ್, ವಿನಾಯಕ ಭಟ್, ಜಿ. ಎಸ್. ಬಿ ಮಹಿಳಾ ಆನಿ ಯುವಕ ಮಂಡಳಿಚೆ ಸಾಂದೆ ಆನಿ ಸಮಾಜಭಾಂದವ ಉಪಸ್ಥಿತ ಆಶಿಲೆ.
ಪನ್ನಾಸಾಂವೆ° ಭಜನಾ ತರಬೇತಿ ಕಾರ್ಯಕ್ರಮ
ಉಡುಪಿ: ಬನ್ನಂಜೆ ಶ್ರೀ ಮಹಾಲಿಂಗೇಶ್ವರ ದೇವಸ್ಥಾನ ಆನಿ ಉಡುಪಿ ಜಿಲ್ಲಾ ಬಿಜೆಪಿ ಮಹಿಳಾ ಮೋರ್ಚಾ ಹಾಂಗೆಲೆ ಜೋಡ ಆಶ್ರಯಾರಿ ಶ್ರೀ ಮಹಾಮಾಯಿ ಭಜನಾ ಮಂಡಳಿ ಈಶ್ವರ ನಗರ ಮಣಿಪಾಲ ಹಾಜಿ ಅಧ್ಯಕ್ಷಾ ಮಾಯಾ ಕಾಮತ ಹಾಂನಿ° ಪನ್ನಾಸಾಂವೆ° ಭಜನಾ ತರಬೇತಿ ಕಾರ್ಯಕ್ರ್ರಮ ಚಲಾವಸೂನು ದಿಲೊ. ದೇವಳಾಚೆ ವ್ಯವಸ್ಥಾಪನಾ ಸಮಿತಿಚೊ ಅಧ್ಯಕ್ಷ ಹರೀಶರಾಮ ಬನ್ನಂಜೆ ಹಾಂನಿ° ದೀವೊ ಲಾಯಲೊ. ಪ್ರತಿ ಶನಿವಾರ, ಆದಿತ್ಯವಾರ ಸಾಂಜವೇಳಾ ಚಲಚೆ ಭಜನಾ ತರಬೇತಿಕ ಸಗಟಾನ ಸಕ್ರಿಯ ಜಾವನು ವಾಂಟೊ ಘೆವಕಾ ಮ್ಹಣು ತಾಣೆ ಸಾಂಗಲೆ°.
ವಿಶೇಷ ಸಾಧನಾ ಆನಿ ಸಮಾಜ ಸೇವೆ ಕೆಲೆಲೆ ಗಿರಿಜಾ ಕಾಮತ್ ಇಂದ್ರಾಳಿ ಆನಿ ಪ್ರೇಮ ಶೆಟ್ಟಿ ಹಾಂಕಾ° ಗೌರವಾರ್ಪಣ ಜಾಲೆಂ. ಬಿಜೆಪಿ ಉಡುಪಿ ಜಿಲ್ಲಾ ಮಹಿಳಾ ಮಹಿಳಾ ಮೋರ್ಚಾಚಿ ಅಧ್ಯಕ್ಷಾ ವೀಣಾ ಶೆಟ್ಟಿ, ಬಿಜೆಪಿ ಉಡುಪಿ ಜಿಲ್ಲಾ ಅಧ್ಯಕ್ಷ ಸುರೇಶ ನಾಯಕ, ನಗರ ಸಭಾ ಸದಸ್ಯಾ ಸವಿತಾ ಹರೀಶ್ ರಾಮ್, ಅರ್ಚಕ ಮಧುಸೂದನ ಉಪಾಧ್ಯ, ಶ್ರುತಿ ಶೆಣೈ, ಅಶ್ವಿನಿ ಶೆಟ್ಟಿ, ಮೋಹನ್ ಭಟ್, ಪೂರ್ಣಿಮಾ ಶೆಟ್ಟಿ, ಪ್ರಮೀಳಾ ಹರೀಶ್, ರಶ್ಮಿತಾ ಶೆಟ್ಟಿ ಆನಿ ವೆಗವೆಗಳೆ ಭಜನಾ ಮಂಡಳಿಚೆ ಸಾಂದೆ ಉಪಸ್ಥಿತ ಆಶಿಲೆ. ಶೋಭಾ ಶೆಟ್ಟಿನ ಸ್ವಾಗತಾಚೆ ಉತ್ರ° ಸಾಂಗಲಿ°. ಸವಿತಾ ಶೆಟ್ಟಿನ ಸೂತ್ರ ಸಂಚಾಲನ ಕೆಲೆ°.
ಶ್ರೀ ಸೀತಾರಾಮಂಜನೆಯ ದೇವಸ್ಥಾನ - ಶ್ರೀಮದ್ ಸಂಯಮಿοದ್ರ ತೀರ್ಥ ಭೇಟಿ
ಊಡುಪಿ: ಶ್ರೀ ಸೀತಾರಾಮಂಜನೆಯ ದೇವಸ್ಥಾನ ಆಗುಂಬೆ, ಹಾಜೆ ಪುನರ್ ಪ್ರತಿಷ್ಠಾಪನಾ ಕಾರ್ಯಕ್ರಮಾಚೆ ಬದಲ್ ಫೆ. 17ಕ ಸಕಾಳಿ 8 ಗಂಟ್ಯಾಕ ಶ್ರೀ ಸಂಸ್ಥಾನ ಕಾಶೀಮಠಾಧೀಶ ಶ್ರೀಮದ್ ಸಂಯಮಿοದ್ರ ತೀರ್ಥ ಸ್ವಾಮೀಜಿ ಹಾಂನಿ° ಭೇಟಿ ದಿಲೆಲೆ ವೇಳಾರ ಗುರುವರ್ಯಾಂಕ ಪೂರ್ಣಕುಂಭ ಸ್ವಾಗತ ದಿವನು ದೇವಳಾಚೆ ಅಭಿವೃದ್ಧಿ ಬದಲ್ ಮಾಹಿತಿ ದಿವಚೆ° ಜಾಲೆ°. ಉಪರಾಂತ ಶ್ರೀಮದ್ ಸಂಯಮಿοದ್ರ ತೀರ್ಥ ಸ್ವಾಮೀಜಿ ಹಾಂನಿ° ನವೀನ ಇಮಾರತಾಕ ಶಿಲಾನ್ಯಾಸ ಕರನು ಅನುಗ್ರಹ ಕೆಲೆ°. ದೇವಳಾಚೆ ಆಡಳಿತ ಮೊಕ್ತೇಸರ ಶ್ರೀನಿವಾಸ ಮೂರ್ತಿ ಆನೀ ಪೆಂಟೆಚೆ ದ್ಹಾ ಲೋಕಾನ ಮೇಳನು ಸ್ವಾಮೀಜಿಲೆ ಪಾದ ಪೂಜಾ ಕರನು ಗುರು ಕಾಣಿಕಾ ಅರ್ಪಣ ಕೆಲೆ°. ತೀರ್ಥಹಳ್ಳಿ ತಾಲ್ಲೂಕ ಬಿಜೆಪಿ ಅಧ್ಯಕ್ಷ ಆನಿ ತೀರ್ಥಹಳ್ಳಿ ಲಕ್ಷೀ ವೇಂಕಟರಮಣ ದೇವಸ್ಥಾನಾಚೆ ಆಡಳಿತ ಮೊಕ್ತೇಸರ ಬಾಳೆಬೈಲು ರಾಘವೇಂದ್ರ ನಾಯಕ, ಕಾರ್ಯದರ್ಶಿ ನಂದಕಿಶೋರ ಕಾಮತ,
ಖಚಾಂಜಿ ಎಸ್. ನಾಗರಾಜ ಪ್ರಭು, ಆಡಳಿತ ಮಂಡಳಿ ಸದಸ್ಯ ಲಕ್ಷೀನಾರಾಯಣ ಹೆಗಡೆ, ಕೃಷ್ಣ ವಾಮನ ಪ್ರಭು, ತೀರ್ಥಹಳ್ಳಿ ಜಿಎಸ್ ಬಿ ಸಭಾಚೆ ಉಪಾಧ್ಯಕ್ಷ ಮಂಜುನಾಥ ಮಲ್ಯ, ಆಗುಂಬೆ ಗ್ರಾಮ ದೇವತಾ ಶ್ರೀ ಗೋಪಾಲಕೃಷ್ಣ ದೇವಸ್ಥಾನಾಚೆ ಪ್ರಧಾನ ಅರ್ಚಕ ವಿಷ್ಣುಮೂರ್ತಿ ಭಟ್, ಉಡುಪಿಚೆ ವಿಶ್ವನಾಥ ಶೆಣೈ ದಂಪತಿ, ಸೋಮೇಶ್ವರ ವೆಂಕಟರಮಣ ದೇವಸ್ಥಾನಾಚೆ ಮೊಕ್ತೇಸರ ಯೋಗಿಶ್ ಭಟ್ ಆನಿ ಕಾರ್ಯದರ್ಶಿ ರಾಘು ಭಕ್ತ ಆನಿ ಹೇರ ಉಪಸ್ಥಿತ ಆಶಿಲೆ.
ಸಿ.ಎ. ಎನ್ ರಮಾನಂದ ಪ್ರಭು ಹಾಂಕಾº ‘ಕನ್ನಡ ರಾಜ್ಯೋತ್ಸವ ಪ್ರಶಸ್ತಿ
ಉಡುಪಿ: ಮೂಳತ: ಬೈಂದೂರಚೆ ಕೊಲ್ಲಿ ದೇಶ ಓಮಾನಾಂತುº ಉದ್ಯೋಗ ಕರನು ಆಸಚೆ ಸಿಎ ಎನ್. ರಮಾನಂದ ಪ್ರಭು ಹಾಂಕಾº ಉಡುಪಿ ಜಿಲ್ಲಾ ‘ಕನ್ನಡ ರಾಜ್ಯೋತ್ಸವ ಪ್ರಶಸ್ತಿ’ ಲಾಭಲ್ಯಾ. ನವೆಂಬರಾಂತುº ಹಾಂಗಾಚೆ ಅಜ್ಜರಕಾಡು ಘಡಲೆಲೆ ರಾಜ್ಯಾತ್ಸವ ಸಮಾರಂಭಾಂತುº ಕನ್ನಡ ಮತ್ತು ಸಂಸ್ಕೃತಿ ಇಲಾಖೆಚೊ ಮಂತ್ರಿ ಸುನಿಲ ಕುಮಾರ ಹಾಂನಿº ಪ್ರಶಸ್ತಿ ಪ್ರಧಾನ ಕೆಲೆº. ಶಾಸಕ ರಘುಪತಿ ಭಟ್, ಕರಾವಳಿ ಅಭಿವೃದ್ಧಿ ಪ್ರಾಧಿಕಾರಾಚೆ ಅಧ್ಯಕ್ಷ ಮಟ್ಟಾರ ರತ್ನಾಕರ ಹೆಗ್ಡೆ ಆನಿ ಹೇರ ಉಪಸ್ಥಿತ ಆಶಿಲೆ. ಶೇತಗಾರ ಕುಟುಂಬಾಂತುº ಪ್ರಭುಕೇರಿ ನಾಯ್ಕನಕಟ್ಟೆ ಹಾಂಗಾ ಹಾಂಗೆಲೊ ಜಲ್ಮ ಜಾಲೊ. ಪ್ರಾಥಮಿಕ ಶಿಕ್ಷಣ ನಾಯ್ಕನಕಟ್ಟೆಂತುº, ಪ್ರೌಢ ಶಿಕ್ಷಣ ಖಂಬದಕೋಣೆಂತುº, ಪದವಿಪೂರ್ವ ಶಿಕ್ಷಣ ಉಪ್ಪುಂದಾಂತುº ಆನಿ ಬಿ.ಕಾಂ ಶಿಕ್ಷಣ ಬೈದೂರಾಂತುº ಕೆಲೆಲೆº. ಉಪರಾಂತ ಸಿ.ಎ. ಕರಚಾಕ ತಾಂನಿº ಬೆಂಗಳೂರಾಕ ಗೆಲೆಲೆ. ದೇಶಾಚೆ ವೆಗವೆಗಳೆ ಶಹರಾಂತುº ಸೇವಾ ದಿಲೆಲೆ ಹಾಂನಿº ಓಮಾನಾಕ ಗೆಲೆ. ಹೀ ಪ್ರಶಸ್ತಿ ಫಾವೊ ಜಾಲೆಲೆ ಹಾಂಕಾº ಖೂಬ ಲೋಕಾನ ಅಭಿನಂದನ ಸಾಂಗಲಾº.
ಆಮಗೆಲಿ ಸಂಸ್ಕೃತಿಚೆರಿ ನಂಬಿಕಾ ದವೊರಕಾ - ಮನೋಹರ ನಾಯಕ
“ಆಮಗೆಲಿ ಸಂಸ್ಕೃತಿಚೆರಿ ನಂಬಿಕಾ ದವೊರಚೆ°, ಆಮಗೆಲೆ ಮೂಳ ವಿಸರನಾಶಿ° ಆಸಚೆ° ಆನೀ ಕಷ್ಟಾರ ಆಸತನ ಮದದ ಕೆಲೆಲೆಲ್ಯಾಂಕ ವಿಸರನಾಶಿ° ಆಸಚೆ° ಮುಖ್ಯ ಆಸಾ” ಮ್ಹಣು ಲಿಂಗೊ ಇಂಡಿಯಾ ಪ್ರೈವೇಟ್ ಲಿ., ಮುಂಬಯಿ ಹಾಜೊ ಸ್ಥಾಪಕ ಮನೋಹರ ನಾಯಕ ಹಾಂನಿ° ಸಾಂಗಲಾ°. ಶ್ರೀಮದ್ ಕೇಶವೇಂದ್ರ ತೀರ್ಥ ಸ್ವಾಮಿ ಚ್ಯಾರಿಟೆಬಲ್ ಟ್ರಸ್ಟ್ ಹಾಜೆ° ವಾರ್ಷಿಕ ಕಾರ್ಯಕ್ರಮ ಉಗ್ತಾವಣ ಕರನು ತಾಂನಿ° ಅಶಿ° ಸಾಂಗಲೆ°. ಕಠಿಣ ಶ್ರಮ ಆನೀ ಪ್ರಾಮಾಣಿಕತಾ ಆಸಲ್ಯಾರಿ ಜೀವನಾಂತು° ಯಶ ಪಾವಚಾಕ ಸಾಧ್ಯ ಜಾತಾ. ಶ್ರೀಮದ್ ಸುಧೀಂದ್ರ ತೀರ್ಥ ಸ್ವಾಮೀಜಿ ಹಾಂಗೆಲಿ ಕೃಪಾ ತಾಂಗೆಲೆ ಕುಟುಂಬೆರಿ ಆಶಿಲೆ ನಿಮಿತ ತಾಂಕಾ ಯಶ ಮೆಳಾ ಮ್ಹಣುಯೀ ತಾಂನಿ° ಸಾಂಗಲೆ°. ಡಿ. 25ಕ ಉಡುಪಿಚೆ ಶ್ರೀ ಲಕ್ಷ್ಮೀ ವೆಂಕಟೇಶ ದೇವಳಾಂತು ಘಡಲೆಲೆ ಶ್ರೀಮದ್ ಕೇಶವೇಂದ್ರ ತೀರ್ಥ ಸ್ವಾಮಿ ಚ್ಯಾರಿಟೆಬಲ್ ಟ್ರಸ್ಟಾಚೆ ವಿದ್ಯಾರ್ಥಿ ವೇತನ ನಿಧಿ ಆನಿ ‘ಸ್ಪಾನ್ಸರ್ ಎ ಸ್ಟುಡೆಂಟ್’ ಕಾರ್ಯಕ್ರಮಾಚೆ ತಾಂನಿ° ಮುಖೇಲ ಸೊಯ್ರೆ ಆಶಿಲೆ.
‘ಸ್ಪಾನ್ಸರ್ ಎ ಸ್ಟುಡೆಂಟ್’ ಕಾರ್ಯಕ್ರಮಾಚೆ ಸಕಳ 84 ಪಿ.ಯು.ಸಿ, ಡಿಗ್ರಿ, ಪ್ರೊಫೆಶನಲ್ ಕೋರ್ಸ, ಮಾಸ್ಟರ್ಸ ಡಿಗ್ರಿ ಶಿಖಚೆ ಪ್ರತಿಭಾವಂತ ವಿದ್ಯಾರ್ಥಿಯಾಂಕ ವಿದ್ಯಾರ್ಥಿ ವೇತನ ಮೆಳಾ°. ಹ್ಯಾ ಯೋಜನೆಂತ ವಿದ್ಯಾರ್ಥಿಯಾಂಕ ತಾಂಗೆಲೆ ಅರ್ಹತಾ ಆನೀ ಕುಟುಂಬೆಚೆ ಆರ್ಥಿಕ ಪರಿಸ್ಥಿತಿ ಪಳೊವನು ಅಗತ್ಯಾಕ ತಕೀತ ವಿದ್ಯಾರ್ಥಿ ವೇತನ ದಿತಾತಿ. ಹೆ° ನತಾ° ಸಾಮಾನ್ಯ ಯೋಜನೆ ಸಕಳ 160 ಎಸ್.ಎಸ್.ಎಲ್.ಸಿ, ಪಿ.ಯು.ಸಿ, ಡಿಗ್ರಿ, ಪ್ರೊಫೆಶನಲ್ ಆನೀ ಮಾಸ್ರ್ಸ ಶಿಖಚೆ ವಿದ್ಯಾರ್ಥಿಯಾಂಕ ಸುತಾ ಹ್ಯಾ ವಿದ್ಯಾರ್ಥಿ ವೇತನ ನಿಧಿಚೆ ಉಪೇಗ ಜಾಲಾ.
ಶಿಕ್ಷಕ ಆನೀ ರಾಷ್ಟ್ರೀಯ ಸ್ಥರಾಚೊ ತರಬೇತುದಾರ ಕೆ. ರಾಜೇಂದ್ರ ಭಟ್ ಆನೀ ವಿಶೇಷ ಸೊಯ್ರೊ ಐ.ಐ.ಟಿ ಮದ್ರಾಸ ಹಾಜೊ ಆಲ್ಯುಮನಿ ಅಭಯ ನಾಯಕ ಹಾಂನಿ° ವಿದ್ಯಾರ್ಥಿಯಾಂಕ ಮಾರ್ಗದರ್ಶನ ದಿಲೆ°. ಟ್ರಸ್ಟಾಚೊ ಅಧ್ಯಕ್ಷ ಸಿ.ಎ. ನಂದಗೋಪಾಲ ಶೆಣೈ ಹಾಂನಿ° ಸ್ವಾಗತಾಚೆ ಉತ್ರ° ಸಾಂಗಲಿ°. ಶ್ರೀ ಲಕ್ಷ್ಮೀ ವೆಂಕಟೇಶ ದೇವಳಾಚೆ ಆಡಳಿತ ಮೋಕ್ತೆಸರ ಸಿ.ಎ. ಪಿ.ವಿ. ಶೆಣೈ ಸಮಾರಂಭಾಚೆ ಅಧ್ಯಕ್ಷ ಆಶಿಲೆ. ಟ್ರಸ್ಟಾಚೆ ಕಾರ್ಯದರ್ಶಿ ಡಾ| ಗೀರಿಷ್ ಪೈ ಕುಲ್ಯಾಡಿ ಆನೀ ಖಜಾನದಾರ ದಿನೇಶ ಶೆಣೈ ಹಾವಂಜೆ ಹಾಂನಿ° ಟ್ರಸ್ಟಾಚೆ ಕಾರ್ಯಕ್ರಮಾ ಬದಲ ಮಾಹಿತಿ ದಿಲಿ. ಶ್ರೀನಿವಾಸ ಪ್ರಭು ಯು ಆನೀ ವಿಶಾಲ ಶೆಣೈ ಹಾಂನಿ° ಸೊಯ್ರೆಲೊ ವಳಕ ಕರನು ದಿಲೊ. ಶ್ರೀನಿವಾಸ ಪ್ರಭು ಹಾಂನಿ° ಆಭಾರ ಮಾನಲೊ. ಪಲ್ಲವಿ ಭಟ್ ಹಾಂನಿ° ಸೂತ್ರ ಸಂಚಾಲನ ಕೆಲೆ°. ಎ. ಪುಂಡಲಿಕ ಕಾಮತ, ರಾಧಾಕೃಷ್ಣ ಶೆಣೈ, ಎಂ. ವಿಶ್ವನಾಥ ಭಟ್, ಬಾಲಕೃಷ್ಣ ಪ್ರಭು ಆನೀ ಶಾಂತರಾಮ ಪೈ ಉಪಸ್ಥಿತ ಆಶಿಲೆ.
ಉಡುಪಿ - ರಕ್ತದಾನ ಶಿಬಿರ
ಭಾರತೀಯ ಲೆಕ್ಕಪರಿಶೋಧಕರ ಸಂಸ್ಥೆ ಉಡುಪಿ ಶಾಖೆ ಆನೀ ಸಿಎ ವಿದ್ಯಾರ್ಥಿಗಳ ಸಂಘ (ಸಿಕಾಸ) ಹಾಂನಿ° ಡಿ. 25ಕ ಉಡುಪಿಚೆ ಜಿಲ್ಲಾಸ್ಪತ್ರೆ ರಕ್ತನಿಧಿ, ಅಜ್ಜರಕಾಡು, ಉಡುಪಿ ಹಾಂಗಾ ರಕ್ತದಾನ ಶಿಬಿರ ಆಯೋಜನ ಕೆಲೆ°. ಜಿಲ್ಲಾ ಆರೋಗ್ಯಾಧಿಕಾರಿ ಡಾ. ನಾಗಭೂಷಣ್ ಉಡುಪ ಹಾಂನಿ ದೀವೊ ಲಾವನು ಶಿಬಿರಾಚೆ ಉಗ್ತಾವಣ ಕೆಲೆ°. “ಉಡುಪಿ ಜಿಲ್ಲಾ ರಕ್ತ ನಿಧಿ ಕೇಂದ್ರ ದಾನಿ ಲೋಕಾಲೆ ಸಹಕಾರಾನ ರಾಜ್ಯಾಂತೂಚಿ ಪಯಲೆ° ಸ್ಥಾನಾರ ಆಸಾ.” ಮ್ಹಣು ತಾಂನಿ° ಸಾಂಗಲೆ°. ಸಿಎ ವಿದ್ಯಾರ್ಥಿಯಾನಿ ಜಾಯದೀಸ ಆನೀ ವಿಶೇಷ ದಿಸಾಂತು° ಅಸಲೆ ಕಾರ್ಯಕ್ರಮ ಆಯೋಜನ ಕರಚೆ° ಬರೊ ವಿಷಯ ಮ್ಹಣು ತಾಂನಿ° ಸಾಂಗಲೆ°. ಉಡುಪಿ ಜಿಲ್ಲಾ ರಕ್ತ ನಿಧಿ ಕೇಂದ್ರಾಚೆ ಡಾ| ವೀಣಾ ಹಾಂನಿ° ಉಲಯತಾ ವಿದ್ಯಾರ್ಥಿಯಾನಿ ತಾತಾವಳಿ ರಗತ ದಿವಚೆ ನಿಮಿತ ಹೃದಯಾಘಾತ ಜಾವಚೆ ಊಣೆ ಜಾತಾ, ರಗತಾಂತು° ಕೊಲೆಸ್ಟ್ರಾಲ್ ಅಂಶ ಊಣೆ ಜಾತಾ, ಆಂಗಾಂತು° ನವೀನ ರಗತ ಉತ್ಪಾದನ ಜಾವನು ಆರೋಗ್ಯ ಬರೆ° ಜಾವಚಾಕ ಸಾಧ್ಯ ಜಾತಾ ಆನೀ ಹೇರ ಜೀವ ವಾಂಚೋಚಾಕ ಜಾತಾ ಮ್ಹಣು ಸಾಂಗಲೆ°. ಕೊರೋನಾ ಕಾಳಾಂತು° ವಿಶೇಷ ಸೇವಾ ದಿಲೆಲೆ ವೈದ್ಯಾಂಕ ಸಂಸ್ಥೆ ತರಪೇನ ಗೌರವಾರ್ಪಣ ಜಾಲೆ°. ಚಾಳಿಸಾಕಯಿ ಚಡ ವಿದ್ಯಾರ್ಥಿ ಆನೀ ಪನ್ನಾಸಾಕಯಿ ಚಡ ಲೆಕ್ಕಪರಿಶೋಧಕಾನಿ ರಕ್ತದಾನ ಕೆಲೆ°. ಲೆಕ್ಕಪರಿಶೋಧಕರ ಸಂಸ್ಥೆ ಉಡುಪಿ ಶಾಖೆಚಿ ಅಧ್ಯಕ್ಷಾ ಸಿ.ಎ. ಕವಿತಾ ಪೈ, ಕಾರ್ಯದಶಿ ಸಿ.ಎ. ಪ್ರದೀಪ್ ಜೋಗಿ, ಉಪಾಧ್ಯಕ್ಷ ಸಿ.ಎ. ಲೋಕೇಶ್ ಶೆಟ್ಟಿ ಉಪಸ್ಥಿತ ಆಶಿಲೆ. ಸಿಕಾಸಾ ಅಧ್ಯಕ್ಷ ಸಿಎ. ನರಸಿಂಹ ನಾಯಕ ಹಾಂನಿ° ಸ್ವಾಗತಾಚೆ ಉತ್ರ° ಸಾಂಗಲಿ°. ಅಮಾಲಿನ್ ಜೋಸೆಫ್ ಆನೀ ಶ್ರೇಯಾ ಸಾಲಿಯಾನ್ ಹಾಂನಿ° ಸೂತ್ರ ಸಂಚಾಲನ ಕೆಲೆ°. ರೆಸಾ ತಸಲೀಂ ಹಾಂನಿ° ಆಭಾರ ಮಾನಲೊ
ಉಡುಪಿ ಶ್ರೀ ಲಕ್ಷ್ಮೀ ವೆಂಕಟೇಶ ದೇವಸ್ಥಾನ
ಉಡುಪಿ ಶ್ರೀ ಲಕ್ಷ್ಮೀ ವೆಂಕಟೇಶ ದೇವಳಾಂತು°
ಮುοಡ್ಕೂರು: ಹಾಂಗಾಚೆ ಶ್ರೀ ವಿಠೋಭ ದೇವಳಾಂತು°
ಉದ್ಯೋಗ ಆನೀ ನಿರುದ್ಯೋಗ ಡಾ| ಅರವಿಂದ
18:53:41 ವಿಶ್ವ ಕೊಂಕಣಿ ಕೇಂದ್ರ ‘ಕ್ಷಮತಾ
This application is only for the poor
कोंकणिंतल्या अस्तुरी साहित्याचेर
ಮಂಗಳೂರು: ವಿಶಂತಿ ಸಂಭ್ರಮಾοತು ಆಸಚೆ
ಬೆಂಗಳೂರು: ಹಾಂಗಾಚೆ ಮಲ್ಲೇಶ್ವರಂಚೆ ಗೌಡ
Editorial
ಡಾಕ್ಟರಾಲೆ ಆತ್ಮ ಪರಮಾತ್ಮಾಲೆ ಸಾಂಗತ ವಿಲೀನ ಜಾಲೆ°,,,
ಡಾ. ಜಿ. ಜಿ. ಲಕ್ಷ್ಮಣ್ ಪ್ರಭು ಎಕ ನಾವಾದೀಕ ಡಾಕ್ಟರು ಆಶಿಲೊ. ಯುರಾಲಾಜಿ ತಾಗೆಲಿ ಸ್ಪೇಷಾಲಿಟಿ. ತೊ ಎಕ ಫಾಮಾದ ಡಾಕ್ಟರ್ ನಂತಾ° ಎಕ ಬರೊ ಭಾಷಣಗಾರುಯೀ ಜಾವನು ಆಶಿಲೊ. ಸಾನ ಪ್ರಾಯೆರಿ ತೊ ಜನಾ ಮೋಗಾಳ ಜಾಲೆಲೊ. ತೊ ಅನೀರಿಕ್ಷಿತ ಜಾವನು ಅಂತರಲೊ ಮ್ಹಳೆಲಿ ಖಬರ ಆಯಕತನಾ ಸಾಬಾರ ಲೋಕಾಂಕ ತೆಂ ನಂಬಗೂಚಾಕ ಜಾಯನಿ. ಬ್ಯುಸಿ ಡಾಕ್ಟರ್ ಆಶಿಲೊ ತೊ ಕೆದನಾಯಿ ಕೊಡಿಯಾಲಚೆ ಕೆ. ಎಂ. ಸಿ ಹಾಸ್ಪಿಟಲಾಂತ ಪಳೊವಚಾಕ ಮೆಳತಲೊ. ಸಕಾಳಿ ದಾಕೂನ ಸಾಂಜವೇಳಾ ತಾಂಯ ಆಪರೇಶನ್ ಥಿಯೇಟರಾಚೆ ಸಮವಸ್ತ್ರಾಂತು ತೊ ದಿಸತಲೊ ಮ್ಹಣು ಆಸ್ಪತ್ರೆಕ ಗೆಲೆಲೆ ಸಾಂಗತಲೆ. ತಿತಲೊ ಬ್ಯುಸಿ ಡಾಕ್ಟರ್ ತೊ. ತಾಣೆ ತಾಗೆಲೆ ಪೆಶೆಂಟಾoಕ ಪಳೊವಚಾಕ ಆಸ್ಪತ್ರೆಚೆ ರೌಂಡ್ಸಾರ ವತನಾ ತಾಗೆಲೊ ಹೋಡು ತಾಳೊ ಆಯಕೂನು ತ್ಯಾ ಮ್ಹಾಳ್ಯೆರಿ ಆಸಚೆ ಸಗಟ ರೂಮಾಂತುಲೆ° ಪೇಶೆಂಟಾoಕ ತೊ ಆಯಲೊ ಮ್ಹಣು ಕಳತಲೆ° ಖಂಯ. ಕುಶಾಲ ಉಲೊವನು ಪೇಶೆಂಟಾoಲಿ ಮನೋಸ್ಥಿತಿ ಸಂತೋಸಮಯ ಕರಚೆಂ ತಾಗೆಲಿ ಸವಯ್ ಆಶಿಲಿ.
ನ. 9ಕ ಎಕ ಆಪರೇಶನ ಪೂರ್ಣ ಕರನು ಭಾಯರ ಆಯಿಲೆ ಡಾಕ್ಟರಾಕ ಕಠಿಣ ಹೃದಯಘಾತ ಜಾಲೆ°. ತ್ಯಾ ನಿಮಿತ ತಾಕಾ ತುರ್ತಾನ ಶುಶ್ರುತಾ ಮೇಳಚಾಕ ಸಾಧ್ಯ ಜಾಲೆ°. ತೊ ಐ.ಸಿ.ಯುಂತ 8 ದೀವಸ ಆಶಿಲೊ. ತಾಕಾ ಊಂಛ ಸ್ಥರಾಚೆ ಟ್ರಿಟಮೆಂಟ್ ಮೆಳೆ°. ಜಾಲ್ಯಾರ ದೈವಿಚ್ಛಾ ವ್ಹಿಂಗಡ ಆಶಿಲಿ. ನ.17 ಕ ತಾಗೆಲೆ ದೇಹಾಂತ್ಯ ಜಾಲೆ°.
ಡಾಕ್ಟರಾಕ ಫಕತ 60 ವರಸ°. ಸಾಬಾರ 30 ವರಸಾಚೊ ವೈದ್ಯಕೀಯ ಅಣಭವ. ಡಾಕ್ಟರ ಮ್ಹಣು ನ್ಹಹಿ°, ಆರತಾ° ತರನಾಟೆ ಲೋಕಾನ ಹೃದಯಘಾತ ಜಾವನು ಮರಣ ಪಾವಚಿ ಖಬರ ಆಯಕೂಚೆ° ಚಡ ಜಾಲಾ°. ಸ್ವತ: ಡಾಕ್ಟರ ಆಶಿಲೆ ತಾಕಾ ಖಾಂಯ ಮುನ್ಸೂಚನಾ ಮೇಳನಿ ವೆ ? ತಾಣೆ ತಾತಾವಳಿ ತಾಗೆಲಿ ಆರೋಗ್ಯಾಚಿ ತಪಾಸಣಾ ಕರನು ಆಸಚೆ° ಸಾಧ್ಯತಾ ಆಸಾ. ಎಕ ಫಾಮಾದ ಡಾಕ್ಟರಾಕಚೀ ಅಶಿ° ಜಾಲೆ ಮ್ಹಣತಾನ ಸಾಮಾನ್ಯ ಮನಶಾನ ತಾಗೆಲೆ ಆರೋಗ್ಯಾ ಬದಲ ಕಿತಲಿ ಜಾಗೃತಿ ಘೆವಕಾ ? ಮನಶಾನ ತಾಗೆಲೆ ಆಹಾರ ಪದ್ಧತಿ ಆನಿ ಜೀವನ ಶೈಲಿ ಕಶಿ° ದವರಕಾ ? ವಿಜ್ಞಾನ ಇತಲೆ° ವಾಡಲಾ° ಕೀ, ವಿಜ್ಞಾನಿ ಲೋಕಾ° ಮಧೆಂತೂಚಿ ಆಮಿ ಘೆವಚೆ ವಕದ ಆನಿ ಹೇರ ವಿಷಯಾಚೆರಿ ಚರ್ಚಾ ಜಾವಚೆ° ಆಮಿ ಸೋಶಿಯಲ್ ಮೀಡಿಯಾರಿ ವಾಚತಾತಿ ಆನಿ ಆಯಕತಾತಿ. ಆಮಿ ಘೆತಿಲೆ ಕೋವಿಡ್ ವ್ಯಾಕ್ಸಿನಾ ಬದಲಯಿ ಸಂದೇಹ ಉಲಯತಲೆ ಆಸಾತಿ. ಆಶೆ° ಸಾಬಾರ ಸವಾಲಾ° ಆಮಗೆಲೆ ಮುಕಾರ ಆಸಾತಿ.
ಆಹಾರ ಪದ್ಧತಿ ಬದಲ ಖೂಬ ಚರ್ಚಾ ಜಾತಾ ಆಸಾ. ಆರತಾ° ಕ್ರಿಕೇಟರ್ ಕೊಹ್ಲಿನ ತಾಗೆಲೆ ಆಹಾರ ಪದ್ಧತಿ ಬದಲ ಸಾಂಗಿಲೊ ಎಕ ವಿಡೀಯೊ ಪಳೊವಚಾಕ ಮೆಳೊ. ತಾಂತು° ತೊ ಕಾರ್ಬ್ಸ ಊಣೆ ಕರಚೆ°, ಪ್ರೊಟಿನ್ ಚಡ ಕರಚೆ°, ಗೀನ್ ವೇಜಿಟೆಬಲ್ಸ್ ಖಾವಚೆ°, ಲೋಣಿ - ತುಪ ಖಾವಚೆ° ಸಾಂಗತಾ. ತಾಗೆಲೆ ಉತ್ರ° ಆಯಕತನಾ ಆಮಗೆಲೆ ಥೊಡೆ ಇಷ್ಟ ಲೋಕಾನ ಆಶೆ° ಕರಚೆ° ಚೂಕಿ ನ್ಹಹಿ° ಮ್ಹಣು ದಿಸತಾ. ಆಮಿ ಪ್ರಯತ್ನ ಕರನು ಪಳೊವಯೆತ ಮ್ಹಣು ಭೊಗತಾ. ದೀವಸಾಕ ಉಣೆನಾ 30 ಮಿನೀಟ್ ಚಮಕಲೆರಿ ಬರೆ° ಮ್ಹಣು ಹರ ಎಕಲೊ ಡಾಕ್ಟರು ಸಾಂಗತಾ. ಆಮಗೆಲೆ ತರನಾಟೆನಿ ಸುತಾ ಸಾನ ಪ್ರಾಯೇರಿಚಿ ಆಹಾರ ಪದ್ಧತಿ ಸಮ ಕರನು ಜೀವನ ಶೈಲಿ ಸಮ ಕರಚಾಕ ಪ್ರಯತ್ನ ಕರಕಾ.
ಡಾಕ್ಟರ್ ಜಿ. ಜಿ. ಲಕ್ಷ್ಮಣ್ ಪ್ರಭು ಬರೊ ಡಾಕ್ಟರು ಆನಿ ಭಾಷಣಗಾರ ನಂತಾ° ಎಕ ಕವಿ ಸುತಾ ಆಶಿಲೊ. ತಾಣೆ ಕನ್ನಡ ಭಾಶೆನ ಖೂಬ ಕವಿತಾಂ ರಚನ ಕೆಲಾಂ ಮ್ಹಣು ತಾಣೆ ದೇವಾದಿನ ಜಾತರಿಚಿ ಲೋಕಾಂಕ ಕಳೆ°. ತಾಣೆ ಆರತಾ° ಎಕ ಸಮಾರಂಭಾoತ ಪ್ರಸ್ತುತ ಕೆಲೆಲೆ ಭಾಷಣ ಖೂಬ ವೈರಲ್ ಜಾಲಾ°. ತಾಂತು° ತೊ ಆತ್ಮ ಆನಿ ಪರಮಾತ್ಮಾ ವಿಷಯಾರಿ ಉಲಯತಾ.
"ಕ್ರಷ್ಣಾನ ಸಾಂಗಲ್ಯಾ ಮ್ಹಣಕೆ ಪರಮಾತ್ಮಾಲೆ ಮ್ಹಣಕೆ ಆತ್ಮಾಕಯೀ ಆದಿ ನಾ ಯಾ ಅಂತ್ಯ ನಾ, ಮ್ಹಳ್ಯಾರಿ ಮರಣ ನಾ" ಮ್ಹಣು ತ್ಯಾ ಭಾಷಣಾಚೆ ಶುರುವಾತಾರಿ ಡಾಕ್ಟರು ಸಾಂಗತಾ. ಆಮಿ ಜೀವನಾಂತು° ಆಮಗೆಲೆ ಕರ್ತವ್ಯ ಕರಕಾ, ಕರತನಾ ಆಮಕಾ ಜಯ ಮೇಳತಾ ಯಾ ಸೋಲು ಮೇಳತಾ. ಆಮಗೆಲೆ ವಿಷಯಾರಿ ಕೋಣ ಕಸಲೆ° ಚಿಂತಾ ಕರತಾ ಮ್ಹಣು ಆಮಿ ಮನಾಂತ ದವರನು ಕರ್ತವ್ಯ ಕರಚೆ° ಕಷ್ಟ ಜಾತಾ. ತಸಲೆ ಮನೋಸ್ಥಿತಿರಿ ತುಮಿ ಕರ್ತವ್ಯ ಕರಚೆ° ಸುಲಭ ಜಾಯನಾ ಆನಿ ಕರಚೆ ಕರ್ತವ್ಯಾಕ ನ್ಯಾಯ ದಿವಚಾಕ ಜಾಯನಾ ಮ್ಹಣು ತೊ ಸಾಂಗತಾ.
ಮುಕಾರ ತೊ ಅಶೆ° ಸಾಗತಾ ಕೀ, ಎಕ ಪಾವಟಿ ತಾಗೆಲೆ ಪ್ರೋಫೆಸರಾನ ಸಾಂಗಿಲೆ° ಖಂಯ, ತುವ° ತುಗೆಲೆ ವೃತ್ತಿಂತು° ಪ್ರಚಾರ ಘೆವಚಾಕ ಯಾ ನಾವಾದೀಕ ಜಾವಚಾಕ ಆಯಿಲೊ ನ್ಹಹಿ°. ತುಗೆಲೆ ಮನಾಕ ಖಂಚೆ ಸಮ ಮ್ಹಣ ದಿಸತಾ ತ್ಯಾ ಪ್ರಮಾಣೆ ಮಾನವಿಯತಾ ದೃಷ್ಠಿ ದವರನು ಕರ್ತವ್ಯಪಾಲನ ಕರಿ. ಕೋಣಾಕ ಅಭಿಮಾನ ಆಸಾಕೀ ತಾಗೆ ಲಾಗಿ ಮಾನವೀಯತಾ ಆಸತಾ. ಕೋಣಾಕಯಿ ಖುಷಿ ಕರಚಾಕ ಕರ್ತವ್ಯ ಕರಚಾಕ ಜಾಯನಾ. ಅಹಂ ಸೋಡಕಾ, ಶರೀರ ಆನಿ ಪ್ರಾಪಂಚಿಕ ವಸ್ತು ಸೋಡಚೆ° ಕರಕಾ. ಶರೀರ ಆನಿ ಹೇರ ವಸ್ತು ಆಮಗೆಲೊ ನ್ಹಹಿ° ಮ್ಹಣು ಚಿಂತಲ್ಯಾರಿ ಸಹಜ ಜಾವನು ಆಮಿ ಸ್ವತಂತ್ರ ಜಾತಾತಿ. ಆತ್ಮ ವ್ಹಂವಚಾಕ ಶರೀರ ಶಿವಾಯ, ಶರೀರ ವ್ಹವಂಚಾಕ ಆತ್ಮ ನ್ಹಹಿ° ಮ್ಹಳೆಲೆ ಉಡಗಾಸ ದವರಕಾ. ಆತ್ಮಾನ ಶರೀರ ವ್ಹಂವಚಿ ಪರಿಸ್ಥಿತಿ ಆಯಲ್ಯಾರಿ ಶರೀರ ಸೋಡಕಾ ಮ್ಹಣು ತೊ ಸಾಂಗತಾ.
ಆರೋಗ್ಯ ಸಾಂಬಾಳಚಾಕ ಕಸಲೆ° ಕರಕಾ ಮ್ಹಣೂಯಿ ಡಾಕ್ಟರಾನ ತಾಗೆಲೆ ಭಾಷಣಾಂತು° ಸಾಂಗಲಾ°. ಜೀವನಾಂತು° ಚಲನ, ಭೋಜನ, ಶಯನ ಆನಿ ಪ್ರಕೃತಿ ವೀಲಿನಾಚೆ ಬದಲ ಜ್ಞಾನ ಆಸೂಕಾ ಮ್ಹಣು ತೊ ಸಾಂಗತಾ.
ಆಮಿ ಕೆದನಾಯಿ ಚಲನಶೀಲ ಆಸೂಕಾ. ಚಲಚನಶೀಲತಾ ಮ್ಹಳ್ಯಾರಿ ಜೀವಂತ ಆಸಾತಿ ಮ್ಹಣಚೆ ಸೂಚನಾ. ತ್ಯಾ ನಿಮಿತ ಪ್ರಾಯ ಜಾಲೆಲ್ಯಾನಿ ಜಾಲೆ ತಿತಲೆ ಚಮ್ಕೂಚೆ° ಕರಕಾ. 60 ವರಸ° ಜಾತರಿ ಎಕ ವಾಕಿಂಗ್ ಸ್ಟಿಕ್ ದ್ಹರನು ಚಮಕೂಚೆ° ಬರೆ° ಮ್ಹಣು ತೊ ಡಾ. ಟಿ. ಎ. ಎ. ಪೈಲೆ ಉದಾಹರಣ ದಿತಾ.
ದುಸ್ರೆಂ, ಭೋಜನ. ತರನಾಟೆ ಆಸತನಾ ಫಾತೋರ ಖಾವನು ಜೀರ್ಣ ಕರಚಿ ಶಕ್ತಿ ಆಸತಾ. ಪ್ರಾಯ ಜಾತಾನ ತೀ ಶಕ್ತಿ ಊಣೆ ಜಾತಾ. ತಶಿಂ ಮ್ಹಣು ಕಸಲೆಂಯಿ ಸೊಡಚೆಂ ನ್ಹಹಿಂ. ನ್ಯೂಟ್ರಿಶಿಯನ್ ಮ್ಹಳ್ಯಾರಿ ಹೈ ಫೈಬರ್ ಆಸೂಕಾ, ಉದಾಕ ಪಿವಕಾ, ಲಾಯಕ ಕರನು ನಿದೋಕಾ. ಎಕ ಲೇಖಾ ಪ್ರಮಾಣೆ 8 ಗಂಟೊ ಕಾಮ ಕರಕಾ, 8 ಗಂಟೊ ಕುಟುಂಬಾಕ ದೀವಕಾ ಆನಿ 8 ಗಂಟೊ ನಿದೋಕಾ. ವಗೀ ನಿದೊಚೆಂ ಆನಿ ವಗೀ ಉಟಾಚೆ° ಕರಕಾ. ಪ್ರಕೃತಿ ಸಾಂಗತ ಮೆಳಚೆ° ಕರಕಾ. ಅನೈಸರ್ಗಿಕ ವಸ್ತು ದೂರ ದವರಕಾ. ಮೊಬೈಲ್ ಆನಿ ತಸಲೆ ಹೇರ ವಸ್ತು ದೂರ ಕರಚೆ°, ಖಂಚೆಯ ಗಾರ್ಡನಾಕ ವಚೆ° ಹಾಕಾ ಉದಾಹರಣ ಜಾತಾತಿ. ಪ್ರಕೃತಿ ಮಾತೆಲೆ ಸಾಂಗತ ಮೇಳನು ಆಸಚೆಂ ಅತ್ಯಂತ ಪ್ರಮುಖ ಜಾತಾ.
ಆಯಚೆ ದೀಸಾಂತ ಸಂಭoದ ಚೂಕುನ ವಚೆ° ಸಾಮಾನ್ಯ ಜಾಲಾ°. ಸಂಭoದ ವರೊನ ಹಾಡಚೆ° ಕರಕಾ. ದೋಸ್ತ ಮ್ಹಳಯಾರಿ ಕಾನ್ನಡಿ ಶೆಂ ಆಸತಾತಿ. ಮುಖಸ್ತುತಿ ಕರತಲೆ ನ್ಹಹಿ°. ಕೇದನಾಯಿ ಸಂಭoದ ಉದಾಕಶೆ° ಆಸೂಕಾ. ಉದಾಕ ಪಾರದರ್ಶಕ ಆಸತಾ. ತಾನಿ ನಿವಯತಾ. ಆಮಿ ತಶೀಂಚಿ ಜಾವಕಾ. ತ್ಯಾ ನಿಮಿತ ಜೀವನಾಂತು° ಚಲನ, ಭೋಜನ, ಶಯನ ಆನಿ ಪ್ರಕೃತಿ ವೀಲಿನಾಚೆ ಬದಲ ಚಡ ಮಹತ್ವ ದೀವಕಾ. ತ್ಯಾಚ ವೇಳಾರ ಸ್ನೇಹ ಪರಿಪಾಲನ ಕರಚೆ° ಕರಕಾ ಮ್ಹಣು ಸಾಂಗೂನು ತಾಣೆ ತಾಗೆಲೆ ಭಾಷಣ ಆಖೇರಿ ಕೆಲೆಲೆಂ ಆಸಾ.
ತಾಣೆ ಭಾಷಣಾಂತು° ಕಸಲೆ° ಸಾಂಗಲಾ° ತೆ° ತಾಣೆ ಜೀವನಾಂತು° ಪರಿಪಾಲನ ಕೆಲಾ° ಮ್ಹಣಯೆತ. ತಾಗೆಲೆ ಬದಲ ತಾಗೆಲೆ ದೋಸ್ತಾನಿ, ಪೇಶೆಂಟಾನಿ ಆನೆ ಹೇರಾನಿ ಸೋಶಿಯಲ್ ಮೀಡಿಯಾರಿ ಫಾಯಸ ಕೆಲೆಲೆ ಸಂದೇಶ ಪಳೊವನು ಆಶೆಂ ಸಾಂಗಚಾಕ ಜಾತಾ.
ಡಾಕ್ಟಾçಲೊ ಮ್ಹಾಂತು ಜಿ. ಜಿ. ವಾಸುದೇವ ಪ್ರಭು ಹಾಂನಿ° ಮಂಗಳೂರಾoತು° ಕೊಂಕಣಿ ಭಾಶೆ ಖಾತೀರ ಸೇವಾ ದಿವಚೆ ನದರೇನ 1981ತು° ಶುರು ಕೆಲೆಲೊ ಸಂಸ್ಥೊ ಕೊಂಕಣಿ ಸಾಂಸ್ಕೃತೀಕ ಸಂಘ ಆಜಿಕಯೀ ತೀ ಸೇವಾ ದಿವೂನ ಆಸಾ. ಸಂಘಾನ ಆಪಯಿಲೆ ತೇದನಾ ಜಿ. ಜಿ. ಲಕ್ಷ್ಮಣ್ ಪ್ರಭು ಯೆವನು ತಾಂಕಾ° ಮಾರ್ಗದರ್ಶನ ದಿತಲೊ. ಉತ್ತಮ ವೈದ್ಯ, ವಾಘ್ಮಿ, ಸಂಘಟಕ, ಸಾಹಿತಿ ಆನಿ ಬರೊ ಮನಿಸ್ ಆಶಿಲೆ ತಾಂಗೆಲೆ ಆತ್ಮಾಕ ಶಾಂತಿ ಮಾಘೂಯಾ°.
Shabdvihar
ನೆಸಣ
ತಾಗೆಲೆ ನೆಸಣ ಕೆದನಾಯಿ ಕಾಸ ಘಾಲೆಲೆ ಜಾವನು ಆಸಾ. ಥೊಡೆ ಜಣಾಲೆಂ ನೆಸಣ ಆಡ ಮುಂಡ ಜಾವನು ಆಸತಾ.
ಉದ್ಧೃತ ವಾಕ್ಯಾಂತು ನೆಸಣ ಮ್ಹಣಚೋ ಶಬ್ದು ಪ್ರಯೋಗ ಜಾಲಾ, ಹಾಜಿ ವ್ಯತ್ಪತ್ತಿ ಸಮಜೂವ್ಯಾಂ. ನೆಸಣ ಮ್ಹಳ್ಯಾರ ಆಂಗವಲೇ ಧಾರಣ ಕೆಲೇಲಿ ರೀತ ಮ್ಹಣು ಜಾವನು ಆಸಾ. ಧಾರಣ ಕರಚೇ (ನೆಸಚೇ) ಆಂಗವಲೆ ಜೋ ಆಸಾ ತೇ ಅಥರ್ಾರಿ ಸಂಸ್ಕೃತ ಭಾಶೆಂತ ನಿವಸನಂ ಮ್ಹಣು ಜೋ ಶಬ್ದು ಆಸಾ ತ್ಯಾ ನಿವಸನಂ ಮ್ಹಣಚೇ ಶಬ್ದಾಚೇ ಪ್ರಾಕೃತ ಭಾಶಾ ರೂಪ ನಿಅಸನ ಮ್ಹಣು ಜಾವನು ಆಸಾ. ನಿಅಸನ ಮ್ಹಣಚೊ ಹೆ ಶಬ್ದಾಂತೂಲೆ ನಿಅ ಮ್ಹಣಚೇ ನೇ ಜಾವನು ನೇಸನ ಮ್ಹಣು ಜಾಲ್ಲೆ. ಕೊಂಕಣೀ ಭಾಶೆಂತು ನ ಕಾರ ಣ ಕಾರ ಜಾವಚೆ ನಿಮಿತ್ತ ನೇಸನಂ ಮ್ಹಣಚೇ ನೇಸಣ ಮ್ಹಣು ರೂಪ ಪಾವನು ಚಾಲ್ತಿಂತು ನೆಸಣ ಮ್ಹಣು ಜಾಲ್ಲಾ ಆನೀ ಹಾಜೋ ಅಥರ್ು (ವಸ್ತ್ರ) ಮ್ಹಣ ಜಾಲ್ಯಾರಿಯೀ ಧಾರಣ ಕೆಲೇಲೆ, ಕೆಲೇರೀ ರೀತ ಮ್ಹಣು ಅಥರ್ಾರಿ ವಾಪರತಾತಿ.
An Appeal to the members of the GSB Community
जेसन पींत, SDB, उद्यावर, उडुपी (MA कोंकणी)
ಕೊಡಿಯಾಲ ಖಬರ ಸಾನ ಕಾಣಿಯೊ ಬರೊವಚೆ ಸ್ಪರ್ಧೆಂತು°
ಪರಬೆಕ ತಿಸ್ರೆ ಲ್ಹಾರಾಚೆ ಭಯ ವಿಶ್ವಾಕಚ ಕರೋನಾಚೆ ಭಯ
ನವೆಂಬರ ಮ್ಹಯನೊ ಸರನು ದಶಂಬರ ಪಾವಚೆ ಸಂದರ್ಭಾರ ಲೋಕಾಂಕ
ಅಮ್ಚಿಗೆಲೆ ಪರ್ಬೆ ರಾಂದಪ ಅಮ್ಚಿ ರಾಂದಪ ಭಾರಿ ಸುಲಭಗೊ
ಪ್ರಾಕ ದಕೂನು ಪ್ರಸ್ತೂತಾಕ ಎತ್ತಾನ ಅಮ್ಗೆಲೆ ಖಾಣಜವಣ,
ಶ್ರಾವಣ ಮಾಸು ಆನಿ ಚೂಡಿ ಪೂಜಾ ಅಶ್ಶಿ ತಶ್ಶಿ ಪೊಳೊಚೆ
ಮನು ಕುಲ ಕಳನು ಕೀ ಕಳನಾಶಿ° ಚೂಕಿ ಕೆಲ್ಲಾರಿ ಆವಸು
कोरोना महामारी भारताक येवनु ६ महिने जाले.
ಗುಜರಾತ ರಾಜ್ಯಂತು ಸಾಬಾರ ಸಂಖ್ಯೆರಿ ಜೈನ ಸಮುದಾಯ ಭೊ
Well Wishers
Most Read
- “ದಕ್ಷಿಣದ ಸಾರಸ್ವತರು”
- ಆಧುನಿಕ ಮಹಾಭಾರತ
- कन्याकुमारिच्या स्वामी विवेकानंद स्मारकाक ५० वरसां
- ರಚನಾ...
- ಕುದ್ಮುಲ ರಂಗರಾವ್
- ಸತ್ಯನಾರಾಯಣ ಪೂಜಾ
- ಘರ ಏಕ್ ದೇವುಳ
- कोरोनान शिकयिलो पाठ
- तुळशी काट्टो
- ವಾಯು ದಳಾಂತು ಕೊಂಕಣಿ ಮಹಿಳಾ ರಶ್ಮಿ ಭಟ್
- ಜುನಾಗಢ್
- GSB Scholarship League Application
- ವಿಧಿ ಲಿಖಿತ
- ಘರ ಏಕ್ ದೇವುಳ -2
- ಮಸೀಂಗ
- ಹುಂಬರು (ಉಂಬರು)
- 'ಮಹಾ ಸರಕಾರ"
- ತಾಕೀತ (ತಾಕೀದ)
- भारताचे अमृत स्वातंत्र महोत्सवाचे पांच अमृत घडियो
- स्वावलंबन आनी आत्मविश्वास
- ಗುಜರಾತ - ಪಾಲಿಟಾನಾ
- ಶಿಕ್ಷಣ ಕ್ಷೇತ್ರಾಕ ಗ್ರಹಣ
- ಉದ್ಯೋಗ ಆನೀ ನಿರುದ್ಯೋಗ
- ಗಾಂಧೀಜಿ ಆನಿ ಆತ್ಮನಿರ್ಭರತಾ
- अस्तंगत जाल्यो कोंकणीचे मळबांतलीं दोन जगमगी नकेत्रां
- ಅಕಾಲಿಕ ಪಾವಸಾ ಮಧೆ ಮಾಲಿನ್ಯ ! - ಅರವಿಂದ ಶಾನಭಾಗ, ಬಾಳೆರಿ
- ಅಂತರಾಷ್ಟ್ರೀಯ ವನಿತಾ ದಿವಸು
- ವಿಶ್ವ ಕೊಂಕಣಿ ಕೇಂದ್ರ ‘ಕ್ಷಮತಾ ಅಕಾಡೆಮಿ’ 2021
- SUKRTINDRA ORIENTAL RESEARCH INSTITUTE
- ಲಾಕ್ಡೌನ್
Homage
Who is Online?
We have 67 guests and no members online