Displaying items by tag: Mangalore
ಜನತಾದರ್ಶನ ಕಾರ್ಯಕ್ರಮಾಂತು ರಸ್ತೆ ದುರಸ್ತಿ ಕರಚೆ ತಶೆ° ಮನವಿ
ಮಂಗಳೂರು: ಹಾಂಗಾಚೆ ಪುರಭವನಾಂತು ಚಲೆಲೆ ಜನತಾದರ್ಶನ ಕಾರ್ಯಕ್ರಮಾಂತು ಸಾಮಾಜಿಕ ಕಾರ್ಯಕರ್ತ ಡಾ. ಅರವಿಂದ ಶ್ಯಾನಭಾಗ ಹಾಂನಿ° ಜಿಲ್ಲಾ ಉಸ್ತುವಾರಿ ಮಂತ್ರಿ ದಿನೇಶ ಗುಂಡುರಾವ್ ಹಾಂಕಾ° ಭೇಟೂನು ಮಂಗಳೂರಚೆ ರಸ್ತೆ ಅವ್ಯವಸ್ಥೆಚೆ ವಿಷಯಾರ ಗಂಭೀರ ಚರ್ಚಾ ಕೆಲಿ. ಜನಾಂಗೆಲೆ ಮರಣಾಕ ಕಾರಣ ಜಾವನು ಆಸಚೆ ರಸ್ತೆ ದುರಸ್ತಿ ಕರಚೆ ತಶೆ° ಮನವಿ ಕೆಲಿ. ಮಂತ್ರಿನ ಸಕಾರಾತ್ಮಕ ರೀತಿರ ಸ್ಪಂದನ ದಿವನು ಅರ್ಜಿ ಮಂಗಳೂರು ಮಹಾನಗರ ಪಾಲಿಕಾಚೆ ಆಯುಕ್ತಾಕ ವರ್ಗ ಕರನು ರಸ್ತೆ ದುರಸ್ತಿಕ ಕ್ರಮ ಘೆವಚೆ ತಶೆ° ಸೂಚೊವಣಿ ದಿಲಿ. ವಿಧಾನ ಪರಿಷತ ಶಾಸಕ ಹರೀಶ್ ಕುಮಾರ್, ಜಿಲ್ಲಾಧಿಕಾರಿ ಮುಲ್ಲೈ ಮುಗಿಲನ್, ಜಿಲ್ಲಾ ಪಂಚಾಯತ್ ಮುಖೇಲ ಕಾರ್ಯ ನಿರ್ವಹಣಾಧಿಕಾರಿ ಡಾ. ಆನಂದ್, ಶಹರ ಪೊಲೀಸ್ ಆಯುಕ್ತ ಅನುಪಮ್ ಅರ್ಗವಾಲ್, ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿ ರಿಷ್ಯಂತ್ ಸಿ.ಬಿ. ಆನಿ ಹೇರ ಉಪಸ್ಥಿತ ಆಶಿಲೆ.
'ಲವ ಕುಶ' ಕೊಂಕಣಿ ನಾಟ್ಕುಳೆ° ಪ್ರದರ್ಶನ
ಮಂಗಳೂರು: ಕರ್ನಾಟಕ ಸರಕಾರಾಚೆ ಕೊಂಕಣಿ ಸಾಹಿತ್ಯ ಅಕಾಡೆಮಿಚೆ 'ಕಲಾ ಗೌರವ' ಪ್ರಶಸ್ತಿ ವಿಜೇತ ನಾಟಕಕಾರ ಕೋಣಿ ಶೇಷಗಿರಿ ನಾಯಕ ಹಾಂನಿ° ರಚನ ಕರನು ನಿರ್ದೇಶನ ಕೆಲೆಲೆ° ಕೊಂಕಣಿ ನಾಟ್ಕುಳೆ° 'ಲವ ಕುಶ' ಹಾಜೆ° ಪ್ರದರ್ಶನ ಆರತಾ° ಮಂಗಳೂರು ಡೊಂಗರಕೇರಿಚೆ ಶ್ರೀ ವೆಂಕಟರಮಣ ದೇವಳಾಂತ ಜಾಲೆ°. ಶ್ರೀ ಸಂಸ್ಥಾನ ಶಾಂತಾಶ್ರಮ ಕಾಶಿ ತಥಾ ಹಳದೀಪುರ ಮಠಾಧಿಪತಿ ಶ್ರೀ ಶ್ರೀ ವಾಮನಾಶ್ರಮ ಸ್ವಾಮೀಜಿ ಹಾಂಗೆಲೆ 20ವೆ° ಚಾರ್ತುಮಾಸ ವೃತಾಚರಣೆ ಸಂದರ್ಭಾರ ಹೆ° ಪ್ರದರ್ಶನ ಜಾಲೆ°. ಹ್ಯಾ ನಾಟಕಾಚೆ ಪ್ರದರ್ಶನಾಕ ಕೋಣಿ ಶೇಷಗಿರಿ ನಾಯಕ ಹಾಂಕಾ° ಸಂಸ್ಕೃತ ಉಪನ್ಯಾಸಕ ಡಾ. ಅರವಿಂದ ಶಾನಭಾಗ ಆನಿ ಮ್ಹಾಲ್ಗಡೊ ರಂಗಕರ್ಮಿ ರಾಮದಾಸ ಗುಲ್ವಾಡಿ ಹಾಂನಿ° ಮದದ ಕೆಲೆ°. ವಿಶ್ವನಾಥ ಭಟ್ ಹಾಂನಿ° ಸಂಗೀತ ದಿಲೆಂ. ಲಲಿತ ಕಲಾ ಆರ್ಟ್ಸ ಹಾಂಗೆಲೆ° ಪ್ರಸಾಧನ ಆಶಿಲೆ°. ಶ್ರೀ ವೆಂಕಟರಮಣ ದೇವಳ ಡೊಂಗರಕೇರಿ ಹಾಜೆ° ಆಡಳಿತ ಮಂಡಳಿ, ಗುರು ಸೇವಾ ಸಮಿತಿ ಆನಿ ಪ್ರಮಿಳಾ ವಿ. ಶೇಟ್ ಹಾಂನಿ° ಸಹಕಾರ ದಿಲೊ. ಪ್ರಾಚಿ ವಿ, ಶೇಟ್(ಪೀಠಿಕಾ), ಸೂರಜ್ ಜಿ. ಶೇಟ್(ಲವ), ಗೌರವ ಜಿ. ಶೇಟ್(ಕುಶ), ಪೂಜನ್ ಎಸ್, ನಾಯಕ್(ವಾಲ್ಮಿಕಿ), ಚೇತನೇಶ ಎಸ್. ಶೇಟ್ ( ), ವಿಭಾ ವಿ. ಶೇಟ್(ರಾಮ), ಸೀತಾಲಕ್ಶ್ಮೀ ಎಂ. ವಾಲ್ಕೆ(ಲಕ್ಷ್ಮಣ), ಈಶಾ ಎಚ್. ಶೇಟ್(ಭರತ), ಶ್ರೇಯಾ ಎಸ್. ಶೇಟ್(ಶತ್ರುಘ್ನ), ಟಿ. ಪಂಚಮಿ ಎಸ್. ವಾಲ್ಕೆ(ಸೀತಾ), ಆದ್ಯಾ ಎಸ್. ಗಾಂಸ್ಕರ್(ಸೇವಕಿ), ತ್ರೀಶಾ ಜಿ. ವಾಲ್ಕೆ(ಸೇವಕಿ), ಆದಿತ್ಯ ಎಸ್. ಗಾಂಸ್ಕರ್(ಹನುಮοತ), ಜಯದೇವ ಜಿ. ಶೇಟ್(ವಾನರ), ಅನ್ಯ ಜಿ. ನಾಗ್ವೇಕರ್ (ಡಂಗುರ), ಅನುಜ್ ಎಸ್. ಗಾಂಸ್ಕರ್(ದೂತ), ಪ್ರಸಾದ ಎಸ್. ನಾಯಕ್(ಗೊಡೆ ಸೇವಕಿ) ಹಾಂನಿ° ನಟನ ಕೆಲೆ°.
Click Support Us to support Kodial Khaber
ಸಗಟ ಭಾಷೆಂಕ ಗೌರವ ದೀವಕಾ, ಚಡ ಭಾಸ ಶಿಕಲ್ಯಾರಿ ಜ್ಞಾನ ವಾಡತಾ - ಮುಕುಂದ ಪ್ರಭು
ಮಂಗಳೂರು: ಹಾಂಗಾಚೆ ಬೆಸೆಂಟ್ ಮಹಿಳಾ ಕಾಲೇಜಾಚೆ ಹಿಂದಿ ವಿಭಾಗಾನ ಆರತಾ° ಹಿಂದಿ ದೀವಸ ಆಚರಣ ಕೆಲೊ. ಸೇಂಟ್ ಅಲೋಶಿಯಸ್ ಕಾಲೇಜಾಚೆ ಹಿಂದಿ ವಿಭಾಗಾಚೊ ಮುಖ್ಯಸ್ಥ ಡಾ. ಮುಕುಂದ ಪ್ರಭು ಮುಖೇಲ ಸೊಯ್ರೆ ಆಶಿಲೆ. ಹಿಂದಿ ಭಾಶೆಚೆ ಮಹತ್ವ, ಅಣಕಾರ ಕ್ಷೇತ್ರಾಂತು ಹಿಂದಿ, ಅಂತ ರಾಷ್ಟ್ರೀಯ ಸ್ಥರಾರಿ ಹಿಂದಿ ಭಾಶೆಚಿ ಅಭಿವೃದ್ಧಿ ಬದಲ ತಾಂನಿ° ಉಲಯಲೆ. ಆಮಿ ಸರ್ವ ಭಾಶೆಂಕ ಗೌರವ ದಿವಕಾ ಆನಿ ಚಡ ಚಡ ಭಾಸ ಶಿಕಲೆ ತಶಿ ಜ್ಞಾನ ವಾಡತಾ ಮ್ಹಳೆಲೆ° ಸಮಜೂನ ಘೆವಕಾ ಮ್ಹಣು ಉಲೊ ದಿಲೊ. ಬೆಸೆಂಟ ಕಾಲೇಜಾಚೆ ಹಿಂದಿ ವಿಭಾಗಾಚೊ ಮುಖ್ಯಸ್ಥ ಡಾ. ಪರಶುರಾಮ ಗ. ಮಾಳಗೆ ಹಾಂನಿ° ಪ್ರಸ್ತಾವಿಕ ಉತ್ರ° ಸಾಂಗಲಿ°. ಕೀರ್ತನಾ ಶೆಟ್ಟಿನ ಸ್ವಾಗತಾಚೆ ಉತ್ರಂ ಸಾಂಗಲಿ°. ಕಾಲೇಜಾಚೊ ಪ್ರಾಂಶುಪಾಲ ಡಾ. ಸತೀಶ್ ಕುಮಾರ್ ಶೆಟ್ಟಿ, ಪ್ರಾಧ್ಯಾಪಕ ಚೆನ್ನಕೇಶವ ಆನಿ ಜ್ಞಾನೇಶ್ವರಿ ಉಪಸ್ಥಿತ ಆಶಿಲಿ°. ಅನಘಾ, ವೈಷ್ಣವಿ, ಗೌತಮಿ ಹಾಂನಿ° ಪ್ರಾರ್ಥನಾ ಗಾಯಲಿ. ನಹಿಜಾನ ಆಬಾರ ಮಾನಲೊ. ಸುಮೈಯಾನ ಸೂತ್ರ ಸಂಚಾಲನ ಕೆಲೆ°. ವಿದ್ಯಾರ್ಥಿಯಾನಿ ದೇಶಭಕ್ತಿ ಗೀತ ಗಾಯಲೆ°.
ಸೆ. 24 "ಲವ ಕುಶ" ಕೊಂಕಣಿ ಪೌರಾಣಿಕ ನಾಟಕ ಪ್ರದರ್ಶನ
ಮಂಗಳೂರು: ಹಾಂಗಾಚೆ ಡೊಂಗರಕೇರಿ ಶ್ರೀ ವೆಂಕಟರಮಣ ದೇವಳಾಂತು° ಶ್ರೀ ಶ್ರೀ ವಾಮನಶರಾಮ ಸ್ವಾಮೆಂಗೆಲೆ ಚಾತುರ್ಮಾಸ ನಿಮಿತ್ತ ಸಾಂಸ್ಕೃತಿಕ ಕಾರ್ಯಕ್ರಮ ಜಾವನು ಆಯತಾರಾ ಸೆ. 24ಕ ರಾತಿ 8 ಗಂಟೆಕ "ಲವ ಕುಶ" ಪೌರಾಣಿಕ ಕೊಂಕಣಿ ನಾಟಕಾಚೆ ಪ್ರದರ್ಶನ ಜಾವಚೆ° ಆಸಾ ಮ್ಹಣು ದೇವಳಾಚೆ ಕಳವಣಿಂತು° ಸಾಂಗಲಾ°. ಚೆರಡುವಾನ ಖೆಳಚೆ ಹ್ಯಾ ನಾಟಕಾಚೆ ರಚನಾ ಆನಿ ನಿರ್ದೇಶನ ಕೋಣಿ ಶೇಷಗಿರಿ ನಾಯಕ ಹಾಂನಿ° ಕೆಲಾ°.
ಡೊಂಗರಕೇರಿ ಶ್ರೀ ವೆಂಕಟರಮಣ ದೇವಳಾಂತು° ನವಚಂಡಿಕಾ ಯಾಗ
ಮಂಗಳೂರು: ಹಾಂಗಾಚೆ ಡೊಂಗರಕೇರಿ ಶ್ರೀ ವೆಂಕಟರಮಣ ದೇವಳಾಂತು° ಸೆಪ್ಟೆಂಬರ್ 13ಕ ವೈಶ್ಯ ಸಮಾಜಾಚೆ ಕುಲಗುರು ಶ್ರೀ ಶ್ರೀ ವಾಮನಾಶ್ರಮ ಸ್ವಾಮೀಜಿ ಹಾಂಗೆಲೆ ಚಾತುರ್ಮಾಸ ಆಚರಣೆಕ ಲಾಗೂನ ನವಚಂಡಿಕಾ ಯಾಗ ಚಲೊ. ಹ್ಯಾ ವೇಳಾರ ಕಲ್ಲಡ್ಕ ಡಾ. ಪ್ರಭಾಕರ ಭಟ್ ಹಾಂನಿ° ಉಪಸ್ಥಿತ ಆಸೂನ ಸ್ವಾಮೀಜಿಲೊ ಆಶೀರ್ವಾದ ಸ್ವೀಕಾರ ಕೆಲೊ. "ಆಯಚೆ ಕಾಳಾಂತು° ಸಂತ ಲೋಕಾಲೆ ಮಾರ್ಗದರ್ಶನ ಗರಜೆಚೆ° ಜಾವನು ಆಸಾ, ತಾಂಗೆಲೆ ನಿಮಿತ ಸಮಾಜ ಬಾಂಧವಾ ಮಧೆ° ಪುರಾತನ ಸನಾತನ ಹಿಂದೂ ಸಂಸ್ಕೃತಿಚಿ ಜಾಗೃತಿ ಸಾಧ್ಯ ಆಸಾ" ಮ್ಹಣು ತಾಂನಿ° ಸಾಂಗಲೆ°. ದೇವಳಾಚೆ ಆಡಳಿತ ಮೊಕ್ತೇಸರ ವರದರಾಯ ನಾಗ್ವೇಕರ್, ಮೊಕ್ತೇಸರ ವಿನಾಯಕ ಶೇಟ್, ಗೋಪಿಚಾಂದ ಶೇಟ್, ಚಾತುರ್ಮಾಸ ಸಮಿತಿಚೊ ಅಧ್ಯಕ್ಷ ಪ್ರವೀಣ್ ನಾಗ್ವೇಕರ್, ಆದಲೆ ಮೊಕ್ತೇಸರ ಮನೋಜ್ ನಾಯಕ್, ವೈಶ್ಯ ಎಜುಕೇಶನ್ ಸೊಸೈಟಿಚೆ ಅಧ್ಯಕ್ಷ ಶ್ರೀನಿವಾಸ್ ಪಿ ಶೇಟ್, ದೈವಜ್ಞ ಬ್ರಾಹ್ಮಣ ಸಮಾಜಾಚೊ ಅಧ್ಯಕ್ಷ ಸುಧಾಕರ ಶೇಟ್ ಉಪಸ್ಥಿತ ಆಶಿಲೆ.
मंगळूरांत ‘कोंकणी वाग्देवी पुरस्कार’ प्रदान
मंगळूर: “कोंकणी भासेक भारताचे संविधानांत मान्यताय मेळून तीस वरसां हुपलीं आनी एक संपूर्ण नवी पिळीगा आयज उबो राबल्या. ह्या पर्व कालाचेर मंगळूरच्या नलंदा आंग्ल माध्यम शाळेच्या पूर्णिमा प्रभुन कर्नाटक sslc बोर्ड परीक्षेंत कोंकणींत १००% अंक जोडुन इतिहास निर्माण केला. तिका सुजिर सि.वी. नायक सभागृहांत कोंकणी वाग्देवी पुरस्कार, शिश्यवेतन आनी उड्गेरें मंगळूरच्या सेवा संघाचो अध्यक्ष डा. कस्तुरी मोहन पै हानी फ़ावो केलो. सेवा संघाचो ८५ संस्थापन दिवसाचे सुवाळ्यांत एक्सपर्ट शिक्षण संस्थेच्या उप अध्यक्ष डा.उशाप्रभा नायक, अर्थिक तज्ञ डा. प्रकाश कामत आनी धर्मदर्शी सतीश प्रभु हे मुखैल सोयरे आसिल्ले. विश्वनाथ भट्ट, उशा मोहन पै, सुचित्रा शेणाइ, वेंकटेश बाळिगा, एम. आर. कामत उपस्थित आशिल्ले. शिक्षणिक क्षमताय जोडलेल्या १६० छात्रांक एम.आर.कमत आनी माधव्रय प्रभु हानीं सम्मान केलो. उषा मोहन पै, चंद्रिका मल्या, विद्या बाळिगा, मिनाक्षी पै आनि विध्या पै हांनी २५ शाळेंच्या २५० छात्रांक वेग वेग्ळे कोंकणी सर्त चलोवुन बोमान वांटलीं. गौरव सचिव डा. रमेश पै हानी देव बरे करूं म्हळ्ळें.
ಕೃಷ್ಣಾಕ ಪಾಳ್ಳೆ° ಘಾಲೊ
ಮಂಗಳೂರು: ಹಾಂಗಾಚೆ ಗೌಡ ಸಾರಸ್ವತ ಬ್ರಾಹ್ಮಣ ಮಹಿಳಾ ವೃಂದ ಮಂಗಳೂರು ಹಾಂಗೆಲೆ ತರಪೇನ ವಿ.ಟಿ.ರೋಡಾಚೆ ಶ್ರೀ ಕೃಷ್ಣ ಮಂದಿರಾοತು ಕೃಷ್ಣಾಕ ಪಾಳ್ಳೆಂ ಘಾಲಚೊ ಕಾರ್ಯಕ್ರಮ ಚಲೊ. ಸೆಪ್ಟೆಂಬರ 9 ತಾರೀಕೆಕ ಶ್ರಾವಣ ಮಾಸಾಚೆ ದಶಮಿ ತಿಥಿಕ ಸಾಂಜೆರಿ ಶ್ರೀ ಕೃಷ್ಣ ಜಯಂತಿ ಉತ್ಸವಾ ದೀವಸು ಮಹಿಳಾ ವೃಂದಾಚಿ ಅಧ್ಯಕ್ಷಾ ನಯನಾ ರಾವ್ ಆನಿ ರಾಧಿಕಾ ಭಟ ಹಾಂನಿ° ಶ್ರೀ ಕೃಷ್ಣಾಕ ಪಾಳ್ಳೆ° ಘಾಲೊ. ಮಹಿಳಾ ವೃಂದಾಚೆ ವತಿನ ಉಪಸ್ಥಿತ ಆಶಿಲೆ ಸರ್ವ ಸುಮಂಗಲಿ ಸ್ತ್ರೀಯಾಂಕ ಹಳದಿ, ಕುಂಕುಮ, ಕಾಂಕಣ ದಿವಚೆ° ಜಾಲೆ°. ದೇವಳಾಚೆ ಆಡಳಿತ ಮಂಡಳೀಚೆ ಸರ್ವ ಸದಸ್ಯ ಉಪಸ್ಥಿತ ಆಶಿಲಿಂಚಿ. ಹ್ಯಾಚ ಸಂದರ್ಭಾರಿ ಚೆರಡುವಾಂಕ ಧಾರ್ಮಿಕ ವೇಷ ಸ್ಪರ್ಧೊ ಚಲೊ. ಸಾಬಾರ 35 ಚೆರಡುವಾಂನಿ ವಾಂಟೊ ಘೆತಲೊ. ಶ್ರೀಮತಿ ನಾಯಕ ಹಾಂನಿ° ಇನಾಂ ವಾಂಟಿಲೆ°.
ಶೈಕ್ಷಣಿಕ ಜಾವನು ಕೊಂಕಣಿ ಭಾಶೆಚೆ ಅಧ್ಯಯನ ಕೆಲ್ಯಾರಿ ಭಾಷಾಭಿವೃದ್ಧಿ ಜಾತಾ - ಡಾ. ಜಯವಂತ ನಾಯಕ್
ಮಂಗಳೂರು: "ಕೊಂಕಣಿ ಭಾಶೆಕ ಮೇಳಕಾ ಆಶಿಲೆ ಸರ್ವ ಮಾನ್ಯತಾ ಮೇಳಯಾ. ಹಾಜೆ° ಉಪೇಗ ಕೊಂಕಣಿ ಲೋಕಾಣ ಕರಕಾ. ಶಾಳೆಂತು° ಕೊಂಕಣಿ ಶಿಖಚಾಕ ಅವಕಾಶ ಆಸಾ, ಸ್ನಾತಕೋತರ ಸ್ಥರಾರಿ ಕೊಂಕಣಿ ಎಂ. ಎ ಅಧ್ಯಯನ ಕರಯೇತ. ಕೊಂಕಣಿ ಸಂಘ ಸಂಸ್ಥೆ ಆನಿ ಅಭಿಮಾನಿ ಲೋಕ ಕೊಂಕಣಿ ಶಿಖತಲ್ಯಾಂಕ ವಿದ್ಯಾರ್ಥಿ ವೇತನ ದಿತಾತಿ. ಹಾಜೆ° ಸದುಪಯೋಗ ಕರನು ಕೊಂಕಣಿ ಭಾಸ ಆನಿ ಸಂಸ್ಕೃತಿ ಮುಕಾವಯಲೆ ಪೀಳಗಿಕ ಪಾವೊಚೆ° ಜಾವಕಾ ಮ್ಹಣು ಮಂಗಳೂರು ವಿರ್ಶವ ವಿದ್ಯಾನಿಲಯಾಚೆ ಕೊಂಕಣಿ ಅಧ್ಯಯನ ಪೀಠ ಹಾಜೊ ಸಂಚಾಲಕ ಡಾ. ಜಯವಂತ ನಾಯಕ್ ಹಾಂನಿ° ಸಾಂಗಲೆ°. ಕೊಂಕಣಿ ಸಾಂಸ್ಕೃತಿಕ ಸಂಘ ಹಾಂನಿ° ಆಯೋಜನ ಕೆಲೆಲೆ ಕೊಂಕಣಿ ಮಾನ್ಯತಾ ದೀವಸ ಸುವಾಳ್ಯಾಂತು° "ಕೊಂಕಣಿ ಸಾಂಸ್ಕೃತಿಕ ರಾಯಭಾರಿ" ಪ್ರಶಸ್ತಿ ಸ್ವೀಕಾರ ಕರನು ತಾಂನಿ° ಆಶೆ° ಸಾಂಗಲೆ°.
ಎಸ್. ಎಲ್. ಶೇಟ್ ಜುವೆಲ್ಲರ್ಸ್ ಎಂಡ್ ಡೈಮಂಡ್ ಹೌಸ್ ಹಾಜೆ ಮಾಲಕ ಎಂ. ಪ್ರಶಾಂತ್ ಶೇಟ್ ಮುಖೇಲ ಸೊಯರೆ ಆಶಿಲೆ. ಕೊಂಕಣಿ ಎಕ ಶ್ರೇಷ್ಠ ಭಾಸ ಆಸಾ. ವ್ಹಿಂಗವ್ಹಿοಗಡ ಸಮುದಾಯಾಚಾಲಿ ಮಾತೃಭಾಸ ಕೊಂಕಣಿ ಆಸಾ. ಆಮಿ ಸಗಟಾನ ಮೇಳನು ಆಮಗೆಲಿ ಮಾತೃಭಾಶೆಚಿ ಸೇವಾ ಕರಕಾ. ಮುಕಾವಯಲೆ ದೀವಸಾಂತು° ಎಂ. ಎ ಕೊಂಕಣಿ ಅಧ್ಯಯನ ಕರಚೆ ವಿದ್ಯಾರ್ಥಿಯಾಂಕ ವಿದ್ಯಾರ್ಥಿ ವೇತನ ದಿತಾತಿ ಮ್ಹಣು ತಾಂನಿ° ಸಾಂಗಲೆ°. ಕೊಡಿಯಾಲ ಖಬರ್ ಡಾಟ್ ಕಾಮ್ ಸಂಪಾದಕ ವೆಂಕಟೇಶ್ ಬಾಳಿಗಾ ಹಾಂನಿ° ಮಾನ್ಯತಾ ದೀಸಾಚೊ ಸಂದೇಶ ದಿಲೊ. "ಕೊಂಕಣಿ ಭಾಶೆಕ ಮಾನ್ಯತಾ ಮೇಳಚಾಕ ಆಮಗೆಲೆ ಮ್ಹಾಲ್ಗಡೆನಿ ನಿಸ್ವಾರ್ಥ ಸೇವಾ ದಿಲೆಲಿ ಆಸಾ. ಆಮಿ ತಾಂನಿ ದಾಕಯಿಲೆ ಪಾಯವಾಟೆರಿ ಚಲಕಾ ಮ್ಹಣು ಉಲೊ ದಿಲೊ. ಹ್ಯಾಚ ಸುವಾಳ್ಯಾಂತು° ಸಂಘಾಚೊ ಸಂಸ್ಥಾಪಕ ಜಿ. ಜಿ. ವಾಸುದೇವ್ ಪ್ರಭು ಹಾಂಗೆಲೆ° ಸಂಸ್ಮರಣ ಮಮತಾ ಕಾಮತ್ ಹಾಂನಿ° ಕೆಲೆ°. ಮಾನಾಚಿ ಸಯ್ರಿಣಿ ಸಾಮರಸ್ಯ ಮಂಗಳೂರು ಹಾಜಿ ಅಧ್ಯಕ್ಷಾ ಮಂಜುಳಾ ನಾಯಕ್ ಹಾಂನಿ° ಶುಭಾಷಯ ಪಾಟಯಲೊ. ಸಂಘಾಚೊ ಅಧ್ಯಕ್ಷ ಮಣೆಲ್ ಗಜಾನನ ಶೆಣೈ ಹಾಂನಿ° ಸ್ವಾಗತಾಚೆ ಉತ್ರ° ಸಾಂಗಲಿ°. ಉಪಾಧ್ಯಕ್ಷಾ ಚಂದ್ರಿಕಾ ಬಾಳಿಗಾ, ಖಜಾಂಚಿ ರತ್ನಾಕರ ಕುಡ್ವ ವೇದಿಕೆರಿ ಉಪಸ್ಥಿತ ಆಶಿಲೆ. ಕಾರ್ಯದರ್ಶಿ ಕೃಷ್ಣ ಕಾಮತಾನ ಆಬಾರ ಮಾನಲೊ. ವಿದ್ಯಾ ಶೆಣೈನ ಪ್ರಾರ್ಥನಾ ಗಾಯಲಿ. ಪ್ರತಿಮಾ ನಾಯಕ್ ಆನಿ ಮಮತಾ ಕಾಮತ್ ಹಾಂನಿ° ಸೂತ್ರ ಸಂಚಾಲನ ಕೆಲೆ°. ಸಭಾ ಕಾರ್ಯಕ್ರಮಾಚೆ ಉಪ್ರಾಂತ ಪ್ರತಿಮಾ ನಾಯಕಾನ ಬರೊವನು ಪ್ರಕಾಶ ನಾಯಕಾ ನಿರ್ಧೇಶನ ಕೆಲೆಲೆ "ಘರ ಘರಚಿ ಕಾಣಿ" ಕೊಂಕಣಿ ನಾಟ್ಕುಳೆ° ಪ್ರದರ್ಶನ ಜಾಲೆ°. ಉಪರಾಂತ ವ್ಹಿಂಗವ್ಹಿοಗಡ ಸಾಂಸ್ಕೃತೀಕ ಕಾರ್ಯಕ್ರಮಾಚೆ ಪ್ರದರ್ಶನ ಜಾಲೆ°.
"ಜೀವನಾಂತು° ಶಿಸ್ತು ಪಾಲನ ಕೆಲ್ಯಾರಿ ಕಸಲೆಂಯಿ ಸಾಧನ ಕರಯೆತ" - ಡಾ. ಉಷಾಪ್ರಭಾ ನಾಯಕ್
ಮಂಗಳೂರು: "ಮನಶಾಲೆ ಜೀವನಾಂತು° ಶಿಕ್ಷಣಾಚೆ ಯೋಗದಾನ ಪ್ರಮುಖ ಆಸಾ. ಶಿಸ್ತು ಪಾಲನ ಕರನು ಜೀವನ ಕೆಲ್ಯಾರಿ ಕಸಲೆಂಯಿ ಸಾಧನಾ ಕರಯೆತ" ಮ್ಹಣು ಎಕ್ಸಪರ್ಟ್ ವಿದ್ಯಾ ಸಂಸ್ಥೆಚಿ ಉಪಾಧ್ಯಕ್ಷಾ ಡಾ. ಉಷಾಪ್ರಭಾ ನಾಯಕ್ ಹಾಂನಿ° ಸಾಂಗಲಾ°. ಜಿ. ಎಸ್. ಬಿ. ಸೇವಾ ಸಂಘ ಮಂಗಳೂರು ಹಾಂಗೆಲ ಸಂಸ್ಥಾಪನಾ ದೀವಸ ಸುವಾಳ್ಯಾಂತು° ಶೈಕ್ಷಣಿಕ ಸಾಧಕ ವಿದ್ಯಾರ್ಥಿಯಾಂಕ ಸನ್ಮಾನ ಕರನು ತಾಂನಿ° ಆಶೆ° ಸಾಂಗಲೆ°. ಎಸ್ ಎಸ್ ಎಲ್ ಸಿ ಪರೀಕ್ಷೆಂತು 100 ಠಕೋ ಅಂಕ ಜೋಡಿಲಿ ಮಂಗಳೂರಚೆ ನಳಂದಾ ಶಾಳೆಚಿ ವಿದ್ಯಾರ್ಥಿನಿ ಪೂರ್ಣಿಮಾ ಪ್ರಭುಕ "ವಾಗ್ದೇವಿ" ಪುರಸ್ಕಾರ ಆನಿ ಶಾಳೆಂತು° ಕೊಂಕಣಿ ಶಿಖಚೆ ವಿದ್ಯಾರ್ಥಿಯಾಂಕ ವಿದ್ಯಾರ್ಥಿ ವೇತನ ಪ್ರದಾನ ಜಾಲೆ°. ಪ್ರಶಸ್ತಿ ಪ್ರದಾನ ಕೆಲೆಲೆ ಮಂಗಳೂರು ಶ್ರೀ ವೆಂಕಟರಮಣ ದೇವಸ್ಥಾನಾಚೆ ಆಡಳಿತ ಮೊಕ್ತೇಸರ ಸತೀಶ್ ಪ್ರಭು ಹಾಂನಿ° "ಜಿ.ಎಸ್. ಬಿ. ಸಮಾಜ ಅತ್ಯಂತ ಶಿಕ್ಷಿತ ಸಮಾಜ ಜಾವನು ಆಸಾ, ಹರ ಎಕ ಕ್ಷೇತ್ರಾಂತು° ಆಮಿ ಯೋಗದಾನ ದಿಲಾಂ. ಹೆ° ಆಮಕಾ ಭರಮೆಚೊ ವಿಷಯ ಆಸಾ" ಮ್ಹಣು ಸಾಂಗಲೆ°. ನಿವೃತ್ತ ಅಧಿಕಾರಿ ಡಾ. ಪ್ರಕಾಶ್ ಕಾಮತ್ ಹಾಂನಿ° ಶುಭಾಶಯ ಪಾಟಯಲೊ. ಎಸ್. ಎಸ್. ಎಲ್. ಸಿ. ದಾಕೂನ ಪಿ. ಜಿ. ತಾಂಯ ಸಾಬಾರ 150 ಸಾಧಕ ವಿದ್ಯಾರ್ಥಿಯಾಂಕ ಸನ್ಮಾನ ಚಲೊ. ಸಕಾಳಿ ದಾಕೂನ ವೆಗವೆಗಳೆ ಕೊಂಕಣಿ ಸ್ಫರ್ಧೆ ಚಲೆ. ಜಿಕಿಲ್ಯಾಂಕ ಇನಾಂ ವಾಂಟಚೆ° ಜಾಲೆ°. ಸಂಘಾಚೊ ಅಧ್ಯಕ್ಷ ಡಾ. ಕೆ. ಮೋಹನ್ ಪೈ ಹಾಂನಿ° ಸ್ವಾಗತಾಚೆ ಉತ್ರ° ಸಾಂಗಲಿ°. ಸಹ ಕಾರ್ಯದರ್ಶಿ ಡಾ. ರಮೇಶ್ ಪೈ ಹಾಂನಿ° ಆಬಾರ ಮಾನಲೊ. ಸುಚಿತ್ರಾ ಶೆಣೈನ ಸೂತ್ರ ಸಂಚಾಲನ ಕೆಲೆ°. ಎಚ್ ವಿ ಕಾಮತ, ಉಷಾ ಮೋಹನ್ ಪೈ, ಮಾಧವರಾಯ ಪ್ರಭು, ಎಂ. ಆರ್. ಕಾಮತ್, ಗೋವಿಂದರಾಯ್ ಪ್ರಭು, ಮೀನಾಕ್ಷಿ ಪೈ, ಚಂದ್ರಿಕಾ ಮಲ್ಯ, ವಿದ್ಯಾ ಬಾಳಿಗಾ, ವಿದ್ಯಾ ಪೈ, ಮೇಘನಾ ಪೈ, ವೆಂಕಟೇಶ್ ಬಾಳಿಗಾ ಹಾಂನಿ° ಸಂಯೋಜಕ ಆಶಿಲೆ.
ಸೆ. 9 - ಕೊಂಕಣಿ ಮಾನ್ಯತಾ ದೀವಸ ಆಚರಣ
ಮಂಗಳೂರು: ಮಾಕ್ಷಿಚೆ 42 ವರಸ ದಾಕೂನ ಕೊಂಕಣಿ ಭಾಸ ಆನಿ ಸಂಸ್ಕೃತಿಚೆ ಸೇವಾ ದೀವೂನ ಆಸಚೊ ಸಂಸ್ಥೊ ಕೊಂಕಣಿ ಸಾಂಸ್ಕೃತೀಕ ಸಂಘ, ಮಂಗಳೂರು ಹಾಂನಿ° ಸೆ. 9 ಶನಿವಾರ ಸಾಂಜವೇಳಾ 5.00 ಗಂಟ್ಯಾಕ ಕೊಂಕಣಿ ಮಾನ್ಯತಾ ದೀವಸ ಆನಿ ಸಂಸ್ಥಾಪಕ ಜಿ. ಜಿ. ವಾಸುದೇವ ಪ್ರಭು ಸಂಸ್ಮರಣಾ ದೀವಸ ಆಚರಣ ಕರತ ಆಸಾತಿ. ಡೊಂಗರಕೇರಿಚೆ ಕೆನರಾ ಶಾಳಾಚೆ ಸುಧೀಂದ್ರ ಸಬಾಭವನಾಂತು ಚಲಚೆ ಹ್ಯಾ ಕಾರ್ಯಕ್ರಮಾಂತು° ಮಂಗಳೂರು ವಿಶ್ವವಿದ್ಯಾನಿಲಯಾಚೆ ಕೊಂಕಣಿ ಅಧ್ಯಯನ ಪೀಠಾಚೊ ಸಂಚಾಲಕ ಡಾ. ಜಯವಂತ ನಾಯಕ್ ಹಾಂಕಾ° "ಕೊಂಕಣಿ ಸಾಂಸ್ಕೃತೀಕ ರಾಯಬಾರಿ" ಪ್ರಶಸ್ತಿ ಪ್ರದಾನ ಕರತಾತಿ. ಮುಖೇಲ ಸೊಯರೊ ಜಾವನು ಎಸ್. ಎಲ್. ಶೇಟ್ ಜ್ಯುವೆಲ್ಲರ್ಸ ಎಂಡ್ ಡೈಮಂಡ್ ಹೌಸ್ ಹಾಜೊ ಎಂ. ಪ್ರಶಾಂತ್ ಶೇಟ್ ಆನಿ ಮಾನಾಚೆ ಸೊಯ್ರೆ ಜಾವನು ಸಾಮರಸ್ಯ ಮಂಗಳೂರು ಹಾಜಿ ಅಧ್ಯಕ್ಷಾ ಮಂಜುಳಾ ನಾಯಕ್ ಆನಿ ಕೊಡಿಯಾಲ ಖಬರ ಡಾಟ್ ಕಾಮ್ ಹಾಜೊ ಸಂಪಾದಕ ವೆಂಕಟೇಶ ಬಾಳಿಗಾ ಮಾವಿನಕುರ್ವೆ ಉಪಸ್ಥಿತ ಆಸತಲೆ. ಸಂಘಾಚೊ ಅಧ್ಯಕ್ಷ ಮಣೇಲ್ ಗಜಾನಾನ್ ಶೆಣೈ ಕಾರ್ಯಕ್ರಮಾಚೊ ಅಧ್ಯಕ್ಷ ಆಸತಲೆ. ಸಭಾ ಕಾರ್ಯಕ್ರಮಾಚೆ ಉಪರಾಂತ ಪ್ರತಿಮಾ ನಾಯಕ್ ಹಾಂನಿ° ಬರೋವನು ನಿರ್ದೇಶನ ಕೆಲೆಲೆ° ಕೊಂಕಣಿ ಕೊಂಕಣಿ ನಾಟ್ಕುಳೆ° ಆನಿ ಹೇರ ಸಾಂಸ್ಕೃತೀಕ ಪ್ರದರ್ಶನ ಜಾವಚೆ° ಆಸಾ ಮ್ಹಣು ಸಂಘಾಚೊ ಕಾರ್ಯದರ್ಶಿ ಕೃಷ್ಣ ಕಾಮತ ಹಾಂನಿ° ಕಳವಣಿಂತು° ಸಾಂಗಲಾ°.
ಉಡುಪಿ ಶ್ರೀ ಲಕ್ಷ್ಮೀ ವೆಂಕಟೇಶ ದೇವಸ್ಥಾನ
ಉಡುಪಿ ಶ್ರೀ ಲಕ್ಷ್ಮೀ ವೆಂಕಟೇಶ ದೇವಳಾಂತು°
ಮುοಡ್ಕೂರು: ಹಾಂಗಾಚೆ ಶ್ರೀ ವಿಠೋಭ ದೇವಳಾಂತು°
ಉದ್ಯೋಗ ಆನೀ ನಿರುದ್ಯೋಗ ಡಾ| ಅರವಿಂದ
18:53:41 ವಿಶ್ವ ಕೊಂಕಣಿ ಕೇಂದ್ರ ‘ಕ್ಷಮತಾ
This application is only for the poor
कोंकणिंतल्या अस्तुरी साहित्याचेर
ಮಂಗಳೂರು: ವಿಶಂತಿ ಸಂಭ್ರಮಾοತು ಆಸಚೆ
ಬೆಂಗಳೂರು: ಹಾಂಗಾಚೆ ಮಲ್ಲೇಶ್ವರಂಚೆ ಗೌಡ
An Appeal to the members of the GSB Community
जेसन पींत, SDB, उद्यावर, उडुपी (MA कोंकणी)
ಕೊಡಿಯಾಲ ಖಬರ ಸಾನ ಕಾಣಿಯೊ ಬರೊವಚೆ ಸ್ಪರ್ಧೆಂತು°
ಪರಬೆಕ ತಿಸ್ರೆ ಲ್ಹಾರಾಚೆ ಭಯ ವಿಶ್ವಾಕಚ ಕರೋನಾಚೆ ಭಯ
ನವೆಂಬರ ಮ್ಹಯನೊ ಸರನು ದಶಂಬರ ಪಾವಚೆ ಸಂದರ್ಭಾರ ಲೋಕಾಂಕ
ಅಮ್ಚಿಗೆಲೆ ಪರ್ಬೆ ರಾಂದಪ ಅಮ್ಚಿ ರಾಂದಪ ಭಾರಿ ಸುಲಭಗೊ
ಪ್ರಾಕ ದಕೂನು ಪ್ರಸ್ತೂತಾಕ ಎತ್ತಾನ ಅಮ್ಗೆಲೆ ಖಾಣಜವಣ,
ಶ್ರಾವಣ ಮಾಸು ಆನಿ ಚೂಡಿ ಪೂಜಾ ಅಶ್ಶಿ ತಶ್ಶಿ ಪೊಳೊಚೆ
ಮನು ಕುಲ ಕಳನು ಕೀ ಕಳನಾಶಿ° ಚೂಕಿ ಕೆಲ್ಲಾರಿ ಆವಸು
कोरोना महामारी भारताक येवनु ६ महिने जाले.
ಗುಜರಾತ ರಾಜ್ಯಂತು ಸಾಬಾರ ಸಂಖ್ಯೆರಿ ಜೈನ ಸಮುದಾಯ ಭೊ
Well Wishers
Most Read
- “ದಕ್ಷಿಣದ ಸಾರಸ್ವತರು”
- ಆಧುನಿಕ ಮಹಾಭಾರತ
- कन्याकुमारिच्या स्वामी विवेकानंद स्मारकाक ५० वरसां
- ರಚನಾ...
- ಕುದ್ಮುಲ ರಂಗರಾವ್
- ಸತ್ಯನಾರಾಯಣ ಪೂಜಾ
- ಘರ ಏಕ್ ದೇವುಳ
- कोरोनान शिकयिलो पाठ
- तुळशी काट्टो
- ಜುನಾಗಢ್
- GSB Scholarship League Application
- ವಾಯು ದಳಾಂತು ಕೊಂಕಣಿ ಮಹಿಳಾ ರಶ್ಮಿ ಭಟ್
- ವಿಧಿ ಲಿಖಿತ
- ಮಸೀಂಗ
- ಘರ ಏಕ್ ದೇವುಳ -2
- ಹುಂಬರು (ಉಂಬರು)
- 'ಮಹಾ ಸರಕಾರ"
- ತಾಕೀತ (ತಾಕೀದ)
- भारताचे अमृत स्वातंत्र महोत्सवाचे पांच अमृत घडियो
- स्वावलंबन आनी आत्मविश्वास
- ಗುಜರಾತ - ಪಾಲಿಟಾನಾ
- ಶಿಕ್ಷಣ ಕ್ಷೇತ್ರಾಕ ಗ್ರಹಣ
- ಗಾಂಧೀಜಿ ಆನಿ ಆತ್ಮನಿರ್ಭರತಾ
- ಉದ್ಯೋಗ ಆನೀ ನಿರುದ್ಯೋಗ
- अस्तंगत जाल्यो कोंकणीचे मळबांतलीं दोन जगमगी नकेत्रां
- ಅಂತರಾಷ್ಟ್ರೀಯ ವನಿತಾ ದಿವಸು
- ಅಕಾಲಿಕ ಪಾವಸಾ ಮಧೆ ಮಾಲಿನ್ಯ ! - ಅರವಿಂದ ಶಾನಭಾಗ, ಬಾಳೆರಿ
- ವಿಶ್ವ ಕೊಂಕಣಿ ಕೇಂದ್ರ ‘ಕ್ಷಮತಾ ಅಕಾಡೆಮಿ’ 2021
- SUKRTINDRA ORIENTAL RESEARCH INSTITUTE
- ಲಾಕ್ಡೌನ್
Homage
Who is Online?
We have 108 guests and no members online